Global Press

Georgia

Global PressGlobal PressGlobal PressGlobal Press

USD
2.9573
EUR
3.2796
RUR
0.0463
GBP
3.8826

თურქეთი სირიაში საომარ ოპერაციებს წყვეტს, რათა ქურთულ ძალებს შესაძლებლობა მიეცეთ, 120 საათის განმავლობაში "უსაფრთხოების ზონა" დატოვონ. ამის შესახებ ამერიკის ვიცე-პრეზიდენტმა მაიკ პენსმა განაცხადა.

 

აღნიშნული გადაწყვეტილება თურქეთის პრეზიდენტთან მოლაპარაკებების შედეგად მიიღეს, რომელიც დღეს ანკარაში გაიმართა.

 

„ყველა მოქმედება, რომელიც „მშვიდობის წყაროს“ ფარგლებში მიმდინარეობს, შეწყდება, ხოლო უშუალოდ ოპერაცია მთლიანად შეჩერებულია ვიდრე ქურთული ძალები არ დაასრულებენ გასვლას“, - განაცხადა ამერიკის ვიცე-პრეზიდენტმა.

 

პენსმა ასევე აღნიშნა, რომ სირიაში სამხედრო ოპერაციის გამო ანკარას წინააღმდეგ შეერთებული შტატების მიერ შემოღებული სანქციები მოიხსნება მხოლოდ მას შემდეგ, რაც რეგიონში მთლიანად შეწყდება ცეცხლი.

სახმელეთო ჯარების აღმოსავლეთ სარდლობის მე-4 მექანიზებული ბრიგადის 44-ე ბატალიონის სამხედრო მოსამსახურე, კაპრალი მამუკა ხარაზიშვილი დღეს დილით გარდაიცვალა.

 

აღნიშნულ ინფორმაციას თავდაცვის სამინისტრო ავრცელებს.

 

მათივე ინფორმაციით, კაპრალი მამუკა ხარაზიშვილი ვაზიანის პოლიგონზე გეგმურ სწავლებებს გადიოდა. იგი შეუძლოდ გახდა და ლაზარეთში გადაყვანის შემდეგ გარდაიცვალა.

 

„გლობალპრესი“ თავდაცვის სამინისტროს განცხადებას უცვლელად გთავაზობთ.

 

„საქართველოს თავდაცვის სამინისტრო ღრმა მწუხარებას გამოთქვამს საქართველოს თავდაცვის ძალების სამხედრო მოსამსახურის, კაპრალ მამუკა ხარაზიშვილის გარდაცვალების გამო.

 

სახმელეთო ჯარების აღმოსავლეთ სარდლობის მე-4 მექანიზებული ბრიგადის 44-ე ბატალიონის სამხედრო მოსამსახურე ვაზიანის პოლიგონზე გეგმურ სწავლებებს გადიოდა. კაპრალი მამუკა ხარაზიშვილი გამთენიისას შეუძლოდ გახდა, რის შემდეგაც ის მე-4 ბრიგადის ლაზარეთში გადაიყვანეს. სამწუხაროდ, ლაზარეთში შესვლისას გულის გაჩერება დაფიქსირდა. სამხედრო მოსამსახურეს გულ-ფილტვის რეანიმაცია ჩაუტარდა, თუმცა კაპრალი მამუკა ხარაზიშვილი გარდაიცვალა.

 

ამ ეტაპზე მიმდინარეობს შესაბამისი საგამოძიებო პროცედურები და ექსპერტიზა. გამოძიება 116-ე მუხლის I ნაწილით დაიწყო.

 

საქართველოს თავდაცვის სამინისტრო უსამძიმრებს გარდაცვლილის ოჯახის წევრებსა და ახლობლებს“, - ნათქვამია განცხადებაში.

ავღანეთში, ქაბულის თავდაცვის ეროვნულ უნივერსიტეტთან ტერორისტული აქტი მოხდა. თვითმკვლელმა ტერორისტმა თავი მაშინ აიფეთქა, როდესაც შენობიდან კადეტები გამოდიოდნენ. ამის შესახებ ინფორმაციას ავღანური მედია ავრცელებს.

 

ტერაქტს, სულ მცირე, 6 ადამიანი ემსხვერპლა, 6 კი დაშავდა. მომხდარზე პასუხისმგებლობა ჯერჯერობით არც ერთ რადიკალურ დაჯგუფებას არ აუღია.

რუსეთის პრეზიდენტმა ვლადიმერ პუტინმა საუდის არაბეთს S300-ის ან S400-ის ტიპის რუსული საზენიტო-სარაკეტო კომპლექსების შეძენა შესთავაზა, - ამის შესახებ ინფორმაციას რუსული მედია ავრცელებს.

 

მათივე ინფორმაციით, პუტინმა განაცხადა, რომ თუკი საუდის არაბეთი „ჭკვიანურ სახელმწიფოებრივ გადაწყვეტილებას“ მიიღებს და რუსულ საზენიტო-სარაკეტო კომპლექსებს შეიძენს, ქვეყანა მის ტერიტორიაზე მდებარე ნებისმიერი ინფრასქტრუქტურული ობიექტის დაცვას შეძლებს.

 

„ჩვენ მზად ვართ საუდის არაბეთს შესაბამისი მხარდაჭერა აღმოვუჩინოთ. ქვეყნის პოლიტიკურმა ხელმძღვანელობამ ჭკვიანური სახელმწიფოებრივი გადაწყვეტილება უნდა მიიღოს, როგორც ეს ირანელებმა გააკეთეს, როცა მათ S-300 შეიძინეს და ასევე პრეზიდენტმა ერდოღანმა, რომელმაც რუსეთისგან S-400 შესყიდვის გადაწყვეტილება მიიღო,“ - განაცხადა პუტინმა.

 

რუსეთის პრეზიდენტის მტკიცებით, რუსეთის, თურქეთისა და ირანის პრეზიდენტებს ანკარაში გამართულ სამმხრივ შეხვედრაზე საუდის არაბეთის ნავთობტერმინალებზე განხორციელებულ თავდასხმაზე არ უსაუბრიათ.

 

14 სექტემბერს საუდის არაბეთში ორ ნავთობტერმინალზე დრონების საშუალებით თავდასხმა განახორციელეს. შეერთებულმა შტატებმა აღნიშნულ თავდასხმაში, რომელზეც პასუხისმგებლობა იემენელმა ჰუსიტებმა აიღეს, ირანი დაადანაშაულა, თუმცა ირანის პრეზიდენტმა ამ ბრალდებას „უაზრო და გაუგებარი“ უწოდა და განაცხადა, რომ თავდასხმა იემენელი ხალხის მხრიდან საპასუხო მოქმედება იყო. თავდასხმის შედეგად ნავთობის წარმოება დღეში 5.7 მილიონი ბარელით შემცირდა. მსოფლიოში ნავთობის ფასი კი მნიშვნელოვნად გაიზარდა.

 

ექსპერტების ვარაუდით, იმისათვის, რომ ნავთობტერმინალები ნორმალურ ფუნქციონირებას დაუბრუნდნენ, რამდენიმე კვირაა საჭირო.

ამერიკის შეეთებული შტატები პოლონეთში დამატებით 2000 სამხედრო პირს გაგზავნის. ამის შესახებ თეთრი სახლის ლიდერმა დონალდ ტრამპმა პოლონეთის პრეზიდენტ ანჟეი დუდასთან ერთად გამართულ პრესკონფერენციაზე განაცხადა.

 

ტრამპის განმარტებით, 2000 სამხედრო პირი გერმანიაში მყოფ 52 ათასი სამხედროსგან შემდგარ ამერიკულ კონტიგენტს გამოეყოფა. პოლონეთში გაგზავნილი იქნება სამხედრო დრონები და სხვა სამხედრო ტექნიკაც. დუდას ინიციატივაზე, რომ პოლონეთში ამერიკის მუდმივი ბაზა შეიქმნას, ტრამპმა განაცხადა, რომ ოფიციალური ვაშინგტონი დაინტერესებულია იდეით, თუმცა თავს იკავებს მუდმივი ბაზის შექმნისგან, რაც დიდი ალბათობით, რუსეთის საპასუხო რეაქციას გამოიწვევს.

 

ვიზიტი პოლონეთის ნატო-ს წევრობის 20 წლისთავს და ქვეყანაში კომუნიზმის დამხობის 30 წლისთავს ეძღვნება.

იაპონიაში გამგზავრებამდე დონალდ ტრამპმა ჟურნალისტებთან განაცხადა, რომ ახლო აღმოსავლეთში დამატებით 1,500 ჯარისკაცს გაგზავნის. ამის შესახებ Bloomberg-ი წერს.

 

თეთრი სახლის ლიდერის თქმით, ჯარისკაცების რეგიონში გაგზავნის მიზეზი უკვე განლაგებული ჯარების თავდაცვითი ზომების გაძლიერებაა.

 

სამხედროების გაგზავნის გადაწყვეტილება ოფიციალურმა ვაშინგტონმა თეირანთან გამწვავებული ურთიერთობების ფონზე მიიღო.

 

ახლო აღმოსავლეთში გასაგზავნი სამხედრო დანაყოფის შემადგენლობაში ინჟინრების ჯგუფიც შედის.

 

მანამდე The New York Times-ი აშშ-ის ადმინისტრაციაში წყაროზე დაყრდნობით წერდა, რომ აშშ-ის ხელისუფლება ახლო აღმოსავლეთში 120 000-მდე ჯარისკაცის გაგზავნას გეგმავდა, რაც მოგვიანებით ტრამპმა უარყო.

 

2018 წელს ტრამპმა ირანის წინააღმდეგ სანქციები თავიდან აამოქმედა, რომელიც 2015 წელს ირანთან ბირთვული პროგრამის შესახებ შეთანხმების საფუძველზე შეჩერებული იყო.

 

ირანის პრეზიდენტის, ჰასან როუჰანის განცხადებით, საერთაშორისო სანქციების გამო ქვეყანა უპრეცედენტო ზეწოლის წინაშეა. როუჰანის თქმით, აშშ-ის სანქციების განახლებამ ეკონომიკური მდგომარეობა გააუარესა და მსგავსი მოვლენა 1980-88 წელს ერაყთან ომის დროსაც არ დაფიქსირებულა.

თურქეთის პრეზიდენტის რეჯებ თაიპ ერდოღანის განცხადებით, ანკარას მიერ შესყიდული საზენიტო რაკეტების სისტემის С-400-ის თურქეთისთვის მიწოდება ივლისიდან დაიწყება.

 

„რუსეთთან განვიხილეთ С-40“-ის თემა. ეს უკვე დასრულებული საქმეა. რაიმე სახის პრობლემები არ ჩანს. ვფიქრობ, მიწოდება დაიწყება ივლისის პირველ ნახევარში“ - განაცხადა ერდოღანმა.

 

თურქეთის ლიდერმა ხაზგასმით აღნიშნა, რომ ანკარა არ აპირებს აღნიშნული სისტემის შესაძენ კონტრაქტზე უარის თქმას.

 

„ჩვენ დავსვით ჩვენი ხელმოწერა და დავასრულებთ დაწყებულს. რუსეთმა კრედიტი ისეთი პროცენტებით მოგვცა, როგორიც საერთაშორისო ბაზარზე არ არსებობს“, - განაცხადა ერდოღანმა.

 

მისივე თქმით, თურქეთის ეროვნული თავდაცვის სამინისტრო ამერიკის თავდაცვის მდივნის მოვალეობის შემსრულებლის პატრიკ შანაჰანის წერილზე პასუხს ამზადებს, რომელიც ვაშინგტონის გადაწყვეტილებას უკავშირდება, თურქეთის მიერ С-400-ის შეძენის გამო შეაჩეროს თურქეთის მონაწილეობა პროგრამაში, რომლითაც თურქ მფრინავებს F-35-ების მართვას ასწავლიან. პრეზიდენტის ინფორმაციით, ეს წერილი უახლოეს დღეებში გაეგზავნება ამერიკას.

აზერბაიჯანის რესპუბლიკაში, ქალაქ გაბალაში მიმდინარე სამმხრივი მინისტერიალის ფარგლებში პირველი შეხვედრა საქართველოსა და აზერბაიჯანის თავდაცვის მინისტრებს შორის გაიმართა.

 

თავდაცვის სამინისტროს ცნობით, შეხვედრაზე საქართველოსა და აზერბაიჯანის თავდაცვის მინისტრებმა სამხედრო სფეროში არსებულ ორმხრივ ურთიერთობებზე იმსჯელეს და იმედი გამოთქვეს, რომ თანამშრომლობა მომავალში კიდევ უფრო გაღრმავდება.

 

ლევან იზორიამ საქართველოს სუვერენიტეტისა და ტერიტორიული მთლიანობის მხარდაჭერისთვის აზერბაიჯანელ კოლეგას მადლობა გადაუხადა და აღნიშნა, რომ თავდაცვის სფეროში როგორც ორმხრივ, ისე სამმხრივ ფორმატში თანამშრომლობის აქტიური დინამიკაა.

 

ლევან იზორიამ და გენერალ-პოლკოვნიკმა ზაკირ ჰასანოვმა საქართველოსა და აზერბაიჯანის თავდაცვის სამინისტროებს შორის 2019 წლის ორმხრივი თანამშრომლობის გეგმას მოაწერეს ხელი.

 

ჰეიდარ ალიევის კონგრესის ცენტრში გამგზავრებამდე საქართველოს, აზერბაიჯანისა და თურქეთის თავდაცვის მინისტრებმა ჰეიდარ ალიევის პარკში ჰეიდარ ალიევის მონუმენტი გვირგვინით შეამკეს.

საფრანგეთის ქალაქ ლიონის ქუჩაში მომხდარი აფეთქების შედეგად სულ მცირე 8 ადამიანი დაშავდა. ამის შესახებ ადგილობრივი მედია წერს. არსებობს ინფორმაცია 13 დაშავებულის შესახებაც.

 

შემთხვევა ბელკურის მოედანზე მოხდა. გავრცელებული ცნობით, ამანათში მოთავსებული ბომბი ამოქმედდა. გამოცემა Le Progres-ი წერს, რომ ბომბი ლურსმნებით და ბოლტებით იყო შეკეთებული.

 

დაუდასტურებელი ცნობით, აფეთქებამდე ორი წუთით ადრე შემთხვევის ადგილას კაცმა, რომელიც ველოსიპედზე იჯდა, ჩანთა დატოვა. პოლიცია 30-35 წლის ეჭვმიტანილს ეძებს, - იუწყება BFMTV.

 

პროკურატურაში განაცხადეს, რომ საქმე ტერორიზმის მუხლით აღიძრა, მანამდე ცნობილი გახდა, რომ გამოძიება მკვლელობის მიზნით თავდასხმის მუხლით დაიწყო.

 

აშშ-ს პრეზიდენტის დონალდ ტრამპის განცხადებით, აშშ მზადაა, პოლონეთს მიყიდოს დიდი რაოდენობით მრავალფუნქციური სამხედრო თვითმფრინავი „ეფ-35“. ამის შესახებ ცნობას „როიტერი“ ავრცელებს.

 

აღნიშნული განცხადება ტრამპმა პოლონეთის პრეზიდენტ ანჯეი დუდასთან ერთობლივ პრესკონფერენციაზე გააკეთა. ტრამპმა ასევე განაცხადა, რომ პოლონეთს საპასუხო ვიზიტით ესტუმრება, თუმცა ამ ვიზიტის თარიღზე ჯერ არაფერია ცნობილი.

 

წინა დღეებში პოლონეთმა „ეფ-35“-ების სწრაფად შეძენის სურვილი გამოთქვა, თუ აშშ ამ თვითმფრინავებს თურქეთს აღარ მიაწვდის.

ქაბულის თავდაცვის ეროვნულ უნივერსიტეტთან აფეთქებაზე პასუხისმგებლობა ტერორისტულმა დაჯგუფება „ისლამურმა სახელმწიფომ“ აიღო. ამის შესახებ Reuters-ი წერს.

 

გამოცემის ინფორმაციით, თვითმკვლელმა ტერორისტმა ქაბულის დასავლეთ ნაწილში თავი მაშინ აიფეთქა, როდესაც შენობიდან კადეტები გამოდიოდნენ.

 

მაღალჩინოსნების განმარტებით, შედეგად დაიღუპა სულ მცირე ექვსი და დაშავდა ასევე ექვსი ადამიანი.

ამერიკის თავდაცვის სამინისტრო სწავლობს შესაძლებლობას, ახლო აღმოსავლეთში, დამატებით, 10 ათასამდე სამხედრო მოსამსახურის გაგზავნასთან დაკავშირებით. „დოიჩე ველეს“ ინფორმაციით, ამის შესახებ შესაბამის გეგმას პენტაგონი თეთრ სახლს დღეს წარუდგენს.

 

ანონიმური წყაროების ცნობით, ეს ნაბიჯი მიმართულია რეგიონში უსაფრთხოების გასაძლიერებლად და არ წარმოადგენს ირანის მხრიდან წამოსულ მუქარებზე პასუხს. ოფიციალური პირები ამბობენ, საბოლოო გადაწყვეტილება ამის შესახებ ჯერ მიღებული არ არის.

 

გარდა ამისა, პენტაგონი განიხილავს რეგიონში დამატებითი საზენიტო-სარაკეტო კომპლექს Patriot-ისა და დამატებითი ხომალდების გაგზავნას. აშშ-სა და ირანს შორის ვითარება მას შემდეგ დაიძაბა, რაც თეირანმა ოფიციალურად შეწყვიტა ბირთვული შეთანხმების ზოგიერთი ვალდებულების შესრულება, რომელიც 2015 წელს მსოფლიოს სხვადასხვა სახელმწიფოსთან ერთად გააფორმა და რომელიც აშშ-მა ცალმხრივად პირველმა დატოვა.

არქივი

« « » » დეკემბერი 2019
ორშ სამ ოთხ ხუთ პარ შაბ კვი
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31

ამინდი

თბილისი

ბლოგერები

Global Press
ვალოდია ჯინჭარაძე
ბლოგერი
იხილეთ ბლოგი
Global Press
გიორგი გიორგაძე
ბლოგერი
იხილეთ ბლოგი
Global Press
მერაბ ცაავა
ბლოგერი
იხილეთ ბლოგი

ყველა ბლოგერი

ჟურნალისტური გამოძიება

გამოკითხვა

საქართველოში, პროსტიტუციის ლეგალიზაცია უნდა მოხდეს თუ არა?