Global Press

Georgia

Global PressGlobal PressGlobal PressGlobal Press

USD
3.2242
EUR
3.8094
RUR
0.0421
GBP
4.1992

ოკუპირებულ აფხაზეთში ე.წ. აფხაზეთის სახელმწიფო დროში დაწვის გამო დაკავებულ ირაკლი ბებუას, ბრალი ოფიციალურად წაუყენეს. "ეხო კავკაზის ინფორმაციით" ბებუას სახლში ჩხრეკის დროს RG-42 ტიპის ფრაგმენტული ხელყუმბარა ამოიღეს.

 

მას დე ფაქტო საგამოძიები უწყება დამამძიმებელ გარემოებებში აფხაზეთის სახელმწიფო სიმბოლოს განადგურებას და ტყვია-წამლის უკანონო შენახვას ედავება. მათივე ინფორმაციით, ბებუა დროებითი დაკავების იზოლატორშია მოთავსებული.

 

,,ამ დროისთვის ამ უკანასკნელის მიმართ გამოყენებულია ადმინისტრაციული სახდელი - დაპატიმრება 30 დღის ვადით, - წერია განცხადებაში.

 

ბებუა გალიდან სოხუმის ციხეში გადაიყვანეს. ამის შესახებ შეტყობინება ბრალდებულის ოჯახმა სახელმწიფო უსაფრთხოების სამსახურიდან მიიღო.

 

ახლობლები ამბობენ, რომ დაკავებულის ჯანმრთელობის მდგომარეობა ამ ეტაპზე დამაკმაყოფილებელია, მაგრამ შესაძლოა ის ნებისმიერ მომენტში დამძიმდეს. ოჯახი სახელმიწოფო უწყებებს ირაკლი ბებუა საქართველოს კონტროლირებად ტერიტორიაზე გადმოიყვანას სთხოვს.

 

შეგახსენებთ, რომ ოკუპირებული აფხაზეთის ე.წ. დროშის დაწვის გამო ოკუპირებული გალის რაიონში საქართველოს მოქალაქე ირაკლი ბებუა გუშინ დააკავეს.

 

მომხდარზე ინფორმაციას ფლობს ჟენევის დისკუსიების თანათავმჯდომარეები და საერთაშორისო პარტნიორებიც და ცნობილია, რომ ისინი ირაკლი ბებუას დაუყოვნებლივ გათავისუფლების საკითხზე მუშაობენ. პოლიტიკა

რუსული სამხედრო ვერტმფრენი ერგნეთის თავზე. საქართველოს საჰაერო სივრცე ოკუპანტმა სახელმწიფომ რამდენიმე წუთის წინ დაარღვია. ეს კი მაშინ, როდესაც გამყოფ ხაზთან დილიდან ინციდენტების, პრევენციების და მათზე რეაგირების ფორმატში რიგით 98-ე შეხვედრა მიმდინარეობს.

 

განსახილველი თემა, საოკუპაციო ხაზთან, ბოლო დროს განვითარებული მძიმე მოვლენებია, მათ შორის არის გატაცებების სერია და ე.წ. ბორდერიზაციის პროცესი. რაც შეეხება საჰაერო სივრცის დარღვევის ფაქტს, სუს-ში ამბობენ რომ აღნიშნულზე უკვე ამოქმედდა ცხელი ხაზი.

"მთავარი არხის" ინფორმაციით, საოკუპაციო რეჟიმის წარმომადგენლები ისევ გამოჩნდნენ სოფელ ყარაფილასთან, სადაც ე.წ. საზღვრის სადემარკაციო სამუშაოები განაახლეს.

 

ოკუპანტებმა ხნულების გავლების პროცესი გუშინ, 1 სექტემბერს, ცენტრალური მაგისტრალიდან 300 მეტრში დაიწყეს.

 

აღნიშნულ ტერიტორიაზე მდებარეობს ბაქო-სუფსას მილსადენიც, რომლის ოკუპირებულ ტერიტორიაზე მოქცევის საფრთხე კიდევ უფრო იზრდება.

 

შეგახსენებთ, რომ საოკუპაციო ხაზთან მიმდინარე მოვლენებს სახელმწიფო უსაფრთხოების სამსახური გამოეხმაურა. უწყებაში განმარტავენ, რომ გააქტიურებულია ცხელი ხაზი და ინფორმირებულია ევროკავშირის სადამკვირვებლო მისია.

ოკუპირებული ,,სამხრეთ ოსეთის“ ე.წ, პრეზიდენტმა, ანატოლი ბიბილოვმა დე ფაქტო მთავრობა დაითხოვა. ამის შესახებ ე.წ. პარლამენტის სპიკერმა ალან ტადტაევმა ,,დეპუტატების“ საგანგებო შეკრებაზე განაცხადა.

 

ადგილობრივი მედიის ინფორმაციით, ე.წ. პარლამენტის სპიკერმა ალან ტადტაევმა განაცხადა, რომ ანატოლი ბიბილოვმა დაძაბულობის შემცირება სცადა, რომელიც ცხინვალის იზოლატორში ინალ ჯაბიევის გარდაცვალებას მოჰყვა.

 

,,შექმნილი ვითარებიდან გამომდინარე, პრეზიდენტმა მიიღო გადაწყვეტილება მთავრობა დაითხოვოს, რათა განიმუხტოს მწვავე ვითარება, რომელიც ქვეყანაში შეიქმნა“ - განაცხადა ტადტაევმა

 

როგორც ადგილობრივი მედია წერს, ე.წ. დეპუტატებმა ე.წ. გენერალურ პროკურორის პასუხისმგებლობის საკითხიც დააყენეს.

 

როგორც ცნობილია, ე.წ. შინაგან საქმეთა მინისტრის, იგორ ნანიევის მკვლელობის მცდელობის ბრალდებით დაკავებული ადგილობრივი, 28 წლის ინალ ჯაბიევი, ოკუპირებული რეგიონის ,,სამართალდამცავებმა“ დააკვეს, რომელიც იზოლატორში ამების შედეგად გარდაიცვალა.

 

აღნიშნულ ფაქტს ცხივნვალში საპროტესტო აქცია გაიმართა, რომლებიც მთავრობის გადადგმას მოითხოვდა

კიდევ ერთი გატაცება საოკუპაციო ზონაში - რუსმა ოკუპანტებმა სოფელ ტახტრისძირიდან გუშინ, 5 აგვისტოს საღამოს, სოფლის განაპირა ტერიტორიიდან საქართველოს შეიარაღებული ძალების სამხედრო მოსამსახურე გაიტაცეს. ის დღეს დილითვე გაათავისუფლეს.

 

პარალელურად, გრძელდება ამ სოფელთან ე.წ. ბორდერიზაციის პროცესი. ანტისაოკუოპაციო მოძრაობა "ძალა ერთობაშია" წევრებმა ბორდერიზაციის მიმდინარეობის კადრები 26 ივლისს გამოაქვეყნეს, მანამდე ხელისუფლება ამ ფაქტს მალავდა.

 

ადგილობრივების ინფორმაციით, ახლა მავთულხლართებს მიღმა ექცევა კიდევ 5 ჰექტარი მიწის ფართობი. მანამდე კი მარტში რუსმა ოკუპანტებმა მავთულხლართებს მიღმა მოაქციეს კიდევ 15 ჰექტარი ტერიტორია. იმ ტერიტორიებიდან, სადაც მავთულხლართები გავლებული არ არის, მოსახლეობას რეგულარულად იტაცებენ. ადგილობრივი მოსახლეობა შიშით მიწების დამუშავებას ვეღარ ახერხებენ და ხელისუფლებისგან დახმარებას ითხოვს.

 

ადგილობრივი მკვიდრები ამბობენ, რომ ოკუპანტები ყოველდღიურად ამოწმებენ საზღვრებს.

 

რუსი ოკუპანტების ტყვეობაში იმყოფება ამჟამად ზაზა გახელაძე, რომელიც 11 ივლისს სხვილოს ციხის მიმდებარე ტერიტორიაზე ოკუპანტებმა ჯერ დაჭრეს, შემდეგ კი დააკავეს.

 

შეგახსენებთ, რომ ოკუპანტების ტყვეობაში სულ იმყოფება საქართველოს სამი მოქალაქე. ოკუპანტების მიერ 3 ივლისს დააკავებულ ხვიჩა მღებრიშვილს 4 წლამდე, დაჭრილ ზაზა გახელაძეს კი 12 წლამდე პატიმრობა ემუქრებათ, ხოლო გასული წლის ბოლოს საკუთარი სახლიდან გატაცებული გენადი ბესტაევი უკვე მსჯავრდებულია და ორწლიან სასჯელს 2019 წლის ნოემრიდან იხდის.

 

3 და 7 ივლისს საქართველოს კონტროლირებადი ტერიტორიიდან გატაცებული მიხეილ და მათე ლამანძიები, ბუთხუზ კვირკვია და ტატო ზარქუა საოკუპაციო რეჟიმმა 24 ივლისს გაათავისუფლა.

ადგილობრივი მედიის ცნობით, ოკუპირებული აფხაზეთის დე-ფაქტო პრეზიდენტმა, ასლან ბჟანიამ ე.წ. უშიშროების საბჭოს მდივნად სერგეი შამბას დანიშვნას ხელი მოაწერა.

 

ამ თანამდებობას 2014 წლიდან მუჰამედ კილბა იკავებდა. თუმცა 2020 წლის იანვარში მას თანამდებობა დაატოვებინეს. ამ დრომდე ე.წ. უშიშროების საბჭოს მდივნის მოვალეობას ბესლან კვიცინია ასრულებდა.

 

სერგეი შამბა 1997-2010 წლებში ის აფხაზეთის ე.წ. საგარეო საქმეთა მინისტრი იყო. 2010 წლის თებერვლიდან 2011 წლის სექტემბრამდე კი ე.წ. პრემიერ-მინისტრის თანამდებობა ეკავა.

 

2014 წლის დეკემბრიდან შამბა ე.წ. პარლამენტის წევრია. ის 2016 წლის იანვრიდან პარტია „ერთიან აფხაზეთს“ ხელმძღვანელობს.

ოკუპირებული ცხინვალის რეგიონის ე.წ. სამხედრო პროკურორმა ტიგრან კაბულოვმა საქართველოს მოქალაქის, ზაზა გახელაძის 11 ივლისს დაკავების შესახებ ისაუბრა. მისი განცხადებით, გახელაძემ ე.წ. მესაზღვრეებს ცეცხლი გაუხსნა.

 

„გახელაძემ უკანონოდ გადაკვეთა საზღვარი და თან ჰქონდა თოფი. მესაზღვრეებმა ის შენიშნეს და შეჩერება უბრძანეს, გახელაძემ კი მიმალვა სცადა. მან ასევე გამოიყენა ცეცხლსასროლი იარაღი და ერთ-ერთი მესაზღვრის მიმართულებით სულ მცირე ხუთჯერ გაისროლა. ამის შემდეგ მესაზღვრეებმა საპასუხო ცეცხლი გახსნეს და საქართველოს მოქალაქე ფეხში დაჭრეს. ზაზა გახელაძე დაკავებულია და კარანტინში იმყოფება. მის წინააღმდეგ საქმე სამხედროს სიცოცხლის ხელყოფის მცდელობისა და სახელმწიფო საზღვრის უკანონო გადაკვეთის ბრალდებით აღიძრა“, - განაცხადა ე.წ. სამხედრო პროკურორმა.

 

ოკუპანტებმა ზაზა გახელაძე 11 ივლისს დაჭრეს და დააკავეს. ოჯახის წევრების ინფორმაციით, ის ახალგორიდან ცხინვალში გადაიყვანეს. ფეხში დაჭრილი ზაზა გახელაძე ცხინვალის საავადმყოფოში, კარანტინშია მოთავსებული. საოკუპაციო ხაზთან მომხდარ ინციდენტთან დაკავშირებით ინფორმირებულია ევროკავშირის სადამკვირვებლო მისია. ამოქმედებულია ცხელი ხაზი.

შეშფოთებულები ვართ საქართველოს მხრიდან რუსეთის, სამხრეთ ოსეთისა და აფხაზეთის საზღვრების უკანონოდ გადაკვეთის ფაქტების გახშირების გამო და საქართველოს ხელისუფლებას პროვოკაციული განცხადებებისა და ქმედებების შეწყვეტისკენ მოვუწოდებთ, - ამის შესახებ რუსეთის საგარეო საქმეთა სამინისტროს ინფორმაციისა და ბეჭდვის დეპარტამენტის მიერ გავრცელებულ განცხადებაშია აღნიშნული.

 

ოფიციალური მოსკოვი საქართველოს ხელისუფლებას პოლიტიკური სპექტაკლის მოწყობაში ადანაშაულებს და დიალოგისკენ მოუწოდებს.

 

„სამწუხაროდ, თბილისი პოლიტიკური სპექტაკლის მოწყობასა და პასუხისმგებლობის სხვებზე გადატანას ცდილობს. მოვუწოდებთ საქართველოს ხელისუფლებას, წერტილი დაუსვას პროვოკაციულ მოქმედებებსა და განცხადებებს და გამოიყენოს დიალოგის ყველა ხელმისაწვდომი ფორმატი რუსეთთან, სამხრეთ ოსეთთან და აფხაზეთთან, მათ შორის ინციდენტების პრევენციისა და მათზე რეაგირების მექანიზმი, ჟენევის დისკუსიები და ასევე, კარასინ-აბაშიძის არაფორმალური მოლაპარაკებების ფორმატი, რათა არსებული პრობლემები კონსტრუქციული გზით გადაიჭრას,“- აღნიშნულია განცხადებაში.

 

რუსეთის საგარეო უწყების მტკიცებით, საზღვრის უკანონოდ გადაკვეთის ფაქტების გახშირება ხაზს უსვამს „თბილისს, სოხუმსა და ცხინვალს შორის მოლაპარაკებების“ დროულად დაწყების აუცილებლობას.

 

„საზღვრის უკანონოდ გადაკვეთის ფაქტების გახშირება კიდევ ერთხელ ამტკიცებს თბილისს, სოხუმსა და ცხინვალს შორის საზღვრის დელიმიტაციისა და დემარკაციის საკითხებზე მოლაპარაკებების დროულად დაწყების მნიშვნელობას,“- აღნიშნულია განცხადებაში.

 

გარდა ამისა, ოფიციალური მოსკოვი „პროვოკაციული კომენტარებისთვის“ აშშ-ის სახელმწიფო დეპარტამენტსა და საქართველოში აშშ-ის საელჩოსაც ადანაშაულებს.

 

„ყველაფერი ეს ძირს უთხრის ვაშინგტონის, როგორც ჟენევის მოლაპარაკებების მიუკერძოებელი მონაწილის პოზიციას,“- აღნიშნულია განცხადებაში.

რუსეთის მიერ ოკუპირებული აფხაზეთის დე ფაქტო სახელმწიფო უსაფრთხოების სამსახურის განცხადებით, ენგურის ხიდის ე.წ. გამშვები პუნქტი დროებით გაიხსნება.

 

„აფხაზეთი ჰუმანიტარულ დერეწფანს შექმნის საქართველოში დროებით მყოფი მოქალაქეების დასაბრუნებლად 13-დან 15 ივლისისა და 16-დან 17 ივლისის ჩათვლით“, - ნათქვამია დე ფაქტო უწყების განცხადებაში.

 

დე ფაქტო უწყებაში ასევე აღნიშნეს, რომ „საქართველოდან შემოსულ პირებს სამედიცინო და სანიტარული კონტროლის გავლა მოუწევთ“.

ოკუპირებულ გალთან ახლოს, სოფელ მუჟავადან ოკუპანტენტების მიერ გატაცებული სამი ადამიანის ადგილსამყოფელი ამ დრომდე უცნობია. მათ ოჯახებს ამ დრომდე არავინ დაკავშირებია.

 

შემთხვევა გუშინ 2 დღის წინ მაშინ მოხდა, როდესაც ახალგაზრდები ჯართს აგროვებდნენ. დაკავებულები სოფელ ლიას მცხოვრებლები არიან.

 

სახელმწიფო უსაფრთხოების სამსახურში ამბობენ, რომ შესაძლო დაკავებასთან დაკავშირებით გააქტიურებულია ცხელი ხაზი და ინფორმირებულია ევროკავშირის სადამკვირვებლო მისია.

სახელმწიფო უსაფრთხოების სამსახური სოფელ ჩორჩანას მიმდებარე ტყის მასივში, ოკუპანტების მიერ უკანონო ინსტალაციების აღმართვასთან დაკავშირებულ განცხადებას ეხმიანება.

 

„ხაშურის მუნიციპალიტეტის სოფ. ჩორჩანას მიმდებარე ტყის მასივში, რუსეთის საოკუპაციო ძალები უკანონო ე.წ. ბორდერიზაციას 2019 წლიდან აწარმოებენ.

 

ტყის მასივში აღმართულია უკანონო ინსტალაციები და გარკვეულ მონაკვეთებზე გაკეთებულია უკანონო მონიშვნები.

 

სოფ. ჩორჩანას მიმდებარედ მიმდინარე უკანონო ე.წ. ბორდერიზაცია წარმოადგენს ჟენევის დისკუსიებისა და ოკუპაციასთან დაკავშირებული სხვა ფორმატების მთავარ განსახილველ საკითხს. პროვოკაციული ქმედების თითოეულ ფაქტზე ხორციელდება რეაგირება ჩვენს ხელთ არსებული ყველა ბერკეტის ამოქმედებით. ამავდროულად პროცესში აქტიურად არიან ჩართულები ევროკავშირის სადამკვირვებლო მისიის წარმომადგენლები, ჟენევის თანათავმჯდომარეები და ჩვენი სხვა საერთაშორისო პარტნიორები“, - აცხადებენ სუს-ში.

ოკუპირებულ ტერიტორიაზე მოქცეული დათა ვანიშვილის შვილიშვილი და რძალი ოკუპანტებმა გაათავისუფლეს.

 

ისინი უკვე ხურვალეთში სახლში იმყოფებიან და ჯარიმის გარეშე გაათავისუფლეს. ისინი საოკუპაციო რეჟიმის წარმომადგენლებმა 17-აპრილს დააკავეს და არსებული ინფორმაციით, ახალგორში კარანტინში გადაიყვანეს.

 

ოკუპირებულ ტერიტორიაზე მომხდარ ინციდენტთან დაკავშირებით სახელმწიფო უსაფრთხოების სამსახურის ინიციატივით ამოქმედებული იყო ცხელი ხაზი და ინფორმაცია ევროკავშირის სადამკვირვებლო მისიას მიეწოდა.

 

სუს-ის ინფორმაციით, აღნიშნული პირების მიმართ დაწესებული უკანონო შეზღუდვები მოხსნილია.

არქივი

« « » » ოქტომბერი 2019
ორშ სამ ოთხ ხუთ პარ შაბ კვი
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31

ამინდი

Tbilisi

ბლოგერები

Global Press
ვალოდია ჯინჭარაძე
ბლოგერი
იხილეთ ბლოგი
Global Press
გიორგი გიორგაძე
ბლოგერი
იხილეთ ბლოგი
Global Press
მერაბ ცაავა
ბლოგერი
იხილეთ ბლოგი

ყველა ბლოგერი

ჟურნალისტური გამოძიება

გამოკითხვა

საქართველოში, პროსტიტუციის ლეგალიზაცია უნდა მოხდეს თუ არა?