Global Press

Georgia

Global PressGlobal PressGlobal PressGlobal Press

USD
2.8265
EUR
3.0515
RUR
0.0443
GBP
3.6405

პარლამენტმა გენერალური პროკურორის პოსტზე ირაკლი შოთაძე დაამტკიცა. მას მხარი 82-მა დეპუტატმა დაუჭირა (არცერთი წინააღმდეგი). პლენარულ სხდომაზე კენჭისყრას ესწრებოდა თავად ირაკლი შოთაძეც.

 

კენჭისყრაში მონაწილეობა 7-მა დეპუტატმა არ მიიღო. რეგისტრაცია სულ 89 დეპუტატმა გაიარა, ხოლო შოთაძეს მხარი 82-მა დეპუტატმა დაუჭირა.კენჭისყრაში მონაწილეობისგან თავი შეიკავეს იმ დეპუტატებმა, რომლებმაც „ქართული ოცნება“ საარჩევნო სისტემის ცვლილებაზე კანონპროექტის ჩაგდების შემდეგ დატოვეს, მათ შორის დიმიტრი ცქიტიშვილმა, თამარ ხულორდავამ, თამარ ჩუგოშვილმა.

 

ბოიკოტის ნიშნად, დღევანდელ პლენარულ სხდომას უმრავლესობის გარდა, არცერთი სხვა ფრაქცია არ დასწრებია. სხდომას არ ესწრებოდა არც დამოუკიდებელი დეპუტატების ნაწილი.

 

აღსანიშნავია, რომ შოთაძის კანდიდატურის განხილვა პარლამენტის პლენარულ სხდომაზე არ მომხდარა და ბიუროს გადაწყვეტილებით, საკითხი პირდაპირ კენჭისყრაზე გავიდა.

 

შეგახსენებთ, რომ საპროკურორო საბჭომ აღნიშნულ თანამდებობაზე შოთაძის კანდიდატურა მიმდინარე წლის 7 თებერვალს აარჩია. მას მხარი საბჭოს 11-მა წევრმა დაუჭირა.

 

ირაკლი შოთაძე სქართველოს მთავარი პროკურორის თანამდებობას 2015 წლის 19 ნოემბრიდან 2018 წლის 31 მაისის ჩათვლით ხელმძღვანელობდა. აღნიშნული პოსტი მან მას შემდეგ დატოვა, რაც ხორავას ქუჩაზე მოზარდებს შორის მომხდარ მკვლელობის საქმესთან დაკავშირებით სასამართლოს მიერ მიღებულ გადაწყვეტილებას ქუჩის მასშტაბური საპროტესტო აქცია მოჰყვა.

საკანონმდებლო ორგანოში ხმაურია. „ერთიანი ნაციონალური მოძრაობის“ წევრი თინა ბოკუჩავა პარლამენტში მალხაზ მაჩალიკაშვილის შეშვებას ითხოვს. ამასთან დაკავშირებით მას მამუკა მდინარაძესთან შეხვედრა ჰქონდა და განმარტებას სთხოვდა რის საფუძველზე არ უშვებენ მალხაზ მაჩალიკაშვილს პარლამენტში. აღნიშნული შეხვედრისას დეპუტატებს შორის სიტყვიერი დაპირისპირება მოხდა. მათ ერთმანეთს შეურაცხმყოფელი ფრაზებით მიმართეს.

 

როგორც მდინარაძემ ბოკუჩავას განუმარტა, მაჩალიკაშვილი პარლამენტში იმის გამო არ შეუშვეს, რომ პროვოკაციის საფრთხე თავიდან აეცილებინათ. მისივე თქმით, ამის თაობაზე გადაწყვეტილება პარლამენტის თავმჯდომარემ მიიღო.

 

„ნუ სპეკულირებ, გარდაცვლილ ადამიანს შენი პოლიტიკური მიზნებისთვის იყენებ და ეს არის სამარცხვინო. შენ ხარ მიშას „ტიტუშკა“. თქვენ ხართ პროვოკატორები და უზნეო ხალხი, მიშას მონები“, - მიმართა მდინარაძემ ბოკუჩავას.

 

თინა ბოკუჩავამ კი, თავის მხრივ, მდინარაძეს „მატყუარა და სამარცხვინო“ უწოდა.

 

„შენ მანდატს არ იმსახურებ. შენ ხომ არავინ არ ხარ, ჩვეულებრივი ჭანჭიკი ხარ“,-მიმართა თინა ბოკუჩავამ მდინარაძეს.

 

შეგახსენებთ, რომ დღეს დილით მალხაზ მაჩალიკაშვილი და თინა ბოკუჩავა პარლამენტში ერთობლივი ბრიფინგის გამართვას გეგმავდნენ, თუმცა დაცვის თანამშრომლებმა მაჩალიკაშვილი შენობაში არ შეუშვეს.

 

პარლამენტის შენობასთან ადგილი ჰქონდა შეხლა-შემოხლასაც, რა დროსაც მაჩალიკაშვილი შეუძლოდ გახდა. სასწრაფო სამედიცინო დახმარების ბრიგადამ მას ადგილზე აღმოუჩინა დახმარება.

,,იმდენად ავღელდი, ნამდვილად მჭირდება დეესკალაციის ოთახში 24 საათით მოთავსება“ - ასე გამოეხმაურა იუსტიციის მინისტრი თეა წულუკიანი სახალხო დამცველის ანგარიშს ციხეებში არსებულ მდგომარეობაზე

 

“ჩვენ ამ ტრიბუნიდან მოვისმინეთ სიმართლეც, ჭორებიც, არაპროფესიონალიზმიც და მოვისმინეთ კიდევ ბევრი სხვა იმდენი რამ, რომ თუ ხუმრობით დავიწყებდი ჩემს გამოსვლას, იმდენად ავღელდი, ნამდვილად მჭირდება დეესკალაციის ოთახში 24 საათით მოთავსება”, -განაცხადა წულუკიანმა

 

სახალხო დამცველმა ნინო ლომჯარიამ პარლამენტის ადამიანის უფლებათა დაცვის კომიტეტის სხდომაზე N2, N8, N14 და N15 პენიტენციურ დაწესებულებებში სპეციალური პრევენციული ჯგუფის მიერ განხორციელებული მონიტორინგის შედეგები წარდგინა.

 

პრევენციის ეროვნული მექანიზმის ანგარიშში საუბარია ძალადობაზე, რომელსაც პატიმრები განიცდიან სასჯელაღსრულების დაწესებულებებში როგორც ციხის ადმინისტრაციის, ისე უშუალოდ პატიმრების მხრიდან.

პარლამენტის საგაზაფხულო სესია გაიხსნა. პლენარულ სხდომის სახელმწიფო ჰიმნით გახსნის შემდეგ, დეპუტატებმა ბაღდათში მომხდარი ხანძრის შედეგად გარდაცვლილების ხსოვნას წუთიერი დუმილით პატივი მიაგეს.

 

„მინდა, პარლამენტის სახელით მწუხარება გამოვთქვა მომხდარი ტრაგედიის გამო, რომელსაც ჩვენი თანამოქალაქეების, მათ შორის ბავშვების სიცოცხლე შეეწირა. ეს უდავოდ ერთ-ერთი უმძიმესი მომენტია ჩვენი ქვეყნის ცხოვრებაში. მინდა ყველას გთხოვოთ, რომ წუთიერი დუმილით პატივი მივაგოთ მათ ხსოვნას,“ - განაცხადა პარლამენტის თავმჯდომარე არჩილ თალაკვაძემ.

 

მომხდარი ტრაგედიის გამო, საპარლამენტო უმრავლესობის გადაწყვეტილებით, დღევანდელ პლენარულ სხდომაზე არ გაკეთდება პოლიტიკური განცხადებები. როგორც უმრავლესობის ლიდერმა მამუკა მდინარაძემ განაცხადა, დღეს პოლიტიკური განცხადებები რელევანტური არ იქნებოდა.

 

„მართლაც ტრაგიკული შემთხვევა იყო. მითუმეტეს, მძაფრდება ეს ემოცია, როდესაც ბავშვებს ეხება საქმე. ძალიან სამწუხარო ამბავია. უმრავლესობაში კონსულტაციების შედეგად, მივიჩნიეთ, რომ დღეს პოლიტიკური განცხადებები არ იქნებოდა რელევანტური, მომხდარი ფაქტიდან გამომდინარე. ამიტომ უმრავლესობა დღეს უარს ამბობს პოლიტიკური განცხადებების გაკეთებაზე,“ - განაცხადა მამუკა მდინარაძემ.

 

შეგახსენებთ, ბაღდათში ხანძრის შედეგად, ექვსი ადამიანი გარდაიცვალა. დაღუპულია დედა ოთხ მცირეწლოვან შვილთან ერთად. არსებული ინფორმაციით, ქალი ფეხმძიმედ იყო. კიდევ ერთი გარდაცვლილი ქალი კი არსებული ინფორმაციით, ოჯახის ახლობელია.

ქალაქ უხანიდან საქართველოს მოქალაქეების გადმოსაყვანად სამოქმედო გეგმის შემუშავებაზე პარლამენტში მსჯელობენ. შეხვედრას ჯანდაცვის კომიტეტის თავმჯდომარე დიმიტრი ხუნდაძე, საგარეო საქმეთა მინისტრის მოადგილე, ჯანდაცვის მინისტრის მოადგილე, დაავადებათა კონტროლის ცენტრის ხელმძღვანელი და საგანგებო სიტუაციების მართვის წარმომადგენელი ესწრებიან. შეხვედრა დახურულ ფორმატში მიმდინარეობს.

 

როგორც შეხვედრის დაწყებამდე ჯანდაცვის კომიტეტის თავმჯდომარე დიმიტრი ხუნდაძემ ჟურნალისტებს განუცხადა, საქართველო კვლავ დაბალი რისკის ქვეყნებს შორისაა. მისივე თქმით, მოქალაქეების საქართველოში გადმოყვანა ყველა წესის, მათ შორის უსაფრთხოების და საკარანტინო წესების დაცვით მოხდება.

 

„საქართველო რჩება დაბალი რისკის ქვეყნებს შორის. ეპიდემიის გავრცელების რისკი პრაქტიკულად არ არსებობს, მაგრამ თეორიული რისკები ცხადია, არის. სწორედ ამიტომ, პრევენციული ღონისძიებები ხორციელდება ჯანდაცვის მსოფლიო ორგანიზაციის რეკომენდაციების მიხედვით. დღევანდელი შეხვედრა დაიგეგმა იმისათვის, რომ გავეცნოთ როგორია ეპიდცენტრში ეპიდემიოლოგიური სიტუაცია, შევაფასოთ როგორ ხორციელდება პრევენციული ღონისძიებები ჩვენს ქვეყანაში და განვიხილოთ ქალაქ ვუხანიდან ჩვენი მოქალაქეების უსაფრთხოდ გადმოყვანის შესაძლო ვარიანტი უსაფრთხოების ყველა წესის - როგორც ჯანდაცვის მსოფლიო ორგანიზაციის რეკომენდაციების, ასევე საკარანტინო წესების დაცვით. ჩინეთში მყოფი მოქალაქეების საქართველოში შემოყვანა მოხდება აქ მყოფი მოქალაქეების უსაფრთხოების გარანტიის დაცვით. ჩვენ დღეს ამ სამოქმედო გეგმას და კონკრეტულ ნაბიჯებს განვიხილავთ,"- განაცხადა ხუნდაძემ.

 

ჟურნალისტების კითხვაზე, შეხვედრის დახურულ ფორმატში წარმართვის მიზეზი ხომ არ არის მოსახლეობაში პანიკის გაჩენის რისკის თავიდან არიდება, ხუნდაძე პასუხობს, რომ პანიკის საფუძველი არ არსებობს, თუმცა პროფესიული საკითხები დახურულ ფორმატში უნდა იქნას განხილული.

ციხეში ე.წ. მაყურებლები თავისუფლად გადაადგილდებიან, შედიან საკნებში, აგროვებენ ე.წ. საერთოს, უგვარებენ პრობლემებს ადმინისტრაციას, - ამის შესახებ სახალხო დამცველმა ნინო ლომჯარიამ პარლამენტში ჟურნალისტებთან განაცხადა, სადაც ის ადამიანის უფლებათა კომიტეტზე პენიტენციურ დაწესებულებებში არსებულ მდგომარეობაზე სპეციალურ ანგარიშს წარადგენს.

 

როგორც ნინო ლომჯარია აღნიშნავს, ამ პრობლემებს იუსტიციის სამინისტრო ვერ უარყოფს, რადგან არსებობს ოფიციალური კორესპონდენცია, სადაც ამ პრობლემებს ადასტურებს. ნინო ლომჯარია ელოდება, რომ დღეს იუსტიციის მინისტრი ამის მოგვარების გზებზე ისაუბრებს.

 

„ევროპის წამების პრევენციის კომიტეტმა (cpt) შარშანდელ ანგარიშში ძალიან ხმამაღლა დაადასტურა, რომ ერთ-ერთ პენიტენციურ დაწესებულებაში ნამდვილად არსებობენ ე.წ. მაყურებლები, ეს ეხებოდა მე- 15 დაწესებულებას. თუმცა, ჩვენ შევარჩიეთ საქართველოში ყველაზე დიდი ნახევრად ღია ტიპის და დახურული დაწესებულებები, საერთო ჯამში 4 ყველაზე დიდი დაწესებულებაა. ჩვენმა მონიტორინგის ჯგუფმა დაადასტურა, რომ ე.წ. მაყურებლები არსებობენ როგორც ნახევრად ღია ტიპის, ასევე დახურულ დაწესებულებებში, სადაც ეს ადამიანები მიუხედავად იმისა, რომ დახურული რეჟიმია, თავისუფლად გადაადგილდებიან, შედიან საკნებში, აგროვებენ ე.წ. საერთოს, უგვარებენ პრობლემებს ადმინისტრაციას, ეუბნებიან პატიმრებს, რომ არ დაწერონ საჩივარი და ისინი თავად მოუგვარებენ პრობლემებს. აქვს ადგილი გარიყვას, იძულებას, შევიწროებას, რომ მონაწილეობა მიიღონ საერთოს აკრეფვაში, წინააღმდეგ შემთხვევაში, ირიყებიან მათი სოციუმიდან და ექვემდებარებიან ჩაგვრას. ჩვენ გვახსოვს 2013, 2014, 2015 წლებში, როცა სწორედ კრიმინალური სუბკულტურის მატარებელი ე.წ. მაყურებლების მხრიდან მოხდა ფიზიკური ანგარიშსწორება და 3 პატიმრის გარდაცვალება სწორედ ასეთი გარჩევების დროს, ამიტომ ის ე.წ. წესრიგი ძალიან მყიფეა დღეს პენიტენციალურ დაწესებულებებში, ძირითადად, ასეთი ტიპის ურთიერთობებს გულისხმობს და ნებისმიერ დროს ადმინისტრაციამ შეიძლება კონტროლი დაკარგოს სიტუაციაზე“, - განაცხადა ლომჯარიამ.

დღეს, პარლამენტის საგაზაფხულო სესია გაიხსნა. პირველი პლენარული სხდომა მიმდინარე კანონპროექტების განხილვას დაეთმობა.

 

4-7 თებერვლის პლენარული სხდომების კვირაში პარლამენტი პირველი მოსმენით განიხილავს „საგზაო მოძრაობის შესახებ“ კანონში დაგეგმილ ცვლილებების პროექტსაც, რომლის მიხედვითაც, მართვის მოწმობის გამოცდის პრაქტიკული კომპონენტი ორნაწილიანი ხდება.

 

საგაზაფხულო სესიის ფარგლებში, უახლოეს კვირებში პარლამენტის თავმჯდომარე პარლამენტის საქმიანობის ყოველწლიურ ანგარიშს წარადგენს.

 

რეგლამენტის მე-19 მუხლის მიხედვით, პარლამენტი, როგორც წესი, საგაზაფხულო სესიის პლენარული სხდომების პირველ კვირაში ისმენს პარლამენტის საქმიანობის ყოველწლიურ ანგარიშს და მომდევნო წლის სამოქმედო გეგმას, რომელსაც პარლამენტს წარუდგენს საკანონმდებლო ორგანოს სპიკერი.

 

აღსანიშნავია, რომ პარლამენტის თავმჯდომარის მიერ ყოველწლიური მოხსენებით გამოსვლა ახალი რეგლამენტით დაინერგა. პირველად ყოველწლიური ანგარიშით დეპუტატების წინაშე პარლამენტის ყოფილი თავმჯდომარე ირაკლი კობახიძე წარსდგა.

 

გარდა ამისა, საგაზაფხულო სესიის ფარგლებში, ქვეყნის მდგომარეობის უმნიშვნელოვანეს საკითხებზე საქართველოს პრეზიდენტი პარლამენტის წინაშე ყოველწლიური მოხსენებით წარსდგება. ამის თაობაზე ზუსტი თარიღი ჯერ შეთანხმებული არ არის, თუმცა რეგლამენტის მიხედვით, პრეზიდენტის ყოველწლიური მოხსენებით გამოსვლა, როგორც წესი, პლენარული სხდომების პირველ დღეს ხდება.

საქართველოს პარლამენტის თავმჯდომარე, არჩილ თალაკვაძე აზერბაიჯანის რესპუბლიკის თავდაცვის მინისტრს, ზაქირ ჰასანოვს შეხვდა.

 

მხარეებმა ორ ქვეყანას შორის არსებული ისტორიული მეგობრობისა და სტრატეგიული პარტნიორობის შესახებ ისაუბრეს.

 

ხაზი გაესვა საპარლამენტთაშორისო კავშირების გაღრმავებისა და ინტენსიური გაცვლითი ვიზიტების მნიშვნელობას.

 

შეხვედრაზე სექტორული თანამშრომლობის მიმართულებები მიმოიხილეს და ამ კონტექსტში, ყურადღება თავდაცვისა და სამხედრო განათლების, ენერგეტიკისა და ტრანსპორტის სფეროებში კავშირების გააქტიურებაზე გაამახვილეს.

 

არჩილ თალაკვაძე აზერბაიჯანის თავდაცვის მინისტრს საქართველოს ოკუპირებულ რეგიონებში არსებული ვითარებისა და რუსეთის ფედერაციის უკანონო ქმედებების შესახებ ესაუბრა.

 

პარლამენტის თავმჯდომარემ ზაქირ ჰასანოვს საქართველოს მთავრობის სამშვიდობო ინიციატივების ახალი პაკეტიც გააცნო და განაცხადა, რომ რეგიონში არსებული კონფლიქტების მოგვარება მშვიდობიანი გზით, საერთაშორისო სამართლის პრინციპებისა და ქვეყნების ტერიტორიული მთლიანობის პატივისცემის საფუძველზე უნდა მოხდეს.

 

აზერბაიჯანის თავდაცვის მინისტრმა არჩილ თალაკვაძეს ჩვენი ქვეყნის ტერიტორიული მთლიანობისა და სუვერენიტეტის ურყევი მხარდაჭერა დაუდასტურა.

პენიტენციურ დაწესებულებებში დღეს არსებული წესრიგი ძალადობრივ მეთოდებს ეფუძნება და ის სინამდვილეში ძალიან მყიფეა, რამაც უაღრესად დიდი საფრთხის ქვეშ შეიძლება დააყენოს იქ არსებული უსაფრთხოება, - ამის შესახებ სახალხო დამცველმა ნინო ლომჯარიამ ადამიანის უფლებათა დაცვის კომიტეტის სხდომაზე განაცხადა, სადაც პენიტენციურ დაწესებულებებში სახალხო დამცველის სპეციალური პრევენციული ჯგუფის მიერ განხორციელებული მონიტორინგის შედეგებზე მომზადებულ სპეციალურ ანგარიშთან დაკავშირებით მოხსენებას წარადგენს.

 

მისი თქმით, პენიტენციურ დაწესებულებებში კრიმინალური სუბკულტურები არსებობს, რომელიც პატიმრებს შორის ძალადობისა და ჩაგვრის მიზეზი ხშირად ხდება.

 

„მოპოვებული ინფორმაციის თანახმად, დაწესებულებებში არაა ძალადობისგან თავისუფალი გარემო, რაც ვლინდება ციხის კრიმინალური სუბკულტურის არსებობაში, რომელიც პატიმრების არასათანადო მოპყრობის სერიოზულ საფრთხეს ქმნის და პატიმრებს შორის ძალადობისა და ჩაგვრის მიზეზი ხშირად ხდება. დაწესებულებებში ციხის სუბკულტურის გავლენა სხვადასხვა გამოვლინებებით არსებობს, რა თქმა უნდა, უკვე რამდენიმე ათეული წელია არსებობს, საბჭოთა დროიდან მოყოლებული, თუმცა ის დღესაც აქტიურად გამოიყენება პენიტენციურ დაწესებულებებში და გულისხმობს ე.წ. მაყურებლების მიერ წესრიგის შენარჩუნებას. აღნიშნულს ბევრი მიზეზი აქვს და სხვადასხვა ფაქტორითაა განპირობებული, სამწუხაროდ, პენიტენციურ დაწესებულებებში დღეს არსებული წესრიგი ძალადობრივ მეთოდებს ეფუძნება და ის სინამდვილეში ძალიან მყიფეა, რამაც გრძელვადიან, ან თუნდაც მოკლევადიან პერიოდში უაღრესად დიდი საფრთხის ქვეშ შეიძლება დააყენოს იქ არსებული უსაფრთხოება, პატიმართა სიცოცხლე და ჯანმრთელობა“, - განაცხადა ლომჯარიამ.

 

მისი თქმით, სახალხო დამცველის სპეციალურმა პრევენციულმა ჯგუფმა გამოავლინა, რომ ნახევრად ღია ტიპის დაწესებულებებში ე.წ.მაყურებლები პრივილეგირებულ მდგომარებაში იმყოფებიან და სხვა პატიმრებს არაფორმალური წესებისადმი დამორჩილებას აიძულებენ.

 

„ჩვენი მონიტორინგის შედეგად დადგინდა, რომ არაფორმალური მმართველობა პატიმართა შორის ფიზიკური და მძიმე ფსიქოლოგიური ძალადობით ხასიათდება. ფსიქოლოგიური ძალადობა ძირითადად გამოძალვაში, დამცირებასა და სხვა ქმედებებში გამოიხატება. ნახევრად ღია ტიპის დაწესებულებებში არაფორმალური მმართველები, ე.წ. მაყურებლები იმყოფებიან პრივილეგირებულ მდგომარებაში და სხვა პატიმრებს აიძულებენ დაემორჩილონ არაფორმალურ წესებს.

 

ჯგუფმა ასევე მიიღო ინფორმაცია, რომ 14-ე და 15-ე დაწესებულებაში ახლად შემოყვანილ მსჯავრდებულებთან ე.წ. კარანტინში მიდის კრიმინალური სუბკულტურის წარმომადგენელი, უმასპინძლდება მას და შემდეგ უკვე სთავაზობს, რომ ამიერიდან მანაც უნდა შეიტანოს წვლილი, რომ ახალშემოსულ უქონელ მსჯავრდებულს ასევე დაეხმარონ. ამგვარად არაფორმალური მმართველები მაქსიმალურად ცდილობენ ახალმოყვანილი მსჯავრდებულის დარწმუნებას ე.წ.საერთოს შეგროვებაში მონაწილეობის მისაღებად“,- განაცხადა ლომჯარიამ.

 

ცნობისთვის, ადამიანის უფლებათა დაცვის კომიტეტის სხდომაზე სახალხო დამცველისა და იუსტიციის მინისტრების მოსმენა მიმდინარეობს. ომბუდსმენი ნინო ლომჯარია N2, N8, N14 და N15 პენიტენციურ დაწესებულებებში სახალხო დამცველის სპეციალური პრევენციული ჯგუფის მიერ განხორციელებული მონიტორინგის შედეგებზე მომზადებულ სპეციალურ ანგარიშთან დაკავშირებით მოხსენებას წარადგენს. თავის მხრივ, იუსტიციის მინისტრი თეა წულუკიანი ამავე პენიტენციურ დაწესებულებებში არსებულ მდგომარეობაზე მის ხელთ არსებულ ინფორმაციას წარადგენს. გაზიარება

საპარლამენტო უმრავლესობის ლიდერის, მამუკა მდინარაძის განმარტებით, მალხაზ მაჩალიკაშვილის პარლამენტში არშეშვებაზე გადაწყვეტილება პარლამენტის თავმჯდომარემ მიიღო.

 

მისივე თქმით, ეს პროვოკაციების თავიდან ასაცილებლად მოხდა. მდინარაძის განცხადებით, "ნაციონალური მოძრაობის" წევრები პარლმენტში მალხაზ მაჩალიკაშვილთან ერთად რომ შევიდნენ, მეტი შანსია, რომ პროვოკაციაზე წავიდნენ.

 

"არჩილ თალაკვაძეს ამის უფლება აქვს შესაბამისი ბრძანებით, რომ როდესაც არსებობს გარკვეული რისკები უსაფრთხოებისა და პროვოკაციების კუთხით, პარლამენტის თავმჯდომარეს შეუძლია შეზღუდოს საშვების დაშვება და პარლამენტში ადამიანის შემოშვება. აქედან გამომდინარე მიიღო არჩილ თალაკვაძემ ეს გადაწყვეტილება და ვფიქრობ, სწორია.

 

ხედავთ, თუ როგორ პროვოკაციაზე მოდიან ის ადამიანები, რომლებიც ამ სპექტაკლებს გეგმავენ. ასეთ დროს მეტი შანსია, რომ მალხაზ მაჩალიკაშვილთან ერთად მათ მეტი მოინდომონ და მეტად პროვოკაციულები იყვნენ. მათ ამის საშუალება არ მივეცით. თინა ბოკუჩავას ვუთხარი, რომ თუ ბრიფინგის ჩატარება სურს ისე, რომ მალხაზ მაჩალიკაშვილი გვერდით დაიყენოს, ამის გაკეთება შეუძლია მას პარტიის ოფისში. ამას არ აკეთებს იმიტომ, რომ პარლამენტში მოაწყოს პროვოკაცია," - განაცხადა მდინარაძემ.

 

მისივე თქმით, ის თემირლან მაჩალიკაშვილის საქმეზე პარლამენტის დროებითი საგამოძიებო კომისიის შექმნის წინააღმდეგია. მდინარაძის განცხადებით, ფაქტობრივი გარემოებებიდან გამომდინარე, პროკურატურის გადაწყვეტილებაში ეჭვის შეტანის საფუძველი არ არსებობს.

 

"საგამოძიებო კომისიის შექმნას არათუ არ ვეთანხმები, არამედ ამის წინააღმდეგი ვარ. როდესაც სუს-ის წევრებთან ამ საქმეზე დახურული შეხვედრა შედგა, მაშინ შეუძლებელი მეგონა ამ შეხვედრიდან გამოსვლის შემდეგ კიდევ პოლიტიკური სპეკულაციების მოწყობა. თუმცა "ნაციონალურ მოძროაბას" შეუძლია, რომ ამაზეც კი ყოველგვარ მორალს მიღმა ისაუბროს. მათ იმ შეხვედრაზე ისეთი ინფორმაცია მიიღეს, რომლის შემდეგაც არავის ეგონა თუ კიდევ სპეკულირებას გააგრძელებდნენ. მათ პასუხგაუცემელი კითხვები მაშინ არ დარჩენიათ.

 

ზოგადად, ჩვენ მაჩალიკაშვილის საქმეზე ხისტი განცხადებების კეთებას ვერიდებით. ამის საფუძველი მხოლოდ ერთია - გარდაცვლილ ადამიანზე საუბარი არის უმძიმესი. კომისია მაშინ უნდა შეიქმნას, როდესაც არსებობს საეჭვო გარემოებები და როდესაც გამოსაძიებელია რაღაცა. ფაქტობრივი გარემოებებიდან გამომდინარე, პროკურატურის გადაწყვეტილებაში ეჭვის შეტანის საფუძველი არ გვაქვს," - განაცხადა მდინარაძემ.

 

შეგახსენებთ, რომ დღეს დილით მალხაზ მაჩალიკაშვილი და თინა ბოკუჩავა პარლამენტში ერთობლივი ბრიფინგის გამართვას გეგმავდნენ, თუმცა დაცვის თანამშრომლებმა მაჩალიკაშვილი შენობაში არ შეუშვეს.

 

პარლამენტის შენობასთან ადგილი ჰქონდა შეხლა-შემოხლასაც, რა დროსაც მაჩალიკაშვილი შეუძლოდ გახდა. სასწრაფო სამედიცინო დახმარების ბრიგადამ მას ადგილზე აღმოუჩინა დახმარება.

 

მალხაზ მაჩალიკაშვილს უმრავლესობიდან წამოსული დეპუტატებისთვის ინდივიდუალურად წერილების გადაცემა სურდა, რომლითაც იგი მისი შვილის საქმეზე საგამოძიებო კომისიის შექმნას ითხოვს.

ჩვენ ამ ტრიბუნიდან მოვისმინეთ სიმართლეც, ჭორებიც, არაპროფესიონალიზმიც და იმდენად ავღელდი, რომ ნამდვილად მჭირდება დეესკალაციის ოთახში 24 საათით მოთავსება, - ამის შესახებ იუსტიციის მინისტრმა თეა წულუკიანმა ადამიანის უფლებათა დაცვის კომიტეტის სხდომაზე განაცხადა, სადაც მინისტრამდე მოხსენებით სახალხო დამცველი, ნინო ლომჯარია წარსდგა.

 

„ჩვენ ამ ტრიბუნიდან მოვისმინეთ სიმართლეც, მოვისმინეთ ჭორებიც, მოვისმინეთ არაპროფესიონალიზმიც და მოვისმინეთ კიდევ ბევრი სხვა იმგვარი რამ, რაც, თუ ხუმრობით დავიწყებდი ჩემს გამოსვლას, იმდენად ავღელდი, რომ ნამდვილად მჭირდება დეესკალაციის ოთახში 24 საათით მოთავსება. მაგრამ თუ დავუბრუნდებით უფრო სერიოზულად საქმეს, ვინაიდან ამ ტრიბუნასთან სწორედ ადამიანის უფლებათა კომიტეტის ხელშეწყობით ვიმყოფები და ვარ ამისთვის მადლიერი, დავიწყებ ზოგადი მდგომარეობით, რადგან წლის დასაწყისია და საზოგადოებას ალბათ, აინტერესებს, როგორია ციფრები. 2020 წლის 19 იანვრის მდგომარეობით პატიმრობაში მყოფი პირების საერთო რაოდენობა იყო 9 ათას 762 პირი, აქედან მსჯავრებული იყო 7 ათას 968, ხოლო დანარჩენი 1800-მდე პირი იყო ბრალდებული და ელოდა განაჩენს. ამ მსჯავრდებულთაგან 308 არის ქალი, 33 კი არასწრულწლოვანი. 2019 წელს საქართველოს საპატიმროებში გარდაიცვალა 16 პატიმარი, შედარებისთვის ეს რიცხვი 2010 წელს იყო 144, 2011 წელს - 140, ხოლო 2013-18 წლებში საშუალოდ არ აღემატებოდა 20-ს. შარშან ეს რიცხვი იყო 16, თუმცა ეს რიცხვი არის მინიმალურ ზღვარზე ბოლო ათწლეულების განმავლობაში. შესაბამისად, თუკი ჩვენ ვამბობთ ანგარიშში, რომ პატიმრები არიან ყოველდღიური საფრთხის წინაშე, რატომაა ეს რიცხვი ასეთი დაბალი, ალბათ იმიტომ, რომ თანამშრომლები 24-საათიან რეჟიმში მუხლჩაუხრელად შრომობენ“,- განაცხადა წულიკიანმა.

 

ცნობისთვის, ადამიანის უფლებათა დაცვის კომიტეტის სხდომაზე სახალხო დამცველისა და იუსტიციის მინისტრების მოსმენა მიმდინარეობს. ომბუდსმენმა ნინო ლომჯარიამ N2, N8, N14 და N15 პენიტენციურ დაწესებულებებში სახალხო დამცველის სპეციალური პრევენციული ჯგუფის მიერ განხორციელებული მონიტორინგის შედეგებზე მომზადებულ სპეციალურ ანგარიშთან დაკავშირებით მოხსენება წარადგინა. თავის მხრივ, იუსტიციის მინისტრი თეა წულუკიანი ამავე პენიტენციურ დაწესებულებებში არსებულ მდგომარეობაზე მის ხელთ არსებულ ინფორმაციას წარადგენს.

როდესაც ოპოზიციის ერთი ნაწილი ძალადობრივ შეტევას ახორციელებს პარლამენტზე, მეორე ნაწილი სხდომებში არ მონაწილეობს და მესამე ქიმიურ ნივთიერებებს ასხამს დარბაზში, არ უნდა გვიკვირდეს, რომ ჩვენს საზოგადოებას აქვს კრიტიკული დამოკიდებულება ასეთი საპარლამენტო პროცესის მიმართ, - ეს განცხადება პარლამენტის თავმჯდომარე არჩილ თალაკვაძემ ჟურნალისტებთან NDI-ის კვლევის შეფასებისას გააკეთა.

 

თუმცა, აქვე თალაკვაძე აღნიშნავს, რომ კვლევის შედეგები ხშირად არ ემთხვევა საზოგადოების განწყობებს და ის ენდობა არჩევნებს და იქ დაფიქსირებულ საზოგადოების განწყობას.

 

„სამწუხაროა, რომ ამ კვლევითი ორგანიზაციის შედეგები ძალიან ხშირად არ ემთხვევა საზოგადოების განწყობებს. რაც შეეხება ინსტიტუტებთან დაკავშირებულ რეიტინგებს, მე კონკრეტულად პარლამენტთან დაკავშირებით გიპასუხებთ, როდესაც ოპოზიციის ერთი ნაწილი ძალადობრივ შეტევას ახორციელებს პარლამენტზე, მეორე ნაწილი სხდომებში არ მონაწილეობს და მესამე ქიმიურ ნივთიერებებს ასხამს დარბაზში, არ უნდა გვიკვირდეს, რომ ჩვენს საზოგადოებას აქვს კრიტიკული დამოკიდებულება ასეთი საპარლამენტო პროცესის მიმართ. ასე რომ, მოვუწოდებ ჩემს კოლეგებს ოპოზიციიდან, იფიქრონ სახელმწიფო ინსტიტუტებზე, იმაზე, რომ ხელფასს იღებენ იმაში, რომ ემსახურებოდნენ საზოგადოებას და მონაწილეობდნენ კანონშემოქმედებით და ზედამხედველობის პროცესში“, - განაცხადა არჩილ თალაკვაძემ.

ექსკლუზიური

ევროკავშირი

არქივი

« « » » თებერვალი 2019
ორშ სამ ოთხ ხუთ პარ შაბ კვი
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28

ამინდი

თბილისი

ბლოგერები

Global Press
ვალოდია ჯინჭარაძე
ბლოგერი
იხილეთ ბლოგი
Global Press
გიორგი გიორგაძე
ბლოგერი
იხილეთ ბლოგი
Global Press
მერაბ ცაავა
ბლოგერი
იხილეთ ბლოგი

ყველა ბლოგერი

ჟურნალისტური გამოძიება

გამოკითხვა

საქართველოში, პროსტიტუციის ლეგალიზაცია უნდა მოხდეს თუ არა?