Global Press

Georgia

Global PressGlobal PressGlobal PressGlobal Press

USD
3.2242
EUR
3.8094
RUR
0.0421
GBP
4.1992

მეხანძრე-მაშველებმა აჭარაში, ხელვაჩაურის მუნიციპალიტეტში მესამე ადამიანის ცხედარი იპოვეს.

 

120 მეხანძრე-მაშველი და მძიმე ტექნიკა, დაახლოებით, 40 000 ტონა მეწყრულ მასაში მოყოლილი მოქალაქეების საძიებო სამუშაოებს 24-საათიან, უწყვეტ რეჟიმში განაგრძობს.

 

მიწის მასამ საცხოვრებელი სახლი წაიღო და გზაზე მიმავალი მანქანა მოიყოლა.

 

ცოტა ხნის წინ ხელვაჩაურში სტიქიის ზონაში მაშველებმა ორი ადამიანის ცხედარი იპოვეს.

სტიქიაა რაჭაში. ძლიერი წვიმის შედეგად მდინარე რიონი ადიდდა და მოსახლეობას პრობლემები შეუქმნა.

 

დაიტბორა ნაკვეთები, განადგურდა ნათესები, დაზიანდა ხიდები და ნაკვეთებამდე მისასვლელი გზა ჩამოშალა

 

. გარესამყაროს სულ 12 სოფელია მოწყვეტილი. სტიქიის გამო ონის რაიონის სოფელ ღარში მხარის რწმუნებული არჩილ ჯაფარიძე და ადგილობრივი ხელისუფლების წარმომადგენლები იმყოფებიან.

ატლანტის ოკეანეში შტორმი „არტური“ წარმოიქმნა. ამის შესახებ CNN-ი იტყობინება.

 

ტელეარხის ცნობით, წელს ეს პირველი შტორმია, რომელსაც სახელი მიენიჭა. სინოპტიკოსების ინფორმაციით, სტიქიის ეპიცენტრში ქარის მაქსიმალური სიჩქარე საათში 64.3 კილომეტრს აღწევს, თავად შოტრმი კი საათში 14.4 კილომეტრის მანძილს ფარავს. სპეციალისტების პროგნოზით, ორშაბათს შტორმი ჩრდილოეთ კაროლინის სანაპიროსთან გადაინაცვლებს. ამ ეტაპზე შტორმის გაძლიერება ნაკლებად სავარაუდოა.

 

ატლანტის ოკეანეს შტორმების სეზონი 2 კვირაში იწყება.

მაშველებმა ხელვაჩაურში, მეწყერში მოყოლილი ავტომობილი და ორი მამაკაცის ცხედარი იპოვეს. ამის შესახებ ინფორმაციას საგანგებო სიტუაციების მართვის სამსახური ავრცელებს. მათივე ინფორმაციით, 120 მეხანძრე-მაშველი და მძიმე ტექნიკა, დაახლოებით, 40 000 ტონა მეწყრულ მასაში მოყოლილი მოქალაქეების საძიებო სამუშაოებს 24-საათიან, უწყვეტ რეჟიმში განაგრძობს.

 

„ადგილზე დამატებით მობილიზებული არიან სახელმწიფო უსაფრთხოების სამსახურის და თავდაცვის სამინისტროს გამნაღმველები, რომლებიც მეწყრულ მასაში მოყოლილ ავტომობილს ეძებდნენ. საძიებო სამუშაოები, ასევე, მიმდინარეობს მდინარე სატეხიაში, საიდანაც გადავარდნილი ავტომობილი უკვე ამოღებულია, ხოლო მისი მძღოლი დაკარგულია.

 

გვიან ღამით, აჭარაში სპეციალური აღჭურვილობით ჩავიდნენ დამხმარე ძალები სამეგრელოდან, იმერეთიდან, თბილისიდან და 60 მეხანძრე-მაშველი სამუშაოებში ჩაერთო. ასევე, 2 ოქტომბერს, დილით, 50-კაციანი ჯგუფი შესაბამისი აღჭურვილობით დაიძრა თბილისიდან. აჭარაში მოსული უხვი ნალექის გამო, საზოგადოებრივი უსაფრთხოების მართვის ცენტრ "112"-ში 440 შეტყობინება შევიდა. შეტყობინებების უმრავლესობა ეხება დატბორილ ქუჩებს, საცხოვრებელი სახლების პირველ სართულებს, ეზოებს და სარდაფებს. რამდენიმე ადგილას, გზაზე, ჩამოწოლილია მიწის მასა, ჩახერგილია გზა, ადიდებულია მდინარეები და ღელეები“, - ნაათქვამია გავრცელებულ ინფორმაციაში.

სტიქიას ებრძვიან რაჭაში. ონის მუნიციპალიტეტის 12 სოფელი გარესამყაროსაა მოწყვეტილი. მხარის გუბერნატორის, არჩილ ჯაფარიძის ინფორმაციით, წაღებულია ათამდე ხიდი და დაზიანებულია ინფრასტრუქტურა.

 

ასევე, ცენტრალური გზის რამდენიმე მონაკვეთი წყალმა წაიღო, შესაბამისად გადაადგილება გართულებულია. არჩილ ჯაფარიძის თქმით, ზარალი საკმაოდ დიდია და რეგიონში რთული ვითარებაა.

ბათუმი-ქედის ცენტრალურ გზაზე, სოფელ დოლოგანთან მეწყერი ჩამოწვა.

 

დიდი რაოდენობით მიწის მასა გვიან ღამით ჩამოიშალა. არავინ დაშავებულა. როგორც ქედის მერიაში განაცხადეს, მიმდინარეობს გზის გაწმენდის სამუშაოები.

 

საავტომობილო მოძრაობა სრულიად პარალიზებულია.

საქართველოში მიწისძვრა მოხდა. მიწისქვეშა ბიძგები თბილისის დროით 23:21 საათზე დაფიქსირდა.

 

სეისმური მონიტორინგის ცენტრის ინფორმაციით, სიმძლავრემ 3.6 მაგნიტუდა შეადგინა.

 

მიწისძვრის ეპიცენტრი ქალაქ წალკიდან სამხრეთ-დასავლეთით 24 კმ-ში, სოფელ ფარავანთან დაფიქსირდა.

ძლიერი წვიმების გამო იაპონიაში 200 ათასი ადამიანის ევაკუაცია განხორციელდა. ინფორმაციას ამის შესახებ სააგენტო Kyodo ავრცელებს.

 

კუმამოტოსა და კაგოსიმას პრეფექტურებში საფრთხის მაქსიმალური დონეა გამოცხადებული, რაც ადამიანების სიცოცხლისთვის საფრთხის არსებობას გულისხმობს. ბოლო მონაცემებით, კუმამოტოს პრეფექტურაში უგზო-უკვლოდ დაკარგულად სულ მცირე 13 ადამიანი ითვლება. ძლიერი წვიმების გამო ელექტროენერგიის გარეშე 9 ათასი სახლი დარჩა.

 

პრემიერ-მინისტრის, სინძო აბეს კანცელარიაში კრიზისული შტაბი შეიქმნა. სტიქიის ეპიცენტრში 10 ათასი სამხედრო გაემგზავრა.

ტაივანზე 5,9 მაგნიტუდის სიმძლავრის მიწისძვრა მოხდა. ინფორმაციას ამის შესახებ ადგილობრივი მედია ავრცელებს.

 

ეპიცენტრი ქალაქ ტაიდუნიდან 70 კილომეტრში, 40 კილომეტრის სიღრმეზე მდებარეობდა. შესაძლო მსხვერპლის შესახებ ინფორმაცია ჯერჯერობით არ გავრცელებულა.

ავსტრალიის შტატ ახალ სამხრეთ უელსში ორ ჩანჩქერში წყალი უკუმიმართულებით - ქვემოდან ზევით მიედინება. ამის შესახებ BBC იტყობინება.

 

გამოცემის ინფორმაციით, ამ უჩვეულო მოვლენას „ამობრუნებული ჩანჩქერი“ ეწოდება, მისი გამომწვევი მიზეზი კი ძლიერი ქარია. შტატში, სამეფო პარკში ქარის სიჩქარემ საათში 70 კილომეტრი შეადგინა, ჰაერის ნაკადები ისეთი ძლიერი გამოჩნდა, რომ ჩანჩქერებმა მათ ვერ გაუძლეს.

 

პარკში გადაღებულ ფოტო და ვიდეომასალაზე ჩანს, რომ ქარი კლდეებიდან წყლის ბუნებრივ დინებას არღვევს და ნაკადი ზევით ადის.

 

აბასთუმნის ტყის მასივს ცეცხლი განთენიისას კვლავ გაუჩნდა. ხანძრის კერა ამჯერადაც მიუვალ ადგილას დაფიქსირდა. აღსანიშნავია, რომ აბასთუმნის ტერიტორიაზე წუხელ ძლიერი წვიმა იყო. ცეცხლი გამთენიისას მოსახლეობამ შენიშნა. ტყის მასივში გაჩენილი ცეცხლის ლოკალიზება მალევე მოახერხეს რეინჯერებმა და ბიძინა ივანიშვილის დაცვის წევრებმა.

 

ხანძარი ამჟამად ლიკვიდირებულია, თუმცა არსებობს მიმდებარე ხევში მოხვედრილი ნაპერწკლების აალებისა და ხანძრის ხელახალი გაჩენის საფრთხე. ადგილზე მობილიზებულია საგანგებო სიტუაციების სამსახური, ექსპერტები ხანძრის მიზეზების დადგენაზე მუშაობენ.

 

ხანძარი აბასთუმნის ტყის მასივს ორი დღის წინაც გაუჩნდა. სპეციალისტები ცეცხლის გაჩენის ხელოვნურ მიზეზზე მიუთითებდნენ.

 

 

 

 

 

საბერძნეთში, კუნძულ კრეტაზე ძლიერი მიწისძვრა მოხდა. ამის შესახებ Reuters-ი წერს.

 

გამოცემის ინფორმაციით, 5.9 მაგნიტუდის სიმძლავრის მიწისძვრა ქალაქ ლერაპეტრადან 55 კილომეტრში მოხდა. მიწისქვეშა ბიძგები 10 კილომეტრის სიღრმეზე დაფიქსირდა.

 

ინფორმაცია დაშავებულებსა ან ზარალზე ამ ეტაპზე არ გავრცელებულა.

არქივი

« « » » ოქტომბერი 2019
ორშ სამ ოთხ ხუთ პარ შაბ კვი
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31

ამინდი

Tbilisi

ბლოგერები

Global Press
ვალოდია ჯინჭარაძე
ბლოგერი
იხილეთ ბლოგი
Global Press
გიორგი გიორგაძე
ბლოგერი
იხილეთ ბლოგი
Global Press
მერაბ ცაავა
ბლოგერი
იხილეთ ბლოგი

ყველა ბლოგერი

ჟურნალისტური გამოძიება

გამოკითხვა

საქართველოში, პროსტიტუციის ლეგალიზაცია უნდა მოხდეს თუ არა?