Global Press

Georgia

Global PressGlobal PressGlobal PressGlobal Press

USD
2.6984
EUR
3.0246
RUR
0.0421
GBP
3.4912

სისხლიანი გარჩევა თბილისში - დიდ დიღომში, პეტრიწის ქუჩაზე 18 წლის ახალგაზრდა საცხოვრებელი კორპუსის ეზოში დაჭრეს. პირველადი დახმარება დაშავებულს ადგილობრივმა აღმოუჩინა. მოზარდს სხეულზე დაზიანება ორ ადგილას ჰქონდა.

 

დაპირისპირება, რომელიც 18 წლის მოზარდის დაჭრით დასრულდა, პეტრიწის ქუჩის ოთხ ნომერთან დაიწყო. ჩხუბში 20-მდე ახალგაზრდა მონაწილებდა. ისინი ჯერ სიტყვიერად შეკამათდნენ, მას შემდეგ კი, რაც ჩხუბი ცენტრალურ გამზირზე ადგილობრივებისთვის შესამჩნევი გახდა, საქმის გარჩევა კორპუსების უკანა მხარეს, ბნელ ეზოში, ავტოფარეხებთან გააგრძელეს. კონფლიქტის მოტივი ამ დრომდე უცნობია.

 

ჩხუბის შემდეგ სისხლის კვალი რამდენიმე ადგილას დარჩა. ცივი იარაღით დაჭრილი ბიჭი სასწრაფო სამედიცინო დახმარების ჯგუფმა ქირურგიის ეროვნულ ცენტრში გადაიყვანა. დაზარალებულს სასწრაფო ოპერაცია დასჭირდა. პაციენტის მდგომარეობა ამ დროისთვის სტაბილურია.

 

მომხდარზე გამოძიება განზრახ მკვლელობის მცდელობის მუხლით დაიწყო. არის თუ არა სისხლიან გარჩევაში მონაწილე ყველა პირის ვინაობა გარკვეული, შინაგან საქმეთა სამინისტრო ინფორმაციას ჯერ არ ავრცელებს.

ეკა ბესელიას პირადი ცხოვრების ამსახველი კადრების გასაჯაროების ფაქტზე გუშინ ერთი პირი დააკავეს. ამის შესახებ შინაგან საქმეთა მინისტრის მოადგილემ განაცხადა.

 

ნათია მეზვრიშვილის თქმით, დაკავებული არასრულწლოვანია. მისი განცხადებით, ამ ეტაპზე პირადი ცხოვრების ამსახველი კადრების ინტერნეტსივრცეში კიდევ ერთხელ გავრცელების შემკვეთი არ იკვეთება.

 

„ამ ეტაპზე მოვახერხეთ, დავაკავეთ უკვე, მოზარდია დაკავებული. სამწუხაროა, რომ მოზარდია დაკავებული. დეტალებს ბევრს ვერ გეტყვით ახლა იმიტომ, რომ მიმდინარე პროცესია. სხვა საგამოძიებო მოქმედებებსაც ვატარებთ და ალბათ, რომ დასრულდება შეხვედრა უფრო მეტი დეტალის თქმის შესაძლებლობა მომეცემა. მოზარდია დაკავებული, მის მიერ არის ეს ვიდეო ატვირთული. როგორც ჩემთვის ამ ეტაპზე ცნობილია აღიარებს ამ ქმედებს. ინტერესი არანაირი პირადი თემა არ ყოფილა. ჩვეულებრივი რიგითი მოქალაქეა, რომელმაც ეს ვიდეო ატვირთა. ატვირთა იუთუბზე, ამ ეტაპზე ამ ნაწილში შემკვეთი არ იკვეთება,“- განაცხადა ნათია მეზვრიშვილმა.

 

შეგახსენებთ, რომ დეპუტატ ეკა ბესელიას პირადი ცხოვრების ამსახველი კადრები ისევ ინტერნეტსივრცეში გავრცელდა. გაზეთ „ქრონიკა პლუსის“ მთავარმა რედაქტორმა, ელისო კილაძემ ფარული კადრების შესახებ ინფორმაცია Facebook-ზე მიიღო.

თურქეთის სასამართლომ, საფეხბურთო კლუბ „ცხინვალის“ ხუთივე ფეხბურთელი გაამართლა. როგორც კლუბის პრესსამსახურის ხელმძღვანელმა, ზურა კარტოზიამ განაცხადა, ფეხბურთელები უახლოეს დღეებში სამშობლოში დაბრუნდებიან და საფეხბურთო საქმიანობას ჩვეულებისამებრ გააგრძელებენ. მისივე ინფორმაციით, თურქეთის სასამართლომ ქართველი ფეხბურთელების წინააღმდეგ არც ფინანსური და არც სადეპორტო სანქცია არ გამოიყენა, რაც მათ სრულ უდანაშაულობაზე მეტყველებს.

 

„ისინი ამ დრომდე იმყოფებოდნენ სასტუმროში. მათი საპატიმრო დაწესებულებაში გადაყვანა არ მომხდარა, უბრალოდ მათ ქვეყნის ტერიტორიის დატოვება აკრძალული ჰქონდათ“, - აღნიშნა ზურა კარტოზიამ.

 

შეგახსენებთ, რომ თურქული მედიის ინფორმაციით, 21 თებერვალს, ანტალიის სავაჭრო ცენტრში „ცხინვალის“ 5 ფეხბურთელი - გიორგი ბ., კახა კ., პაპუნა მ., დათა ს. და გურამ მ. ქურდობაზე დააკავეს. საფეხბურთო კლუბი „ცხინვალი“ კი, დაკავებასთან დაკავშირებულ ინფორმაციას კატეგორიულად უარყოფდა და აცხადებდა, რომ მაღაზიაში გაუგებრობას ჰქონდა ადგილი.

შსს-ში პირადი ცხოვრების ამსახველი მორიგი ვიდეოჩანაწერის გავრცელების თაობაზე ჟურნალისტ ელისო კილაძის გამოკითხვა დასრულდა.

 

როგორც გამოკითხვის დასრულების შემდეგ ელისო კილაძემ ჟურნალისტებს განუცხადა, პირადი ცხოვრების ამსახველი მასალის გავრცელების თაობაზე გამოძიებას მის ხელთ არსებული ყველა ინფორმაცია მიაწოდა. კილაძე სამინისტროში გამომძიებლების კითხვებს დაახლოებით 2 საათის განმავლობაში პასუხობდა.

 

„გამოძიებას ჰქონდა კითხვები იმ „ფეისბუქ“ მომხმარებელთან დაკავშირებით, რომელმაც ჩემს სტატუსზე პირველად დაწერა ინფორმაცა იმის თაობაზე, რომ პირადი ცხოვრების ამსახველი ფირი გასაჯაროვდა. ასევე მათ, გადავეცი მტკიცებულებები იმის დასტურად, რომ ეს შეტყობინება მე, ნამდვილად მივიღე. შემდეგ შსს-ს გადავეცი ლინკი, სადაც განთავსებული იყო პირადი ცხოვრების ამსახველი ფირი. გადავეცი ინფორმაცია იმის თაობაზე, რომ გამოვიძახე პატრული და ამას შესაბამისი რეაგირება მოჰყვა.

 

დაკავებულ პირთან მიმართებაში გარკვეული ეჭვები მაქვს. ვფიქრობ, ის არ არის ისეთი რიგითი მოზარდი, რომ ინფორმირებული არ იყოს, თუ რას ნიშავდა პირადი ცხოვრების ამსახველი მასალის youtobe-ზე ატვირთვა. ჩემი ინფორმაციით, ის აქტიური პირია. სხვადასხა პოლიტიკურ გაერთიანებებთან ჰქონდა აქტივობები”, - განაცხადა კილაძემ.

შინაგან საქმეთა სამინისტროს ქვემო ქართლის პოლიციის დეპარტამენტის რუსთავის საქალაქო სამმართველოს თანამშრომლებმა ქურდობის ბრალდებით, ორი არასრულწლოვანი - 2004 წელს დაბადებული გ.ვ. და 2002 წელს დაბადებული ლ.ა. ამხილეს.

 

შსს-ს ინფორმაციით, დანაშაული 3-დან 5 წლამდე ვადით თავისუფლების აღკვეთას ითვალისწინებს.

 

მათივე ცნობით, გამოძიებით დადგინდა, რომ არასრულწლოვნებმა მიმდინარე წლის 24 მარტს რუსთავში მდებარე მაღაზია „ზუმერიდან“ 25 000 ლარის ღირებულების მობილური ტელეფონები მოიპარეს და თბილისში, ერთ-ერთ მაღაზიაში ჩააბარეს.

 

სამართალდამცველებმა ნაქურდალი ტექნიკა ნივთმტკიცების სახით ამოიღეს.

 

გამოძიება ქურდობის ფაქტზე, საქართველოს სსკ-ს 177-ე მუხლის მე-2 ნაწილის „ა“ და „ბ“ ქვეპუნქტებით მიმდინარეობს.

ათასობით მოქალაქე და პარლამენტის 27 დეპუტატი ჩამოვიდა გურჯაანის რაიონულ სასამართლოში, მოსამართლემ როცა ეს სურათი ნახა, იძულებული გახდა სამართლებრივი ჩარჩოდან გასულიყო და აბსურდული გადაწყვეტილება მიიღო, - ამის შესახებ ჟურნალისტებს გურჯაანის რაიონულ სასამართლოსთან „ერთიანი ნაციონალური მოძრაობის" დაკავებული ლიდერის, დავით კირკიტაძის ადვოკატმა, გიორგი კონდახიშვილმა განუცხადა.

 

როგორც ადვოკატი აცხადებს, დავით კირკიტაძე უკანონო პატიმრობაში იმყოფება.

 

„სამწუხაროა, რომ სასამართლო სხვადასხვა მიზეზების გამო ვარდება მსგავს სიტუაციაში. ყველაფერი დღესავით ნათელია, სასამართლო თავისივე სამართლებრივ განმარტებას, რომელიც წინა სხდომაზე გააკეთა, დაუპირისპირდა და თქვა, რომ ეს არ მითქვამს, ეს არ მიგულისხმიაო. თუმცა, ყველაფერი ჩაწერილია. დღეს სასამართლომ შუამდგომლობა საერთოდ არ განიხილა და თქვა, რომ ახალი გარემოება არ არსებობს. ეს ძალიან სამწუხაროა“, - განაცხადა კონდახიშვილმა.

 

როგორც ის აღნიშნავს, დავით კირკიტაძის საქმეს ადამიანის უფლებათა ევროპულ სასამართლოში წაიღებენ და დაამტკიცებენ იმას, რომ სასამართლოს უკანონო გადაწყვეტილებები გამოაქვს.

 

დავით კირკიტაძის ბრალდების სისხლის სამართლის საქმეზე შემდეგი სასამართლო სხდომა 19 მარტს, 15:00 საათზე გაიმართება.

საქართველოში ამერიკის შეერთებული შტატების კონსული ჯენეთ რებერი ხადას ხეობაში მომხდარი მკვლელობის საქმეზე მალხაზ კობაურისთვის სამუდამო პატიმრობის შეფარდებას „სამართლიან გადაწყვეტილებად“ აფასებს.

 

როგორც კონსულმა ჟურნალისტებს განუცხადა, სმიტების ოჯახი დაკავებულისთვის სწორედ სამუდამო პატიმრობის შეფარდებას ითხოვდნენ.

 

„გვსურს მადლობა გადავუხადოთ ნაფიც მსაჯულებს, მოსამართლეს, სასამართლოს, ყველა იმ ხალხს, ვინც ამ საქმეზე მუშაობდა. ძალიან მჭიდროდ ვაკვირდებოდით ამ საქმეს, გვქონდა კომუნიკაცია მსხვერპლთა ოჯახთან. მტკიცებულებები არ ტოვებს სივრცეს რაიმე ეჭვისთვის. სმიტების ოჯახის წევრები სამუდამო სასჯელის გამოტანას უჭერდნენ მხარს. ეს იყო სამართლიანი სასამართლო და სასჯელიც სამართლიანია“, - განაცხადა ამერიკის შეერთებული შტატების კონსულმა.

 

ხადას ხეობაში სმიტების ოჯახის სამი წევრის მკვლელობასა და ლორა სმიტის გაუპატირების საქმეზე მსჯავრდებულ მალხაზ კობაურს მოსამართლემ უვადო თავისუფლების აღკვეთა შეუფარდა. მოსამართლის მიერ გამოცხადებულ გადაწყვეტილებას სასამართლო დარბაზში კობაურის ოჯახის უკმაყოფილება და ხმაური მოჰყვა.

 

შეგახსენებთ, რომ ხადას ხეობაში სმიტების ოჯახის სამი წევრის მკვლელობაში ბრალდებულ მალხაზ კობაურს ნაფიცმა მსაჯულებმა 25 მარტს, 4 საათიანი თათბირის შემდეგ, გამამტყუნებელი ვერდიქტი გამოუტანეს.

 

კობაური ნაფიცმა მსაჯულებმა წარდგენილ ყველა ბრალში ერთხმად დამნაშავედ სცნეს, მათ შორის, ლორა სმიტის გაუპატიურებაშიც.

საქართველოს სახელმწიფო უსაფრთხოების სამსახური ახალ ზელანდიაში მომხდარ ტერაქტთან დაკავშირებით სტრატეგიულ პარტნიორებთან თანამშრომლობს, რათა მოხდეს დეტალური ინფორმაციის მიღება დაკავებული პირებისა და ამოღებული იარაღის შესახებ, - ამის შესახებ სახელმწიფო უსაფრთხოების სამსახურის განცხადებაშია ნათქვამი.

 

მათივე ინფორმაციით, უცხოურ მედიაში გამოქვეყნდა ახალ ზელანდიაში მომხდარი ტერორისტული აქტის დროს გამოყენებული ცეცხლსასროლი იარაღის მჭიდების ფოტოსურათები.

 

„მათზე დატანილი იყო სიმბოლოები და წარწერები სხვადასხვა ენაზე, მათ შორის ქართულ ენაზეც. საქართველოს სახელმწიფო უსაფრთხოების სამსახური უკვე თანამშრომლობს სტრატეგიულ პარტნიორებთან, რათა მოხდეს დეტალური ინფორმაციის მიღება მომხდარი ტერორისტული აქტის დროს დაკავებული პირებისა და ამოღებული იარაღის შესახებ. სახელმწიფო უსაფრთხოების სამსახური უსამძიმრებს ახალი ზელანდიის მოსახლეობას მომხდარი ტერორისტული აქტის გამო“, - აღნიშნულია სუს-ის განცხადებაში.

 

შეგახსენებთ, რომ ახალ ზელანდიაში ორ მეჩეთში მომხდარი სროლის შედეგად, 40 ადამიანი დაიღუპა. Daily Mail ახალ ზელანდიაში, მეჩეთებზე თავდამსხმელის იარაღის ფოტოს აქვეყნებს, რომელსაც სხვადასხვა ადამიანთან ერთად, ქართულ ენაზე, დავით სოსლანისა და დავით აღმაშენებლის სახელებიც აწერია. როგორც გამოცემა აღნიშნავს, იარაღზე დატანილია იმ ადამიანების სახელები, რომლებმაც წარსულში „მასობრივი მკვლელობები ჩაიდინეს“.

„ერთიანი ნაციონალური მოძრაობის" წევრის დავით კირკიტაძისთვის აღკვეთის ღონისძიების სახით შეფარდებული პატიმრობა გურჯაანის რიონულმა სასამართლომ ძალაში დატოვა.

 

აღნიშნულ გადაწყვეტილებას დარბაზში ხმაური მოჰყვა. მოსამართლემ მანდატურებს სთხოვა დამსწრეებს დარბაზი დაეტოვებინათ.

 

"თქვენ ხართ ის მოსამართლე, ვინც ადამიანი გაასამართლეთ მკვლელობისთვის და მოკლული ცოცხალი აღმოჩნდა", - ამ სიტყვებით მიმართა „ნაციონალური მოძრაობის“ ერთ-ერთმა ლიდერმა ნიკა მელიამ მოსამართლეს.

 

აღნიშნულთან დაკავშირებით კი, მოსამართლემ განუცხადა, რომ ეს მისი გადაწყვეტილება არ ყოფილა და მელიას მიუთითა, კითხვა ესწავლა.

 

ადვოკატმა, გიორგი კონდახიშვილმა დღევანდელ სასამართლო სხდომაზე შუამდგომლობა დააყენა, რომლის მიხედვითაც ის კირკიტაძის მიმართ ნაკლებად მძიმე აღკვეთის ღონისძიების გამოყენებას და თავდებობით მის გათავისუფლებას ითხოვდა.

 

ადვოკატმა მოსამართლეს ასევე განუმარტა, რომ კირკიტაძე ციხეში დაოჯახდა და ასევე, გარდაცვლილი ჰყავს ოჯახის წევრი, რომლის დაკრძალვაც ხუთშაბათს არის. კონდახიშვილმა აღნიშნა, რომ ამ თემით არ სპეკულირებს, თუმცა, ეს პირადი ტრაგედიაა.

 

კონდახიშვილმა ასევე 2 000 მოქალაქის თავდებობის შესახებ წერილიც წარადგინა.

 

აღნიშნული შუამდგომლობა ადვოკატმა გასულ სასამართლო პროცესზეც დააყენა, თუმცა, მოსამართლემ აღნიშნული შუამდგომლობა არ დააკმაყოფილა და განმარტა, რომ ის ტექნიკურად მომზადებული არ იყო. აღნიშნულ შუამდგომლობას ბრალდების მხარე არ დაეთანხმა. როგორც პროკურორმა განმარტა, საქმის მასალებიდან იკვეთება, რომ დავით კირკიტაძე გამოძიებას თავს არიდებდა. ბრალდების მხარის თქმით, პარლამენტარების თავდებობა ვერ უზრუნველყოფს ახალი დანაშაულის ჩადენის აცილებას, რადგან აქციაზე დეპუტატების ყოფნა ვერ გახდა კირკიტაძისთვის შემაკავებელი.

 

მოსამართლემ განმარტა, რომ გასულ სხდომაზე შუამდგომლობის მხოლოდ ტექნიკურ პრობლემაზე არ მიუთითებია. მოსამართლის განცხადებით, აღკვეთის განხილვა ორ თვეში ხდება.

 

შეგახსენებთ, რომ დავით კირკიტაძეს ბრალი სისხლის სამართლის კოდექსის 353-ე პრიმა მუხლით აქვს წაყენებული, რაც სამსახურეობრივი მოვალეობის დროს პოლიციელზე თავდასხმას გულისხმობს.

 

აღნიშნული დანაშაული 4-დან 7 წლამდე თავისუფლების აღკვეთას ითვალისწინებს.

 

რაც შეეხება მეორე პირს, ვალერი მუსაევს, მას აღკვეთის ღონისძიების სახით 5 000-ლარიანი გირაო აქვს შეფარდებული.

ხადას ხეობაში სმიტების ოჯახის სამი წევრის მკვლელობასა და ლორა სმიტის გაუპატირების საქმეზე მსჯავრდებულ მალხაზ კობაურს მოსამართლემ უვადო თავისუფლების აღკვეთა შეუფარდა. მოსამართლის მიერ გამოცხადებულ გადაწყვეტილებას სასამართლო დარბაზში კობაურის ოჯახის უკმაყოფილება და ხმაური მოჰყვა. გადაწყვეტილების გამოცხადების შემდეგ შეუძლოდ გახდა კობაურის დედა, ასევე ოჯახის ერთ-ერთი ახლობელი, რომელმაც გონება დაკარგა. ისინი რამდენიმე წუთის წინ, სასწრაფო დახმარების ბრიგადამ საავადმყოფოში გადაიყვანა.

 

აღნიშნული გადაწყვეტილება რამდენიმე წუთის წინ, გორის რაიონული სასამართლოს მოსამართლემ, გოგა კუპრეიშვილმა გამოაცხადა.

 

შეგახსენებთ, რომ ხადას ხეობაში სმიტების ოჯახის სამი წევრის მკვლელობაში ბრალდებულ მალხაზ კობაურს ნაფიცმა მსაჯულებმა 25 მარტს, 4 საათიანი თათბირის შემდეგ, გამამტყუნებელი ვერდიქტი გამოუტანეს.

 

კობაური ნაფიცმა მსაჯულებმა წარდგენილ ყველა ბრალში ერთხმად დამნაშავედ სცნეს, მათ შორის, ლორა სმიტის გაუპატიურებაშიც.

ახალწვეული ქაზიმ გახრამანოვის მიმართ ფიზიკური ძალადობისა და გამოძალვის ფაქტზე დაკავებული პირები თანამდებობის პირები არ არიან, - ამის შესახებ ,,გლობალპრესს“ თავდაცვის სამინისტროში განუცხადეს.

 

,,სამხედრო პოლიციის მიერ დაკავებული პირები თანამდებობის პირები არ არიან, ისინი ახალწვეულები არიან. ინციდენტი ახალწვეულებს შორის მოხდა. მათ სახელებს და გვარებს უდანაშაულობის პრეზუმფციიდან გამომდინარე ვერ დავასახელებთ“, - განაცხადეს თავდაცვის სამინისტროში.

 

შეგახსენებთ, რომ საქართველოს თავდაცვის სამინისტროს თავდაცვის ძალების სამხედრო პოლიციამ ორი პირი დააკავა. ახალწვეული ქაზიმ გახრამანოვი, რომელიც სამხედრო სავალდებულო სამსახურს უკვე 5 თვეა „კრწანისის“ სასწავლო ცენტრში გადის, რამდენიმე პირს ოფიცრის თანდასწრებით, თანხის გამოძალვასა და ფიზიკური შეურაცხყოფის მიყენებაში ადანაშაულებს.

გიორგი ქადაგიძემ გამოძიების შეკითხვებს პასუხები ვერ გასცა, როგორც მან განაცხადა, არც „თიბისი ბანკის“ შემოწმების პროცესი ახსოვს და არც ბანკის შემოწმების შედეგები, - ამის შესახებ „თიბისი ბანკის“ საქმის პროკურორმა არჩილ ტყეშელაშვილმა ჟურნალისტებს საქალაქო სასამართლოში, ქადაგიძის გამოკითხვის შემდეგ განუცხადა.

 

როგორც ტყეშელაშვილი განმარტავს, ქადაგიძემ გამოძიებას მნიშვნელოვანი ინფორმაცია ვერ მიაწოდა. პროკურორის განცხადებით, მასთან კითხვები როგორც „თიბისი ბანკის“ შემოწმების პროცესთან დაკავშირებით ჰქონდათ, ასევე შემოწმების შედეგთანაც.

 

„გიორგი ქადაგიძემ გამოძიებას ვერ მიაწოდა ვერანაირი მნიშვნელოვანი ინფორმაცია, ვინაიდან ყველაფერზე აცხადებს, რომ ეს დეტალები არ ახსოვს. გიორგი ქადაგიძე 2008 წელს იყო საფინანსო ზედამხედველობის საგენტოს უფროსი, აღნიშნულ პერიოდში, ამ სააგენტოს ჩატარებული აქვს „თიბისი ბანკის“ შემოწმება და გიორგი ქადაგიძე როგორც ხელმძღვანელი, იყო ამ პერიოდში ამ სააგენტოში. ჩვენ გაგვაჩნდა შეკითხვები შემოწმების პროცესთან და შემოწმების შედეგთან დაკავშირებით და როგორც გიორგი ქადაგიძე აცხადებს, მას არ ახსოვს არც შემოწმების პროცესი და არც შემოწმების შედეგები. სხვა დეტალებზე გამოძიების ინტერესებიდან გამომდინარე, პასუხებს ვერ გაგცემთ“, - განაცხადა ტყეშელაშვილმა.

ექსკლუზიური
01 ივნისი 2018
მაკა ჩიჩუა მთავარ პროკურატურასთან მიმდინარე აქციაზე მივიდა

მე ვარ იმ ადამიანების გვერდით ვინც ამხელა ტრაგედიის მსხვერპლია, - ამის შესახებ საქართველოს...

01 ივნისი 2018
ზაზა სარალიძე და მისი მხარდამჭერები უკვე რუსთაველის გამზირზე იმყოფებიან

ზაზა სარალიძე და მისი მხარდამჭერები უკვე რუსთაველის გამზირზე იმყოფებიან ზაზა სარალიძე და მ...

01 ივნისი 2018
ზაზა სარალიძის მხარდასაჭერი აქცია ქუთაისში, პარლამენტთან მიმდინარეობს

ზაზა სარალიძის მხარდასაჭერი აქცია ქუთაისში, პარლამენტთან მიმდინარეობს ქუთაისში ზაზა სარალი...

01 ივნისი 2018
მინდა, თხოვნით მივმართო ბატონ გიორგი მარგველაშვილს, თუ შეუძლია, გამოვიდეს და დაგვიდგეს გვერდით

ზაზა სარალიძე - მინდა, თხოვნით მივმართო ბატონ გიორგი მარგველაშვილს, თუ შეუძლია, გამოვიდეს...

01 ივნისი 2018
პარლამენტთან მიმდინარე საპროტესტო აქციაზე პრემიერ–მინისტრი გიორგი კვირიკაშვილი მივიდა

საქართველოს პრემიერ მინისტრი გიორგი კვირიკაშვილი პარლამენტის წინ აქციაზე მივიდა. პრემიერს...

01 ივნისი 2018
გარდაცვლილი მოზარდების მშობლებს შეეძლებათ გამოძიებიდან ინფორმაცია ყოველდღიურად მიიღონ

გამოძიებაში, რომელსაც შსს დაიწყებს, გარდაცვლილი მოზარდების მშობლებს შეეძლებათ გამოძიებიდან...

12 ივნისი 2018
ალბათ, დასაკავებელთა სია ჰქონდათ და ავტომატურად წაიკითხეს, ჩემი დაკავების მცდელობაც არ იყო

ცოტა ხნის წინ შსს-მ გააკეთა განცხადება რომ დაკავებულია "ნაციონალური მოძრაობის წევრი ლევან...

10 დეკემბერი 2018
ირაკლი კობახიძე - პარლამენტი ყოველთვის იქნება მოწინავე პოზიციაზე, რასაც ჰქვია ადამიანის უფლებების განუხრელი დაცვა

საქართველოს პარლამენტი ყოველთვის იქნება მოწინავე პოზიციაზე, რასაც ჰქვია ადამიანის უფლებები...

10 დეკემბერი 2018
კარლ ჰარცელი - ევროკავშირს ძალიან დიდი მოლოდინი აქვს საქართველოსთან დაკავშირებით ადამიანის უფლებათა დაცვის სფეროში

საქართველოში ევროკავშირის ელჩმა, კარლ ჰარცელიმ განაცხადებით, ევროკავშირს ძალიან დიდი მოლოდ...

არქივი

« « » » აპრილი 2019
ორშ სამ ოთხ ხუთ პარ შაბ კვი
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30

ამინდი

Clear

0°C

თბილისი

Clear

სინესტე: 65%

ქარი: 9.66 km/h

  • 04 იანვარი 2019

    ნაწილობრივ ღრუბლიანი 7°C 0°C

  • 05 იანვარი 2019

    უმეტესად ღრუბლიანი 7°C 0°C

ბლოგერები

Global Press
ვალოდია ჯინჭარაძე
ბლოგერი
იხილეთ ბლოგი
Global Press
გიორგი გიორგაძე
ბლოგერი
იხილეთ ბლოგი
Global Press
მერაბ ცაავა
ბლოგერი
იხილეთ ბლოგი

ყველა ბლოგერი

ჟურნალისტური გამოძიება

ყველა გამოძიება

გამოკითხვა

საქართველოში, პროსტიტუციის ლეგალიზაცია უნდა მოხდეს თუ არა?