Global Press

Georgia

Global PressGlobal PressGlobal PressGlobal Press

USD
3.0463
EUR
3.4381
RUR
0.0433
GBP
3.8124

ამერიკის შეერთებული შტატების თავდაცვის მდივანი მარკ ესპერი საქართველოს პრემიერ-მინისტრ გიორგი გახარიასთან გამართულ შეხვედრას, რომელიც მიუნხენის უსაფრთხოების რიგით 56-ე კონფერენციის ფარგლებში შედგა, სოციალურ ქსელ „ტვიტერში“ ეხმაურება.

 

აშშ-ის თავდაცვის მდივანი ხაზს უსვამს, რომ შეერთებული შტატები მხარს უჭერს საქართველოს ტერიტორიულ მთლიანობასა და სუვერენიტეტს. მარკ ესპერი მადლობას უხდის საქართველოს - გლობალური უსაფრთხოების სფეროში შეტანილი მრავალჯერადი წვლილისთვის.

 

„საქართველოს პრემიერ-მინისტრ, მის აღმატებულება გიორგი გახარიასთან განვიხილეთ სტაბილურობისა და უსაფრთხოების საკითხებში ნაკისრი საერთო ვალდებულებები. ამერიკის შეერთებული შტატები მხარს უჭერს საქართველოს სუვერენიტეტსა და ტერიტორიულ მთლიანობას. საქართველოსი მადლობელნი ვართ - გლობალური უსაფრთხოების სფეროში შეტანილი მრავალჯერადი წვლილისთვის,“- წერს აშშ-ს თავდაცვის მდივანი მარკ ესპერი სოციალურ ქსელში.

 

კენიაში, ლამუს რეგიონში ისლამისტ მეამბოხეთა დაჯგუფება „ალ-შაბაბი“ კენიურ-ამერიკულ სამხედრო ბაზა „კემპ სიმბას“ დაესხა თავს. ინფორმაციას ამის შესახებ BBC ავრცელებს.

 

კენიის თავდაცვის ძალების ინფორმაციით, მათ თავდასხმა მოიგერიეს და ოთხი ისლამისტი მეამბოხე მოკლეს. The Associated Press-ის ცნობით, თავდასხმის დროს გაჩენილი ხანძრის შედეგად ორი ამერიკული თვითმფრინავი, ორი ვერტმფრენი და რამდენიმე ავტომობილი დაიწვა.

 

რაც შეეხება „ალ-შაბაბს“, მათი ინფორმაციით, შეტაკებისას რამდენიმე ამერიკელი და კენიელი სამხედრო დაშავდა, თუმცა აფრიკაში აშშ-ის შეიარაღებული ძალების მეთაურმა კრისტოფერ კარნსმა ეს ინფორმაცია არ დაადასტურა.

 

„ალ-შაბაბი“ დაჯგუფება „ალ-ქაიდას“ მოკავშირეა, მისი შტაბბინა კი სომალიში მდებარეობს. რამდენიმე დღის წინ სომალის დედაქალაქ მოგადიშოში „ალ-შაბაბის“ თავდასხმას 80-მდე ადამიანი ემსხვერპლა.

თურქეთის პრეზიდენტის რეჯებ თაიპ ერდოღანის განცხადებით, ანკარას მიერ შესყიდული საზენიტო რაკეტების სისტემის С-400-ის თურქეთისთვის მიწოდება ივლისიდან დაიწყება.

 

„რუსეთთან განვიხილეთ С-40“-ის თემა. ეს უკვე დასრულებული საქმეა. რაიმე სახის პრობლემები არ ჩანს. ვფიქრობ, მიწოდება დაიწყება ივლისის პირველ ნახევარში“ - განაცხადა ერდოღანმა.

 

თურქეთის ლიდერმა ხაზგასმით აღნიშნა, რომ ანკარა არ აპირებს აღნიშნული სისტემის შესაძენ კონტრაქტზე უარის თქმას.

 

„ჩვენ დავსვით ჩვენი ხელმოწერა და დავასრულებთ დაწყებულს. რუსეთმა კრედიტი ისეთი პროცენტებით მოგვცა, როგორიც საერთაშორისო ბაზარზე არ არსებობს“, - განაცხადა ერდოღანმა.

 

მისივე თქმით, თურქეთის ეროვნული თავდაცვის სამინისტრო ამერიკის თავდაცვის მდივნის მოვალეობის შემსრულებლის პატრიკ შანაჰანის წერილზე პასუხს ამზადებს, რომელიც ვაშინგტონის გადაწყვეტილებას უკავშირდება, თურქეთის მიერ С-400-ის შეძენის გამო შეაჩეროს თურქეთის მონაწილეობა პროგრამაში, რომლითაც თურქ მფრინავებს F-35-ების მართვას ასწავლიან. პრეზიდენტის ინფორმაციით, ეს წერილი უახლოეს დღეებში გაეგზავნება ამერიკას.

საქართველოს დელეგაცია, პრემიერ-მინისტრ გიორგი გახარიას ხელმძღვანელობით, მიუნხენის უსაფრთხოების კონფერენციაში მიიღებს მონაწილეობას. ამის შესახებ ინფორმაციას პრემიერის პრესსამსახური ავრცელებს.

 

მათივე ცნობით, სამუშაო ვიზიტის ფარგლებში, მთავრობის მეთაური მიუნხენის 56-ე უსაფრთხოების კონფერენციის გახსნით სესიას დაესწრება. გიორგი გახარია კონფერენციის ფარგლებში მაღალი დონის ორმხრივ შეხვედრებს გამართავს.

ბაღდადის ცენტრში, „მწვანე ზონაში“, აშშ-ის საელჩოსთან ახლოს რამდენიმე რაკეტა ჩამოვარდა. ამის შესახებ BBC-ი წერს.

 

გამოცემის ინფორმაციით, აფეთქებები ქალაქიდან 80 კილომეტრში, ბალადის სამხედრო ბაზაზეც მოხდა, სადაც ამერიკელი ჯარისკაცები არიან განთავსებულები. მომხდარს ერაყის სამხედრო მეთაურობა ადასტურებს. თავდასხმას მსხვერპლი არ მოჰყოლია, თუმცა Reuters-ის ცნობით, დაჭრილია 5 ადამიანი. სხვა დეტალები ამ ეტაპზე უცნობია.

 

ახლო აღმოსავლეთში მდგომარეობა ირანელი გენერლის ყასემ სულეიმანის მოკვლის შემდეგ დაიძაბა. სულეიმანი ირანის გუშაგთა კორპუსის ქვედანაყოფის „ალ-ქუდსის“ მეთაური იყო, რომელიც უცხოეთში სადაზვერვო და შეიარაღებული სპეცოპერაციების ჩატარებაზეა პასუხისმგებელი. ირანელი გენერალი და შეიარაღებული დაჯგუფება „ქატაიბ ჰეზბოლას“ ლიდერი აბუ მაჰდი ალ-მუჰანდისი ამერიკელმა სამხედროებმა ბაღდადში 3 იანვარს მოკლეს. გენერალთან გამოსამშვიდობებლად ბაღდადის ქუჩებში დღეს რამდენიმე ათასი ადამიანი გავიდა.

 

დონალდ ტრამპის განცხადებით, ირანელი გენერალი ტერაქტების მომზადებაში მონაწილეობდა და ასობით ამერიკელის მკვლელობაზე პასუხისმგებელი. ირანის მთავრობამ გენერლის მკვლელობას „ომის გამოცხადება“ უწოდაო და აშშ-ს შურისძიებით დაემუქრა.

აშშ-ს პრეზიდენტის დონალდ ტრამპის განცხადებით, აშშ მზადაა, პოლონეთს მიყიდოს დიდი რაოდენობით მრავალფუნქციური სამხედრო თვითმფრინავი „ეფ-35“. ამის შესახებ ცნობას „როიტერი“ ავრცელებს.

 

აღნიშნული განცხადება ტრამპმა პოლონეთის პრეზიდენტ ანჯეი დუდასთან ერთობლივ პრესკონფერენციაზე გააკეთა. ტრამპმა ასევე განაცხადა, რომ პოლონეთს საპასუხო ვიზიტით ესტუმრება, თუმცა ამ ვიზიტის თარიღზე ჯერ არაფერია ცნობილი.

 

წინა დღეებში პოლონეთმა „ეფ-35“-ების სწრაფად შეძენის სურვილი გამოთქვა, თუ აშშ ამ თვითმფრინავებს თურქეთს აღარ მიაწვდის.

ირანმა,ერაყში მდებარე აშშ-ის სამხედრო ბაზებზე სარაკეტო თავდასხმა განახორციელა, - ინფორმაციას ,,როიტერსი" ავრცელებს. სააგენტო აშშ-თავდაცვის დეპარტამენტის ინფორმაციაზე დაყრდნობით ავრცელებს ინფორმაციას, რომ აშშ-ს საჰაერო ბაზებზე ათამდე ბალისტიკური რაკეტამ დაარტყა, სამიზნე კი ერაყის ჩრდილოეთით, ქალაქ ერბილეს მახლობლად მდებარე ბაზა ,,აინ ალ-ასადი’’ და ,,ირბილი" იყო.

 

ირანის სახელმწიფო ტელევიზიების ინფორმაციით ,,ირანის ისლამური რევოლუციური გვარდიის კორპუსმა" დაადასტურა, რომ მათ ყასემ სულეიმანის მკვლელობისთვის შურისძიების მიზნით განახორციელეს ბაზებზე დარტყმა.

 

BBC-ის ინფორმაციით, პენტაგონი ზარალის და მსხვრეპლის შესახებ ოფიციალურ ინფორმაცია, ჯერჯერობით, არ გაუვრცელებია. თეთრი სახლის სპიკერის ჯონათან ჰოფმანის განცხადებით, პრეზიდენტმა თავდასხმის შესახებ ინფორმაცია უკვე მიიღო.

 

,,ჩვენ მივიღეთ ინფორმაცია ერაყში აშშ-ის ობიექტებზე სარაკეტო თავდასხმების შესახებ. პრეზიდენტი აკვირდება მიმდინარე მდგომარეობას და კონსულტაციებს უწევს თავის ეროვნული უსაფრთხოების გუნდს", - განაცხადა სპიკერმა.

 

მისივე თქმით, ყველა საჭირო ზომა იქნება მიღებული აშშ-ის პერსონალის, პარტნიორების და მოკავშირეების დასაცავად. მან, ასევე, აღნიშნა, რომ ზარალის შეფასების მიზნით, შესაბამისი სამუშაობი ხორციელდება.

 

ახლო აღმოსავლეთში სიტუაცია მას შემდეგ დაიძაბა, რაც ირანელი გენერალი და შეიარაღებული დაჯგუფება „ქატაიბ ჰეზბოლას“ ლიდერი აბუ მაჰდი ალ-მუჰანდისი ამერიკელმა სამხედროებმა ბაღდადში 3 იანვარს მოკლეს.

 

გენერალთან გამოსამშვიდობებლად ბაღდადის ქუჩებში 4 იანვარს რამდენიმე ათასი ადამიანი გავიდა.

 

დონალდ ტრამპის განცხადებით, ირანელი გენერალი ტერაქტების მომზადებაში მონაწილეობდა და ასობით ამერიკელის მკვლელობაზეა პასუხისმგებელი.

 

ირანის მთავრობამ გენერლის მკვლელობას „ომის გამოცხადება“ უწოდა და აშშ-ს შურისძიებით დაემუქრა.

თურქეთი სირიაში საომარ ოპერაციებს წყვეტს, რათა ქურთულ ძალებს შესაძლებლობა მიეცეთ, 120 საათის განმავლობაში "უსაფრთხოების ზონა" დატოვონ. ამის შესახებ ამერიკის ვიცე-პრეზიდენტმა მაიკ პენსმა განაცხადა.

 

აღნიშნული გადაწყვეტილება თურქეთის პრეზიდენტთან მოლაპარაკებების შედეგად მიიღეს, რომელიც დღეს ანკარაში გაიმართა.

 

„ყველა მოქმედება, რომელიც „მშვიდობის წყაროს“ ფარგლებში მიმდინარეობს, შეწყდება, ხოლო უშუალოდ ოპერაცია მთლიანად შეჩერებულია ვიდრე ქურთული ძალები არ დაასრულებენ გასვლას“, - განაცხადა ამერიკის ვიცე-პრეზიდენტმა.

 

პენსმა ასევე აღნიშნა, რომ სირიაში სამხედრო ოპერაციის გამო ანკარას წინააღმდეგ შეერთებული შტატების მიერ შემოღებული სანქციები მოიხსნება მხოლოდ მას შემდეგ, რაც რეგიონში მთლიანად შეწყდება ცეცხლი.

სახმელეთო ჯარების აღმოსავლეთ სარდლობის მე-4 მექანიზებული ბრიგადის 44-ე ბატალიონის სამხედრო მოსამსახურე, კაპრალი მამუკა ხარაზიშვილი დღეს დილით გარდაიცვალა.

 

აღნიშნულ ინფორმაციას თავდაცვის სამინისტრო ავრცელებს.

 

მათივე ინფორმაციით, კაპრალი მამუკა ხარაზიშვილი ვაზიანის პოლიგონზე გეგმურ სწავლებებს გადიოდა. იგი შეუძლოდ გახდა და ლაზარეთში გადაყვანის შემდეგ გარდაიცვალა.

 

„გლობალპრესი“ თავდაცვის სამინისტროს განცხადებას უცვლელად გთავაზობთ.

 

„საქართველოს თავდაცვის სამინისტრო ღრმა მწუხარებას გამოთქვამს საქართველოს თავდაცვის ძალების სამხედრო მოსამსახურის, კაპრალ მამუკა ხარაზიშვილის გარდაცვალების გამო.

 

სახმელეთო ჯარების აღმოსავლეთ სარდლობის მე-4 მექანიზებული ბრიგადის 44-ე ბატალიონის სამხედრო მოსამსახურე ვაზიანის პოლიგონზე გეგმურ სწავლებებს გადიოდა. კაპრალი მამუკა ხარაზიშვილი გამთენიისას შეუძლოდ გახდა, რის შემდეგაც ის მე-4 ბრიგადის ლაზარეთში გადაიყვანეს. სამწუხაროდ, ლაზარეთში შესვლისას გულის გაჩერება დაფიქსირდა. სამხედრო მოსამსახურეს გულ-ფილტვის რეანიმაცია ჩაუტარდა, თუმცა კაპრალი მამუკა ხარაზიშვილი გარდაიცვალა.

 

ამ ეტაპზე მიმდინარეობს შესაბამისი საგამოძიებო პროცედურები და ექსპერტიზა. გამოძიება 116-ე მუხლის I ნაწილით დაიწყო.

 

საქართველოს თავდაცვის სამინისტრო უსამძიმრებს გარდაცვლილის ოჯახის წევრებსა და ახლობლებს“, - ნათქვამია განცხადებაში.

ირანის ინფორმაციისა და ტელეკომუნიკაციების მინისტრმა მოჰამედ ჯავად აზარი-ჯაჰრომიმ აშშ-ის პრეზიდენტი ადოლფ ჰიტლერს შეადარა და „კოსტიუმში გამოწყობილი ტერორისტი“ უწოდა. ამის შესახებ Reuters-ი წერს.

 

გამოცემის ინფორმაციით, შესაბამისი განცხადება მინისტრმა Twitter-ზე გააკეთა, მას შემდეგ რაც ტრამპი თეირანს 52 სამიზნის განადგურებით დაემუქრა.

 

„როგორც ისლამური სახელმწიფო, როგორც ჰიტლერი, როგორც ჩინგიზ-ყაენი! ყველა მაგთანს კულტურები ეზიზღებათ. ტრამპი კოსტიუმში გამოწყობილი ტერორისტია. ის სულ მალე ისწავლის ისტორიას, რომ არავის შეუძლია დიდი ირანელი ხალხისა და კულტურის დამარცხება“, – წერს ჯაჰრომი.

 

5 იანვარს აშშ-ის პრეზიდენტი ირანს ავიადარტყმებით დაემუქრა. ახლო აღმოსავლეთში მდგომარეობა ირანელი გენერლის ყასემ სულეიმანის მოკვლის შემდეგ დაიძაბა. სულეიმანი ირანის გუშაგთა კორპუსის ქვედანაყოფის „ალ-ქუდსის“ მეთაური იყო, რომელიც უცხოეთში სადაზვერვო და შეიარაღებული სპეცოპერაციების ჩატარებაზეა პასუხისმგებელი. ირანელი გენერალი და შეიარაღებული დაჯგუფება „ქატაიბ ჰეზბოლას“ ლიდერი აბუ მაჰდი ალ-მუჰანდისი ამერიკელმა სამხედროებმა ბაღდადში 3 იანვარს მოკლეს. გენერალთან გამოსამშვიდობებლად ბაღდადის ქუჩებში 4 იანვარს რამდენიმე ათასი ადამიანი გავიდა.

 

დონალდ ტრამპის განცხადებით, ირანელი გენერალი ტერაქტების მომზადებაში მონაწილეობდა და ასობით ამერიკელის მკვლელობაზე პასუხისმგებელი. ირანის მთავრობამ გენერლის მკვლელობას „ომის გამოცხადება“ უწოდა და აშშ-ს შურისძიებით დაემუქრა.

რუსეთის პრეზიდენტმა ვლადიმერ პუტინმა საუდის არაბეთს S300-ის ან S400-ის ტიპის რუსული საზენიტო-სარაკეტო კომპლექსების შეძენა შესთავაზა, - ამის შესახებ ინფორმაციას რუსული მედია ავრცელებს.

 

მათივე ინფორმაციით, პუტინმა განაცხადა, რომ თუკი საუდის არაბეთი „ჭკვიანურ სახელმწიფოებრივ გადაწყვეტილებას“ მიიღებს და რუსულ საზენიტო-სარაკეტო კომპლექსებს შეიძენს, ქვეყანა მის ტერიტორიაზე მდებარე ნებისმიერი ინფრასქტრუქტურული ობიექტის დაცვას შეძლებს.

 

„ჩვენ მზად ვართ საუდის არაბეთს შესაბამისი მხარდაჭერა აღმოვუჩინოთ. ქვეყნის პოლიტიკურმა ხელმძღვანელობამ ჭკვიანური სახელმწიფოებრივი გადაწყვეტილება უნდა მიიღოს, როგორც ეს ირანელებმა გააკეთეს, როცა მათ S-300 შეიძინეს და ასევე პრეზიდენტმა ერდოღანმა, რომელმაც რუსეთისგან S-400 შესყიდვის გადაწყვეტილება მიიღო,“ - განაცხადა პუტინმა.

 

რუსეთის პრეზიდენტის მტკიცებით, რუსეთის, თურქეთისა და ირანის პრეზიდენტებს ანკარაში გამართულ სამმხრივ შეხვედრაზე საუდის არაბეთის ნავთობტერმინალებზე განხორციელებულ თავდასხმაზე არ უსაუბრიათ.

 

14 სექტემბერს საუდის არაბეთში ორ ნავთობტერმინალზე დრონების საშუალებით თავდასხმა განახორციელეს. შეერთებულმა შტატებმა აღნიშნულ თავდასხმაში, რომელზეც პასუხისმგებლობა იემენელმა ჰუსიტებმა აიღეს, ირანი დაადანაშაულა, თუმცა ირანის პრეზიდენტმა ამ ბრალდებას „უაზრო და გაუგებარი“ უწოდა და განაცხადა, რომ თავდასხმა იემენელი ხალხის მხრიდან საპასუხო მოქმედება იყო. თავდასხმის შედეგად ნავთობის წარმოება დღეში 5.7 მილიონი ბარელით შემცირდა. მსოფლიოში ნავთობის ფასი კი მნიშვნელოვნად გაიზარდა.

 

ექსპერტების ვარაუდით, იმისათვის, რომ ნავთობტერმინალები ნორმალურ ფუნქციონირებას დაუბრუნდნენ, რამდენიმე კვირაა საჭირო.

ამერიკის შეეთებული შტატები პოლონეთში დამატებით 2000 სამხედრო პირს გაგზავნის. ამის შესახებ თეთრი სახლის ლიდერმა დონალდ ტრამპმა პოლონეთის პრეზიდენტ ანჟეი დუდასთან ერთად გამართულ პრესკონფერენციაზე განაცხადა.

 

ტრამპის განმარტებით, 2000 სამხედრო პირი გერმანიაში მყოფ 52 ათასი სამხედროსგან შემდგარ ამერიკულ კონტიგენტს გამოეყოფა. პოლონეთში გაგზავნილი იქნება სამხედრო დრონები და სხვა სამხედრო ტექნიკაც. დუდას ინიციატივაზე, რომ პოლონეთში ამერიკის მუდმივი ბაზა შეიქმნას, ტრამპმა განაცხადა, რომ ოფიციალური ვაშინგტონი დაინტერესებულია იდეით, თუმცა თავს იკავებს მუდმივი ბაზის შექმნისგან, რაც დიდი ალბათობით, რუსეთის საპასუხო რეაქციას გამოიწვევს.

 

ვიზიტი პოლონეთის ნატო-ს წევრობის 20 წლისთავს და ქვეყანაში კომუნიზმის დამხობის 30 წლისთავს ეძღვნება.

არქივი

« « » » ივლისი 2019
ორშ სამ ოთხ ხუთ პარ შაბ კვი
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31

ამინდი

Tbilisi

ბლოგერები

Global Press
ვალოდია ჯინჭარაძე
ბლოგერი
იხილეთ ბლოგი
Global Press
გიორგი გიორგაძე
ბლოგერი
იხილეთ ბლოგი
Global Press
მერაბ ცაავა
ბლოგერი
იხილეთ ბლოგი

ყველა ბლოგერი

ჟურნალისტური გამოძიება

გამოკითხვა

საქართველოში, პროსტიტუციის ლეგალიზაცია უნდა მოხდეს თუ არა?