Global Press

Georgia

Global PressGlobal PressGlobal PressGlobal Press

USD
2.8818
EUR
3.2158
RUR
0.0467
GBP
3.7639

აშშ-ის სენატმა პრეზიდენტ დონალდ ტრამპის იმპიჩმენტთან დაკავშირებით პროცესი ბრალის ხმამაღლა წაკითხვით დაიწყო. ინფორმაციას  BBC ავრცელებს.

 

ტრამპის იმპიჩმენტის პროცესზე ბრალდებას ადამ შიფი ხელმძღვანელობს.

 

ბრალმდებელთა შვიდკაციან სიაში არიან იურიდიული კომიტეტის ხელმძღვანელი ჯერი ნადლერი და სხვადასხვა კომიტეტის წევრები: ჰაკიმ ჯეფრისი, ზოი ლოფგრენი, ჯეისონი ქროუ, ველ დემინგსი და სილვია გარსია.

 

15 იანვარს აშშ-ის წარმომადგენელთა პალატამ პრეზიდენტ დონალდ ტრამპის იმპიჩმენტის საქმის სენატში გადაცემას მხარი დაუჭირა.

 

მანამდე კი დემოკრატიულმა პარტიამ კონგრესს იმპიჩმენტის საქმეზე ახალი მტკიცებულებები წარუდგინა.

უკრაინის ხელისუფლება მიესალმება ირანის მხრიდან თვითმფრინავის ჩამოგდებაზე ბრალის აღიარებას, თუმცა მიიჩნევს, რომ ეს საკმარისი არაა. უკრაინული მედიის ცნობით, ამის შესახებ ქვეყნის ლიდერმა ვოლოდიმირ ზელენსკიმ განაცხადა.

 

„საერთაშორისო კომისიის მუშაობის დასრულებამდე ირანმა თვითმფრინავის ჩამოგდება აღიარა, თუმცა ჩვენ ბრალის სრულ აღიარებას ვითხოვთ. ირანმა სრულფასოვანი და გამჭვირვალე გამოძიების ჩატარება უნდა უზრუნველყოს, პასუხისგებაში მისცეს დამნაშავე პირები, გადმოგვცეს ცხედრები, გადაიხადოს კომპენსაცია და დიპლომატიური არხებით ოფიციალურად მოიხადოს ბოდიში. 45 უკრაინელ სპეციალისტს სიმართლის დასადგენად მასალებზე სრული წვდომა უნდა მიეცეს“, - განაცხადა ზელენსკიმ.

 

11 იანვარს ირანმა განაცხადა, რომ ავიალაინერი შეცდომით ჩამოაგდო, პრეზიდენტმა ჰასან როუჰანიმ კი მომხდარი უპატიებელი ადამიანური შეცდომით ახსნა.

 

ირანმა ერაყში ამერიკულ ბაზებზე სარაკეტო იერიში 8 იანვარს გამთენიისას მიიტანა. ამით თეირანმა ამერიკელი სამხედროების მიერ გენერალ ყასემ სულეიმანის მკვლელობისთვის იძია შური. ამავე დღეს თეირანში უკრაინული ავიახაზების თვითმფრინავი ჩამოვარდა, რასაც 176 მგზავრი ემსხვერპლა. რიგმა ქვეყნებმა, მათ შორის აშშ-მ, მომხდარში თეირანი დაადანაშაულეს. ამ ყველაფერს წინ უძღოდა არეულობა ერაყში და ბაღდადში ამერიკის საელჩოზე თავდასხმა.

კანადის პრემიერმინისტრის ჯასტინ ტრიუდოს განცხადებით, „უკრაინული ავიახაზების“ თვითმფრინავი ირანმა ჩამოაგდო, ამის შესახებ СNN წერს. გამოცემის ცნობით, კანადის დაზვერვის მონაცემებით, თვითმფრინავი ირანის რაკეტამ (მიწა-ჰაერი) ჩამოაგდო.

 

„შესაძლოა ეს არ იყო გამიზნული,“- განაცხადა ტრიუდომ. კანადის პრემიერის განცხადებით, უნდა ჩატარდეს გამოძიება, რომ მომხდარის ზუსტი მიზეზები დადგინდეს.

 

BBC-ის ცნობით, ამერიკის ოფიციალური პირები სატელიტის მიერ მოპოვებული მტკიცებულებების საფუძველზე ამბობენ, რომ Boeing 737-800-ის მიმართულებით სარაკეტო დარტყმას ჰქონდა ადგილი.

 

ბრიტანული მედია აღნიშნავს, რომ ავიაკატასტროფა მას შემდეგ მოხდა, რაც ირანმა ერაყში ამერიკული სამხედრო ბაზები დაბომბა.

 

CBS News-ი კი წერს, რომ ამერიკული დაზვერვის ინფორმაციით, სატელიტმა ორი რაკეტის ინფრაწითელი გამოსახულება იპოვა, რომელსაც სხვა, აფეთქების ამსახველი გამოსახულებაც მოჰყვა.

 

ეს ვერსია კატასტროფის პირველივე დღიდან უარყო თავად ირანმა, როდესაც ინფორმაცია იორდანული წყაროებით გავრცელდა.

 

ირანის სამოქალაქო ავიაციის ორგანიზაციამ უკრაინული ლაინერის კატასტროფის გამოძიების პირველი შედეგები 9 იანვარს გამოაქვეყნა. ირანელი სპეციალისტები მიიჩნევენ, რომ ბორტზე ტექნიკური პრობლემები შეიქმნა.

 

თეირანში „უკრაინის საერთაშორისო ავიახაზების“ კუთვნილი Boeing 737 8 იანვარს ჩამოვარდა. ბორტზე 168 მგზავრი და ეკიპაჟის 9 წევრი იყო. ყველა მათგანი დაიღუპა. მსხვერპლთა შორის 7 ქვეყნის მოქალაქეები არიან. კერძოდ, უკრაინელები, ირანელები, კანადელები, შვედები, ავღანელები, გერმანელები და ბრიტანელები.

რუსეთის დუმამ პრემიერ-მინისტრის პოსტზე მიხეილ მიშუსტინის კანდიდატურას მხარი დაუჭირა. რუსული მედიის ცნობით, მიშუსტინის მთავრობის მეთაურად დანიშვნას 383-მა დეპუტატმა მისცა ხმა, 41-მა თავი შეიკავა, ხოლო წინააღმდეგ არც ერთი წასულა.

 

შეგახსენებთ, რუსეთის მთავრობა პრემიერ-მინისტრ დიმიტრი მედვედევის მეთაურობით გუშინ გადადგა, მას შემდეგ, რაც რუსეთის პრეზიდენტმა, ვლადიმერ პუტინმა ფედერალური ასამბლეისადმი მიმართვის დროს საკონსტიტუციო ცვლილებების ინიციატივა წამოაყენა.

ფლორიდაში, აშშ-ის პრეზიდენტის, დონალდ ტრამპის მარ-ა-ლაგოს რეზიდენციასთან დააკავეს ირანის მოქალაქე მასუდ იარილზოლე, რომელიც ორი დანით, მაჩეტეთი და წერაქვით იყო შეიარაღებული. ამის შესახებ გამოცემა Washington Examiner იტყობინება.

 

დაკავებისას თავდამსხმელს ირანის მოქალაქის პასპორტი აღმოაჩნდა. ის აშშ-ში ლეგალურად იმყოფებოდა. მომხდართან დაკავშირებით გამოძიება დაიწყო. არაა გამორიცხული, რომ ეს ბაღდადში ირანელი გენერლის, ყასემ სულეიმანის მკვლელობას უკავშირდებოდეს.

 

ირანმა ერაყში ამერიკულ ბაზებზე სარაკეტო იერიში 8 იანვარს გამთენიისას მიიტანა. ამით თეირანმა ამერიკელი სამხედროების მიერ გენერალ ყასემ სულეიმანის მკვლელობისთვის იძია შური. ამავე დღეს თეირანში უკრაინული ავიახაზების თვითმფრინავი ჩამოვარდა, რასაც ყველა მგზავრი ემსხვერპლა. რიგმა ქვეყნებმა მათ შორის აშშ-მ, მომხდარში თეირანი დაადანაშაულეს. ამ ყველაფერს წინ უძღოდა არეულობა ერაყში და ბაღდადში ამერიკის საელჩოზე თავდასხმა.

ტერორისტული ორგანიზაცია „ისლამური სახელმწიფო“ გენერალ ყასემ სოლეიმანის მკვლელობას მიესალმება. ამ ინფორმაციას BBC ავრცელებს. გამოცემის ცნობით, სოლეიმანის მკვლელობა „ისლამური სახელმწიფოს“ გადარჩენილ მებრძოლებს რეგიონში გაძლიერების საშუალებას მისცემს და ისინი სირიასა და ერაყში არსებული არეულობით სარგებლობას შეეცდებიან.

 

ამასთანავე ცნობილია, რომ ყასემ სოლეიმანი „ისლამური სახელმწიფოს“ დაუძინებელი მტერი იყო და რეგიონიდან მათ საბოლოოდ განსადევნად იბრძოდა.

 

შეგახსენებთ, 3 იანვარს, აშშ-მა ერაყის დედაქალაქში, აეროპორტში საჰაერო თავდასხმა განახორციელა, რის შედეგადაც, სხვა სამხედრო მაღალჩინოსნებთან ერთად, ერაყელი გენერალი, „ყუდსის ძალების“ ხელმძღვანელი ყასემ სოლეიმანი დაიღუპა.

იაროსლავ სუმბაევისთვის პასუხისმგებლობის დაკისრების საქმეზე რუსეთის საგამოძიებო კომიტეტი საქართველოსგან თანხმობას ითხოვს. ამ ინფორმაციას tass.ru ავრცელებს.

 

გამოცემის მიხედვით, საგამოძიებო კომიტეტი ქართული მხარისგან იაროსლავ სუმბაევისთვის პასუხისმგებლობის დაკისრებაზე თანხმობას ევგენია შიშკინას მკვლელობის საქმეზე ითხოვს.

 

შეგახსენებთ, რომ ევგენია შიშკინა 2018 წლის 10 ოქტომბერს მოსკოვთან ახლოს მოკლეს. მკვლელობაში მონაწილეობის ბრალდებით იაროსლავ სუმბაევი თბილისში, 2018 წლის ნოემბერში დააკავეს. მისი რუსეთში ექსტრადირება 2019 წლის ოქტომბერში განხორციელდა.

ირანი ამერიკის ოთხ საელჩოზე თავდასხმას გეგმავდა, განაცხადა აშშ-ის პრეზიდენტმა დონალდ ტრამპმა ტელეკომპანია Fox News-თან ინტერვიუში.

 

კონკრეტულად რომელ ქვეყანაში განთავსებულ საელჩოებს გულისხმობს, ამ შეკითხვაზე საპასუხოდ პრეზიდენტმა თქვა, რომ სავარაუდოდ, ეს ბაღდადი უნდა ყოფილიყო. სხვა ქვეყნები ტრამპს არ დაუკონკრეტებია, თუმცა დაამატა, რომ მოსალოდნელ საფრთხეებზე კონკრეტულ ინფორმაციებს ფლობდნენ.

 

„ჩვენ გეტყვით, რომ ეს სავარაუდოდ უნდა ყოფილიყო საელჩო ბაღდადში. შემიძლია გითხრათ, რომ, როგორც მე მიმაჩნია, ეს უნდა ყოფილიყო ოთხი საელჩო“, – ამბობს ტრამპი. ინტერვიუს სრული ვერსია მოგვიანებით გავა ეთერში.

 

ირანმა ერაყში ამერიკულ ბაზებზე სარაკეტო იერიში 8 იანვარს გამთენიისას მიიტანა. ამით თეირანმა ამერიკელი სამხედროების მიერ გენერალ ყასემ სულეიმანის მკვლელობისთვის იძია შური.

 

ამავე დღეს თეირანში უკრაინული ავიახაზების თვითმფრინავი ჩამოვარდა, რასაც ყველა მგზავრი ემსხვერპლა. რიგმა ქვეყნებმა მათ შორის აშშ-მ, მომხდარში თეირანი დაადანაშაულეს.

 

11 იანვარს კი ირანმა განაცხადა, რომ ავიალაინერი შეცდომით ჩამოაგდო. ამ ყველაფერს წინ უძღოდა არეულობა ერაყში და ბაღდადში ამერიკის საელჩოზე თავდასხმა.

ნატო-ს არ აქვს მიზეზი, არ დაუჯეროს მოკავშირე ქვეყნების, მათ შორის აშშ-სა და კანადის, მიერ მოწოდებულ მტკიცებულებას, რომელიც მიანიშნებს, რომ უკრაინული თვითმფრინავი ირანულმა რაკეტამ ჩამოაგდო, - ამის შესახებ ნატო-ს გენერალურმა მდივანმა იენს სტოლტენბერგმა განაცხადა.

 

სტოლტენბერგის თქმით, მას ნატო-ს სადაზვერვო დეტალებში შესვლა არ სურს, თუმცა ალიანსს არ აქვს მიზეზი, არ სჯეროდეს, მოკავშირე ქვეყნების მიერ წარმოდგენილი მტკიცებულებების. ნატოს გენერალურმა მდივანმა თვითმფრინავის კატასტროფას „ტრაგედია“ უწოდა და ხაზი გაუსვა ირანის მხრიდან „გამჭირვალე და სრულყოფილი“ გამოძიების ჩატარების საჭიროებას.

 

8 იანვარს „უკრაინის ავიახაზების“ კუთვნილი თვითმფრინავი, რომელიც თეირანი-კიევის რეისს ასრულებდა, აფრენიდან მალევე, ირანის დედაქალაქთან ჩამოვარდა, რა დროსაც ბორტზე მყოფი 176-ვე პირი დაიღუპა.

თეირანში დემონსტრანტების წინააღმდეგ სამართალდამცველებმა ცრემლმდენი გაზი გაუშვეს და ცეცხლი გახსნეს. ამის შესახებ Deutsche Welle სოციალურ ქსელში გავრცელებულ ვიდეოზე დაყრდნობით წერს, თუმცა გამოცემა აღნიშნავს, რომ ვიდეოს ნამდვილობა ჯერ დადასტურებული არ არის.

 

ვიდეო, რომელიც ნიუ-იორკში დაფუძნებულმა ადამიანის უფლებების დაცვაზე მომუშავე ორგანიზაციამ დაპოსტა, კვირას განვითარებულ მოვლენებს ასახავს. გამოსახულებაში არის მიწაზე სისხლის ლაქები და ამ რაიონში მოძრავი უსაფრთხოების თანამშრომლები.

 

სხვა გავრცელებულ ფოტოებზე ჩანს, როგორ ურტყამენ პოლიციელები დემონსტრანტებს ხელკეტებს.

 

თეირანის პოლიციის უფროსი დემონსტრანტების წინააღმდეგ ცეცხლსასროლი იარაღის გამოყენების შესახებ ინფორმაციას უარყოფს.

 

ირანში მიმდინარე მოვლენებს ცოტა ხნის წინ აშშ-ის პრეზიდენტი, დონალდ ტრამპიც გამოეხმაურა. მან „ტვიტერში“ ფარსისა და ინგლისურ ენებზე განცხადება გამოაქვეყნა, სადაც თეირანს მოუწოდა, საკუთარი ხალხის წინააღმდეგ არ იბრძოლონ:

 

„ნუ დახოცავთ თქვენს მომიტინგეებს. თქვენ უკვე ათასობით ადამიანი მოკალით და დააპატიმრეთ. მთელი მსოფლიო გადევნებთ თვალს! ჩართეთ ინტენეტი და ნება მიეცით ადამიანებს თავისუფლად გამოთქვან პროტესტი. შეწყვიტეთ საკუთარი დიდებული ხალხის მოკვლა!“- დაწერა ტრამპმა.

 

ირანში რამდენიმე უკრაინული სამგზავრო თვითმფრინავის ჩამოგდების გამო ანტისამთავრობო დემონსტრაციები მიმდინარეობს.

 

თეირანში უკრაინული ავიახაზების თვითმფრინავი 8 იანვარს ჩამოვარდა, რასაც 176 მგზავრი ემსხვერპლა. 11 იანვარს ირანმა განაცხადა, რომ ავიალაინერი შეცდომით ჩამოაგდო, პრეზიდენტმა ჰასან როუჰანიმ კი მომხდარი უპატიებელი ადამიანური შეცდომით ახსნა, თვითმფრინავის ჩამოგდებაზე პასუხისმგებლობა ელიტურმა სამხედრო ქვედანაყოფმა, „ისლამური რევოლუციის გუშაგთა კორპუსმა“ აიღო. ამის შემდეგ თეირანში აიათოლა ალი ხამენეის გადადგომის მოთხოვნით აქციები დაიწყო.

 

 

ირანის პრეზიდენტი თეირანის მიერ უკრაინული ავიახაზების ჩამოგდებას უპატიებელ შეცდომას უწოდებს და გამოძიების პროცესში სამართლებრივი დევნის საჭიროებაზე მიუთითებს. ირანელი ლიდერის ტექსტი ამ თემაზე Twitter-ზე განთავსდა.

 

„შეიარაღებული ძალების შიდა გამოძიებამ დაადგინა, რომ სამწუხაროდ, ადამიანური შეცდომის გამო, რაკეტის გაშვებამ უკრაინული თვითმფრინავის ჩამოვარდნა და 176 უდანაშაულო ადამიანის სიკვდილი გამოიწვია. გამოძიება გრძელდება, უპატიებელი შეცდომაა“, - ნათქვამია პოსტში.

 

11 იანვარს ირანმა განაცხადა, რომ ავიალაინერი შეცდომით ჩამოაგდო. ირანმა ერაყში ამერიკულ ბაზებზე სარაკეტო იერიში 8 იანვარს გამთენიისას მიიტანა. ამით თეირანმა ამერიკელი სამხედროების მიერ გენერალ ყასემ სულეიმანის მკვლელობისთვის იძია შური. ამავე დღეს თეირანში უკრაინული ავიახაზების თვითმფრინავი ჩამოვარდა, რასაც ყველა მგზავრი ემსხვერპლა. რიგმა ქვეყნებმა მათ შორის აშშ-მ, მომხდარში თეირანი დაადანაშაულეს. ამ ყველაფერს წინ უძღოდა არეულობა ერაყში და ბაღდადში ამერიკის საელჩოზე თავდასხმა.

აშშ-მა ირანის წინააღმდეგ ახალი სექტორალური სანქციები დააწესა. შესაბამის ბრძანებას ხელი პრეზიდენტმა დონალდ ტრამპმა მოაწერა. ამის შესახებ CNN-ი იუწყება.

 

შეზღუდვები უწესდებათ ირანის ეკონომიკის მწარმოებელ, ქსოვილის, სამშენებლო და სამთომომპოვებელ სექტორებს.

 

გარდა ამისა, აშშ-მა განსაკუთრებული სანქციები დაუწესა ირანის რკინისა და ფოლადის უმსხვილეს მწარმოებლებს. პერსონალური შეზღუდვები დაუწესდათ ასევე ირანის მთავრობის 8 წარმომადგენელს.

 

ტრამპმა სანქციები ირანში განვითარებულ მოვლენებისადმი მიძღვნილ სპეციალურ ბრიფინგზე დააანონსა.

არქივი

« « » » იანვარი 2019
ორშ სამ ოთხ ხუთ პარ შაბ კვი
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31

ამინდი

თბილისი

ბლოგერები

Global Press
ვალოდია ჯინჭარაძე
ბლოგერი
იხილეთ ბლოგი
Global Press
გიორგი გიორგაძე
ბლოგერი
იხილეთ ბლოგი
Global Press
მერაბ ცაავა
ბლოგერი
იხილეთ ბლოგი

ყველა ბლოგერი

ჟურნალისტური გამოძიება

გამოკითხვა

საქართველოში, პროსტიტუციის ლეგალიზაცია უნდა მოხდეს თუ არა?