ჰოლანდიის ქალაქ უტრეხტში დღევანდელი სროლის შედეგად, სამი ადამიანია დაღუპული და 9 დაჭრილი. ამის შესახებ ქალაქის მერმა იან ვან ზანენმა „ტვიტერის“ საკუთარ გვერდზე დაწერა.

 

ქალაქის მერის თქმით, სამი ადამიანი მძიმედ დაიჭრა. მანვე არ გამორიცხა, რომ ქალაქში მოქმედებდა არა ერთი, არამედ რამდენიმე დამნაშავე.

 

როგორც ცნობილია, ორშაბათს, დილით, უცნობმა მამაკაცმა ქალაქის ტრამვაიში ცეცხლი გახსნა და რამდენიმე ადამიანი დაცხრილა, რის შედეგადაც მიიმალა.

 

მომხდარის გამო, ქალაქში მაქსიმალურ ზღვრამდე გაიზარდა ტერორისტული საფრთხის დონე.

 

ნიდერლანდების პოლიციამ 37 წლის ეჭვმიტანილის ფოტო გამოაქვეყნა, რომლის შესახებ ცნობლია, რომ მამაკაცი თურქეთის მკვიდრია.

ავტორი:Global Press
ელ-ფოსტა:ელ-ფოსტის ეს მისამართი დაცულია სპამ-ბოტებისგან. ნახვისთვის უნდა გქონდეთ ჩართული JavaScript.