Global Press

Georgia

Global PressGlobal PressGlobal PressGlobal Press

USD
3.4363
EUR
4.1187
RUR
0.0454
GBP
4.738

ბიძინა ივანიშვილის ქონება 100 მილიონი დოლარით გაიზარდა.ამის შესახებ ინფორმაციას Bloomberg Billionaires Index-ზე ავრცელებს

 

Bloomberg ინდექსის მიხედვით, თუ ნოემბრის ბოლოს ბიძინია ივანიშვილს, ქონება 5.57 მილიარდი დოლარი იყო, 4 იანვარის მონაცემებით, მისი ქონება 5.67 მილიარდი დოლარია.

 

ბიძინა ივანიშვილი მსოფლიოს მილიარდერთა სიაში 459-ე ადგილზეა.

 

 

  

მთელი ქვეყნის მასშტაბით, რესტორნების 22:00 საათამდე მუშაობის გადაწყვეტილება საკოორდინაციო საბჭომ მიიღო. მანამდე ეს შეზღუდვა მხოლოდ თბილისში, ქუთაისში, მცხეთასა და ბათუმში მოქმედებდა.

 

თუმცა დღეიდან, ღამის 10-დან დილის 6 საათამდე რესტორნები და კვების ობიექტები მთელი ქვეყნის მასშტაბით დაიკეტება.

 

გადაწყვეტილება მთავრობამ იმით ახსნა, რომ რესტორნებში და იქ გამართულ ღონისძიებების, თუ წვეულებების დროს შეინიშნება ინფიცირების საკმაოდ დიდი რაოდენობა. მთავრობა აცხადებს, რომ არანაირი სახის ე.წ. ლოკდაუნს არ გეგმავს, საკოორდინაციო საბჭოს მიერ მიღებული გადაწყვეტილებები კი მხოლოდ წერტილოვან შეზღუდვებს ითვალისწინებს.

ფქვილი გაძვირდა. თუ აქამდე 1 ტომარა ფქვილის ფასი 55 ლარი იყო, დღეს ის უკვე 58 ლარი ღირს. ფქვილის გაძვირება კი პურის ფასის მატებას გამოიწვევს. პურის მრეწველთა კავშირში ამბობენ, რომ ჯერჯერობით არსებულ ფასს ინარჩუნებენ, თუცა მათი მოგების ხარჯზე და როდემდე შეძლებენ ასე გაგრძელებას, უცნობია.

 

პურის გარდა, სპეციალისტები სხვა პროდუქტების გაძვირებასაც ვარაუდოებენ და ამბობენ, რომ მოსახლეობა ოქტომბრიდან უკვე საკუთარ ჯიბეზე იგრძნობს ეროვნული ვალუტის გაუფასურების მძიმე შედეგებს.

 

ფასების ზრდა კი ეროვნული ვალუტის ყოველდღიურმა გაუფასურებამ გამოიწვია. "ბლუმბერგზე" ლარი დღეს უკვე გაუფასურდა და 1 აშშ დოლარი 3 ლარი 28 თეთრი ღირს. მისი ოფიციალური კურსი კი 3.26 ლარია. ეროვნული ბანკი ახლა კურსს დღის ბოლოს დაადგენს. პარალელურად, ცნობილი ხდება რომ სებ-ი კიდევ 40 მილიონ დოლარს გაყიდის. სექტემბრის თვიდან სებმ-მა უკვე 120 მილიონი გაყიდა, თუმცა ლარი ისევ თავისუფალ ვარდნაშია.

საქართველოს ენერგეტიკისა და წყალმომარაგების კომისიამ (სემეკი) თბილისში სასმელი წყლის ტარიფის ზრდა მხარი დაუჭირა. ახალი ტარიფი 2021 წლის პირველი იანვრიდან შევა ძალაში და 2023 წლის ჩათვლით იმოქმედებს. ახალი ტარიფის ორივე შემადგენელი კომპონენტი - „წყლის მიწოდება“ და „წყალარინება“ (კანალიზაცია) გაძვირებულია.

 

წყლის ტარიფიც ძვირდება, მრიცხველით გადამხდელი აბონენტებისთვის – 17 თეთრით, სულადობრივად გადამხდელისთვის – 63 თეთრით – ეს ტარიფები შეეხება, თბილისსა და მცხეთას.

 

სემეკი-ის გადაწყვეტილებით, ახალი ტარიფები შემდეგნაირად განისაზღვრება:

 

გაუმრიცხველიანებელი აბონენტებისთვის საყოფაცხოვრებო ტარიფი ერთ სულზე თვეში 3.829 ლარი იქნება, რაც არსებულ ტარიფს 0.531 ლარით აღემატება.

 

გამრიცხველიანებული აბონენტებისთვის საყოფაცხოვრებო ტარიფი ერთ კუბურ მეტრზე 0.424 ლარი, რაც არსებულ ტარიფს 0.145 ლარით აღემატება;

 

არსაყოფაცხოვრებო ტარიფი ერთ კუბურ მეტზე 5.511 ლარი, რაც არსებულ ტარიფს 1.78 ლარით აღემატება.

 

სემეკის მიერ წარმოდგენილი ტარიფები დღგ-ის გარეშე არის მოცემული, შესაბამისად მათ 18% ემატებათ.

 

ცნობისთვის, დღეს როგორც ცნობილი გახდა, მთავრობა თბილისში, მცხეთასა და რუსთავში სოციალურად დაუცველებისთვის წყლის ტარიფის მატებას სრულად დაასუბსიდირებს.

ეროვნული ბანკის მიერ გამოქვეყნებული მონაცემების თანახმად, დღევანდღელუ ვაჭრობის შედეგად 1 აშშ დოლარის ოფიციალური ღირებულება 3.3332 ლარი გახდა. კურსი, რომელიც დღეს მოქმედებდა, 3, 2897 ლარი იყო. შესაბამისად, ეროვნული ვალუტა დოლართან მიმართებაში 0.0435 მეასედით გაუფასურდა.

 

რაც შეესხება ევროს, მისი კურსი 3.8812 ლარია, როდესაც დღეს მოქმედი კურსი 3.8292 ლარს შეადგენდა, აქედან გამომდინარე ერვნული ვალუტა, ევროსთან მიმართებით 0.0520 მეასედით გაუფასურდა.

 

დღევანდელი ვაჭრობის შედეგად მიღებული კურსი ძალში ხვალ შევა

 

შეგახსენებთ, რომ 23 სეტემბერს ეროვნულმა ბანკმა ლარის გამყარების მიზნით 40 მილიონი დოლარი გაყიდა

ავსტრალიაში ახალი ამბების Facebook გვერდებზე გავრცელება, შესაძლოა, ფასიანი გახდეს, - ამ ინფორმაციას BBC ავრცელებს.

 

კომპანია Facebook-ს ავსტრალიის ტერიტორიაზე ახალი ამბების გავრცელების შემთხვევაში თანხის გადახდა მოუწევს. მსგავსი გადაწყვეტილების მიღება დაგეგმილია Google-თან დაკავშირებითაც.

 

გამოცემის ცნობით, ამ საკითხთან დაკავშირებით ავსტრალიაში კანონის მიღებას უახლოეს მომავალში აპირებენ. ავსტრალიის ხელისუფლების განცხადებით, ბოლო წლებია სოციალურ მედიაში ყოველდღიურად ათასობით ყალბი ინფორმაცია ვრცელდება, ახალი რეგულაციები კი მათ რიცხვს საგრძნობლად შეამცირებს.

 

ავსტრალიის ხელისუფლების გადაწყვეტილებას არ ეთანხმება ავსტრალიასა და ახალ ზელანდიაში Facebook-ის წარმომადგენელი უილ ელსონი. მისი თქმით, კანონი ახალი ამბების სააგენტოებს დააზარალებს, რადგან სტატიების სოციალურ ქსელში განთავსების შემთხვევაში ისინი იძულებულები გახდებიან თანხა გადაიხადონ.

ენერგეტიკისა და წყალმომარაგების მარეგულირებელი ეროვნული კომისიის გადაწყვეტილებით, მომავალი წლიდან მოსახლეობისთვის დენი 3.5 თეთრით გაძვირდება, კომერციული ობიექტებისთვის კი 11-13 თეთრით გაძვირდება

 

თბილისის მოსახლეობისა და კომერციული სექტორისთვის ელექტროენერგიის გაძვირებული ტარიფი პირველი იანვრიდან ამოქმედდება და ელექტროენერგიის განაწილების ტარიფი ძალაში 2025 წლის ბოლომდე იქნება.

 

სემეკის თავმჯდომარის დავით ნარმანიამ განცხადებთ, გაძვირება დამოკიდებულია თუ რამდენ ელექტროენერგიას მოიხმარენ კომერციული ობიექტები.

 

"დავიანგარიშეთ ტარიფები, მოსახლეობისთვის ტარიფების ზრდა შეადგენს სამნახევარ თეთრს, რაც შეეხება კომერციულ მომხმარებელს, აქ სამი ტიპის ძაბვის საფეხური გამოიყოფა, თითოეული ძაბვის საფეხურზე დადგენილია ცალ ცალკე ტარიფები, 11, 12 , 13 თეთრი" – განაცხადა სემეკის თავმჯდომარე დავით ნარმანიამ

 

ენერგეტიკისა და წყალმომარაგების მარეგულირებელი ეროვნული კომისიის წევრებმა დადგენილების პროექტს ერთხმად დაუჭირეს მხარი.

 

„თელასის“ სამომხმარებლო ტარიფები მოსახლეობისთვის შემდეგი იქნება:

 

პირველი საფეხური (101 კვტ.სთ-ის ჩათვლით) – მოქმედი ტარიფი 14.544 თეთრი – ახალი ტარიფი 18.041 თეთრი;

 

მეორე საფეხური (101-301 კვტ.სთ) – მოქმედი ტარიფი 18.556 თეთრი – ახალი ტარიფი 22.053 თეთრი;

 

მესამე საფეხური (301 კვტ.სთ-ზე მეტი) – მოქმედი ტარიფი 23.040 თეთრი – ახალი ტარიფი 26.537 თეთრი.

 

ენერგეტიკისა და წყალმომარაგების მარეგულირებელი ეროვნული კომისიის გადაწყვეტილებით, 2021 წლის პირველი იანვრიდან დენის ტარიფი „ენერგო-პრო ჯორჯიას“ აბონენტებისთვისაც იზრდება.

 

სემეკ-ის დადგენილების პროექტით, ასევე 3,5 თეთრით იზრდება ტარიფი „ენერგო-პრო ჯორჯიას“ აბონენტებისთვის.

 

„ენერგო-პრო ჯორჯიას“ ტარიფები მოსახლეობისთვის (დღგ-ს ჩათვლით) შემდეგი იქნება:

 

პირველი საფეხური (101 კვტ.სთ-ის ჩათვლით) – მოქმედი ტარიფი 14.237 თეთრი – ახალი ტარიფი 17.731 თეთრი;

 

მეორე საფეხური (101-301 კვტ.სთ) – მოქმედი ტარიფი 18.213 თეთრი – ახალი ტარიფი 21.707 თეთრი;

 

მესამე საფეხური (301 კვტ.სთ-ზე მეტი) – მოქმედი ტარიფი 22.733 თეთრი – ახალი ტარიფი 26.227 თეთრი.

 

სემეკის გადაწყვეტილებით, ელექტროენერგიის ტარიფი კომერციული სექტორისთვის დაახლოებით 11 თეთრით მოიმატებს.

Facebook-მა სოციალირი ქსელიდან რუსეთან დაკავშირებული ყალბი ანგარიშები და გვერდები წაშალა. მათ შორის მოხვდა სამი ქსელი, რომელთა სამიზნე მსოფლიოს რამდენიმე ქვეყანა იყო, მათ შორის საქართველოც.

 

როგორც Facebook-ს განცხადებაშია ნათქვამი, ჯგუფები და გვერდები რუსეთიდან იმართებოდა და მათი მიზანი საკუთარი კონტენტის გავრცელება იყო აშშ-ში, სირიაში,დიდი ბრიტანეთში, უკრაინაში, სომხეთში და ბელარუსში მიმდინარე პროცესებზე, ასევე ნატოზე.

 

როგორც კომპანიაში განმარტავენ, ,,კოორდინირებული არაავთენტური ქცევისთვის“ უცხოური ან სახელმწიფო ჩარევის წინააღმდეგ სოციალური ქსელის პოლიტიკის დარღვევისთვის წაშლილიაა 214 პირადი ანგარიშუ, 35 გვერდი და 18 ჯგუფი, ასევე სოციალური ქსელ Instagram-ის 34 ანგარიში.

 

,, კამპანიის უკან მდგომი პირები ინფორმაციას მრავალ ენაზე აქვეყნებდენ, მათ შორის ინგლისურად, უკრაინულად, რუსულად და არაბულად. ისინი ხშირად აქვეყნებდენ ახალი ამბებისა და მიმდინარე მოვლენების შესახებ, მათ შორის სირიის სამოქალაქო ომის, თურქეთის საშინაო პოლიტიკის, ნატოოს. უკრაინის ომის, ბალტიის ქვეყნებში, საქართველოში, სომხეთში, ბელარუსსა და აშშ-ში პოლიტიკის შესახებ“ - აღნიშნულია კომპანიის განცხადებაში

 

ასევე განცხადებაში აღნიშნულია, რომ აღნიშნულ კორდინირებულ საქმიანობას 2018 წლის აგვისტოსა და 2020 წლის თებერვალში წაშლილი ქსელებს უკავშირდება

 

,,იმის მიუხედავად, რომ აღნიშნული ოპერაციის უკან მდგომმა პირებმა გადადგეს ნაბიჯები, რათა დაემალათ საკუთარუ ვინაობა და კოორდინრება, ჩვენმა გამოძიებამ ეს კლასტერები რუსეთის სამხედრო უწყებებთან, მათ შორის სამხედრო სადაზვერვო სამსახურებთან დააკავშირა“ - ნათქვამია Facebook-ის განცხაებაში

სახელმწიფომ "თელასში" საკუთარი წილი, აუქციონზე გაიტანა. ხელისუფლება სტრატეგიული ობიექტის იმ 25%-საც ყიდის, რომელიც მას ეკუთვნის. არ არის გამორიცხული აქციები რუსულმა "რაო ესმა" იყიდოს, რაც იმას ნიშნავს რომ საქართველოს დედაქალაქის ენერგო უსაფრთხოებას ვეღარ გააკონტროლებს. თბილისის ენერგო მომარაგება მთლიანად რუსული კომპანიის დაქვემდებარებაში იქნება.

 

ამ სფეროში მომუშავე ექსპერტები არ გამორიცხავენ სხვა სცენარის განვითარებასაც. თელასის 25%-ის აუქციონზე გატანა დროში ემთხვევა პარლამენტის მეირ ენერგეტიკისა და წყალმომარაგების მარეგულირებელი კომპანიის შესახებ კანონში შესატან ცვლილებებს, როდესაც ინვესტორებს კონკრეტული შეზღუდვები დაუწესეს. არ არის გამორიცხული რომ კანონმდებლობის შეცვლა სწორედ თელასის წილის გასხვისების გამო მოხდა. რაც იმას ნიშნავს რომ ამ პროცესების უკან საკმაოდ გავლენიანი მაღალჩინოსნები დგანან.

 

ვინ არის მაღალჩინოსანი რომლის ინტერესების გამოც შესაძლოა კანონში ცვლილებები შეიტანეს, პლატფორმა 2020- ის წევრი ვასო ურუშაძე გვარებს არ ასახელებს, თუმცა არ გამორიცხავს რომ ამ პროცესების უკან იგივე პირების დაინტერესება დგას რაც "ყაზტრანსგაზის" შემთხვევაში იყო. მაშინ კი პირდაპირ ითქვა რომ ინტერესები პირადად თბილისის მერზე კახი კალაძეზე გადიოდა.

 

საკუთარ დაინტერესებას თელასის 25%იანი წილის შესყიდვაში გამორიცხავს თბილისის მერი. კახი კალაძე ამბობს რომ ამ თემაზე ინფორმაცია საერთოდ არ აქვს.

 

სწორედ მაღალჩინოსნების ინტერესებზე ამახვილებს ყურადღებას ოპოზიციაც. რომან გოცირიძე სტრატეგიული ობიექტების გასხვისებას აკრიტიკებს და დარწმუნებულია რომ ამ გარიგების უკან ქვეყნისთვის საკმაოდ სახიფათო პროცესები დგას.

 

საჯარო აუქციონი 2020 წლის 10 აგვისტოს გამოცხადდა და 9 სექტემბერს ჩატარდება. აუქციონის საწყისი ფასი 10 მილიონი დოლარიდან იწყება.

ახალი სტანდარტით, 2020 წლის III კვარტალში საქართველოში უმუშევრობის დონე წინა წლის შესაბამის პერიოდთან შედარებით 0.2 პროცენტული პუნქტით გაიზარდა და 17 პროცენტი შეადგინა,- ამის შესახებ “საქსტატის“ მიერ გამოქვეყნებულ ანგარიშშია აღნიშნული, რომელიც ახალი მეთოდოლოგიით დათვლილ მოსახლეობის ეკონომიკური აქტივობის მაჩვენებლებს ასახავს

 

 

ასევე „საქსტატის“ ინფორმაციით, ახალი სტანდარტის დანერგვით გამოწვეული მონაცემთა გადაანგარიშების შედეგად, ადრე გამოქვეყნებულ მონაცემებთან შედარებით გაიზარდა უმუშევრობის დონე და შემცირდა დასაქმების დონის მაჩვენებელი. საქსტატის მიხედვით, 0.3%-ით გაზრდილია აქტიურობის დონე (სამუშაო ძალის მონაწილეობის დონე) წინა წლის შესაბამის პერიოდთან შედარებით ქალაქის ტიპის დასახლებებში, ხოლო სოფლის ტიპის დასახლებებში შემცირებულია 3.6%-ით.

 

ახალი სტანდარტის მიხედვით დასაქმების დონე 13-15 პროცენტული პუნქტით დაბალია ძველ სტანდარტთან შედარებით. ახალი სტანდარტის დანერგვით მნიშვნელოვნად შემცირდა თვითდასაქმებულთა წილი დასაქმებულთა საერთო რაოდენობაში (2019 წელს 49.7%-დან შემცირდა 30.7%-მდე). ამასთან, ახალი სტანდარტის დანერგვით შემცირდა ასევე მოსახლეობის ეკონომიკური აქტიურობის დონე, რაც დაკავშირებულია თვითდასაქმებულთა მნიშვნელოვანი ნაწილის გადაკვალიფიცირებასთან.

 

 

ცნობისთვის, შრომის საერთაშორისო ორგანიზაციის ახალი სტანდარტით, თვითდასაქმებულად აღარ ითვლებიან საკუთარ ოჯახურ მეურნეობაში მომუშავე პირები, რომლებიც არ არიან ბაზარზე ორიენტირებულები და სასოფლო სამეურნეო პროდუქციას უმეტესწილად საკუთარი მოხმარებისათვის აწარმოებენ. აღნიშნული სტატუსის მქონე პირები უმუშავართა კატეგორიაში და სამუშაო ძალის გარეთ მოსახლეობაში გადაკვალიფიცირდნენ.

ეროვნული ვალუტა დღესაც გაუფასურდა. სებ-მა ახალი ოფიციალური კურსი დაადგინა, რომლის მიხედვით, 1 აშშ დოლარი 3.2897 ლარი გახდა. კურსი კი რომელიც დღეს მოქმედებდა 3.2641 ლარი იყო

 

რაც შეეხება ევროს, მისი კურსი 3.8292 ლარია. მაშინ, როცა დღეს მოქმედი კურსი 3.8226 ლარი იყო

 

დღევანდელი ვაჭრობის შედეგად მიღებული კურსები ძალაში ხვალ შევა.

აზერბაიჯანის პრეზიდენტი, ილჰამ ალიევი ადგილობრივ მედიასთან აცხადებს, რომ საქართველოს გავლით აზერბაიჯანული გაზის ევროპაში მიწოდება რამდენიმე თვეში დაიწყება

 

„ჩვენი ძირითადი ყურადღება ახლა მიმართულია სამხრეთის გაზის დერეფნის დასრულებაზე. ეს პროექტი ასევე წარმატებულად ხორციელდება. უკვე სრულდება მისი მეოთხე და ბოლო პროექტი – „TAP“. მიმაჩნია, რომ რამდენიმე თვეში აზერბაიჯანის ინიციატივით და ფართომასშტაბური საერთაშორისო თანამშრომლობის შედეგად, სრულად დასრულდება ერთმანეთთან დაკავშირებული სამი გაზსადენის მშენებლობა, რომელთა სიგრძე 3 500 კილომეტრია და აზერბაიჯანული გაზის მიწოდება უკვე მოხდება ევროპულ სივრცეში. ამგვარად, სამხრეთის გაზის დერეფანი სრულად შევა ექსპლუატაციაში. ჩვენთვის ეს ძალიან მნიშვნელოვანი და ისტორიული მოვლენა, რადგან ის „შაჰდენიზის“ საბადოს სრულად ამუშავების შესაძლებლობას უზრუნველყოფს“, – განაცხადა ალიევმა.

 

ალიევის განცხადებით, „შაჰდენიზის“ საბადო სულ მცირე კიდევ 100 წლის განმავლობაში მოამარაგებს ბუნებრივი აირით აზერბაიჯანსა და მის პარტნიორ ქვეყნებს.

 

„ამავე დროს, ჩვენ ვაპირებთ ექსპორტის გეოგრაფიის გაფართოებას. „შაჰდენიზის“ საბადოდან ბუნებრივი აირის მიწოდება მოხდება საქართველოში, თურქეთში, ბულგარეთში, საბერძნეთსა და იტალიაში. თუ ალბანეთში გაჩნდება ბუნებრივი აირის ქსელი, ალბანეთიც გახდება ჩვენი ბუნებრივი პარტნიორი და ჩვენ გაზის ექსპორტს იქაც შევძლებთ. აზერბაიჯანული გაზის მიწოდება შესაძლებელია სხვა მეზობელ ქვეყნებშიც – ბალკანეთის რეგიონის სახელმწიფოებში“, – აღნიშნა ალიევმა.

არქივი

« « » » აპრილი 2019
ორშ სამ ოთხ ხუთ პარ შაბ კვი
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30

ამინდი

Tbilisi

ბლოგერები

Global Press
ვალოდია ჯინჭარაძე
ბლოგერი
იხილეთ ბლოგი
Global Press
გიორგი გიორგაძე
ბლოგერი
იხილეთ ბლოგი
Global Press
მერაბ ცაავა
ბლოგერი
იხილეთ ბლოგი

ყველა ბლოგერი

ჟურნალისტური გამოძიება

გამოკითხვა

საქართველოში, პროსტიტუციის ლეგალიზაცია უნდა მოხდეს თუ არა?