Global Press

Georgia

Global PressGlobal PressGlobal PressGlobal Press

USD
2.642
EUR
2.9778
RUR
0.0396
GBP
3.3915

ამერიკის პრეზიდენტის დონალდ ტრამპის განცხადებით, უახლოესი დღე-ღამის განმავლობაში მოსალოდნელია „კარგი ამბები“ დაჯგუფება „ისლამურ სახელმწიფოსთან“ ბრძოლის თემაზე.

 

„იქნება უამრავი კარგი ამბავი, რომლებიც სირიასა და ჩვენს წარმატებას შეეხება ხალიფატის განადგურებასთან დაკავშირებით. ამის შესახებ გამოცხადდება უახლოესი 24 საათის განმავლობაში“, - აღნიშნა დონალდ ტრამპმა თეთრ სახლში ჟურნალისტებთან საუბრისას.

 

რამდენიმე დღის წინ, 6 თებერვალს ტრამპმა განაცხადა, რომ მომავალ კვირას შესაძლოა „ისლამური სახელმწიფოს“ მიერ დაპყრობილი ტერიტორიების 100 %-ით გათავისუფლების შესახებ გამოცხადდეს.

თურქეთს დამოუკიდებლად შეუძლია „ისლამური სახელმწიფოს“ დამარცხება, საკმარისია აშშ-მ ანკარას მატერიალურ-ტექნიკური მხარდაჭერა გაუწიოს. ამის შესახებ თურქეთის პრეზიდენტმა რეჯეფ თაიფ ერდოღანმა განაცხადა.

 

„ჩვენი ძალებით უზრუნველვყოფთ ჩვენი საზღვრების დაცვას. ჩვენით გავუმკლავდებით „ისლამურ სახელმწიფოს“. პრეზიდენტ ტრამპს ვუთხარი: საკმარისია თუ მხოლოდ მატერიალურ-ტექნიკურ მხარდაჭერას გაგვიწევთ. მანბიჯსაც ავიღებთ და პატრონებს დავუბრუნებთ“, - განაცხადა თურქეთის ლიდერმა ანკარაში სიტყვით გამოსვლისას.

 

აქამდე აშშ-ს პრეზიდენტმა დონალდ ტრამპმა განაცხადა, რომ სირიაში საჭიროა 30 კილომეტრის სიღრმის ბუფერული ზონის შექმნა. თურქეთის პრეზიდენტის პრესმდივანმა იბრაჰიმ ქალინმა ამ იდეას მხარი დაუჭირა.

ქაბულის იმ რაიონში, სადაც დიპლომატიური მისიები და სასტუმროებია განთავსებული, მომხდარი აფეთქების შედეგად, 4 ადამიანი დაიღუპა და 113 დაიჭრა. ამის შესახებ The Associated Press იუწყება.

 

ავღანეთის ხელისუფლების მონაცემებით, აფეთქდა სატვირთო ავტომანქანა, რომელშიც ასაფეთქებელი მოწყობილობა იყო დამონტაჟებული. დაღუპულთა შორის, სამი ჯარისკაცი და ერთი სამოქალაქო პირია. ჯანდაცვის სამინისტროს ცნობით, დაჭრილები ქაბულის საავადმყოფოებში მოათავსეს. მათგან 23 ბავშვი და 12 ქალია. დაჭრილების უმეტესობა სამოქალაქო პირია.

 

მომხდარზე პასუხისმგებლობა საკუთარ თავზე უკვე აიღო დაჯგუფება „თალიბანმა“, რომლის განცხადებით, თავდასხმაში ხუთი ადამიანი მონაწილეობდა, მათ შორის თვითმკვლელი ტერორისტი.

მომავალ კვირას აშშ „ისლამური სახელმწიფოს“ მიერ კონტროლირებადი ტერიტორიების სრული გათავისუფლების შესახებ ოფიციალურად განაცხადებს, - ამის შესახებ აშშ-ს პრეზიდენტმა დონალდ ტრამპმა განაცხადა.

 

„მომავალ კვირას ოფიციალურად იქნება გამოცხადებული „ხალიფატის“ ტერიტორიის 100%-იანი გათავისუფლების შესახებ, თუმცა მინდა დაველოდო ოფიციალურ განცხადებას და არ გავუსწრო მოვლენებს. ბოლო ორი წლის განმავლობაში ჩვენ 51.8 ათასი კვადრატული კილომეტრის ფართობის ტერიტორია გავათავისუფლეთ“, - განაცხადა აშშ-ს პრეზიდენტმა.

 

დონალდ ტრამპმა ასევე განაცხადა, რომ აშშ სირიიდან ჯარებს გამოიყვანს, თუმცა განაგრძობს თანამშრომლობას სხვა ქვეყნებთან ტერორიზმთან ბრძოლის საკითხში.

 

„ტერორიზმის პრობლემა სულ უფრო მცირე და მცირე იქნება და ოდესღაც, შესაძლოა, საერთოდ არ ვიფიქრებთ მასზე. მოუთმენლად ველოდები ამერიკელ სამხედროებს, რომლებიც სირიიდან დაბრუნდებიან“, - აღნიშნა მან.

ავღანეთში, სამხრეთის პროვინცია ლოგარის გუბერნატორის ავტოკოლონაზე თავდასხმას რვა ადამიანი ემსხვერპლა, რომლებიც ავღანეთის უსაფრთხოების ძალების წევრები არიან. ამის შესახებ „როიტერი“ იუწყება.

 

ლოგარის პოლიციის პრესმდივნის ინფორმაციით, თვითმკვლელმა ტერორისტმა დანაღმული ავტომანქანა მთავარ გზატკეცილზე ააფეთქა. თავად გუბერნატორი არ დაშავებულა. პრესმდივნის ცნობით, დაშავებულია 10 ადამიანი და მათი რაოდენობა კიდევ შეიძლება, გაიზარდოს.

 

მომხდარზე პასუხისმგებლობა უკვე აიღო დაჯგუფება „თალიბანმა“. პროვინცია ლოგარი დედაქალაქ ქაბულიდან 75 კილომეტრის დაშორებით მდებარეობს და დედაქალაქისკენ მიმავალ სტრატეგიულ გზად მიიჩნევა.

ყაზახეთის ეროვნული უშიშროების კომიტეტის თანამშრომლებმა სპეცოპერაციის ფარგლებში ტერაქტების მომზადებაში ეჭვმიტანილი პირები დააკავეს. ამის შესახებ ინფორმაციას უწყების პრესსამსახური ავრცელებს.

 

„ქალაქ ალმათიში ეროვნული უშიშროების კომიტეტის მიერ ჩატარებული სპეცოპერაციის შედეგად დაკავებულია უცხოელების ჯგუფი, რომლებიც ყაზახეთში ტერაქტების მომზადებაში არიან ეჭვმიტანილი“, - ნათქვამია ყაზახეთის უშიშროების სამსახურის განცხადებაში.

 

არსებული ინფორმაციით, სამართალდამცველებმა დაკავებულების საცხოვრებელ მისამართზე ჩხრეკა ჩაატარეს, რის შედეგადაც ამოღებული იყო ასაფეთქებელი მოწყობილობები, ასევე ცეცხლსასროლი იარაღი და ტყვია-წამალი.

 

„გამოძიების ვერსიით, დაკავებული პირები საზღვარგარეთ მყოფ „ისლამური სახელმწიფოს“ „ბოევიკების“ დავალებით მოქმედებდნენ. ამავე მონაცემებით, ასაფეთქებელი მოწყობილობის გამოყენება და შემდგომი შეიარაღებული თავდასხმა ალმათიში იგეგმებოდა“, - აღნიშნავენ ყაზახეთის ეროვნული უშიშროების კომიტეტში.

ტერორისტულ ორგანიზაცია „ისლამურ სახელმწიფოსთან“ ბრძოლა ჯერ არ დასრულებულა, საჭიროა ხელი შევუშალოთ დაქსაქსული რაზმების გაერთიანებას. ამის შესახებ რუსეთის საგარეო საქმეთა მინისტრმა სერგეი ლავროვმა განაცხადა.

 

„ყველა, ვინც სპეციალურად დაკავებულია ამ პრობლემით, აღიარებს, რომ სადამ ჰუსეინის არმიის ყოფილი ოფიცრები ძირითადად განსაზღვრავენ „ისლამური სახელმწიფოს“ ოპერაციების წარმატებას, როდესაც „ისლამური სახელმწიფო“ შედეგებს აღწევს“, - განაცხადა სერგეი ლავროვმა.

 

ამასთან, როგორც რუსეთის საგარეო საქმეთა მინისტრმა აღნიშნა, „ეს არ ნიშნავს, რომ „ისლამურ სახელმწიფოსთან“ ბრძოლა დასრულებულია“.

 

„როგორც იტყვიან, ხერხემალში გადავტეხეთ „ისლამური სახელმწიფო“, თუმცა დარჩენილია დაქსაქსული რაზმები და მათ გაერთიანების საშუალება არ უნდა მივცეთ“, - დასძინა მან.

ესპანეთში, კატალონიაში ანტიტერორისტული ოპერაციის ფარგლებში 17 ადამიანი დააკავეს. კატალონიის შს მინისტრის მრჩევლის მიკელ ბუკას განცხადებით, დაკავებულები ტერაქტის განხორციელებას გეგმავდნენ.

 

სპეცოპერაცია „ალექსანდრია“ დღეს დილით დაიწყო. სამართალდამცველები ბარსელონაში და იგუალადში ჩხრეკას ატარებენ. სპეცოპერაციაში ასამდე პოლიციელია ჩართული.

 

გამოცემა La Vanguardia-ს ინფორმაციით, საუბარია ისლამისტურ ქსელზე, რომლის ბირთვს ექვსი ალჟირელი წარმოადგენს.

 

არსებული ინფორმაციით, გამოძიება აღნიშნულ ქსელთან დაკავშირებით გასულ წელს დაიწყო.

ირანის საგარეო საქმეთა მინისტრმა მოჰამად ჯავად ზარიფმა განაცხადა, რომ ევროპული ქვეყნები თავის ტერიტორიაზე ტერორისტული დაჯგუფებების წევრებს იფარებენ.

 

„ევროპელები, მათ შორის დანია, ნიდერლანდები და საფრანგეთი იფარებენ „მოჯაჰედინ ე ჰალკის“ ტერორისტებს, რომლებიც სადამ ჰუსეინის დანაშაულს ქურთების წინააღმდეგ მხარს უჭერდნენ და 12 ათასი ირანელის სიკვდილში არიან დამნაშავე. ირანის მიმართ ბრალდებები ევროპას ტერორისტებისთვის თავშესაფრის მიცემის პასუხისმგებლობისგან არ ათავისუფლებს“, - განაცხადა ირანის საგარეო საქმეთა მინისტრმა.

 

აქამდე ნიდერლანდების საგარეო საქმეთა მინისტრმა სტეფ ბლოკმა განაცხადა, რომ ირანის ხელისუფლებას კავშირი აქვს ევროკავშირის ტერიტორიაზე მომხდარ თავდასხმებთან.

 

შარშან ნიდერლანდების ხელისუფლებამ ორი ირანელი დიპლომატი პერსონა ნონ გრატად გამოაცხადა, ვინაიდან არსებობდა ეჭვი, რომ მათ კავშირი ჰქონდათ საფრანგეთში და დანიაში მომხდარ თავდასხმებთან.

ავღანეთში, ვარდაკის პროვინციაში რადიკალური მოძრაობა „თალიბანის“ მიერ სამხედრო კომპლექსზე თავდასხმის შედეგად სულ მცირე 126 ავღანელი ძალოვანი დაიღუპა. ამის შესახებ ინფორმაციას საინფორმაციო სააგენტო Reuters ავრცელებს.

 

„გვაქვს ინფორმაცია, რომ 126 ადამიანი დაიღუპა სამხედრო საწვრთნელ ცენტრში აფეთქების შედეგად“, - განუცხადა საინფორმაციო სააგენტოს წყარომ ავღანეთის თავდაცვის სამინისტროში.

 

ამ ეტაპზე სხვა დეტალები უცნობია.

კენიის დედაქალაქ ნაირობიში სასტუმრო კომპლექსზე თავდასხმის შედეგად დაღუპულთა რიცხვი 6-მდე გაიზარდა. დაღუპულებს შორის ერთი აშშ-ის მოქალაქეა.

 

ვარაუდობენ, რომ მსხვერპლთა რიცხვი კიდევ გაიზრდება.

 

თავდასხმა გუშინ მოხდა. სასტუმროს თავს შეიარაღებული პირები დაესხნენ. მათ თავდაპირველად ასაფეთქებელი მოწყობილობა ავტომობილების პარკინგზე აამოქმედეს, შემდეგ კი ერთ-ერთმა მათგანმა სასტუმროს ჰოლში თავი აიფეთქა. თავდასხმაზე პასუხისმგებლობა სომალიში მოქმედმა დაჯგუფება ალ შაბააბმა აიღო.

თურქეთი მიიჩნევს, რომ ტერორისტული დაჯგუფება „ისლამური სახელმწიფო“ სამხედრო კუთხით სირიაში დამარცხებულია. ამის შესახებ თურქეთის პრეზიდენტი რეჯეფ თაიფ ერდოღანი გაზეთ The New York Times-ში გამოქვეყნებულ სტატიაში წერს.

 

თურქეთის ლიდერი აცხადებს, რომ ანკარა მზად არის სირიაში სიტუაციის ნორმალიზების გეგმა წარადგინოს.

 

რეჯეფ თაიფ ერდოღანი ასევე აღნიშნავს, რომ აშშ-ს პრეზიდენტის დონალდ ტრამპის გადაწყვეტილება სირიიდან ჯარების გაყვანაზე სწორია.

 

„ეს დეტალურად უნდა დაიგეგმოს და განხორციელდეს სათანადო პარტნიორებთან თანამშრომლობით, რათა აშშ-ს, საერთაშორისო თანამეგობრობის და სირიელი ხალხის ინტერესები იყოს დაცული. თურქეთი ერთადერთი სახელმწიფოა, რომელსაც ამ ამოცანის შესრულების ძალა და განწყობა აქვს“, - განაცხადა თურქეთის პრეზიდენტმა.

 

მისივე თქმით, ანკარა განწყობილია დაამარცხოს „ისლამური სახელმწიფო“ და სხვა ტერორისტული ორგანიზაციები სირიაში.

ექსკლუზიური
01 ივნისი 2018
მაკა ჩიჩუა მთავარ პროკურატურასთან მიმდინარე აქციაზე მივიდა

მე ვარ იმ ადამიანების გვერდით ვინც ამხელა ტრაგედიის მსხვერპლია, - ამის შესახებ საქართველოს...

01 ივნისი 2018
ზაზა სარალიძე და მისი მხარდამჭერები უკვე რუსთაველის გამზირზე იმყოფებიან

ზაზა სარალიძე და მისი მხარდამჭერები უკვე რუსთაველის გამზირზე იმყოფებიან ზაზა სარალიძე და მ...

01 ივნისი 2018
ზაზა სარალიძის მხარდასაჭერი აქცია ქუთაისში, პარლამენტთან მიმდინარეობს

ზაზა სარალიძის მხარდასაჭერი აქცია ქუთაისში, პარლამენტთან მიმდინარეობს ქუთაისში ზაზა სარალი...

01 ივნისი 2018
მინდა, თხოვნით მივმართო ბატონ გიორგი მარგველაშვილს, თუ შეუძლია, გამოვიდეს და დაგვიდგეს გვერდით

ზაზა სარალიძე - მინდა, თხოვნით მივმართო ბატონ გიორგი მარგველაშვილს, თუ შეუძლია, გამოვიდეს...

01 ივნისი 2018
პარლამენტთან მიმდინარე საპროტესტო აქციაზე პრემიერ–მინისტრი გიორგი კვირიკაშვილი მივიდა

საქართველოს პრემიერ მინისტრი გიორგი კვირიკაშვილი პარლამენტის წინ აქციაზე მივიდა. პრემიერს...

01 ივნისი 2018
გარდაცვლილი მოზარდების მშობლებს შეეძლებათ გამოძიებიდან ინფორმაცია ყოველდღიურად მიიღონ

გამოძიებაში, რომელსაც შსს დაიწყებს, გარდაცვლილი მოზარდების მშობლებს შეეძლებათ გამოძიებიდან...

12 ივნისი 2018
ალბათ, დასაკავებელთა სია ჰქონდათ და ავტომატურად წაიკითხეს, ჩემი დაკავების მცდელობაც არ იყო

ცოტა ხნის წინ შსს-მ გააკეთა განცხადება რომ დაკავებულია "ნაციონალური მოძრაობის წევრი ლევან...

10 დეკემბერი 2018
ირაკლი კობახიძე - პარლამენტი ყოველთვის იქნება მოწინავე პოზიციაზე, რასაც ჰქვია ადამიანის უფლებების განუხრელი დაცვა

საქართველოს პარლამენტი ყოველთვის იქნება მოწინავე პოზიციაზე, რასაც ჰქვია ადამიანის უფლებები...

10 დეკემბერი 2018
კარლ ჰარცელი - ევროკავშირს ძალიან დიდი მოლოდინი აქვს საქართველოსთან დაკავშირებით ადამიანის უფლებათა დაცვის სფეროში

საქართველოში ევროკავშირის ელჩმა, კარლ ჰარცელიმ განაცხადებით, ევროკავშირს ძალიან დიდი მოლოდ...

ევროკავშირი

არქივი

« « » » თებერვალი 2018
ორშ სამ ოთხ ხუთ პარ შაბ კვი
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28

ამინდი

Clear

0°C

თბილისი

Clear

სინესტე: 65%

ქარი: 9.66 km/h

  • 04 იანვარი 2019

    ნაწილობრივ ღრუბლიანი 7°C 0°C

  • 05 იანვარი 2019

    უმეტესად ღრუბლიანი 7°C 0°C

ბლოგერები

Global Press
ვალოდია ჯინჭარაძე
ბლოგერი
იხილეთ ბლოგი
Global Press
გიორგი გიორგაძე
ბლოგერი
იხილეთ ბლოგი
Global Press
მერაბ ცაავა
ბლოგერი
იხილეთ ბლოგი

ჟურნალისტური გამოძიება

პრემიერი აქციიდან დაცვამ გაიყვანა. გიორგი კვირიკაშვილს აქციის მონაწილეები ბოთლებს ესროდნენ...პრემიერი აქციიდან დაცვამ გაიყვანა. გიორგი კვირიკაშვილს აქციის მონაწილეები ბოთლებს ესროდნენ...პრემიერი აქციიდან დაცვამ გაიყვანა. გიორგი კვირიკაშვილს აქციის მონაწილეები ბოთლებს ესროდნენ...პრემიერი აქციიდან დაცვამ გაიყვანა. გიორგი კვირიკაშვილს აქციის მონაწილეები ბოთლებს ესროდნენ...პრემიერი აქციიდან დაცვამ გაიყვანა. გიორგი კვირიკაშვილს აქციის მონაწილეები ბოთლებს ესროდნენ...

გამოკითხვა

საქართველოში, პროსტიტუციის ლეგალიზაცია უნდა მოხდეს თუ არა?