Global Press

Georgia

Global PressGlobal PressGlobal PressGlobal Press

USD
3.1172
EUR
3.4626
RUR
0.0448
GBP
3.8613

ისტორიაში პირველად SpaceX-მა და NASA-მ კოსმოსში კერძო კომპანიის ხომალდი Crew Dragon გაუშვეს. SpaceX-მა საერთაშორისო კოსმოსურ სადგურზე NASA-ს ორი ასტრონავტის გაგზავნა.

 

შეგახსენებთ, რომ ასტრონავტების გაშვების პირველი მცდელობა 28 მაისს უამინდობის გამო გაუქმდა. აღსანიშნავია, რომ 2011 წელს Space Shuttle-ის პროგრამის დახურვის შემდეგ, ეს ამერიკიდან ასტრონავტების კოსმოსში გაშვების პირველი შემთხვევა იქნება.

 

SpaceX-ი პირველი კერძო კომპანია გახდა, რომელმაც ადამიანები კოსმოსში გაგზავნა.

 

The Guardian-ის ინფორმაციით, მეცნიერები მიიჩნევენ, რომ 2020 წელი გასულ წლებთან შედარებით ცხელი იქნება და 4 წლის წინ დაფიქსირებულ რეკორდს მოხსნის.

 

მიუხედავად იმისა, რომ კორონავირუსის მიერ გამოწვეულმა შეზღუდვებმა დროებით გაასუფთავა ცა, კლიმატის გასაგრილებლად საკმარისი არ არის და უფრო ღრმა, გრძელვადიანი ზომების მიღებაა საჭირო.

 

გავრცელებული ინფორმაციით, ანტარქტიდიდან გრელანდიამდე მაღალი ტემპერატურა იანვრიდან უკვე ფიქსირდება.

 

ამერიკის შეერთებული შტატების ოკეანის და ატმოსფეროს ეროვნული ადმინისტრაციის გამოთვლებით, 75% არის შანსი იმისა, რომ 2020 წელი ყველაზე ცხელი წელი იყოს.

 

სააგენტომ განაცხადა, რომ მიმდინარე მონაცემები ძალიან ახლოსაა 2016 წლის მონაცემებთან, როდესაც წლის დასაწყისში ტემპერატურა უჩვეულოდ გაიზარდა.

 

სააგენტოს ცნობით, 99% არის ალბათობა იმისა, რომ 2020 წელი ყველაზე ცხელი წლების ტოპ ხუთეულში მოხვდება.

 

ნასას კოსმოსური კვლევების ინსტიტუტის დირექტორის, გავინ შმიდტის ცალკეული გამოთვლით, 60 %-ია შანსი, რომ ეს წელი ცხელი იყოს.

 

დიდი ბრიტანეთის ინსტიტუტში ამბობენ, რომ 2015 წლის შემდეგ ეს წელი რეკორდულად ცხელი პერიოდია.

 

პათოლოგიური ამინდი უფრო და უფრო ნორმა ხდება.

 

იანვარი ყველაზე ცხელი იყო, რამაც მრავალი არქტიკული ერი თოვლის გარეშე დატოვა. თებერვალში ანტარქტიდაში ჩატარებულმა კვლევამ დაადგინა, რომ სამხრეთ კონტინენტზე 20 გრადუსზე მეტი ტემპერატურა პირველად დაფიქსირდა.

 

წლის პირველ კვარტალში დასავლეთ ევროპასა და აზიაში ტემპერატურა საშუალოზე 3 გრადუსით მაღალი იყო.

 

რაც შეეხება ბოლო დღეებს, გასულ პარასკევს, ლოს -ანჯელესში 34 გრადუსი დაფიქსირდა, რეკორდული სითბო დაფიქსირდა ავსტრალიაში.

 

დიდ ბრიტანეთში ტენდენცია ნაკლებად გამოხატულია. აპრილისთვის დამახასიათებელი დღიური ტემერატურა საშუალოზე 3.1 გრადუსით მეტია.

 

ოქსფორდის უნივერსიტეტის მეცნიერის, კარსტენ ჰაუსტეინის თქმით, გლობალური დათბობა ინდუსტრიულ დონეზე 1.2 გრადუსს უახლოვდება.

 

მიუხედავად იმისა, რომ პანდემიამ დროებით შეამცირა გამონაბოლქვის რაოდენობა, ატმოსფეროში სათბურის გაზების კონცენტრაცია დიდ შეშფოთებას იწვევს.

 

„კლიმატის კრიზისი დაუოკებლად გრძელდება. წელს ემისიები შემცირდება, მაგრამ კონცენტრაცია იზრდება. ახლა გვაქვს უნიკალური შესაძლებლობა გადავხედოთ ჩვენს არჩევანს და კორონას კრიზისი გამოვიყენოთ, როგორც კატალიზატორი უფრო მდგრადი სატრანსპორტო საშუალებებისა და ენერგიის წარმოებისთვის“,_ განცხადა ჰაუსტეინმა.

პანდემიის პირობებში NASA-მ საერთასორისო კოსმოსურ სადგურზე 3 ასტრონავტი გაუშვა. BBC-ის ცნობით, მისია ხანგრძლივი კარანტინის შემდეგ განხორციელდა. მისია წარმატებით შედგა.

 

ეკიპაჟის წევრები კოსმოსურ სადგურში გაფრენამდე ორი კვირის განმავლობაში კარანტინში იმყოფებოდნენ. ამის შემდეგ კიდევ ერთი მისიის ფარგლებში საერთაშორისო კოსმოსური სადგურიდან ეკიპაჟის სხვა წევრები 17 აპრილს უნდა დაბრუნდნენ.

 

 

ჯანდაცვის მსოფლიო ორგანიზაციამ კორონავირუსთან დაკავშირებით პანდემია 2020 წლის 11 მარტს გამოაცხადა.

ლიდსის უნივერსიტეტისა და დანიის ტექნიკური უნივერსიტეტის მკვლევარებმა, შეიმუშავეს თეორია, იმის ასახსნელად თუ რატომ მოძრაობს ჩრდილოეთ მაგნიტური პოლუსი კანადადან რუსეთის მიმართულებით.

 

PHYS. ORG-ის ინფორმაციით, პოლუსის გადაადგილების ასახსნელი მიზეზის თეორია ფილიპ ლივერმორს, კრისტოფერ ფინლს და მეთიუ ბეილიფს ეკუთვნით.

 

დედამიწის ჩრდილოეთ მაგნიტური პოლუსი 1830 წელს აღმოაჩინა ჯეიმს კლარკ როსმა.

 

იმ დროისთვის ის იყო კანადაში, ნუნავუტის ტერიტორიაზე.

 

მას შემდეგ მეცნიერები თვალყურს ადევნებენ მის ძალიან ნელ მოძრაობას. 1990-იან წლებში მან სიჩქარეს მოუმატა და კანადიდან ციმბირის მიმართულებით ინაცვლებს.

 

პოლუსის მოძრაობამ გამოიწვია ინტერესი მედიაში, რადგან ის აიძულებს ცვლილებებს სანავიგაციო სისტმებს და სმარტფონებს, რომლებიც მას ფოკუსურ წერტილად იყენებენ.

 

მკვლევარები ვარაუდობენ, რომ ბირთვისა და მანტიის საზღვარზე ორი უარყოფითი მაგნიტური ნაკადი მიედინება. ისინი დამატებით ვარაუდობენ, რომ ბირთვში მდნარი ლითონის ნაკადის ცვლილებები იწვევს ცვლილებას მაგნიტური ნაკადის ნაწილაკებში.

 

პოლუსის პოზიცია განისაზღვრება იმის მიხედვით, რომ როდესაც ერთი ნაწილი იძენს ძალას, მეორე კარგავს, რის შედეგადაც პოლუსი უფრო ძლიერად გადაადგილდება, რისი შედეგიაა გამუდმებული ომი ორ ნაწილაკს შორის. ამჟამინდელი მოძრაობაც ერთ-ერთი ნაწლიკითაა განპირობებული.

 

მკვლევარებმა შეიმუშავეს თეორია 20 წლის სატელიტური მონაცემების შესწავლის შემდეგ, რომელიც დედამიწის მაგნიტური ველის ევოლუციური ფორმის გასაზომად სჭირდებოდათ.

 

თეორიის შემუშავების შედეგად შექმნეს მოდელი, რომელიც პოლუსის ისტორიულ მოძრაობას შეესაბამება და გამოიყენეს ის მომავალი გზის გასაგებად. მან აჩვენა, რომ რუსეთისკენ მიმავალი ბოძები ამჟამინდელ სწრაფ ტემპს შეინარჩუნებს და საბოლოოს ციმბირის ნაწილს გადალახავს. მოდელს არ შეუძლია რაიმე შეფასების გაკეთება შორეულ მომავალზე.

​29 აპრილს დედამიწას ასტეროიდი 1998 OR2 ჩაუფრენს. ამის შესახებ BBC წერს.

 

გამოცემის ინფორმაციით, 1998 წელს აღმოჩენილი ასტეროიდი, რომელსაც NASA-ს მეცნიერები უკვე 20 წელია ვარაუდობენ, ჩვენს პლანეტას 6 მილიონი კილომეტრის მანძილზე ჩაუვლის. მისი დიამეტრის 1,5 კილომეტრია. სპეციალისტები აღნიშნავენ, რომ ასტეროიდი პლანეტის ორბიტაზე არ მოხვდება, ამიტომ საშიშროება არ არსებობს.

 

თუმცა, მათივე თქმით, 1998 OR2-ს შემდეგი შეხვედრა დედამიწასთან უფრო ახლო მანძილზე მოხდება, ამიტომ ისინი ასტეროიდს პოტენციურად სახიფათოდ მიიჩნევენ.

აშშ-ის პრეზიდენტის, დონალდ ტრამპის განცხადებით, გლობალური დათბობა სერიოზული საკითხია, თუმცა გარემოს დაცვა სამუშაო ადგილების შექმნას ხელს არ უნდა უშლიდეს. თეთრი სახლის ცნობით, ამის შესახებ ტრამპმა ჟურნალისტებთან საუბარში განაცხადა.

 

„გლობალური დათბობა აფიორა არაა, ეს ძალიან სერიოზული საკითხია. მე სუფთა ჰაერი და სუფთა წყალი მინდა. გარემოს დაცვა ჩემთვის ძალიან მნიშვნელოვანია. ვიღაცამ ჩემზე წიგნი დაწერა, სადაც გარემოსდამცველი მიწოდა. წიგნს ჰქვია „The Environmentalist“ („გარემოსდამცველი“). ეს წიგნი ჩემს ოფისში მაქვს, შემდეგ პრესკონფერენციაზე მოგიტანთ. დარწმუნებული ვარ, ძალიან გაგიკვირდებათ.

 

მე მჯერა გარემოს დაცვის, ჰაერი და წყალი სუფთა უნდა იყოს, მაგრამ სამუშაო ადგილების შექმნაც მინდა. არ მინდა ჩვენი ინდუსტრიის დახურვა მხოლოდ იმის გამო, რომ ვიღაცამ თქვა - „ქარი გამოიყენეთ“. ამით ჩვენ დასახულ მიზნებს ვერ მივაღწევთ. ჩვენ სამუშაო ადგილების შექმნის მხრივ უპრეცედენტო პროგრესი გვაქვს, ეს ძალიან მნიშვნელოვანია“, - განაცხადა ტრამპმა.

 

გასულ წელს ტრამპმა რამდენჯერმე გააკრიტიკა გარემოსდამცველები და განაცხადა, რომ გლობალური დათბობის შესახებ საუბრები აფიორაა.

 

2019 წლის 5 აგვისტოს აშშ-მა ოფიციალურად შეატყობინა გაეროს პარიზის კლიმატის შეთანხმების დატოვების შესახებ. მოგვიანებით, სექტემბერში ცნობილი გახდა, რომ აშშ კლიმატის ცვლილების შესახებ პარიზის შეთანხმებას აღარ დატოვებს, თუმცა მასში საკუთარ მონაწილეობასთან დაკავშირებით პირობების გადახედვას მოითხოვს.

11 და 12 მაისს, საქართველოში უმეტესად უნალექო ამინდია მოსალოდნელი. როგორც „გლობალპრესს“ გარემოს ეროვნული სააგენტოს ჰიდრომეტეოროლოგიური პროგნოზების სამმართველოს უფროსმა სვეტლანა ნიორაძემ განუცხადა, 11 და 12 მაისს დასავლეთ საქართველოში +23-დან + 28 გრადუსამდე დათბება, ხოლო აღმოსავლეთ საქართველოში +19-დან +24 გრადუსამდე.

 

„საქართველოს მთელ ტერიტორიაზე დღეს უკვე გამოიდარებს და ნალექი ყველგან შეწყდება. ხვალიდან, საქართველოს ტერიტორიის უმეტეს ნაწილში უნალექო ამინდია მოსალოდნელი, ჰაერის ტემპერატურაც მოიმატებს. კერძოდ, 11 და 12 მაისს, დასავლეთ საქართველოში +23-დან + 28 გრადუსამდე დათბება, ხოლო აღმოსავლეთ საქართველოში +19-დან +24 გრადუსამდე. აღმოსავლეთ საქართველოში ზოგან შესაძლოა, ხანმოკლე წვიმა დაფიქსირდეს. თბილისში უნალექო ამინდია მოსალოდნელი.

 

13 მაისს, დღის მეორე ნახევრიდან დასავლეთ საქართველოში ისევ მოსალოდნელია შედარებით გრილი და ნოტიო ჰაერის მასების გავრცელება. დასავლეთ საქართველოში ყველგან იწვიმებს, ხოლო აღმოსავლეთ საქართველოში ზოგან ისევ გაძლიერდება დასავლეთის მიმართულების ქარი, ჰაერის ტემპერატურა +20 +25 გრადუსის ფარგლებში იქნება. 19 მაისს ისევ გამოიდარებს“,- განაცხადა სვეტლანა ნიორაძემ.

ასტრონომებმა იუპიტერსა და ნეპტუნს შორის სხვა ვარსკვლავის სისტემაში წარმოქმნილი ასტეროიდები აღმოაჩინეს. ამის შესახებ CNN-ი წერს.

 

გამოცემის ინფორმაციით, 19 ციური ობიექტი, როგორც მინიმუმ 4,5 მილიარდი წლის არის. სავარაუდოდ მზის სისტემამ ისინი თავისი ფორმირების პროცესში მიიზიდა, რადგან იმ პერიოდში ვარსკვლავებს შორის მანძილი გაცილებით მცირე იყო. აღმოჩენა ბრაზილიელმა და ფრანგმა მეცნიერებმა გააკეთეს.

 

ასტეროიდები მზის ირგვლივ ე.წ. კენტავრებთან ერთად მოძრაობენ. ასტრონომები კენტავრებს იმ ობიექტებს ეძახიან, რომლებსაც როგორც ასტეროიდებისთვის, ასევე კომეტებისთვის დამახასიათებელი თვისებები ახასიათებს. კენტავრები საკმაოდ უცნაურად მოძრაობენ, ამიტომ მეცნიერებმა მათი ორბიტების დაზუსტება გადაწყვიტეს. კვლევამ დაადგინა, რომ 19 ასტეროიდის არსებული ორბიტის ახსნა მხოლოდ იმ ფაქტს შეუძლია, რომ მზის სისტემის ფორმირების დროს ისინი სხვა ვარსკვლავების ირგვლივ მოძრაობდნენ.

ზღვის დონე დედამიწაზე მოსალოდნელზე მეტად აიწევს, - BBC-ს ინფორმაციით, მეცნიერებს ვარაუდის საფუძველს გრელანდიისა და ანტარქტიკის სწრაფი დნობა აძლევს.

 

წლების განმავლობაში ვარაუდობდნენ, რომ 2100 წლისთვის ზღვის დონე 1 მეტრით მოიმატებდა, თუმცა ახალი კვლევის თანახმად, რომელიც მეცნიერების მოსაზრებების მიხედვით არის მომზადებული, ეს მაჩვენებელი, შესაძლოა, გაორმაგდეს.

 

ზღვის დონის მატების გამო კი მილიონობით ადამიანი იძულებული გახდება, საცხოვრებელი ადგილი შეიცვალოს.

 

კვლევის ავტორების თქმით, ყინულის დნობა პლანეტაზე ძალიან დიდ გავლენას მოახდენს. მათი გამოთვლით, დედამიწა დაახლოებით 1.79 მლნ კილომეტრის მოცულობის ხმელეთს დაკარგავს. წყლით კი უმეტესად დაიფარება ტერიტორიები, რომელიც მოსავლის მოყვანისთვის საუკეთესოა - მაგალითად, ნილოსის დელტა.

 

წყლის დონის მატების შედეგად ბანგლადეშში ცხოვრება შეუძლებელი იქნება. მეცნიერების ვარაუდით, საფრთხის ქვეშ დადგება ისეთი დიდი ქალაქები, როგორიცა ლონდონი, ნიუ-იორკი და შანხაი.

ავსტრალიაში უცნობმა ვირუსმა ასობით ფრინველი მოკლა. მედია წერს, რომ დაავადება სწრაფად ვრცელდება და იქედან გამომდინარე, რომ ახლო კონტაქტით ვრცელდება, მას კორონავირუსსაც ადარებენ.

 

ექსპერტებს უჭირთ იმის ახსნა, რამ გამოიწვია ეს ვირუსი, რომელიც ახლო კონტაქტით სწრაფად ვრცელდება, თუმცა განმარტავენ, რომ ეს მდგომარეობა ლორის პარალიზის სინდრომით არის ცნობილი.

 

გრიფითის უნივერსიტეტის პროფესორის, დერილ ჯონსის თქმით, ქალაქ ბრიზბენში უამრავი შემთხვევა დაფიქსირდა.

 

მისი თქმით, მიუხედავად იმისა, რომ ეს ვირუსი Covid-19-თან არ არის დაკავშირებული, აქვს მნიშვნელოვანი მსგავსება, რადგან ფრინველთა მჭიდრო კონტაქტით ვრცელდება.

 

პროფესორის თქმით, ცნობილია, რომ მსგავსი ფაქტი აღმოსავლეთ ავსტრალიაში 70-იან წლებში დაფიქსირდა, წელს კი - ძირითადად ავსტრალიის ჩრდილო–დასავლეთით მდებარე შტატ, კუინზლენდში, ასევე - სანაპიროზე.

 

ლორი არის თუთიყუშის ერთ-ერთი სახეობა, რომელიც ადამიანის ხმის კოპირებას ყველაზე უკეთ ახერხებს.

უამინდობა საქართველოში 27 აპრილამდე შენარჩუნდება.

 

გარემოს ეროვნული სააგენტოს ინფორმაციით, 27 აპრილამდე საქართველოს უმეტეს ტერიტორიაზე შენარჩუნდება ნალექი, მაღალმთაში თოვლი, ზოგან შესაძლებელია ძლიერი.

 

„მოსალოდნელმა ძლიერმა ნალექებმა საქართველოს მდინარეებზე შესაძლებელია წყლის დონის მნიშვნელოვანი მატება, ხოლო ქვეყნის მთიან ზონებში ზვავების ფორმირება და მეწყრული პროცესების ჩასახვა-გააქტიურება გამოიწვიოს“, - აცხადებენ სააგენტოში.

იაპონიის დედაქალაქ ტოკიოში, საგამოფენო ცენტრში „Terrada Warehouse“ გამოფენა „საქართველო – ღვინის სამშობლო“ დამთვალიერებლებისთვის დღეიდან ღიაა. ექსპოზიცია აერთიანებს უნიკალურ არქეოლოგიურ ექსპონატებსა და თანამედროვე ტექნოლოგიებს, რომლის კონცეფციაც დაფუძნებულია ქართული ღვინის კულტურის უნიკალურობის წარმოჩენაზე. ინფორმაციას ღვინის ეროვნული სააგენტო ავრცელებს.

 

„გამოფენა დამთვალიერებლებისთვის დღეიდან ღიაა. 15 მარტს გაიმართება საზეიმო ოფიციალური გახსნა, რომელსაც საქართველოსა და იაპონიის მთავრობების წარმომადგენლები დაესწრებიან. გამოფენამ პირველივე დღეს დამთვალიერებლების მხრიდან დიდი ინტერესი გამოიწვია. მათ შესაძლებლობა აქვთ გაეცნონ არა მხოლოდ ქართული ღვინის ისტორიასა და კულტურას, არამედ ზოგადად მიიღონ ინფორმაცია საქართველოს შესახებ, რაც გაზრდის ჩვენი ქვეყნის ცნობადობას იაპონიაში“ - აღნიშნა ღვინის ეროვნული სააგენტოს თავმჯდომარის მოადგილემ დავით ტყემალაძემ.

 

პროექტი „საქართველო – ღვინის სამშობლო“, რომლის ორგანიზატორები არიან ღვინის ეროვნული სააგენტო და ასოციაცია „ქართული ღვინო“, საქართველოს მთავრობის ინიციატივით, გარემოს დაცვისა და სოფლის მეურნეობის სამინისტროს, ინტელექტუალური საკუთრების ეროვნული ცენტრის „საქპატენტის“, საქართველოს განათლების, მეცნიერების, კულტურისა და სპორტის სამინისტროსა და ეროვნული მუზეუმის მხარდაჭერით ხორციელდება.

 

პროექტი ხორციელდება მსოფლიოში უმსხვილესი კომპანიის Sony music communication და კომპანია TOPPAN-ის პარტნიორობით. ქართული ღვინის კულტურისა და ისტორიისადმი მიძღვნილი ექსპოზიცია 7 მაისამდე გაგრძელდება.

ევროკავშირი

არქივი

« « » » ივნისი 2019
ორშ სამ ოთხ ხუთ პარ შაბ კვი
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30

ამინდი

თბილისი

ბლოგერები

Global Press
ვალოდია ჯინჭარაძე
ბლოგერი
იხილეთ ბლოგი
Global Press
გიორგი გიორგაძე
ბლოგერი
იხილეთ ბლოგი
Global Press
მერაბ ცაავა
ბლოგერი
იხილეთ ბლოგი

ყველა ბლოგერი

ჟურნალისტური გამოძიება

გამოკითხვა

საქართველოში, პროსტიტუციის ლეგალიზაცია უნდა მოხდეს თუ არა?