Global Press

Georgia

Global PressGlobal PressGlobal PressGlobal Press

USD
2.7756
EUR
3.1001
RUR
0.0432
GBP
3.5153

შინაგან საქმეთა სამინისტრომ 16 დეკემბერს, კახეთში, ოპოზიციის მხარდამჭერზე ძალადობისთვის 2 პირი დააკავა. როგორც შსს-ს მიერ გავრცელებულ განცხადებაშია აღნიშნული, შინაგან საქმეთა სამინისტროს მიერ ჩატარებული საგამოძიებო მოქმედებებით, მათ შორის ოპოზიციური პარტიის მხარდამჭერის, 1988 წელს დაბადებული შ.დ.-ს გამოკითხვით გაირკვა, რომ მას 16 დეკემბერს სოფელ ველისციხეში ფიზიკური შეურაცხყოფა ადგილობრივმა მცხოვრებლებმა მიაყენეს.

 

"პოლიციის მიერ გატარებული კომპლექსური ოპერატიულ-სამძებრო ღონისძიებების შედეგად, საქმეში არსებული მტკიცებულებების საფუძველზე ქ. გურჯაანში დაკავებული არიან შ.დ.-ზე ძალადობაში მონაწილე პირები: 1967 წელს დაბადებული გ.მ. და 1971 წელს დაბადებული მ.უ. რომლებიც აღიარებენ ჩადენილ დანაშაულს. გამოძიება სისხლის სამართლის კოდექსის 126-ე მუხლის პირველი ნაწილით მიმდინარეობს. სისხლის სამართლის საქმესთან დაკავშირებული სხვა პირების დადგენა-დაკავების მიზნით, ინტენსიურ რეჟიმში ტარდება შესაბამისი ოპერატიულ-სამძებრო და საგამოძიებო მოქმედებები", - აცხადებენ შსს-ში.

მთავარი პროკურატურა უარყოფს ზაზა სარალიძის მიერ გავრცელებულ ინფორმაციას, რომ ხორავას ქუჩაზე მომხდარი მკვლელობის საქმის პროკურორი იმედა გუგუშვილი დააწინაურეს. როგორც „გლობალპრესს“ მთავარი პროკურატურიდან აცნობეს, აღნიშნული ინფორმაცია სიმართლეს არ შეესაბამება.

 

თბილისის სააპელაციო სასამართლოში, ხორავას ქუჩაზე მომხდარი მკვლელობის საქმის განხილვისას დღეს ზაზა სარალიძემ განაცხადა, რომ აქვს ინფორმაცია, საქმის ერთ-ერთი პროკურორის, იმედა გუგუშვილის კარიერულად დაწინაურების შესახებ, რასაც მან მიუღებელი უწოდა.

ინაუგურაციის გამართვამდე გაერთიანებულმა ოპოზიციამ საპროტესტო აქციები დააანონსა, რა დროსაც მათი მხრიდან ღიად გაკეთდა განცხადებები ინაუგურაციის ჩაშლასთან დაკავშირებით, - ამის შესახებ გუშინ განვითარებულ მოვლენებთან დაკავშირებით გამართულ ბრიფინგზე შსს-ს ცენტრალური კრიმინალური პოლიციის დეპარტამენტის დირექტორმა ვლადიმერ ბორცვაძემ განაცხადა.

 

მისი თქმით, ზემოაღნიშნულის გამო და იმის გათვალისწინებით, რომ ინაუგურაციაზე მოწვეული იყო 1800 სტუმარი, მათ შორის უცხოეთიდან მაღალი რანგის სტუმრები, პოლიციამ მაქსიმალურად გაამკაცრა უსაფრთხოების ზომები და კანონით მინიჭებული უფლებამოსილების ფარგლებში მიიღო კონკრეტული მარშრუტით გადაადგილების თავისუფლების შეზღუდვის გადაწყვეტილება ისე, რომ აქციის მონაწილეებს მიეცათ ალტერნატიული გზით და საშუალებით, აქციის ადგილზე მისვლის შესაძლებლობა. მისივე თქმით, აღნიშნულის შესახებ საზოგადოებას რამდენჯერმე, სხვადასხვა ფორმით, მიეწოდა ინფორმაცია.

 

„პოლიციის მიერ ეს ინფორმაცია, გადაადგილების კონკრეტულ მარშრუტზე მითითებით, ასევე ადგილზე მიეწოდათ აქციის ორგანიზატორებს და მონაწილეებს. აღსანიშნავია, რომ შეთავაზებულ ალტერნატიულ გზას აქციის ორგანიზატორები და მონაწილეები პირდაპირ მიჰყავდა თელავში იმ ადგილამდე, სადაც აქცია ჰქონდათ დაგეგმილი. პოლიციის შეთავაზებას დემონსტრანტების ლიდერებმა უპასუხეს ღიად გამოხატული აგრესიით, ასევე ადგილი ჰქონდა ძალადობრივ ქმედებებს, მათ შორის, თავდასხმებს საქართველოს პარლამენტის წევრებზე, პოლიციელებზე. დაფიქსირდა ჟურნალისტური საქმიანობის ხელშეშლის რამდენიმე ფაქტიც.

 

ინციდენტების შედეგად, აქციის მონაწილეთა ძალადობრივი ქმედებებით, მძიმედ დაშავდა 10-ზე მეტი პოლიციელი, ასევე დაზიანდა შინაგან საქმეთა სამინისტროს კუთვნილი ტექნიკა, რომლის ღირებულება ათიათასობით ლარს აღწევს.

 

შინაგან საქმეთა სამინისტრომ, სიტუაციის განმუხტვის შემდეგ დაიწყო ინციდენტების დეტალური შესწავლა. გამოძიება დაიწყო დანაშაულის ნიშნების შემცველ არაერთ ფაქტზე, რომლებზეც ამ ეტაპზე ინტენსიური საგამოძიებო მოქმედებები ტარდება. გამოძიება მათ შორის დაიწყო აქციის ერთ-ერთი მონაწილის შოთა დალაქიშვილის მიმართ განხორციელებული თავდასხმის ფაქტზე.

 

გამოძიების ფარგლებში შინაგან საქმეთა სამინისტროს კახეთის პოლიციის დეპარტამენტმა, 16 დეკემბერს, ველისციხეში გამართულ აქციაზე, პოლიციელზე თავდასხმისთვის, ფიზიკური შეურაცხყოფისთვის და ქონების დაზიანებისთვის სისხლის სამართლის კოდექსის 353-ე პრიმა მუხლით, მოსამართლის განჩინებით დააკავა გაერთიანებული ოპოზიციის მხარდამჭერი დავით კირკიტაძე. გამოძიება გრძელდება, ტარდება ყველა საჭირო მოქმედება, მიმდინარეობს ვიდეო-მასალის შესწავლა და არ არის გამორიცხული ბრალდებულთა წრე გაფართოვდეს, რის შესახებაც საზოგადოებას დამატებით მივაწვდით ინფორმაციას“, - განაცხადა ბორცვაძემ.

შინაგან საქმეთა სამინისტროში ზაზა სარალიძესა და ცენტრალური კრიმინალური პოლიციის უფროს ვლადიმერ ბოცვაძეს შორის შეხვედრა დასრულდა.

 

როგორც შეხვედრის შემდეგ ჟურნალისტებს ზაზა სარალიძემ განუცხადა, ის და მისი ადვოკატი საქმის მასალებს გაეცნენ. სარალიძის თქმით, დოკუმენტების მოცულობიდან გამომდინარე, სრულად ვერ მოხერხდა საქმის მასალების გაცნობა, თუმცა ხელახალი გამოძიების ფარგლებში დამატებითი საგამოძიებო მოქმედებები ჩატარებულია.

 

ზაზა სარალიძის განცხადებითვე, შინაგან საქმეთა სამინისტროში კონკრეტული პირების პასუხისმგებლობის საკითხი დღის წესრიგში დგას.

 

„ჩვენ გავეცანით საქმის მასალებს. ჩატარებულია რიგი დამატებითი საგამოძიებო მოქმედებები. ჯერჯერობით ამ მასალებს ბოლომდე ვერ გავეცანით, საქმის ბოლომდე გაცნობის შემდგომ თუკი მექნება დამატებითი კითხვები, აუცილებლად მივმართავ შს სამინისტროს, ამის შემდეგ კი - გენერალურ პროკურატურას. შინაგან საქმეთა სამინისტროში დგას კონკრეტული პირების პასუხისმგებლობის საკითხი, მათ შორის, კალანდიასი. თუმცა ეს საკითხი დღის წესრიგში შინაგან საქმეთა სამინისტროში თავიდანვე იყო, ვნახოთ, რას მოიმოქმედებს უწყება. მე კონკრეტულ პირებზე კითხვები არ დამისვამს, ვინაიდან ჯერ ბოლომდე არ გავცნობივარ მასალებს“, - აღნიშნა ზაზა სარალიძემ.

 

როგორც „გლობალპრესს“ სარალიძის უფლებადამცველმა ნესტან ლონდარიძემ განუცხადა, შინაგან საქმეთა სამინისტრომ დამატებით ბევრი საგამოძიებო მოქმედება განახორციელა. თუმცა, ადვოკატი დეტალებზე საუბრისგან თავს იკავებს, ვინაიდან აღნიშნავს, რომ მნიშვნელოვანია მოხდეს საქმის სრულყოფილად შესწავლა. ლონდარიძის თქმით, შინაგან საქმეთა სამინისტროში არის მზაობა, რომ მოხდეს საქმის სრულყოფილი გამოძიება და იმედოვნებს, რომ უწყება ხორავას ქუჩაზე მომხდარ მკვლელობას სრულყოფილად გამოიძიებს.

დათო გამაგრდი, შენს გვერდით ვართ, - ასე მიმართეს აქციის მონაწილეებმა კახეთის სამხარეო პოლიციაში დაკავებულ დავით კირკიტაძეს, რომელმაც თავის მხრივ დაკავების იზოლატორიდან მათ მხარდაჭერისთვის მადლობა გადაუხადა.

 

ადგილზე იმყოფებიან გაერთიანება „ძალა ერთობაშია“-ში შემავალი პოლიტიკური პარტიების ლიდერები და მათი მხარდამჭერები, რომლებიც აცხადებენ, რომ შინაგან საქმეთა სამინისტროს დავით კირკიტაძის დაკავების რეალური საფუძველი არ ჰქონდა და რომ გუშინ თავად შსს არღვევდა კანონს.

 

აქციაზე შეკრებილ მოქალაქეებს სიტყვით მიმართა ნიკა მელიამაც, რომელმაც აღნიშნა, რომ „ბრძოლა იქნება ბოლომდე და დათო კირკიტაძე უახლოეს დღეებში გამოვა გარეთ“.

შინაგან საქმეთა სამინისტრომ გაერთიანებული ოპოზიციის ერთ-ერთი ლიდერის დავით კირკიტაძის დაკავების ფაქტზე ოფიციალური განმარტება გააკეთა.

 

როგორც შსს-ში გამართულ ბრიფინგზე, ცენტრალური კრიმინალური პოლიციის დეპარტამენტის დირექტორმა ვლადიმერ ბორცვაძემ განაცხადა, შინაგან საქმეთა სამინისტროს კახეთის პოლიციის დეპარტამენტმა, 16 დეკემბერს, ველისციხეში გამართულ აქციაზე, პოლიციელზე თავდასხმისთვის, ფიზიკური შეურაცხყოფისა და ქონების დაზიანებისთვის სისხლის სამართლის კოდექსის 353-ე პრიმა მუხლით, მოსამართლის განჩინებით დააკავა გაერთიანებული ოპოზიციის მხარდამჭერი დავით კირკიტაძე.

 

მათივე განცხადებით, ველისციხეში განვითარებულ მოვლენებთან დაკავშირებით, გამოძიება გრძელდება, ტარდება ყველა საჭირო მოქმედება, მიმდინარეობს ვიდეო-მასალის შესწავლა და არ არის გამორიცხული ბრალდებულთა წრე გაფართოვდეს, რის შესახებაც საზოგადოებას დამატებით ეცნობება.

გამოძიებამ უნდა დადოს მტკიცებულებები, მასალები და არა სუს-მა, შსს-მ ან პროკურატურამ, - ასე უპასუხა ჟურნალისტების შეკითხვას სუს-ის უფროსმა ვახტანგ გომელაურმა, თუ რა სტადიაზეა თემირლან მაჩალიკაშვილის გარდაცვალების საქმის გამოძიება.

 

მისი თქმით, ამ მიმართულებით გამოძიება მიმდინარეობს.

 

"ყოველთვის თავს ვიკავებთ ამ მიმართულებით განცხადების გაკეთებისგან. დაველოდოთ გამოძიებას. გამოძიებამ უნდა დადოს მტკიცებულებები, მასალები და არა სუს-მა, პროკურატურამ თუ შსს-მ. გამოძიებამ უნდა წარადგინოს მტკიცებულებები",-განაცხადა გომელაურმა.

 

მისივე თქმით, გამოძიება დროში შეზღუდული არ არის, თუმცა ამაზე თავად ვერ ისაუბრებს, რადგან საქმეს პროკურატურა იძიებს.

დავით კირკიტაძე ბრალს არ აღიარებს და შიმშილობას იწყებს, - ამის შესახებ მისმა ადვოკატმა, კახეთის სამხარეო სამმართველოდან გამოსვლის შემდეგ ჟურნალისტებს განუცხადა.

 

"მას ბრალი წარდგენილი აქვს პოლიციის თანამშრომელზე თავდასხმასთან დაკავშირებით. ბატონი დავითი აცხადებს შიმშილობას. ის თავს დამნაშავედ არ ცნობს. იგი არის პოლიტიკური დევნის ინსტრუმენტი ხელისუფლების მხრიდან.

 

მიგვაჩნია, რომ ადამიანს როდესაც უზღუდავ უფლებას, რომელიც კონსტიტუციით აქვს მინიჭებული, ეს არის გადაადგილების, გამოხატვის უფლება და ამ დროს საუბარი პოლიციის მუშაკზე თავდასხმაზე, მისი სამსახურებრივი მოვალეობიდან გამომდინარე, არის ზედმეტი. დავითი ბრალს არ აღიარებს“, - აღნიშნა გიორგი კონდახაშვილმა.

საქართველოში მყარდება დიქტატურა, რუსული დიქტატურა - იბრძოლეთ ბოლომდე, - ამის შესახებ დაკავების პროცესში გაერთიანებული ოპოზიციის ერთ-ერთმა ლიდერმა დავით კირკიტაძემ განაცხადა.

 

„ეს არის სახედაკარგული, შეშინებული პოლიცია“, - განაცხადა დავით კირკიტაძემ დაკავებისას.

 

დავით კირკიტაძე გურჯაანში დააკავეს. იგი მის თანაგუნდელ ნიკა მელიასთან ერთად იმყოფებოდა. მელია და კირკიტაძე ერთი ავტომობილით გადაადგილდებოდნენ, რა დროსაც მათი თქმით, შეამჩნიეს ერთი ავტომობილი, რომელშიც სუს-ის წევრები ისხდნენ და უთვალთვალებდნენ. ამის შემდეგ, მელია დაინტერესდა მათი ვინაობით, რა დროსაც ადგილზე პოლიცია მივიდა და კირკიტაძე სს კოდექსის 353-ე მუხლით დააკავეს, რაც პოლიციისთვის წინააღმდეგობის გაწევას გულისხმობს.

 

საპატრულო პოლიციის თანამშრომლებმა განაცხადეს, რომ მათი ადგილზე მისვლა საავტომობილო მოძრაობის შეფერხებამ გამოიწვია.

ბუტა რობაქიძის მკვლელობასთან დაკავშირებით, სამსახურებრივი უფლებამოსილების ბოროტად გამოყენებაში ბრალდებული შინაგან საქმეთა სამინისტროს ყოფილი მაღალჩინოსნები: ირაკლი ფირცხალავა, გურამ დონაძე, ზაზა ბაქრაძე, ზურა მიქაძე და დავით იაშვილი თბილისის საქალაქო სასამართლომ დამანაშავედ სცნო.

 

აღნიშნული გადაწყვეტილება მოსამართლე დავით მგელიაშვილმა რამდენიმე წუთის წინ გამოაცხადა.

 

გურამ დონაძეს სასჯელის სახით 5 წლით და 3 თვით ვადით პატიმრობა მიესაჯა და აეკრძალა თანამდებობის დაკავება 2 წლით და 3 თვის ვადით.

 

დავით იაშვილს სასჯელის სახით განესაზღვრა 5 წლით 3 თვის ვადით პატიმრობა და აეკრძალა თანამდებობის დაკავება 2 წლითა და 3 თვის ვადით.

 

ზურა მიქაძეს სასჯელის სახით 6 წლით და 3 თვის თავისუფლების აღკვეთა განესაზღვრა, თანამდებობის დაკავება კი 2 წლით და 3 თვის ვადით აეკრძალა.

 

ირაკლი ფირცხალავას სასჯელის სახით თავისუფლების აღკვეთა 5 წლით და 3 თვის ვადით, ხოლო 2 წლით და 3 თვის ვადით სახელმწიფო თანამდებობის დაკავება აეკრძალა.

 

ზაზა ბაქრაძეს საპროცესო შეთანხმება გაუფორმდა და მას სასჯელის სახით განესაზღვრა პირობითი მსჯავრი 4 წლითა და 6 თვის ვადით, ასევე ჯარიმა 5 000 ლარის ოდენობით და 2 წლით ჩამოერთვა თანამდებობის დაკავების უფლება.

 

შეგახსენებთ, რომ ბუტა რობაქიძის მკვლელობასთან დაკავშირებით, შინაგან საქმეთა სამინისტროს ყოფილი მაღალჩინოსნების მხრიდან სამსახურეობრივი უფლებამოსილების ბოროტად გამოყენების საქმეზე ბრალდებული იყო 5 პირი: გურამ დონაძე, ზაზა ბაქრაძე, ზურა მიქაძე, ირაკლი ფირცხალავა და დავით იაშვილი.

 

ზაზა ბაქრაძე ერთადერთი იყო აღნიშნულ საქმეზე ბრალდებულთაგან, რომელიც ჩადენილ დანაშაულს აღიარებდა და აცხადებდა, რომ ბუტა რობაქიძის მკვლელობის ადგილზე იარაღი მიტანილი იყო და ამაში მასაც ჰქონდა მონაწილეობა მიღებული. ბაქრაძე მიმდინარე წლის 28 თებერვალს ჩვენების მისაცემად დაბრუნდა საქართველოში, რა დროსაც თბილისის საერთაშორისო აეროპორტში დააკავეს. 30 მარტს ის 5 000-ლარიანი გირაოს სანაცვლოდ სხდომათა დარბაზიდან გაათავისუფლეს.

საქართველოს შინაგან საქმეთა სამინისტროში იმ პირს დაიბარებენ, ვინც გუშინ ველისციხესთან აქციის მონაწილეების ავტომანქანაში სავარაუდოდ, გაზი შეასხა. ამის შესახებ „გლობალპრესს“ შინაგან საქმეთა სამინისტროში განუცხადეს.

 

უწყების ინფორმაციით, შინაგან საქმეთა სამინისტროს მიერ ერთ-ერთ მედიასაშუალებაში გასული ვიდეო-კადრების შესწავლა უკვე დაწყებულია. მათივე ცნობით, მიმდინარეობს ვიდეომასალაში დაფიქსირებული პირის დადგენა, რომელსაც გამოკითხვაზე დაიბარებენ.

 

"შინაგან საქმეთა სამინისტრომ მედია საშუალებებში გავრცელებული ვიდეო კადრების საფუძველზე გამოძიება დაიწყო. კადრებში ასახულია 16 დეკემბერს, კახეთში უცნობი პირი დაუდგენელ ნივთიერებას როგორ ასხურებს საპროტესტო კოლონის ერთ-ერთ მანქანაში. გამოძიება სისხლის სამართლის კოდექსის 118-ე მუხლით მიმდინარეობს, რაც ჯანმრთელობის განზრახ ნაკლებად მძიმე დაზიანენას გულისხმობს. ჩატარდება ვიდეომასალაში დაფიქსირებული პირის დადგენისთვის საჭირო საგამოძიებო-ოპერატიული ღონისძიებები. საგამოძიებო ორგანოში გამოკითხვაზე დაბარებული იქნებიან დაზარალებულები და სავარაუდო დანაშაულის ჩამდენი პირი", - ნათქვამია შსს-ს განცხადებაში.

 

გუშინ, ველისციხესთან ოპოზიციის წარმომადგენელთა ნაწილი აცხადებდა, რომ სავარაუდოდ, მათი გაზით ინტოქსიკაცია სცადეს. ოპოზიციის ერთ-ერთი წარმომადგენლის, ზურაბ მელიქიშვილის ინფორმაციით, იმ მანქანებში, სადაც აქციის მონაწილეების ნაწილი იმყოფებოდა, გაზი შეუშვეს. „მე ვერ გეტყვით, რა გაზი შემოუშვეს, ჯანმრთელობის რა დაზიანება მივიღეთ, თუმცა ვინც ვიყავით მანქანებში, გვაქვს პირის სიმშრალე“, - განაცხადა ზურაბ მელიქიშვილმა.

„ნაციონალური მოძრაობისა“ და გაერთიანებული ოპოზიციის ერთ-ერთი ლიდერი დავით კირკიტაძე სისხლის სამართლის კოდექსის 353-ე მუხლით არის დაკავებული, რაც პოლიციისთვის წინააღმდეგობის გაწევას გულისხმობს.

 

ამ საკითხზე უწყებაში 18:00 საათზე ბრიფინგია ჩანიშნული. კირკიტაძე დაკავების პროცესში მის თანაგუნდელ ნიკა მელიასთან ერთად იმყოფებოდა. როგორც „ნაციონალურ მოძრაობაში“ აცხადებენ, პირები, რომლებმაც კირკიტაძე დააკავეს, თავდაპირველად მათ მანქანას უთვალთვალებდნენ, შემდეგ კი დააკავეს. მათთვის ამ დროისთვის უცნობია, სად ჰყავთ გადაყვანილი კირკიტაძე.

არქივი

« « » » მაისი 2019
ორშ სამ ოთხ ხუთ პარ შაბ კვი
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31

ამინდი

Clear

0°C

თბილისი

Clear

სინესტე: 65%

ქარი: 9.66 km/h

  • 04 იანვარი 2019

    ნაწილობრივ ღრუბლიანი 7°C 0°C

  • 05 იანვარი 2019

    უმეტესად ღრუბლიანი 7°C 0°C

ბლოგერები

Global Press
ვალოდია ჯინჭარაძე
ბლოგერი
იხილეთ ბლოგი
Global Press
გიორგი გიორგაძე
ბლოგერი
იხილეთ ბლოგი
Global Press
მერაბ ცაავა
ბლოგერი
იხილეთ ბლოგი

ყველა ბლოგერი

ჟურნალისტური გამოძიება

გამოკითხვა

საქართველოში, პროსტიტუციის ლეგალიზაცია უნდა მოხდეს თუ არა?