Global Press

Georgia

Global PressGlobal PressGlobal PressGlobal Press

USD
3.1172
EUR
3.4626
RUR
0.0448
GBP
3.8613

23 თებერვალს, საქართველოს სუპერთასზე თასის მფლობელმა "საბურთალომ" ჩემპიონი თბილისის "დინამო" 1:0 დაამარცხა.

 

მატჩი დიდად სანახაობრივი ნამდვილად არ იყო. პირველ ტაიმში ორივე გუნდს ჰქონდა მომენტები, გოლი კი "საბურთალომ" გაიტანა. მე-14 წუთზე ლოჩოშვილმა საკუთარ საჯარიმოში გაბედავასთან ბრძოლაში თამაშის წესი დაარღვია და პენალტი კოხრეიძემ გამოიყენა.

 

 

ფოტოგრაფი: მალხაზ სვანიძე

 

მეორე ტაიმში "დინამოს" თამაშის გადასარჩენად აქტიურობა მართებდა, მაგრამ იერიშების ორგანიზებას ვერ ახერხებდა. ტემპიც დაეცა, რაც "საბურთალოს" აძლევდა ხელს. "დინამოს" მწვრთნელმა კახა ჩხეტიანმა ცვლილებებით სცადა ვითარების შეცვლა, თუმცა ამანაც არ გამოიღო შედეგი.

 

"საბურთალომ" დამსახურებული გამარჯვება მოიპოვა და პირველად დაეუფლა სუპერთასს.

 

თბილისი. "მიხეილ მესხი 2"

 

დინამო (თბ) - საბურთალო 1:0

 

გოლი: კოხრეიძე (14, პენ)

 

დინამო (თბ): კვასხვაძე, ტრუბოჩკინი (იაშვილი 46), ბენიო, ლოჩოშვილი, კობოური, პაპავა, ბუღრიძე (ახვლედიანი 66), ქარდავა, ნინუა (კუცია 74), კუხიანიძე, ორშულა

 

საბურთალო: ლ. კუპატაძე, ლაკვეხელიანი, კაკუბავა, მარგველაშვილი, ტაბატაძე, ალთუნაშვილი (ცნობილაძე 82), ტერა, გოშთელიანი (ყენია 70), კოხრეიძე (ჭიჭინაძე 90+4), ლუმუ, გაბედავა

 

ფოტოგრაფი: მალხაზ სვანიძე

 

2020 წლის ევროპის ჩემპიონატის შესარჩევ ეტაპზე, საქართველოს ფეხბურთელთა ეროვნული ნაკრებისა და ირლანდიის მატჩი ფრედ, 0:0 დასრულდა. შეხვედრა თბილისში, „დინამო არენაზე“ გაიმართა.

 

შესარჩევი ციკლის მეექვსე ტურის შემდეგ, საქართველოს, ჯგუფში 5 ქულა დაუგროვდა და ევროპის ჩემპიონატზე ამ ჯგუფიდან მოხვედრის თეორიულ შანსს ჯერ კიდევ ინარჩუნებს.

 ფოტოგრაფი მალხაზ სვანიძე

 

 

შეგახსენებთ, რომ საქართველოს ეროვნულმა ნაკრებმა, ჯგუფში ირლანდიის წინააღმდეგ მეორე მატჩი ჩაატარა. პირველ შეხვედრაში, ჩვენი ქვეყნის ეროვნული გუნდი ირლანდიაში 0:1 დამარცხდა.

 

 ფოტოგრაფი მალხაზ სვანიძე

 მომდევნო შეხვედრას კი საქართველოს ნაკრები 15 ოქტომბერს გიბრალტარში, გიბრალტარის ეროვნულ გუნდის წინააღმდეგ გამართავს. 

საქართველოს 20 წლამდე მორაგბეთა ნაკრებმა მსოფლიო ჩემპიონატის მესამე მატჩში შოტლანდია 17 – 12 დაამარცხა.

 

პირველი ტაიმი უმცროსმა „ბორჯღალოსნებმა“ შოტლანდიასთან წააგეს. შესვენებაზე საქართველოს ნაკრების მთელი პირველი ხაზი შეიცვალა და თამაშიც გამოასწორა, რაც საბოლოოდ, გამარჯვებით დასრულდა.

 

მატჩი ძალიან პრინციპული და მნიშვნელოვანი იყო საქართველოს ნაკრებისთვის, რადგან ამ გამარჯვებით დიდი ნაბიჯი გადაიდგა, რომ უმცროსმა „ბორჯღალოსნებმა“ მომავალ მსოფლიო ჩემპიონატზე იტალიაში თამაშის უფლება მოიპოვონ.

საქართველოს მორაგბეთა ეროვნულმა ნაკრებმა ესპანეთის ეროვნული გუნდი მადრიდში 23:10 დაამარცხა.

 

პირველი ტაიმი ქართველებმა ესპანელებს 5:23 მოუგეს, ხოლო მეორე ნახევარი ესპანელების სასარგებლოდ 5:0 დასრულდა.

 

ცნობისთვის, ქართველებმა რაგბის ევროპის ჩემპიონატის 2020 წლის გათამაშებაზე მეორე შეხვედრა გამართეს და ორივე მატჩი გამარჯვებით დაასრულეს.

 

მომდევნო მატჩს ბორჯღალოსნები ბელგიის ეროვნული ნაკრების წინააღმდეგ 22 თებერვალს, სამშობლოში გამართავენ.

28 სექტემბერს, საქართველოს ეროვნულმა ნაკრებმა ამერიკულ ფეხბურთში პირველი სანაკრებო შეხვედრა გამართა. გუნდის მეტოქე ყაზახეთის ნაკრები იყო. მატჩი შევარდენის ცენტრალურ სტადიონზე გაიმართა.

 

ამხანაგურ შეხვედრაში საქართველოს ნაკრები 12-21-ით დამარცხდა. ქართველმა სპორტსმენებმა პირველი ტაიმი 6:0 მოიგეს, გამოცდილმა მეტოქემ კი მეორე ტაიმში უპირატესობის მოპოვება შეძლო.

 

ფოტოგრაფი მალხაზ სვანიძე

 

საქართველოს და ყაზახეთის ამერიკული ფეხბურთის ნაკრებები ამხანაგური თამაში, მასობრივ ჩხუბში გადაიზარდა. შეხვედრის საფინალო სასტვენამდე წუთით ადრე, როდესაც ანგარიში სტუმართა სასარგებლოდ 22:12 იყო, მეტოქე გუნდების ფეხბურთელები ერთმანეთს ფიზიკურად გაუსწორდნენ. როგორც ირკვევა, ყაზახეთის ნაკრების ერთ-ერთი მოთამაშის სასწრაფოდ საავადმყოფოში გადაყვანაც გახდა საჭირო...

 

ფოტოგრაფი მალხაზ სვანიძე

საქართველოს ეროვნულმა ნაკრებმა ევროპის 2020 წლის ჩემპიონატის შესარჩევ ციკლში პირველი სამი ქულა მოიპოვა. ქართველმა ფეხბურთელებმა „დინამო არენაზე“ გიბრალტარის ნაკრები დიდი ანგარიშით 3:0 დაამარცხეს.

 

პირველ ნახევარში საქართველოს ნაკრების მხრიდან თავი ვაკო გვილიამ გამოიჩნია და 30-ე წუთზე ანგარიში გახსნა. შესვენების შემდეგ კი ჯერ გიორგი პაპუნაშვილმა ნაკრების უპირატესობა ორბურთიანი გახადა, შემდეგ კი ვატო არველაძემ თერთმეტმეტრიანი დარტყმით ანგარიში 3:0 გახადა.

 

სამი თამაშის შემდეგ საქართველოს ნაკრები ევროპის 2020 წლის ჩემპიონატის შესარჩევ ციკლში, D ჯგუფში სამი ქულით მესამე ადგილს იკავებს. მომდევნო შეხვედრას საქართველოს ნაკრები 10 ივნისს დანიის წინააღმდეგ კოპენჰაგენში გამართავს.

2020 წლის რაგბის ევროპის ჩემპიონატის პირველი მატჩი საქართველოს მორაგბეთა ნაკრებმა რუმინეთს 41:13 მოუგო. მატჩი თბილისში, „დინამო არენაზე“ გაიმართა.

 

მატჩის პირველი ტაიმი "ბორჯღალოსნების" მცირედი უპირატესობით, 8:6 დასრულდა, თუმცა საბოლოოდ საქართველოს ნაკრებმა რუმინეთი დიდი ანგარიშით დაამარცხა.

 

აღნიშნული გამარჯვებით საქართველოს ნაკრები ანთიმოზ ივერიელის თასსაც დაეუფლა.

 

2020 წლის რაგბის ევროპის ჩემპიონატის მომდევნო მატჩს საქართველოს მორაგბეთა ნაკრები 9 თებერვალს, მადრიდში, ესპანეთის წინააღმდეგ გამართავს.

ევროპის ჩემპიონატის საკვალიფიკაციო მატჩი საქართველოსა და დანიის ნაკრებებს შორის 0:0 დასრულდა.

 

ძნელი გასახსენებელია, როდის დააყენა "ჯვაროსანთა" მწვრთნელმა ვლადიმირ ვაისმა მსგავსი შემტევი სასტარტო შემადგენლობა და საინტერესო იყო, ასეთი რისკი ესოდენ ძლიერ გუნდთან რა შედეგს გამოიღებდა.

 

ჩვენი გუნდის ტურნირზე ცუდი სტარტის გამო სტადიონი სანახევროდაც არ გაივსო, რაც გასაკვირი არ გახლდათ და ეს მიუხედავად იმისა, რომ დანიის კარგი ნაკრები გვსტუმრობდა.

 

საქართველოს ნაკრებმა მეტოქის პირველი იერიშები მოიგერია და იქით შეუტია. უხიფათოდ. სადღაც შუა პირველ ტაიმში მოწინაღმდეგე უპირატესობას დაეუფლა და პირველი საგოლე მომენტიც შექმნა, მაგრამ ბრაიტვაიტის დარტყმული ბურთი ლორიამ მოიგერია. შემდეგ ისევ ბრაიტვაიტი გასცდა ჩვენს მცველებს და ისევ ლორიამ გვიხსნა.

 

ჩვენს გუნდს უჭირდა ბურთის დაჭერა, თუმცა დაცვა ყურადღებით ირჯებოდა, ხოლო შეტევა საერთოდ არ გამოსდიოდა.

 

ფოტო: მალხაზ სვანიძე

 

 

შესვენების შემდეგ თამაშის სურათი არ შეცვლილა. აქტიური ბრაიტვაიტი მარჯვენა ფლანგზე გაიჭრა, დოლბერგს უპასა და კვლავ ლორია იდგა მოწოდების სიმაღლეზე. აქედან მოყოლებული, დანიელთა იერიშები მინავლდა და საქართველოს ნაკრებმა მეტოქის კარზე შეტევების მიტანა დაიწყო. სტუმართა მწვრთნელმა ტომასონმა თავდასხმის გაძლიერება შეცვლებით სცადა, თუმცა ამით ვერაფერი შეცვალა.

 

76-ე წუთზე კი ყაზაიშვილის დარტყმული ბურთი მიზანს ოდნავ ასცდა. მერე ქვილითაიამ ბურთი ხარიხას გაარტყა და მსაჯმა თამაშგარე დააფიქსირა, საპასუხო შეტევისას კი უკვე გიტკიაერმა გაარტყა ბურთი ხარიხას. ბოლოს ოქრიაშვილის მიერ შესრულებული საჯარიმო შმეიხელმა აიღო და მსაჯის საფინალო სასტვენიც გაისმა.

 

ფოტო: მალხაზ სვანიძე

 

 

 თბილისი. "დინამო არენა"

 

საქართველო - დანია 0:0

 

საქართველო: ლორია, კაკაბაძე, ტაბიძე, კაშია, გრიგალავა, აბურჯანია (გვილია 86), ანანიძე, კიტეიშვილი, ოქრიაშვილი, ყაზაიშვილი, ქვილითაია (დაუშვილი 90)

 

დანია: შმეიხელი, კიაერი, კრისტენსენი, დელანი, ერიკსენი, ბრაიტვაიტი, დოლბერგი (გიტკიაერი 67), დალსგორი, ლარსენი, პოულსენი, ჰოიბერგი (შონე 73)

ქართველმა სუმოისტმა ლევან გორგაძემ (ტოჩინოშინი) ნაცუ ბაშოს მე-14 დღეს მონღოლი იოკოძუნა კაკურიუ დაამარცხა და ოძეკის ტიტული დაიბრუნა.

 

ტოჩინოჩინისთვის ეს მე-10 გამარჯვება იყო, რაც ოძეკის სტატუსის დასაბრუნებლად საკმარისი იყო.

 

ლევან გორგაძე ისტორიაში გახდა მე-6 რიკიში, რომელმაც ოძეკობის დათმობიდან შემდეგ ბაშოზევე დაიბრუნა ეს ტიტული.

ბრიტანული გამოცემის Daily Mail-ის ინფორმაციით 41 წლის ლეგენდარული კალათბურთელი, კობი ბრაიანტი ავიაკატასტროფისას გარდაიცვალა.

 

NBA ვარსკვლავი ვერტმფრენით კალიფორნიაში გადაადგილდებოდა, რა დროსაც კატასტროფა განიცადა. კობი ბრაიანტთან ერთად ეკიპაჟის 4 წევრიც დაიღუპა. შემთხვევა, კვირას დილით მოხდა.

 

შეგახსენებთ, რომ ამერიკელმა კალადბურთელმა მთელი კარიერა "ლოს ანჯელეს ლეიკერსში" გაატარა (1996-2016). ამ პერიოდში ის 5-ჯერ გახდა NBA-ის ჩემპიონი (2000, 2001, 2002, 2009, 2010). ასევე, ის 2009 და 2010 წლებში ფინალების MVP-იც გახდა.

 

კალათბურთელმა All Star-ის 18 შეხვედრაში მიიღო მონაწილეობა. NBA-ის ისტორიაში, საუკეთესო მექულეთა შორის კობი მე-4 ადგილს იკავებს. მას ლებრონ ჯეიმსმა გასულ კვირას გადაასწრო.

 საქართველოს მორაგბეთა ნაკრებმა მსოფლიო თასისთვის მოსამზადებელი ეტაპის, "თიბისი რაგბის სერიების" პირველ მატჩში სამხრეთაფრიკულ "საუზერნ კინგსს" 24:20 დაამარცხა.

 

წაგებული პირველი ტაიმის (5:17) შემდეგ "ბორჯღალოსნების" მწვრთნელმა მილტონ ჰეიგმა რიგი შეცვლები განახორციელა. ჩვენმა გუნდმა აქტიურად შეუტია, თუმცა საჯარიმოთი სტუმრებმა ანგარიშის გაზრდა მოახერხეს.

 

მძიმე ვითარებაში თამაშის შემოტრიალება თითქოს შეუძლებლად მოჩანდა, მაგრამ ჩვენმა გუნდმა ეს შეძლო.

 

67-ე წუთზე მოდებაძემ ლელო გაიტანა, გარდასახვა ვერ გამოვიყენეთ და 10:20.

 

ამის შემდეგ გულშემატკივართა მხარდაჭერით შემართულმა საქართველოს ნაკრებმა მიძალების შედეგად შვიდქულიანი ლელო დადო - 17:20.

 

ფოტოგრაფი მალხზ სვანიძე

 

77-ე წუთზეკი სუთიაშვილმა ლელო გაიტანა, გარდასახვაც გამოყენებულ იქნა, ჩვენი გუნდი მთელი მატჩის მანძილზე პირველად გაიჭრა წინ, ბოლოს მეტოქის გააფთრებული იერიში მოიგერია და 24:20 გაიმარჯვა.

 

აშკარაა, ასეთ სერიოზულ გუნდთან შეხვედრა რუსეთის ნაკრებთან თამაშზე უფრო სასარგებლო იყო, რამეთუ ჰეიგს თავისი შეგირდების თამაშში წუნი დაანახა.

 

31 აგვისტოს "ბორჯღალოსნები" "დინამო არენაზე" შოტლანდიის ეროვნულ გუნდს უმასპინძლებს. შეხვედრა 20:00 საათზე დაიწყება.

23 მარტს ევროპის ჩემპიონატის საკვალიფიკაციო ეტაპის პირველ მატჩში შვეიცარიასთან მარცხის (0:2) შემდეგ საქართველოს ნაკრების მთავარმა მწვრთნელმა ვლადიმერ ვაისმა ჟურნალისტების კითხვებს უპასუხა.

 

"საბა კვირკველიამ იმიტომ არ ითამაშა, რომ გადავწყვიტე, კაშია-ხოჭოლავას წყვილს ეთამაშა. ხოჭოლავა არ იყო ცუდი, საბამ თვითონ იცის, რატომ არ იყო სასტარტო შემადგენლობაში.

 

რაც მე საქართველოს ნაკრების მწვრთნელი ვარ, ყველაზე რთული მეტოქე გვყავდა, პირველ ტაიმში ჩვენი მაქსიმუმი გავაკეთეთ. სამწუხაროდ, ამ დონეზე თამაში 90 წუთი არ შეგვიძლია, მეტოქემ მეორე ტაიმში შესანიშნავად ითამაშა. ასეთი დონის თამაშებს, როგორიც დღეს გვქონდა, ისინი ყოველ კვირა თამაშობენ, ჩვენ კი წელიწადში 4-5-ჯერ გვიწევს მსგავსი შეხვედრების ჩატარება.

 

როგორ უნდა გვეთამაშა შვეიცარიასთან შემტევი ფეხბურთი, ხედავთ რა გუნდებში თამაშობენ მათი ფეხბურთელები?

 

ჯანო ანანიძემ ითამაშა კარგი პირველი ტაიმი, მეორე ტაიმში შვეიცარიამ სამი ცენტრალური მცველი დააყენა და ასეთ დროს ძნელია ითამაშო.

 

შვეიცარიასთან შემტევი თამაში თვითმკვლელობის ტოლფასი იქნებოდა. მოთამაშეები ვინც დღეს მოედანზე იყვნენ, ქვილითაია, ჯანო ანანიძე და ოთარ კაკაბაძე ხანგრძლივი ტრავმის შემდეგ დაბრუნდნენ.

 

თორნიკე ოქრიაშვილი სამი თვეა უკლუბოდაა, ის ფიზიკურად არ იყო მზად. 24 ფეხბურთელიდან 22 უნდა გვყოლოდა განაცხადში.

 

ერთა ლიგისგან განსხვავდება ეს ტურნირი. შვეიცარია ჯგუფის ფავორიტი და გამორჩეული გუნდია, მიუხედავად იმისა, რომ ლიდრების გარეშე იყო, ასეთი მეტოქის წინააღმდეგ ორივე ტაიმის თანაბრად თამაში რთულია.

 

მომავალ მატჩში იძულებული და ტაქტიკური ცვლილებაც იქნება, ტრავმის გამო ჯიმი ტაბიძე ვერ გამოგვყება ირლანდიასთან და 2-3 ცვლილება აუცილებლად იქნება. ირლანდიასთან ქულების აღებას შევცდები, მათთან თამაში იოლი არასდროს არ არის. მაღალი დონის ნაკრებია და მიუხედავად იმისა, რომ მათთან ცუდი სტატისტიკა გვაქვს, მათთან ბოლო მატჩში ქულის აღება მოვახერხეთ და იგივეს გაკეთებას ვეცდებით", - განაცხადა ვლადიმერ ვაისმა.

 

საქართველოს ეროვნული ნაკრები შემდეგ შეხვედრას 26 მარტს დუბლინში ირლანდიის წინააღმდეგ გამართავს.

ევროკავშირი

არქივი

« « » » ივნისი 2019
ორშ სამ ოთხ ხუთ პარ შაბ კვი
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30

ამინდი

თბილისი

ბლოგერები

Global Press
ვალოდია ჯინჭარაძე
ბლოგერი
იხილეთ ბლოგი
Global Press
გიორგი გიორგაძე
ბლოგერი
იხილეთ ბლოგი
Global Press
მერაბ ცაავა
ბლოგერი
იხილეთ ბლოგი

ყველა ბლოგერი

ჟურნალისტური გამოძიება

გამოკითხვა

საქართველოში, პროსტიტუციის ლეგალიზაცია უნდა მოხდეს თუ არა?