Global Press

Georgia

Global PressGlobal PressGlobal PressGlobal Press

USD
3.0594
EUR
3.4507
RUR
0.043
GBP
3.835

ნატოს გენერალური მდივანი, იენს სტოლტენბერგი ჩინეთის პარლამენტის მიერ ჰონგ-კონგის ეროვნული უსაფრთხოების შესახებ კანონის მიღებას გამოეხმაურა.

 

იენს სტოლტენბერგის თქმით, აღნიშნული კანონის მიღება ჰონგ-კონგის ავტონომიას ძირს უთხრის.

 

„ცხადია, რომ ჩინეთი არ იზიარებს ჩვენს ღირებულებებს, როგორიცაა დემოკრატია, თავისუფლება და კანონის უზენაესობა. ამას ჩვენ ჰონგ-კონგში ვხედავთ, სადაც უსაფრთხოების ახალი კანონი მის ავტონომიას ძირს უთხრის“, - განაცხადა ნატოს გენერალურმა მდივანმა.

 

დღეს ჩინეთის უმაღლესმა საკანონმდებლო ორგანომ ჰონგ-კონგის ეროვნული უსაფრთხოების შესახებ კანონი მიიღო. კანონი მიმართულია ჰონგ-კონგის მთავარი კანონის 23-ე მუხლის განხორციელებისკენ. ეს მუხლი ადმინისტრაციულ რაიონს ჩინეთის ხელისუფლებასთან დაკავშირებით „დივერსიული საქმიანობის“ წინააღმდეგ კანონების მიღებას ავალდებულებს. უფრო კონკრეტულად, ეს კანონი ჰონგ-კონგში სეპარატიზმსა და ბუნტს კრძალავს.

აშშ-სა და „თალიბანს“ შორის ავღანეთში ომის დასრულების შესახებ შეთანხმების ხელმოწერის შემდეგ, ჩრდილოატლანტიკურმა ალიანსმა დაჯგუფების თავდასხმების შესახებ ინფორმაციის დამალვა დაიწყო, - წერია ავღანეთის რეკონსტრუქციის საგანგებო გენერალური ინსპექტორის (SIGAR-ის) მიერ გამოქვეყნებულ მოხსენებაში. ინფორმაციას Aljazeera ავრცელებს.

 

აშშ-სა და „თალიბანს“ შორის შეთანხმება თებერვლის ბოლოს შედგა. დოკუმენტის მიხედვით, შეერთებული შტატები და ნატოს მოკავშირეები შეთანხმდნენ, რომ მათი ყველა სამხედრო ავღანეთს სრულად 14 თვის განმავლობაში დატოვებს. „თალიბანმა“ შეთანხმება დაარღვია და საბრძოლო მოქმედებები განაახლა.

 

აშშ-სა და „თალიბანს“ შორის შეთანხმება ყატარში გაფორმდა. ცერემონიას ამერიკის სახელმწიფო მდივანი მაიკ პომპეო და „თალიბანის“ ლიდერი ესწრებოდნენ. მხარეებს იმედი აქვთ, რომ დოკუმენტი ავღანეთში 18-წლიანი კონფლიქტის შემდეგ მშვიდობის დამყარებას შეუწყობს ხელს.

 

2001 წლის ერაყის ომის შემდეგ „თალიბანი“ უარს ამბობდა პირდაპირ მოლაპარაკებებზე ავღანეთის ხელისუფლებასთან. გასული წლის სექტემბრის დასაწყისში დაჯგუფება „თალიბანსა“ და აშშ-ს შორის ავღანეთში სამშვიდობო მოლაპარაკებები ჩაიშალა. აშშ-ის პრეზიდენტმა განაცხადა, რომ ნებისმიერი მშვიდობიანი მოლაპარაკება „თალიბანთან“ მკვდარია. „თალიბანში“ კი დაიმუქრნენ, რომ აშშ მოლაპარაკებების შეწყვეტას ინანებს.

 

მოლაპარაკებების განახლება აშშ-ის პრეზიდენტმა, დონალდ ტრამპმა ავღანეთში მოულოდნელი ვიზიტის დროს დააანონსა. მხარეებს შორის მოლაპარაკებები გასული წლის დეკემბერში განახლდა.

საქართველოს როლი დღითიდღე მზარდია შავი ზღვის უსაფრთხოებაში ,- ამის შესახებ საქართველოს პარლამენტის საგარეო ურთიეთობათა კომიტეტის თავჯდომარე ირაკლი ბერაიამ განაცხადა.

 

მისი თქმით, ნატო-ს მუდმივმოქმედი მეორე საზღვაო შენაერთის 5 სამხედრო ხომალდი და საქართველოს სანაპირო დაცვის მცურავი საშუალებები ერთობლივ წვრთებს ატარებენ. ეს, ერთი მხრივ, საქართველოსა და ალიანსს შორის წარმატებული პრაქტიკული თანამშრომლობის და ნატო-ს მხრიდან ჩვენი ქვეყნის ევროატლანტიკური ინტეგრაციის პროცესის მტკიცე მხარდაჭერის კიდევ ერთი მკაფიო მაგალითია. მეორე მხრივ კი - ნათელი დადასტურებაა იმისა, რომ შავი ზღვის უსაფრთხოება წარმოუდგენელია საქართველოს ჩართულობის გარეშე.

 

„ერთობლივი წვრთნები საქართველოსა და ნატო-ს საზღვაო ძალების ურთიერთთავსებადობის გაზრდას და ჩვენი თავცადვისუნარიანობის ამაღლებას ემსახურება.

 

ნატო-საქართველოს ურთიერთობები, დღეს, უპრეცენდენტოდ მაღალ ნიშნულზეა. საქართველო, როგორც ნატო-ს ასპირანტი ქვეყანა და გაძლიერებული შესაძლებლობების პარნტიორი, ფლობს გაწევრიანებისთვის საჭირო ყველა პრაქტიკულ ინსტრუმენტს და ყოველდღიურად აღრმავებს თანამშრომლობას ალიანსთან.

 

თავსებადობის კუთხით, ვუსწრებთ ალიანსის ზოგიერთ წევრ სახელმწიფოს, ვმასპინძლობთ ნატო-ს სამხედრო წვრთებს და ვხელმძღვანელობთ ნატოს სწავლებებს, სტრატეგიული პარნტიორებისგან ვღებულობთ უახლეს შეიარაღებას, უმნიშვნელოვანესი წვლილი შეგვაქვს ევროატლანტიკური უსაფრთხხოების უზრუნველყოფაში. სწორედ ეს მიღწევები და სხვა მნიშვნელოვანი კრიტერიუმები უდევს საფუძვლად ჩვენი პარტნიორების მხრიდან მაღალ შეფასებებს საქართველოს ალიანსში გაწევრიანების აუცილებლობისა და მნიშვნელობის შესახებ.

 

განსაკუთრებულ აღნიშვნას იმსახურებს ნატო-საქრთველოს თანამშრომლობა შავი ზღვის უსაფრთოების საკითხებში, საქართველოს ჩართულობა შავი ზღვის უსაფრთოხების ზომებში, რასაც საფუძვლად უდევს ერთი მხრივ, საქართველოს მიერ 2017 წელს წარდგენილი კონკრეტული წინადადებები და მეორე მხრივ - 2018 წლის ალიანსის ბრიუსელის სამიტზე და 2019 წლის ვაშინგტონის მინისტერიალზე მიღებული გადაწყვეტილებები“,-აღნიშნა ბერაიამ.

 

მისივე შეფასებით, ასევე ხაზგასასმელია, რომ მიმდინარე წლის 2 აპრილს, ჩრდილო ატლანტიკური ალიანსის საგარეო საქმეთა მინისტერიალიც საქართველოსთვის მნიშვნელოვანი შედეგებით დასრულდა.

 

„როდესაც მთელი მსოფლიო ებრძვის COVID-19-ის გლობალურ პანდემიას, როდესაც ამ გამოწვევამ მოახდინა ქვეყნების და საერთაშორისო ორგანიზაციების მოკლე და საშუალოვადიანი ამოცანების მნიშვნელოვანი გადააზრება, საქართველოს საკითხი კვლავ წინა პლანზეა NATO-ს და მისი მოკავშირეების დღის წესრიგში. მინისტერიალზე მიღებული გადაწყვეტილება შავი ზღვის უსაფრთხოების კონტექსტში საქართველოს მხადრაჭერის ახალი ზომების შესახებ (მათ ისეთ სფეოებში როგორებიცაა მეტი ჩართულობა შავ ზღვაზე ალიანსისა და წევრი სახელმწიფოების წვრთებში, თანამშრომლობა ჰიბრიდული საფრთხეების წინააღმდეგ, საქართველოს ჩართვა შავი ზღვის რეგიონის საჰაერო სივრცის მონაცემთა გაცვლის რეგიონულ პროგრამაში) კიდევ ერთხელ ადასტურებს, რომ, მსოფლიოსთვის ასეთ რთულ ვითარებაში, ალიანსი არამხოლოდ ერთგულია საქართველოს ევრო-ატლანტიკური ინტეგრაციის კურსისადმი, არამედ აღრმავებს თანამშრლოლობას ჩვენს ქვეყანასთან კონკრეტული ნაბიჯებით“ ,- განაცხადა ბერაიამ, რომლის კომენტარსაც საქართველოს პარლამენტი ავრცელებს.

ნატოს გენერალურმა მდივანმა, იენს სტოლტენბერგმა განაცხადა, რომ გერმანიიდან ამერიკული ჯარების გაყვანის შესახებ გადაწყვეტილების დადასტურებას ელოდება.

 

ტელეარხ Euronews-სთან საუბრისას ნატოს გენერალურმა მდივანმა აღნიშნა, რომ საბოლოო გადაწყვეტილება ჯერ არ ყოფილა მიღებული იმის თაობაზე, თუ როგორ ან როდის იქნება აღნიშნული გადაწყვეტილება განხორციელებული.

 

იენს სტოლტენბერგმა იმედი გამოთქვა, რომ ეს საკითხი ნატოს თავდაცვის მინისტრების მინისტერიალზე იქნება განხილული.

 

შეგახსენებთ, რომ აშშ-ის პრეზიდენტმა, დონალდ ტრამპმა განაცხადა, რომ გერმანიაში მყოფი ამერიკელი ჯარისკაცების რაოდენობის განახევრება სურს. საუბარია დაახლოებით 9 500 ამერიკლელი სამხედროს გერმანიიდან გაყვანაზე.

 

„ჩემი მესიჯი ის არის, რომ აშშ-ის ევროპაში ყოფნა არა მხოლოდ ევროპის დაცვა, არამედ ევროპის გარეთ აშშ-ის დაცვაც არის. ვიცით, რომ აშშ უამრავ ოპერაციებს ატარებს ერაყში, ავღანეთში, აფრიკაში. ყველაფერი ეს ევროპაში მდებარე ამერიკული ბაზებიდან ხდება“, - განაცხადა იენს სტოლტენბერგმა.

ნატო ოთხ მკაფიო ნაბიჯს გადადგამს, რათა საქართველო შავი ზღვის უსაფრთხოებაში უფრო მეტად ჩაერთოს, - ამის შესახებ კავკასიასა და ცენტრალურ აზიაში ნატოს გენერალური მდივნის სპეციალურმა წარმომადგენელმა, ჯეიმს აპატურაიმ განაცხადა.

 

მისი თქმით, მხარდაჭერის ახალი პაკეტის გადაცემის პოლიტიკურ გადაწყვეტილებას ორი მიზეზი აქვს. პირველი - საქართველო არის ნატოს არაწევრი იმ ქვეყნების ჯგუფში, რომელთანაც მჭიდრო ორმხრივი თანამშრომლობა გვაკავშირებს.

 

„საქართველოსთან ეს თანამშრომლობა ნამდვილად საუკეთესო და სამაგალითოა და ჩვენ მისი გაღრმავება გვსურს. მეორე მიზეზი არის ის, რაც ყველამ ვიცით, რომ შავი ზღვის რეგიონში უსაფრთხოების სიტუაცია გაუარესდა. ეს სიტუაცია გაუარესდა საქართველოსთვის, უკრაინისთვის და ნატოს წევრებისთვისაც.

 

ამის მიზეზი არის რუსეთის აგრესიული ქმედებები საქართველოში, უკრაინასა და ყირიმის ნახევარკუნძულზე. რუსეთმა ყირიმი გამოიყენა შავ ზღვაში სამხედრო ძალის გასაზრდელად. ეს ახდენს გავლენას როგორც ჩვენზე, ისე საქართველოსა და უკრაინაზეც“, - განაცხადა ჯეიმს აპატურაიმ საქართველოს რადიოსთან ინტერვიუში.

 

მისი თქმით, ზემოთ ჩამოთვლილი მიზეზების გამო, ნატოს სურს საქართველოსთან თანამშრომლობის გაღრმავება, განსაკუთრებით, შავი ზღვის კონტექსტში.

 

„აქედან გამომდინარე ვაპირებთ შემდეგი ნაბიჯების გადადგმას. უპირველეს ყოვლისა, ჩვენ ჩავრთავთ საქართველოს უფრო მეტ აქტივობაში, რომელსაც ჩვენ ვუწოდებთ „ჰიბრიდულ თავდაცვას“.

 

საუბარი მაქვს იმ ხერხებისა და საშუალებებისგან თავდაცვაზე, რომელსაც რუსეთი სხვა ქვეყნების წინააღმდეგ იყენებს, როდესაც მაგალითად, საქმე ეხება კიბერთავდასხმებს ან დეზინფორმაციას, ენერგეტიკულ ბლოკადას, შენიღბულ სადაზვერვო ან სამხედრო აქტივობას. ყველა ამ ხერხს ჩვენ განვიხილავთ ერთი პაკეტის ნაწილად, რადგან ეს ნამდვილად ასეა.

 

ჩვენ ვმუშაობთ უკრაინასთან და საქართველოსთან ამ საკითხებზე. ჩვენ განვამტკიცებთ თანამშრომლობას, რომ დავიცვათ თავი ასეთი საფრთხეებისგან“, - აღნიშნა აპატურაიმ.

 

მისივე თქმით, მეორე საკითხია, რომ საქართველოს ჰქონდეს სამეზობლო საჰაერო სივრცის უკეთესი, გაუმჯობესებული სურათი.

 

„ჩვენ გვაქვს პროგრამა, რომელშიც საქართველოს ჩართვა გვსურს. ეს არის „საჰარეო სივრცის უსაფრთხოების პროგრამა“, რომლის საშუალებითაც საქართველო უკეთესად აღიქვამს, რა ხდება მის საჰაერო სივრცეში.

 

ახალი პაკეტის კიდევ ერთი კომპონენტი არის, ქართველებისა და უკრაინელების უფრო მეტი ჩართულობა ერთობლივ სწავლებებში. განსაკუთრებით იმიტომ, რომ საქართველოს „თავდაცვის ინსტიტუციური აღმშენელობის სკოლა“ და „ნატო-საქართველოს წვრთნისა და შეფასების ერთობლივი ცენტრი“ ძალიან კარგად მუშაობს.

 

ვიმედოვნებთ, რომ იქ მეტ უკრაინელს ვიხილავთ. და ბოლოს, ჩვენი მოკავშირეები, ნატოს წევრები განიხილავენ საქართველოს უფრო მეტ ჩართულობას სამხედრო სწავლებებში. მათ შორის, რეგიონში. ასე რომ, ჩვენ გვაქვს გაწერილი ოთხი მკაფიო ნაბიჯი, რომლის გადადგმასაც ვაპირებთ, რათა საქართველო შავი ზღვის უსაფრთხოების უზრუნველყოფაში უფრო მეტად ჩაერთოს“, - განაცხადა ჯეიმს აპატურაიმ.

ჩრდილოეთ მაკედონიამ ხელი მოაწერა ნატოში გაწევრიანების შესახებ დოკუმენტს. სააგენტო Associated Press-ის ცნობით, დოკუმენტს ხელი ქვეყნის პრეზიდენტმა, სტევო პენდაროვსკიმ მოაწერა.

 

ჩრდილოეთ მაკედონიის გაწევრიანების პროცედურის დასრულება აპრილში, ჩრდილოატლანტიკური საბჭოს სხდომაზე იგეგმებოდა, თუმცა კორონავირუსის პანდემიის გამო მისი ჩატარება საფრთხის ქვეშ დადგა.

 

თებერვალში ჩრდილოეთ მაკედონიის პარლამენტმა მხარი დაუჭირეს ქვეყნის ნატოში გაწევრიანებას. ნატოს წევრ ქვეყნებს შორის ჩრდილოეთ მაკედონიისთვის წევრობის მინიჭებას ბოლოს მხარი ესპანეთმა დაუჭირა.

ბალტიის ზღვაში NATO-ს სამხედრო-საზღვაო ძალების მასშტაბური სამხედრო სწავლება მიმდინარეობს, - ამის შესახებ Deutsche Welle წერს. სწავლებაში 29 საზღვაო ხომალდი და 29 თვითმფრინავი მონაწილეობს.

 

NATO BALTOPS 2020, აშშ-ის ევროპული სარდლობის ეგიდით, გერმანიისა და დანიის სანაპიროებთან ახლოს ტარდება. სწავლებაში ალიანსის წევრი 17 ქვეყნის 3000 სამხედრო და ალიანსის პარტნიორი ქვეყნების - შევედეთისა და ფინეთის სამხედროები მონაწილეობენ. სწავლება 16 ივნისს დასრულდება.

 

პანდემიის გამო სწავლება მხოლოდ ზღვაზე ჩატარდება და არ მოიცავს სახმელეთო ოპერაციებს.

 

„უსაფრთხოებას ბალტიის ზღვაში დიდი მნიშვნელობა აქვს რეგიონული სტაბილურობისთვის. მიმდინარე სწავლების განმავლობაში მოხდება ჩვენი ერთობის დემონსტრირება საერთო ღირებულებების, მოსახლეობისა და ტერიტორიების დაცვის საქმეში“, - განაცხადა სწავლებაში მონაწილე ერთ-ერთი საზღვაო შენაერთის მეთაურმა ინგვე სკოგლუნდმა.

 

NATO-ს საზღვაო-სამხედრო სწავლება BALTOPS ყოველწლიური საერთაშორისო ღონისძიებაა და 1971 წლის შემდეგ რეგულარულად ტარდება.

ნატო გააგრძელებს საქართველოს სუვერენიტეტისა და ტერიტორიული მთლიანობის პატივისცემას საერთაშორისოდ აღიარებულ საზღვრებში, – ამის შესახებ სამხრეთ კავკასიასა და ცენტრალურ აზიაში ნატო-ს გენერალური მდივნის სპეციალური წარმომადგენელი, ჯეიმს აპატურაი Facebook-ზე წერს.

 

„როდესაც ქართველები აღდგომას აღნიშნავენ საგანგებო ვითარებაში, კოვიდ კრიზისი კიდევ უფრო მნიშვნელოვანს ხდის თანამშრომლობას საზღვრებზე. ეს ქარელის მუნიციპალიტეტის ადმინისტრაციულ საზღვარზე არსებულ ვითარებას კიდევ უფრო სამწუხაროს ხდის. ნატო გააგრძელებს საქართველოს სუვერენიტეტისა და ტერიტორიულ მთლიანობის პატივისცემას საერთაშორისო დონეზე აღიარებულ საზღვრებში“, – წერს ჯეიმს აპატურაი სოციალურ ქსელში.

 

 

რუსეთის საოკუპაციო ძალების წარმომადგენლებმა ქარელის მუნიციპალიტეტის სოფელ ტახტისძირის მიმდებარედ უკანონო, ე.წ. ბორდერიზაციის პროცესი განახორციელეს.

საუბრები იმაზე, რომ ნატო მკვდარია, მეტისმეტად გადაჭარბებულია, - ამის შესახებ აშშ-ის სახელმწიფო მდივანმა მაიკ პომპეომ მიუნხენის უსაფრთხოების კონფერენციაზე სიტყვით გამოსვლისას განაცხადა.

 

„დასავლეთი იმარჯვებს და ჩვენ ერთად ვიმარჯვებთ. დასავლეთის ქვეყნები გაერთიანებულნი არიან ჩვენი თავისუფალი საზოგადოებებით და საერთო ღირებულებებით, როგორიც არის ადამიანია უფლებების დაცვა, თავისუფალი ბაზრები და ჩვენი მოქალაქეების უსაფრთხოების უზრუნველყოფა“, - განაცხადა მაიკ პომპეომ.

 

აშშ-ის სახელმწიფო მდივანმა აღნიშნა, რომ რუსეთი, ჩინეთი და ირანი საფრთხეს უქმნიან თავისუფალი ქვეყნების სუვერენიტეტს და რომ სუვერენიტეტის ხელყოფა თავისუფლების ხელყოფას ნიშნავს.

ნატოში საქართველოს ელჩის პოზიციაზე ალექსანდრე მაისურაძეს ვიქტორ დოლიძე შეცვლის. საგარეო საქმეთა მინისტრის, დავით ზალკალიანის განცხადებით, ალექსანდრე მაისურაძე კი ჟენევაში განაგრძობს საქმიანობას.

 

„ნატოში ჩვენმა ელჩმა, ალექსანდრე მაისურაძემ დაასრულა თავისი საქმიანობა, მას შეუსრულდა ელჩობისთვის განკუთვნილი ვადა, ამიტომ მივიღეთ გადაწყეტილება, მისი გამოცდილება, მრავალმხრივ ურთიერთობებში გამოვიყენოთ ჟენევაში საერთაშორისო ორგანიზაციებში წარმომადგენლად.

 

ამიტომ, ის საქმიანობას გააგრძელებს ჟენევაში. მის ადგილს დაიკავებს ჟენევაში ჩვენი ელჩი ვიქტორ დილიძე, რომელიც იქნება ნატოში საქართველოს წარმომადგენელი“, - განაცხადა დავით ზალკალიანმა.

ჩვენ არ უნდა დაგვავიწყდეს საქართველო - შავი ზღვის სახელმწიფო, რომელზეც ბრიტანეთმა თავისი ფსონი უნდა დადოს, - ამის შესახებ ბრიტანელი ევროპარლამენტარი და ყოფილი სამხედრო მაღალჩინოსანი, ჯეფრი ვან ორდენი წერს.

 

ევროპარლამენტარის აზრით, ნატოსა და საქართველოს შორის ურთიერთობებში მნიშვნელოვანი პროცესები მიმდინარეობს.

 

მისი თქმით, საქართველოს პროდასავლურმა მთავრობამ ბუქარესტის სამიტზე მიღებული გადაწყვეტილების პრაქტიკაში გატარება თავის ყველაზე პრიორიტეტულ მიზნად აქცია, და ამ მიზანს მხარს უჭერს არა მხოლოდ მმართველი პარტია - ქართული ოცნება, არამედ საქართველოს მოსახლეობის 80%.

 

„ერთი შეხედვით, არარეალურად გამოიყურება დასავლეთის ყველაზე დიდ სამხედრო ალიანსში იმ პატარა ქვეყნის გაწევრიანება, რომლის ტერიტორიის 20 პროცენტი რუსეთის მიერ უკანონოდაა ოკუპირებული. და მაინც, შეიძლება ითქვას, რომ ეს პროცესი კარგად მიმდინარეობს“, - წერს ვან ორდენი. მისი თქმით, თანამშრომლობის მნიშვნელოვან სფეროს ნატოს ხელმძღვანელობით წარმოებულ ოპერაციებში საქართველოს მონაწილეობა წარმოადგენს: „იმ დროს, როდესაც ევროპელ მოკაშირეთა უმეტესობა სულ უფრო მცირე თანხებს ხარჯავს თავდაცვაზე, საქართველოს, ნატოს პარტნიორ ქვეყნებს შორის, ავღანეთში ყველაზე დიდი სამხედრო კონტინგენტი ჰყავს გაგზავნილი“, - ნათქვამია სტატიაში.

 

ნატოსთან თანამშრომლობა მრავალმხრივი განზომილებაა და საქართველო ამ თანამშრომლობას სხვადასხვა სფეროში აღრმავებს, თავდაცვა და უსაფრთხოება კი ის მნიშვნელოვანი სექტორია, სადაც ნატოს და მის მოკავშირეებს განსაკუთრებული გამოცდილება გააჩნიათ. სწორედ ამიტომ, ნიშანდობლივია, რომ ახალახან საქართველო ნატოს კიბერ უსაფრთხოების პლატფორმას მიუერთდა.

 

„ეს შემთხვევითი არაა, რადგან რუსეთის მხრიდან საქართველო არა მარტო ტერიტორიული თავდასხმების, არამედ კიბერ შეტევების მოგერიების ფრონტის ხაზზეა“, - წერს ვან ორდენი.

 

ევროპარლამენტარის აზრით, „მსოფლიოს ამ ცვალებად რეგიონში უსაფრთხოების უზრუნველყოფის მთავარი წინაპირობა დინამიურად მზარდი ეკონომიკაა, მაგრამ არა ნაკლებ მნიშვნელოვანი სტაბილური დემოკრატიაა“. ამ კუთხით, ის ყურადღებას ამახვილებს იმ ფაქტზე, რომ საქართველოს ეკონომიკა ყოველწლიურად 4.5 პროცენტით იზრდება, ხოლო მსოფლიო ბანკის რეიტინგებით, საქართველო მეშვიდე ყველაზე საუკეთესო ადგილია ბიზნესის კეთების კუთხით. ჰერითიჯ ფაუნდეიშენის ეკონომიკური თავისუფლების გლობალური ინდექსით კი, საქართველოს მე-12 პოზიციაზეა და მხოლოდ 2 ქულით ჩამორჩება გაერთიანებულ სამეფოს. რაც შეეხება დემოკრატიულ რეფორმებს, როდენი მიესალმება ქართული ოცნების მთავრობის მიერ ახალი საარჩევნო სისტემის დამტკიცებას, რამაც კიდევ უფრო გააძლიერა საქართველოს პრო-დასავლური იმიჯი.

 

„საქართველო ბრიტანეთის მეგობარი ქვეყანაა, რომელმაც ბრექსიტის შემდეგ ერთ-ერთმა პირველმა გადადგა ნაბიჯი ჩვენს ქვეყანასთან მჭიდრო პარტნიორობის დასამყარებლად. ამ ნაბიჯზე კი ჩვენი პასუხი საქართველოსთან და მის მეზობლებთან ურთიერთობების გაძლიერება უნდა იყოს“, - წერს ვან როდენი.

ნატო მხარს უჭერს საქართველოს მცდელობას განახორციელოს რეფორმები და მადლობას უხდის ალიანსისთვის აღმოჩენილი მხარდაჭერისთვის, - ამის შესახებ ნატო-ს გენერალურმა მდივანმა იენს სტოლტენბერგმა მიუნხენში გამართული პრესკონფერენეციის დროს განაცხადა.

 

სიტყვით გამოსვლისას სტოლტენბერგმა ალიანსისთვს შავი ზღვის რეგიონის მნიშვნელობაზე ისაუბრა.

 

„შავ ზღვას ნატო-სთვის სტრატეგიული მნიშვნელობა აქვს. ალიანსს აქ ჰყავს მოკავშირეები- რუმინეთი, ბულგარეთი და თურქეთი და პარტნიორები: უკრაინა და საქართველო. უსაფრთხოების საკითხებთან დაკავშირებით ჩვენ ვთანამშრომლობთ უკრაინასთან, რუსეთმა ყირიმის ანექსია უკანონოდ მოახდინა

 

. საქართველო ჩვენთვის ახლო პარტნიორს წარმოადგენს და ჩვენ მათთან აქტიურად ვმუშაობთ. ნატო მხარს უჭერს საქართველოს მცდელობას განახორციელოს რეფორმები და მადლობას უხდის ალიანსისთვის აღმოჩენილი მხარდაჭერისთვის. ჩვენ ბევრი პარტნიორი გვყავს და ძალიან ვაფასებთ ამ პარტნიორობას, ახალი ზელანდიიდან და ავსტრალიიდან დაწყებული, ისეთი მეზობლებით დამთავრებული, როგორებიცაა ფინეთი, შვედეთი, უკრაინა და საქართველო“,-განაცხადა სტოლტენბერგმა.

ექსკლუზიური

არქივი

« « » » ივლისი 2019
ორშ სამ ოთხ ხუთ პარ შაბ კვი
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31

ამინდი

Tbilisi

ბლოგერები

Global Press
ვალოდია ჯინჭარაძე
ბლოგერი
იხილეთ ბლოგი
Global Press
გიორგი გიორგაძე
ბლოგერი
იხილეთ ბლოგი
Global Press
მერაბ ცაავა
ბლოგერი
იხილეთ ბლოგი

ყველა ბლოგერი

ჟურნალისტური გამოძიება

გამოკითხვა

საქართველოში, პროსტიტუციის ლეგალიზაცია უნდა მოხდეს თუ არა?