Global Press

Georgia

Global PressGlobal PressGlobal PressGlobal Press

USD
2.6984
EUR
3.0246
RUR
0.0421
GBP
3.4912

23 მარტს ევროპის ჩემპიონატის საკვალიფიკაციო ეტაპის პირველ მატჩში შვეიცარიასთან მარცხის (0:2) შემდეგ საქართველოს ნაკრების მთავარმა მწვრთნელმა ვლადიმერ ვაისმა ჟურნალისტების კითხვებს უპასუხა.

 

"საბა კვირკველიამ იმიტომ არ ითამაშა, რომ გადავწყვიტე, კაშია-ხოჭოლავას წყვილს ეთამაშა. ხოჭოლავა არ იყო ცუდი, საბამ თვითონ იცის, რატომ არ იყო სასტარტო შემადგენლობაში.

 

რაც მე საქართველოს ნაკრების მწვრთნელი ვარ, ყველაზე რთული მეტოქე გვყავდა, პირველ ტაიმში ჩვენი მაქსიმუმი გავაკეთეთ. სამწუხაროდ, ამ დონეზე თამაში 90 წუთი არ შეგვიძლია, მეტოქემ მეორე ტაიმში შესანიშნავად ითამაშა. ასეთი დონის თამაშებს, როგორიც დღეს გვქონდა, ისინი ყოველ კვირა თამაშობენ, ჩვენ კი წელიწადში 4-5-ჯერ გვიწევს მსგავსი შეხვედრების ჩატარება.

 

როგორ უნდა გვეთამაშა შვეიცარიასთან შემტევი ფეხბურთი, ხედავთ რა გუნდებში თამაშობენ მათი ფეხბურთელები?

 

ჯანო ანანიძემ ითამაშა კარგი პირველი ტაიმი, მეორე ტაიმში შვეიცარიამ სამი ცენტრალური მცველი დააყენა და ასეთ დროს ძნელია ითამაშო.

 

შვეიცარიასთან შემტევი თამაში თვითმკვლელობის ტოლფასი იქნებოდა. მოთამაშეები ვინც დღეს მოედანზე იყვნენ, ქვილითაია, ჯანო ანანიძე და ოთარ კაკაბაძე ხანგრძლივი ტრავმის შემდეგ დაბრუნდნენ.

 

თორნიკე ოქრიაშვილი სამი თვეა უკლუბოდაა, ის ფიზიკურად არ იყო მზად. 24 ფეხბურთელიდან 22 უნდა გვყოლოდა განაცხადში.

 

ერთა ლიგისგან განსხვავდება ეს ტურნირი. შვეიცარია ჯგუფის ფავორიტი და გამორჩეული გუნდია, მიუხედავად იმისა, რომ ლიდრების გარეშე იყო, ასეთი მეტოქის წინააღმდეგ ორივე ტაიმის თანაბრად თამაში რთულია.

 

მომავალ მატჩში იძულებული და ტაქტიკური ცვლილებაც იქნება, ტრავმის გამო ჯიმი ტაბიძე ვერ გამოგვყება ირლანდიასთან და 2-3 ცვლილება აუცილებლად იქნება. ირლანდიასთან ქულების აღებას შევცდები, მათთან თამაში იოლი არასდროს არ არის. მაღალი დონის ნაკრებია და მიუხედავად იმისა, რომ მათთან ცუდი სტატისტიკა გვაქვს, მათთან ბოლო მატჩში ქულის აღება მოვახერხეთ და იგივეს გაკეთებას ვეცდებით", - განაცხადა ვლადიმერ ვაისმა.

 

საქართველოს ეროვნული ნაკრები შემდეგ შეხვედრას 26 მარტს დუბლინში ირლანდიის წინააღმდეგ გამართავს.

,,მადრიდის "რეალის" დირექტორთა საბჭომ მთავარი მწვრთნელის პოსტზე ლეგენდარული ზინედინ ზიდანი დააბრუნდა. სანტიაგო სოლარი კი გაათავისუფლა. ფრანგი მთავარი მწვრთნელი ,,სამეფო კლუბს“ 2022 ივნისამდე გაწვრთნის. პრესემა, ზიდანი ,,სანტიაგო ბერნაბეუს“ პრეს-ცენტრში თბილისის დროით 23:00 საათზე წარადგინა.

 

მადრიდის რეალის დირექტორის ფლორეტინო პერესის განცხადებით , მსოფლიოს საუკეთესო მწვრთნელი "რეალში" დაბრუნდა, ამით კი ყველა გულშემატკივარი ამაყობს.

 

,,შესანიშნავი შემადგენლობა გვყავს, მაგრამ ვერ მივაღწიეთ იმას, რასაც მრავალწლიანი გამარჯვებების შემდეგ ველოდით.

 

ახალი სახელოვანი ეპოქის ძიებაში მუშაობა უნდა დავიწყოთ და ჩვენი მაქსიმალური დონე აღვადგინოთ. ამიტომ, ზინედინ ზიდანს მივესალმებით". როცა ხუთი დღის წინ მას შინ დაბრუნება შევთავაზეთ, მან თავისი ერთგულება გვიჩვენა.

 

მსოფლიოს საუკეთესო მწვრთნელი "რეალში" დაბრუნდა და ყველა გულშემატკივარი ამაყობს, რომ ზიდანი ჩვენთან ერთადაა. ის კლუბის სიდიადეს წარმოადგენს". - განაცხადა პერესმა პერესმა, ასევე ჟურნალისტებთან აღნიშნა, რომ ზიდანს მბაპეს დაყოლიება შეუძლია

 

ზინედინ ზიდანმა ,,სანტიაგო ბერნაბეუზე“ გამართულ პრესკონფერენციაზე აღნიშნა, რომ რეალი დატოვა, რადგან ეს კლუბს და მას ჭირდებოდა, ახლა დაბრუნდა რადგან ფლორეტინო პერესმა დაურეკა.

 

,,მე ძალიან ბედნიერი ვარ, რომ ისევ უდიდეს კლუბში ვიმუშავებ, ისევ ამ დიდებულ ფეხბურთელებთან. რეალი იმიტომ დავტოვე, რომ იმ დროს მე ეს მჭირდებოდა და კლუბს ჭირდებოდა სიახლე.

 

აქ დავბრუნდი იმიტომ, რომ პრეზიდენტმა ფლორენტინო პერესმა დამირეკა. მე კი ძალიან ვაფასებ მას და მიყვარს ეს კლუბი. ამიტომაც დავბრუნდი. 

 

ყველაზე მნიშვნელოვანი რამ ისაა, რომ რვა თვეზე მეტის გასვლის შემდეგ, ერთი სული მაქვს, როდის გავმართავ პირველ ვარჯიშს" - აღნიშნა ზიდანმა

 

მისი თქმით ამბიცია რეალთან ერთად არსად გამქრალა

 

"ეს ძალიან დიდი პასუხისმგებლობაა, რადგან ყოველ ფეხბურთელს რეალი ფანატიკურად უყვარს და მეც ერთ-ერთი მათგანი ვარ. მე მითამაშია ამ გერბით, ვიყავით რეალის ერთ-ერთი ფეხბურთელი და ბევრი რამ მომიგია. მე კლუბის ერთ-ერთი ნაწილი ვარ. ძალიან კარგად ვიცი სად მოვხვდი და რა მელის, ყველაფერი უნდა მივიღო, ისე, როგორც ეს საჭიროა. ჩემი ამბიცია რეალთან ერთად არსად გამქრალა. ყოველი ვარჯიშის შემდეგ უკეთესი გუნდი უნდა გავხდეთ". - განაცხადა ზინედინს ზიდანმა

 

46 წლის ფრანგმა სპეციალისტმა სამეფო კლუბს ზედიზედ სამჯერ ჩემპიონთა ლიგაში გაამარჯვებინა, თითოჯერ - ლა ლიგასა (2016/17) და ესპანეთის თასზე (2017). ზიდანის რეალმა ასევე ორ-ორჯერ მოიგო უეფას სუპერთასი (2016 და 2017 წლებში) და მსოფლიოს საკლუბო ჩემპიონატი (2016 და 2017 წლებში).

 

რეალი მან 2018 წლის მაისში დატოვა

ჩინეთის ქალაქ შანხაიში Kunlunfight-ის ეგიდით გამართულ მსოფლიო პირველობაზე, ქართველმა კიკბოქსიორმა დავით ქირიამ ჩემპიონობა მოიპოვა. მან ფინალში ჩინელი ფენგ შინგლი დაამარცხა და 70 კილოგრამ წონით კატეგორიაში მსოფლიოს პირველობის გამარჯებული კარიერაში მესამედ გახდა.

 

"ამ წუთებში ჩამოვედი რინგიდან. მადლობას გიხდით ყველას. ჩვენ ეს ერთად შევძელით. თქვენ რომ არა, მე ამას ვერ შევძლებდი. ამას გულით გეუბნებით. მადლობა იმ მოტივაციისთვის, იმ თანადგომისთვის, რასაც მოსამზადებელ პერიოდში გამოხატავდით", - განაცხადა შეხვედრის შემდეგ დავით ქირიამ.

 

Kunlunfight-ი ჩინური კიკბოქსინგის ტურნირია, რომელიც 2014 წლიდან ტარდება და 2015 წელს წლის საუკეთესო ღონისძიების ჯილდოც გადაეცა.

23 მარტს ევროპის ჩემპიონატის საკვალიფიკაციო ეტაპის პირველ მატჩში საქართველოსთან გამარჯვების (2:0) შემდეგ შვეიცარიის ნაკრების მთავარმა მწვრთნელმა ვლადიმირ პეტკოვიჩმა ჟურნალისტების კითხვებს უპასუხა.

 

"ჩვენი თამაშით კმაყოფილი ვარ. თავიდანვე ვუთხარი მოთამაშეებს, რომ მეტოქე საკმაოდ ძლიერი გვყავდა. თავიდან გაგვიჭირდა რიტმის პოვნა. მეორე ტაიმში თავდაჯერებულობა ვიპოვეთ, მეტი გოლი უნდა შეგვეგდო და სამომავალოდ ამაზე უნდა ვიმუშავოთ.

 

ჩვენ ყველა მეტოქეს სერიოზულად ვუდგებით და პატივს ვცემთ. კარგი მომზადებაა გამარჯვებისთვის საჭირო. ბევრი ახალი მოთამაშე გვყავს, თავდაჯერებულობას იმატებენ და ეს მეორე ტაიმშიც გამოჩნდა.

 

რა თქმა უნდა, პირველი შეხვედრის მოგებით მოგვეხსნება  წნეხი, დანიასთან სათამაშოდ მშვიდად მოვემზადებით.

 

მჯერა, რომ საქართვეელოს ნაკრებს ამ ჯგუფში შეუძლია რამდენიმე სიურპრიზის გაკეთება და იმედი მაქვს ეს ჩვენთან თამაშში არ მოხდება. ადრე აღვნიშნე, რომ საქართველოს ნებისმიერ მეტოქესთან შეუძლია კონკურენციის გაწევა და ეს პატიოსნად ვთქვი", - განაცხადა ვლადიმერ პეტკოვიჩმა.

 

26 მარტს შვეიცარიის მეტოქე დანიის ნაკრები იქნება, საქართველო კი სტუმრად ირლანდიას დაუპირისპირდება.

რაგბიში ევროპის ჩემპიონატის მეოთხე ტურში საქართველოს ნაკრებმა გერმანია ანგარიშით 52:3 დაამარცხა.

 

ქართველმა მორაგბეებმა ამ გამარჯვებით ერთი ტურით ადრე უკვე გაინაღდეს ჯგუფში პირველი ადგილი. მომდევნო მატჩს კი „ბორჯღალოსნები“ რუსეთის წინააღმდეგ კრასნოდარში,17 მარტს, 16:00 საათზე გამართავენ.

 

რაც შეეხება სატურნირო მდგომარეობას, "ბორჯღალოსნებმა" დღემდე მიმდინარე ევროპის ჩემპიონატის სამივე შეხვედრა მოიგეს - კლუჟში რუმინეთთან 18:9, თბილისში ესპანეთთან 24:10 და ბრიუსელში ბელგიასთან 46:6, რის შედეგადაც საქართველოს ნაკრები 13 ქულით პირველ ადგილზე იმყოფება.

 

გერმანელებმა კი აქამდე ჩატარებული სამივე მატჩი წააგეს - ბელგიასთან ბრიუსელში 22:29, ბოტოშანში რუმინეთთან - 10:38 და ჰაიდებერგში რუსეთთან - 18:26. სამი ტურის შემდეგ გერმანიის ნაკრები 1 ქულით სატურნირო ცხრილის ბოლო, მე-6 ადგილს იკავებს.

ჭიდაობის ფედერაციის გუშინდელ საგანგებო შეხვედრას ფედერაციის პრეზიდენტთან დაპირისპირებული ევროპის ჩემპიონი უშედეგოს უწოდებს. გვიან ღამით სოციალურ ქსელში გავრცელებულ განცხადებაში ზურა დათუნაშვილი აღნიშნავს, რომ შეხვედრაზე არა გეგეშიძის პასუხისმგებლობაზე, არამედ თავად დათუნაშვილის პოზიციის შეცვლაზე იყო საუბარი და მას არწმუნებდნენ, რომ შერიგებოდა გეგეშიძეს.

 

დათუნაშვილი კიდევ ერთხელ აფიქსირებს, რომ არ სურს საქართველოდან წასვლა, თუმცა თუ გეგეშიძე თანამდებობას არ დატოვებს, მას სხვა გზა არ რჩება და ამ შემთხვევაში დისკვალიფიკაციისთვისაც მზად არის. ზურა დათუნაშვილის თქმით, გეგეშიძის ბოდიში მხოლოდ თანამდებობის შენარჩუნებითაა ნაკარნახევი და ის ამას ვერ მიიღებს.

 

დათუნაშვილის მიერ გავრცელებულ განცხადებას უცვლელად გთავაზობთ:

 

"გამარჯობა, მეგობრებო. პირველ რიგში მინდა, დიდი მადლობა გადავუხადო დღეს ფედერაციასთან მოსულ თითოეულ ადამიანს. ყველა თქვენგანისგან მხარდაჭერა ჩემთვის უმნიშვნელოვანესი და მრავლისმთქმელია.

 

როგორც საზოგადოებას მოეხსენება დღეს ჭიდაობის ფედერაციაში პრეზიდიუმის სხდომა გაიმართა, რომელსაც არანაირი შედეგი არ მოყოლია. ამის მიზეზი ისაა, რომ სხდომაზე არც გეგა გეგეშიძის გადადგომის საკითხი და არც 11 იანვარს მომხდარი შემთხვევა არ განხილულა. ორი საათის განმავლობაში მიდიოდა ჩემი დარწმუნება, რომ შევრიგებულიყავი ფედერაციის პრეზიდენტთან. ბოდიში თავად გეგა გეგეშიძემაც მოიხადა. მე აღვნიშნე, რომ მის ბოდიშს არ ვიღებ და მან ჩადენილი საქციელის გამო თანამდებობის დატოვებით უნდა აგოს პასუხი. მისი სინანული მთლიანად ეფუძნება სკამის შენარჩუნების მცდელობას, ასე რომ არ იყოს, გადადგებოდა და ისე მოიბოდიშებდა, რასაც მეც, ბუნებრივია მივიღებდი. მე ასევე მივიღებდი ბოდიშს ინცინდენტის შემდეგვე, თუნდაც მეორე-მესამე დღეს, თუმცა, ის არათუ ნანობდა რამეს, არამედ მას შემდეგაც, რაც საზოგადოებამ ყველაფერი გაიგო, კვლავ უარყოფდა. შესაბამისად, ეჭვი არ მეპარება, რომ მისი დღევანდელი ბოდიში თანამდებობის შენარჩუნებისთვისაა ნათქვამი და ცინიკურია.

 

"პრეზიდიუმის სხდომაზე ცალსახად აღვნიშნე, რომ მე ასეთ პრეზიდენტთან მუშაობა არ შემიძლია, ხოლო თუ თქვენ გსურთ - გყავდეთ, მაშინ მე წავალ ქვეყნიდან მიუხედავად იმისა, მომეცემა თუ არა დისკვალიფიკაცია. ამაზე მათგან მივიღე პასუხი, რომ ეს მარტო მათი კომპეტენცია არაა და სპორტის სამინისტრომ, ოლიმპიურმა კომიტეტმა და პარლამენტმა უნდა მიიღოს გადაწყვეტილება და რომ ამაზე აღნიშნულ უწყებებთან ერთად იმსჯელებდნენ.

 

"ანუ, ფედერაციის პრეზიდიუმის წევრები მზად არიან იმსჯელონ თუნდაც ჩემს ქვეყნიდან წასვლაზე, ოღონდ არავითარ შემთხვევაში ვერსიის დონეზეც არ განიხილონ გეგასთვის უფლებამოსილების შეჩერების საკითხი. ამ თემის წამოწევით, ცდილობენ სიტუაცია ისე წარმოაჩინონ, თითქოს მე მსურს ქვეყნიდან წასვლა, რეალურად კი ყოველთვის ხაზგასმით აღვნიშნავ, რომ საქართველოს სახელით ასპარეზობას იმ შემთხვევაში არ გავაგრძელებ, თუ გეგეშიძე არ გადადგება, ხოლო თუ ის და მისი გარემოცვა ჩამოსცილდება ფედერაციას, მე სადმე წასვლას აზრადაც არ გავივლებ.

 

"მათ არ უნდათ, რომ გეგას უფლებამოსილება შეუჩერონ, ამაზე არც მსჯელობენ. შესაბამისად, მიტოვებენ მხოლოდ ერთ, ჩემთვის უმძიმეს გადაწყვეტილებას - წავიდე ქვეყნიდან. თუ საქართველოდან წავალ, შეუძლიათ ორწლიანი დისკვალიფიკაცია მომცენ და ამ ხნის განმავლობაში ჭიდაობას ვერც ერთი ქვეყნის სახელით ვერ შევძლებ, თუმცა თუკი მეტ გზას არ დამიტოვებენ, ჩემი სიმართლისთვის ესეც მიღირს და ამისთვისაც მზად ვარ." - აცხადებს დათუნაშვილი

ევროპის პირველობის შესარჩევ ეტაპზე საქართველოს ნაკრები შვეიცარიასთან 0:2 დამარცხდა.

 

კარგა ხანია საქართველოში ასეთი მაღალი კლასის გუნდი არ ჩამოსულა, ტურნირის სტარტზე და მით უმეტეს ერთა ლიგაზე ჯგუფში ჩვენი ნაკრების გამარჯვების შემდეგ კი, შეხვედრისადმი ინტერესი საოცრად დიდი გახლდათ.

 

სტადიონი თითქმის ბოლომდე გაივსო და ჰიმნის ემოციურად შესრულების შემდეგ, მატჩიც დაიწყო.

 

"ჯვაროსნების" მწვრთნელმა ვლადიმირ ვაისმა სასტარტო შემადგენლობაში მოულოდნელად კვირკველიას ნაცვლად ხოჭოლავა დააყენა, ტაქტიკა კი 4-2-3-1 აირჩია.

 

მატჩი სტუმართა შეტევებით დაიწყო და მე-5 წუთზე ლორიას მახვილი კუთხიდან როდრიგესის დარტყმული ბურთის მოგერიება მოუხდა. ამის შემდეგ თამაში გათანაბრდა და ჩვენმა გუნდმა მეტოქის ნახევარზე აიწია.

 

მოედანზე თავადაუზოგავი ბრძოლა მიმდინარეობდა, 24-ე წუთზე ტაბიძემ და შერმა ერთმანეთთან შეჯახებისას ტრავმა მიიღეს და რამდენიმე წუთით თამაში გაჩერდა.

 

30-ე წუთზე ჯაკას მიერ დარტყმული ბურთი კანკავას მოხვდა და რიკოშეტით ოდნავ ასცდა ლორიას კარს.

 

44-ე წუთზე გვილიას კარგი პასი ვერ გამოიყენა ყაზაიშვილმა - მისი დარტყმული ბურთი მეკარემ აიღო. ეს მომენტი ალბათ, ამ შეხვედრაში საკვანძო გამოდგა. გოლის გატანის შემთხვევაში "ჯვაროსნები" შესვენებაზე დაწინაურებულნი გავიდოდნენ და მეორე ტაიმში სულ სხვა თამაში შეიძლებოდა ყოფილიყო.

 

მეორე ტაიმი სტუმრებმა აქტიურად დაიწყეს და რაც ვერ მოახერხა ყაზაიშვილმა, მოახერხა ზუბერმა - ანგარიში გახსნა. შემდეგ მეტოქემ ორი მომენტი ვერ გამოიყენა, მე-80 წუთზე კი ზაკარიამ მეორე გოლი გაიტანა და ყველაფერი დასრულდა.

 

საქართველოს ნაკრებმა ვერაფრით ვერ მოახერხა შეტევების ორგანიზება, არ ჰყავდა ლიდერი, რომელიც ბურთს დაიჭერდა, იერიშებს წამოიწყებდა, რაღაც არასტანდარტულს გააკეთებდა და შეხვედრა ლოგიკური ანგარიშით დასრულდა.

 

სამწუხაროდ, უნდა ვაღიაროთ, რომ მოწინააღმდეგეს უფრო უკეთესი გუნდი ჰყავს და დამსახურებულად გაიმარჯვა.

 

ფოტოგრაფი მალხაზ სვანიძე

 

თბილისი. "დინამო არენა"

 

საქართველო -შვეიცარია 0:2

 

გოლები: 0:1 ცუბერი (56), 0:2 ზაკარია (80)

 

საქართველო: ლორია, კაკაბაძე, ხოჭოლავა, კაშია, ტაბიძე (კვირკველია 62), კვეკვესკირი, კანკავა, ყაზაიშვილი, ანანიძე (კაჭარავა 84), გვილია, ქვილითაია (ლობჟანიძე 73)

 

შვეიცარია: სომერი, ლიხტშტაინერი, აკანჯი, შერი, ფროილერი (სოუ 90+2), ჯაკა, როდრიგესი, ცუბერი, ზაკარია, გავრანოვიჩი (აჯეტი 61), ემბოლო (სტეფენი 84)

საქართველოს შეიარაღებული ძალების წარმომადგენელმა 12 დაჭრილმა ჯარისკაცმა კალიფორნიაში, საზღვაო ქვეითების 2019 წლის ჩემპიონატში 38 მედალი მოიპოვა. ამის შესახებ ინფორმაციას „ამერიკის ხმა“ ავრცელებს.

 

გამოცემის ინფორმაციით, სპორტული შეჯიბრებები 7 ქვეყნის წარმომადგენელ, დაახლოებით, 200 მონაწილეს შორის სპორტის 8 სახეობაში გაიმართა. ტურნირები 2 მარტს დაიწყო და 9 მარტს დამთავრდა.

 

მათივე ცნობით, ქართველმა ჯარისკაცებმა 38 მედალი მოიპოვეს - აქედან 20 ოქრო, 10 ვერცხლი და 8 ბრინჯაო.

 

საქართველოს წარმომადგენელმა სპორტსმენებმა მონაწილეობა შვიდ ტურნირში მიიღეს. კალათბურთში, ფინალურ მატჩში მათ ამერიკის გუნდი დაამარცხეს და წლის ჩემპიონები გახდნენ. ამასთან ერთად, მათ იასპარეზეს მშვილდოსნობაში, ცურვაში, ნიჩბოსნობაში, ეტლით სირბილში, ველოსპორტში და მიზანში სროლაში.

 

2019 წელს საქართველოს შეიარაღებული ძალების წარმომადგენლებმა ამერიკის საზღვაო ქვეითების ამ ყოველწლიურ სპორტულ ღონისძიებაში მეხუთედ მიიღეს მონაწილეობა. შარშან მათ ჯამში 20 მედალი მოიპოვეს.

 

ქართველმა ჯარისკაცებმა 2019 წლის თამაშები შემდეგი შედეგებით დაამთავრეს: ჯონი თოფურია - 5 ოქრო, რეზო გორგაძე - 3 ოქრო, 2 ვერცხლი, 3 ბრინჯაო, ახმედ საფაროვი - 3 ოქრო, 1 ბრინჯაო, ალუდა სეთურიძე - 2 ოქრო, 2 ბრინჯაო, ალიკა გითოლენდია - 1 ოქრო, 4 ვერცხლი, 1 ბრინჯაო, გოგიტა ხოზრევანიძე - 1 ოქრო, 1 ვერცხლი, დავით ნარეშელაშვილი - 1 ოქრო, 1 ბრინჯაო, გრიგოლ მინაგორაშვილი - 1 ოქრო, გუგა ჩიმახიძე - 1 ოქრო, ჯიმშერ ჩხენკელი - 1 ოქრო, არჩილ აბულაძე - 1 ოქრო, ლაშა სურმანიძე - 3 ვერცხლი.

 

სპორტსმენები საქართველოში 12 მარტს, გამთენიისას დაბრუნდებიან.

გეგა გეგეშიძის გადადგომის შესახებ არ გვიმსჯელია, - ამის შესახებ ჟურნალისტებს ჭიდაობის ფედერაციის პრეზიდიუმის სხდომის დასრულების შემდეგ ოლიმპიური კომიტეტის თავმჯდომარემ ლერი ხაბელოვმა განუცხადა.

 

მისივე თქმით, მოჭიდავე ზურაბ დათუნაშვილმა სხვა ქვეყნის სახელით ასპარეზობის სურვილი გამოთქვა.

 

“ზურაბ დათუნაშვილი ჩვენი ლიცენზიანტი სპორტსმენია და იღებს ჩვენს სტიპენდიას. გვინდა, რომ მოიპოვოს ოლიმპიური თამაშების ლიცენზია. იგივე მოსაზრება ჰქონდა პრეზიდიუმს, მაგრამ ამ შეთავაზებაზე მან უარი თქვა და განაცხადა, რომ სხვა ქვეყნის სახელით უნდა გამოსვლა. ამაზე ვიმსჯელებთ და შემდეგ მოგახსენებთ. ამ წონით კატეგორიაში ჩვენ გვყავს ევროპისა და მსოფლიოს ორგზის პრიზიორი რობერტ კობლიაშვილი და გამოვა, რომ ზურა დათუნაშვილი ჩვენი მოწინააღმდეგე იქნება, რასაც მე მხარს ვერ დავუჭერ. გეგა გეგეშიძემ ბოდიში მოიხადა და თქვა, რომ უნდა მომეთმინაო. რაც შეეხება გადადგომას, ეს საკითხი საქალაქო სასამართლოშია და ამიტომ ამაზე არ გვიმსჯელია”, - განაცხადა ხაბელოვმა.

 

ჭიდაობის ეროვნულ ფედერაციაში დღეს პრეზიდიუმის სხდომა გაიმართა, რომლის ერთ-ერთი განსახილველი თემაც 11 იანვარს მოჭიდავე ზურაბ დათუნაშვილსა და ფედერაციის პრეზიდენტ გეგა გეგეშიძეს შორის მომხდარი ინციდენტი იყო.

 

როგორც ცნობილია, ჭიდაობის ფედერაციის პრეზიდენტი გეგა გეგეშიძე, სპორტის სასახლეში, 11 იანვარს, მასსა და ევროპის ჩემპიონს, ზურაბ დათუნაშვილს შორის მომხდარ ინციდენტთან დაკავშირებით, სისხლის სამართლის კოდექსის 126-ე მუხლის 1-ელი ნაწილით დააკავეს, რაც ძალადობას გულისხმობს. საქალაქო სასამართლომ გეგა გეგეშიძე 5 000-ლარიანი გირაოთი გაათავისუფლა და ჭიდაობის ფედერაციის პრეზიდენტის პოსტიც შეუნარჩუნა.

საქართველოს მორაგბეთა ნაკრებმა ევროპის ჩემპიონატის დასკვნით ტურში, რუსეთის ფედერაციის ნაკრები ანგარიშით 22:6 დაამარცხა. წლევანდელ „რაგბი ევროპაზე“ "ბორჯღალოსნებმა" ხუთივე მატჩი მოიგეს რაგბი ევროპის გამარჯვებულებიც გახდნენ.

 

მატჩი კრასნოდარში, თბილისის დროით 16:00 საათზე დაიწყო და პირველი ტაიმი „ბორჯღალოსნებმა“ 10:3 მოიგეს. მეორე ტაიმში ქართველმა მორაგბეებმა უპირატესობა კიდევ უფრო გაზარდეს და საბოლოო ანგარიში 22:6 დააფიქსირეს.

 

1993 წლიდან დღემდე, ამ გუნდებმა 22-ჯერ ითამაშეს და რუსებმა მხოლოდ პირველი შეხვედრა მოიგეს, 1993 წელს სოპოტში (პოლონეთი) 15:9, ერთხელ კი, 17 წლის წინ (2002 წელი) თბილისში ფრედ ითამაშეს - 12:12. დანარჩენ 20 შემთხვევაში, გამარჯვება "ბორჯღალოსნებს" დარჩათ.

 

რუსეთის ნაკრები ყველაზე დიდი სხვაობით 2012 წელს "მიხეილ მესხზე" დაამარცხეს „ბორჯღალოსნებმა“ - 46:0. მშრალი ანგარიში დაფიქსირდა 2015 წელსაც, როდესაც ვაკეში სტუმრები 33:0 დამარცხდნენ.

 

სტუმრად გამართულ შეხვედრებში ყველაზე დიდი სხვაობა შარშან, სწორედ კრასნოდარში დაფიქსირდა და მაშინ მე-20, საიუბილეო გამარჯვება 20 ქულის სხვაობით მოიპოვა საქართველოს ნაკრებმა - 29:9.

საქართველოს მორაგბეთა ნაკრებმა ევროპის ჩემპიონატის მესამე ტურის მატჩში ბელგიის ნაკრები ანგარიშით 46:6 დაამარცხა. „ბორჯღალოსნების“ რიგებში თავი გურამ გოგიჩაშვილმა, გიორგი ნემსაძემ, სოსო მათიაშვილმა, გიორგი ცუცქირიძემ, მირიან მოდებაძემ, ზურაბ ძნელაძემ, გელა აფრასიძემ და გიორგი თხილაიშვილმა გამოიჩინეს.

 

აღსანიშნავია, რომ სამი ტურის შემდეგ, სატურნირო ცხრილში საქართველოს ნაკრები ლიდერობს, რომელმაც სამი გამართული მატჩიდან სამივეში გამარჯვებას მიაღწია.

თუ ეს ადამიანი პრეზიდენტად უნდათ, იყოს მათი პრეზიდენტი, მე გამიშვან, შერიგებას არ ვაპირებ - ამის შესახებ ჟურნალისტებს ჭიდაობის ფედერაციის პრეზიდიუმის სხდომის დასრულების შემდეგ მოჭიდავე ზურაბ დათუნაშვილმა განუცხადა. მისივე თქმით, ის გეგა გეგეშიძესთან ერთად ვერ იმუშავებს.

 

"ვეტერანები და პრეზიდიუმის წევრები საუბრობდნენ იმაზე, რომ უნდა შევრიგდეთ, ერთი ოჯახი ვართ, ამ შერიგების შემდეგ კი არავინ არ დაიჩაგრება. ჩემი პოზიცია იყო ისეთი, რომ მე ამ ადამიანთან ვერ ვიქნები. თუ ეს ადამიანი პრეზიდენტად უნდათ, იყოს მათი პრეზიდენტი. მე გამიშვან. თუ არ გამიშვებენ, დამბლოკონ. ვეტერანებმა და პრეზიდიუმის წევრებმა მითხრეს, რომ ეს უკვე მათ აღარ ეხებათ და უნდა შეათანხმონ ოლიმპიურ კომიტეტთან, სპორტის სამინისტროსთან და პარლამენტთან. შეათანხმონ, მე ველოდები. მე შერიგებას არ ვაპირებ", - განაცხადა დათუნაშვილმა.

 

ჭიდაობის ეროვნულ ფედერაციაში პრეზიდიუმის სხდომა გაიმართა, რომლის ერთ-ერთი განსახილველი თემაც 11 იანვარს მოჭიდავე ზურაბ დათუნაშვილსა და ფედერაციის პრეზიდენტ გეგა გეგეშიძეს შორის მომხდარი ინციდენტი იყო.

 

როგორც ცნობილია, ჭიდაობის ფედერაციის პრეზიდენტი გეგა გეგეშიძე, სპორტის სასახლეში, 11 იანვარს, მასსა და ევროპის ჩემპიონს, ზურაბ დათუნაშვილს შორის მომხდარ ინციდენტთან დაკავშირებით, სისხლის სამართლის კოდექსის 126-ე მუხლის 1-ელი ნაწილით დააკავეს, რაც ძალადობას გულისხმობს. საქალაქო სასამართლომ გეგა გეგეშიძე 5 000-ლარიანი გირაოთი გაათავისუფლა და ჭიდაობის ფედერაციის პრეზიდენტის პოსტიც შეუნარჩუნა.

არქივი

« « » » აპრილი 2019
ორშ სამ ოთხ ხუთ პარ შაბ კვი
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30

ამინდი

Clear

0°C

თბილისი

Clear

სინესტე: 65%

ქარი: 9.66 km/h

  • 04 იანვარი 2019

    ნაწილობრივ ღრუბლიანი 7°C 0°C

  • 05 იანვარი 2019

    უმეტესად ღრუბლიანი 7°C 0°C

ბლოგერები

Global Press
ვალოდია ჯინჭარაძე
ბლოგერი
იხილეთ ბლოგი
Global Press
გიორგი გიორგაძე
ბლოგერი
იხილეთ ბლოგი
Global Press
მერაბ ცაავა
ბლოგერი
იხილეთ ბლოგი

ყველა ბლოგერი

ჟურნალისტური გამოძიება

ყველა გამოძიება

გამოკითხვა

საქართველოში, პროსტიტუციის ლეგალიზაცია უნდა მოხდეს თუ არა?