Global Press

Georgia

Global PressGlobal PressGlobal PressGlobal Press

USD
3.2117
EUR
3.7763
RUR
0.0413
GBP
4.1678

"მთავარი არხის" ინფორმაციით, საოკუპაციო რეჟიმის წარმომადგენლები ისევ გამოჩნდნენ სოფელ ყარაფილასთან, სადაც ე.წ. საზღვრის სადემარკაციო სამუშაოები განაახლეს.

 

ოკუპანტებმა ხნულების გავლების პროცესი გუშინ, 1 სექტემბერს, ცენტრალური მაგისტრალიდან 300 მეტრში დაიწყეს.

 

აღნიშნულ ტერიტორიაზე მდებარეობს ბაქო-სუფსას მილსადენიც, რომლის ოკუპირებულ ტერიტორიაზე მოქცევის საფრთხე კიდევ უფრო იზრდება.

 

შეგახსენებთ, რომ საოკუპაციო ხაზთან მიმდინარე მოვლენებს სახელმწიფო უსაფრთხოების სამსახური გამოეხმაურა. უწყებაში განმარტავენ, რომ გააქტიურებულია ცხელი ხაზი და ინფორმირებულია ევროკავშირის სადამკვირვებლო მისია.

სახელმწიფო უსაფრთხოების სამსახური სოფელ ჩორჩანას მიმდებარე ტყის მასივში, ოკუპანტების მიერ უკანონო ინსტალაციების აღმართვასთან დაკავშირებულ განცხადებას ეხმიანება.

 

„ხაშურის მუნიციპალიტეტის სოფ. ჩორჩანას მიმდებარე ტყის მასივში, რუსეთის საოკუპაციო ძალები უკანონო ე.წ. ბორდერიზაციას 2019 წლიდან აწარმოებენ.

 

ტყის მასივში აღმართულია უკანონო ინსტალაციები და გარკვეულ მონაკვეთებზე გაკეთებულია უკანონო მონიშვნები.

 

სოფ. ჩორჩანას მიმდებარედ მიმდინარე უკანონო ე.წ. ბორდერიზაცია წარმოადგენს ჟენევის დისკუსიებისა და ოკუპაციასთან დაკავშირებული სხვა ფორმატების მთავარ განსახილველ საკითხს. პროვოკაციული ქმედების თითოეულ ფაქტზე ხორციელდება რეაგირება ჩვენს ხელთ არსებული ყველა ბერკეტის ამოქმედებით. ამავდროულად პროცესში აქტიურად არიან ჩართულები ევროკავშირის სადამკვირვებლო მისიის წარმომადგენლები, ჟენევის თანათავმჯდომარეები და ჩვენი სხვა საერთაშორისო პარტნიორები“, - აცხადებენ სუს-ში.

ჩეხეთი შეშფოთებულია საქართველოს ოკუპირებულ რეგიონებში განვითარებული მოვლენების გამო, არ აღიარებს არც 9 ივნისის სამხრეთ ოსეთის ე.წ. საპარლამენტო არჩევნებს და არც აფხაზეთში 25 აგვისტოსთვის დაგეგმილ ე.წ. საპარლამენტო არჩევნებს,- ამის შესახებ ჩეხეთის რესპუბლიკის საგარეო საქმეთა სამინისტროს მიერ გავრცელებულ განცხადებაშია აღნიშნული.

 

ჩეხეთის საგარეო უწყება კიდევ ერთხელ გამოხატავს სრულ მხარდაჭერას საქართველოს სუვერენიტეტისა და ტერიტორიული მთლიანობის მიმართ.

 

„ჩეხეთის რესპუბლიკის საგარეო საქმეთა სამინისტრო შეშფოთებულია აფხაზეთისა და სამხრეთ ოსეთის ოკუპირებულ რეგიონებში განვითარებული მოვლენების გამო. საგარეო საქმეთა სამინისტროს სურს ხაზგასმით აღნიშნოს, რომ ის არ აღიარებს არც 2019 წლის 9 ივნისის სამხრეთ ოსეთის ე.წ. საპარლამენტო არჩევნებს და არც აფხაზეთში 2019 წლის 25 აგვისტოსთვის დაგეგმილ ე.წ. საპარლამენტო არჩევნებს. საგარეო საქმეთა სამინისტრო კიდევ ერთხელ გამოხატავს სრულ მხარდაჭერას საქართველოს სუვერენიტეტისა და ტერიტორიული მთლიანობის მიმართ“,- ნათქვამია განცხადებაში.

 

ოკუპირებული ცხინვალის რეგიონში დღეს ე.წ. საპარლამენტო არჩევნები მიმდინარეობს.

ოკუპირებული ,,სამხრეთ ოსეთის“ ე.წ, პრეზიდენტმა, ანატოლი ბიბილოვმა დე ფაქტო მთავრობა დაითხოვა. ამის შესახებ ე.წ. პარლამენტის სპიკერმა ალან ტადტაევმა ,,დეპუტატების“ საგანგებო შეკრებაზე განაცხადა.

 

ადგილობრივი მედიის ინფორმაციით, ე.წ. პარლამენტის სპიკერმა ალან ტადტაევმა განაცხადა, რომ ანატოლი ბიბილოვმა დაძაბულობის შემცირება სცადა, რომელიც ცხინვალის იზოლატორში ინალ ჯაბიევის გარდაცვალებას მოჰყვა.

 

,,შექმნილი ვითარებიდან გამომდინარე, პრეზიდენტმა მიიღო გადაწყვეტილება მთავრობა დაითხოვოს, რათა განიმუხტოს მწვავე ვითარება, რომელიც ქვეყანაში შეიქმნა“ - განაცხადა ტადტაევმა

 

როგორც ადგილობრივი მედია წერს, ე.წ. დეპუტატებმა ე.წ. გენერალურ პროკურორის პასუხისმგებლობის საკითხიც დააყენეს.

 

როგორც ცნობილია, ე.წ. შინაგან საქმეთა მინისტრის, იგორ ნანიევის მკვლელობის მცდელობის ბრალდებით დაკავებული ადგილობრივი, 28 წლის ინალ ჯაბიევი, ოკუპირებული რეგიონის ,,სამართალდამცავებმა“ დააკვეს, რომელიც იზოლატორში ამების შედეგად გარდაიცვალა.

 

აღნიშნულ ფაქტს ცხივნვალში საპროტესტო აქცია გაიმართა, რომლებიც მთავრობის გადადგმას მოითხოვდა

საკრებულოს წევრი ერეკლე კუხიანიძე, რომელმაც დე ფაქტო რეჟიმის მიერ დაკავებული ვაჟა გაფრინდაშვილის მიმართ რამდენიმე დღის წინ კრიტიკული განცხადება გააკეთა, საოკუპაციო ხაზთან, სოფელ საკორინთლოსთან იმყოფება.

 

კუხიანიძის განცხადებით, იგი ოკუპირებულ ცხინვალში ჩასვლას და დე ფაქტო რეჟიმის ლიდერთან - ანატოლი ბიბილოვთან შეხვედრას გეგმავდა. თბილისის საკრებულოს უმრავლესობის ყოფილი წევრის თქმით, გუშინ გადავიდა გამყოფი ხაზის მიღმა, თუმცა, გზა აერია და უკან დაბრუნდა, დღეს კი, როდესაც ოკუპირებულ ტერიტორიაზე გადასვლის მცდელობა მეორედ ჰქონდა, მას ამის საშუალება ქართველმა სამართალდამცავებმა არ მისცეს.

 

ერეკლე კუხიანიძის განცხადებით, იგი დარწმუნებული იყო, რომ დე ფაქტო რეჟიმის კონტროლირებად ტერიტორიაზე მას დააკავებდნენ, ამიტომ მომზადებული წავიდა და ხელჩანთით პირადი ნივთებიც წაიღო. მისი მიზანი კი, როგორც თავად აცხადებს, ბიბილოვთან შეხვედრა და გასაუბრებაა, რის საფუძველზეც, ფიქრობს, რომ დაკავებულ ვაჟა გაფრინდაშვილს გაათავისუფლებდნენ.

 

„გუშინ ვცადე მე ეს განმეხორციელებინა, მაგრამ სადღაც ტყეში ვიბოდიალე და რაღაც მავთულხლართებში გავიჭედე. დღეს უკვე ეს ამბავი გახმაურდა და ახლა არ მინდა რაღაც ცირკს დაემსგავსოს, მინდოდა, მიმემართა ბატონი ბიბილოვისთვის რუსულ ენაზე“, - განაცხადა კუხიანიძემ.

 

საკრებულოს უმრავლესობის გდაწყვეტილებით, ერეკლე კუხიანიძეს უმრავლესობა დაატოვებინეს. გარდა ამისა, ის საკრებულოს გარემოს დაცვის კომისიის თავმჯდომაროების პოსტსაც დატოვებს.

 

რამდენიმე დღის წინ ერეკლე კუხიანიძემ ვაჟა გაფრინდაშვილის შეურაცხმყოფელი სტატუსი გამოაქვეყნა და საოკუპაციო რეჟიმის ტყვეობაში მყოფი ექიმი ვაჟა გაფრინდაშვილი და მისი ოჯახი პროვოკაციაში დაადანაშაულა.

ცხინვალის რეგიონში არჩევნების ჩატარება არაკანონიერია და ჩვენ არ ვაღიარებთ მის შედეგებს, - ამის შესახებ ესტონეთის თავდაცვის მინისტრმა ურმას რეინსალუმ ცხინვალის რეგიონში მიმდინარე ე.წ. არჩევნებთან დაკავშირებით სოციალურ ქსელ „ტვიტერზე“ დაწერა.

 

„ჩვენ მტკიცედ უარვყოფთ 9 ივნისს საქართველოს ოკუპირებულ ტერიტორიაზე მიმდინარე ე.წ. საპარლამენტო არჩევნებს. არჩევნების ჩატარება არაკანონიერია და ჩვენ არ ვაღიარებთ მის შედეგებს. ჩვენ მტკიცედ ვუჭერთ მხარს საქართველოს სუვერენიტეტსა და ტერიტორიულ მთლიანობას. „სამხრეთ ოსეთი“ საქართველოს განუყოფელი ნაწილია“,- წერს ურმას რეინსალუ „ტვიტერზე“.

 

ოკუპირებული ცხინვალის რეგიონში ე.წ. საპარლამენტო არჩევნები მიმდინარეობს. ადგილობრივი მედიის ინფორმაციით, ე.წ. არჩევნები 77 უბანზე მიმდინარეობს, აქედან ერთი უბანი მოსკოვში, ერთი კი ოკუპირებულ აფხაზეთში, კერძოდ, სოხუმშია გახსნილი.

 

როგორც ადგილობრივი მედია წერს, „საპარლამენტო არჩევნებს“ 50-ზე მეტი ე.წ. საერთაშორისო დამკვირვებელი დააკვირდება.

კიდევ ერთი გატაცება საოკუპაციო ზონაში - რუსმა ოკუპანტებმა სოფელ ტახტრისძირიდან გუშინ, 5 აგვისტოს საღამოს, სოფლის განაპირა ტერიტორიიდან საქართველოს შეიარაღებული ძალების სამხედრო მოსამსახურე გაიტაცეს. ის დღეს დილითვე გაათავისუფლეს.

 

პარალელურად, გრძელდება ამ სოფელთან ე.წ. ბორდერიზაციის პროცესი. ანტისაოკუოპაციო მოძრაობა "ძალა ერთობაშია" წევრებმა ბორდერიზაციის მიმდინარეობის კადრები 26 ივლისს გამოაქვეყნეს, მანამდე ხელისუფლება ამ ფაქტს მალავდა.

 

ადგილობრივების ინფორმაციით, ახლა მავთულხლართებს მიღმა ექცევა კიდევ 5 ჰექტარი მიწის ფართობი. მანამდე კი მარტში რუსმა ოკუპანტებმა მავთულხლართებს მიღმა მოაქციეს კიდევ 15 ჰექტარი ტერიტორია. იმ ტერიტორიებიდან, სადაც მავთულხლართები გავლებული არ არის, მოსახლეობას რეგულარულად იტაცებენ. ადგილობრივი მოსახლეობა შიშით მიწების დამუშავებას ვეღარ ახერხებენ და ხელისუფლებისგან დახმარებას ითხოვს.

 

ადგილობრივი მკვიდრები ამბობენ, რომ ოკუპანტები ყოველდღიურად ამოწმებენ საზღვრებს.

 

რუსი ოკუპანტების ტყვეობაში იმყოფება ამჟამად ზაზა გახელაძე, რომელიც 11 ივლისს სხვილოს ციხის მიმდებარე ტერიტორიაზე ოკუპანტებმა ჯერ დაჭრეს, შემდეგ კი დააკავეს.

 

შეგახსენებთ, რომ ოკუპანტების ტყვეობაში სულ იმყოფება საქართველოს სამი მოქალაქე. ოკუპანტების მიერ 3 ივლისს დააკავებულ ხვიჩა მღებრიშვილს 4 წლამდე, დაჭრილ ზაზა გახელაძეს კი 12 წლამდე პატიმრობა ემუქრებათ, ხოლო გასული წლის ბოლოს საკუთარი სახლიდან გატაცებული გენადი ბესტაევი უკვე მსჯავრდებულია და ორწლიან სასჯელს 2019 წლის ნოემრიდან იხდის.

 

3 და 7 ივლისს საქართველოს კონტროლირებადი ტერიტორიიდან გატაცებული მიხეილ და მათე ლამანძიები, ბუთხუზ კვირკვია და ტატო ზარქუა საოკუპაციო რეჟიმმა 24 ივლისს გაათავისუფლა.

ევროპის საბჭოს საპარლამენტო ასამბლეაში საქართველოს მონიტორინგის ჯგუფის მომხსენებლები „სამხრეთ ოსეთში“ ე.წ. საპარლამენტო არჩევნებთან დაკავშირებით განცხადებას ავრცელებენ.

 

როგორც ევროპის საბჭოს საპარლამენტო ასამბლეის თანამომხსენებლების ტიტუს კორლატეანისა (რუმინეთი) და კლოდ კერნის (საფრანგეთი) განცხადებაშია აღნიშნული, „სამხრეთ ოსეთის“ ე.წ. საპარლამენტო არჩევნები არ არის ლეგიტიმური, რაც ხელს უშლის კონფლიქტის მშვიდობიან დარეგულირებას.

 

"ჩვენ ვადასტურებთ სრულ მხარდაჭერას საქართველოს ტერიტორიული მთლიანობისა და სუვერენიტეტის მიმართ საქართველოს საერთაშორისოდ აღიარებულ საზღვრებში. შესაბამისად, სამხრეთ ოსეთის ე.წ. საპარლამენტო არჩევნები, რომელიც გასულ კვირას ჩატარდა, არ არის კანონიერი და ლეგიტიმური, რომელიც ხელს უშლის კონფლიქტის მშვიდობიან დარეგულირებას და ხალხის გაერთიანების ნაცვლად, მათ მხოლოდ აშორებს ერთმანეთისგან. ჩვენ შეგვიძლია მხოლოდ დავგმოთ ეს“, - აღნიშნულია ტიტუს კორლატეანისა და კლოდ კერნის განცხადებაში.

 

თანამომხსენებლები 2019 წლის 1-ელ და 2 ივლისს საქართველოს ეწვევიან.

ლიეტუვა არ აღიარებს ცხინვალის რეგიონში „არჩევნებს“ და მხარს უჭერს საქართველოს სუვერენიტეტსა და ტერიტორიულ მთლიანობას, - ამის შესახებ ლიეტუვას საგარეო საქმეთა მინისტრმა ლინას ლინკევიჩიუსმა ცხინვალის რეგიონში მიმდინარე ე.წ. არჩევნებთან დაკავშირებით „ტვიტერის“ საკუთარ გვერდზე დაწერა.

 

“დღეს ცხინვალის რეგიონში, რომელიც რუსეთის მიერ ოკუპირებულ საქართველოს ტერიტორიას წარმოადგენს ე.წ. არჩევნები იმართება. ლიეტუვა არ აღიარებს „არჩევნებს“ და მხარს უჭერს საქართველოს სუვერენიტეტსა და ტერიტორიულ მთლიანობას“,- წერს ლინკევიჩიუსი.

 

ოკუპირებული ცხინვალის რეგიონში ე.წ. საპარლამენტო არჩევნები მიმდინარეობს. ადგილობრივი მედიის ინფორმაციით, ე.წ. არჩევნები 77 უბანზე მიმდინარეობს, აქედან ერთი უბანი მოსკოვში, ერთი კი ოკუპირებულ აფხაზეთში, კერძოდ, სოხუმშია გახსნილი.

 

როგორც ადგილობრივი მედია წერს, „საპარლამენტო არჩევნებს“ 50-ზე მეტი ე.წ. საერთაშორისო დამკვირვებელი დააკვირდება.

ოკუპირებული ცხინვალის რეგიონის ე.წ. სამხედრო პროკურორმა ტიგრან კაბულოვმა საქართველოს მოქალაქის, ზაზა გახელაძის 11 ივლისს დაკავების შესახებ ისაუბრა. მისი განცხადებით, გახელაძემ ე.წ. მესაზღვრეებს ცეცხლი გაუხსნა.

 

„გახელაძემ უკანონოდ გადაკვეთა საზღვარი და თან ჰქონდა თოფი. მესაზღვრეებმა ის შენიშნეს და შეჩერება უბრძანეს, გახელაძემ კი მიმალვა სცადა. მან ასევე გამოიყენა ცეცხლსასროლი იარაღი და ერთ-ერთი მესაზღვრის მიმართულებით სულ მცირე ხუთჯერ გაისროლა. ამის შემდეგ მესაზღვრეებმა საპასუხო ცეცხლი გახსნეს და საქართველოს მოქალაქე ფეხში დაჭრეს. ზაზა გახელაძე დაკავებულია და კარანტინში იმყოფება. მის წინააღმდეგ საქმე სამხედროს სიცოცხლის ხელყოფის მცდელობისა და სახელმწიფო საზღვრის უკანონო გადაკვეთის ბრალდებით აღიძრა“, - განაცხადა ე.წ. სამხედრო პროკურორმა.

 

ოკუპანტებმა ზაზა გახელაძე 11 ივლისს დაჭრეს და დააკავეს. ოჯახის წევრების ინფორმაციით, ის ახალგორიდან ცხინვალში გადაიყვანეს. ფეხში დაჭრილი ზაზა გახელაძე ცხინვალის საავადმყოფოში, კარანტინშია მოთავსებული. საოკუპაციო ხაზთან მომხდარ ინციდენტთან დაკავშირებით ინფორმირებულია ევროკავშირის სადამკვირვებლო მისია. ამოქმედებულია ცხელი ხაზი.

შეერთებული შტატები არ აღიარებს ე.წ. საპარლამენტო არჩევნებს, ეს რეგიონები საქართველოს განუყოფელი ნაწილია, - ამის შესახებ ამერიკის შეერთებული შტატების საელჩოს მიერ გავრცელებულ განცხადებაშია აღნიშნული.

 

შეერთებული შტატები მოუწოდებს რუსეთს, შეასრულოს 2008 წლის ცეცხლის შეწყვეტის შესახებ შეთანხმებით ნაკისრი ყველა ვალდებულება.

 

“შეერთებული შტატები არ აღიარებს ე.წ. საპარლამენტო არჩევნებს, რომელიც საქართველოს „სამხრეთ ოსეთის“ რეგიონში 9 ივნისს გაიმართა და არც მის შედეგებს. ჩვენი პოზიცია აფხაზეთსა და სამხრეთ ოსეთთან მიმართებაში ცალსახაა - ეს რეგიონები საქართველოს განუყოფელი ნაწილია. ხაზს ვუსვამთ ჩვენს მტკიცე მხარდაჭერას საქართველოს სუვერენიტეტისა და ტერიტორიული მთლიანობისადმი მის საერთაშორისოდ აღიარებულ საზღვრებში.

 

კიდევ ერთხელ მოვუწოდებთ რუსეთს, შეასრულოს 2008 წლის ცეცხლის შეწყვეტის შესახებ შეთანხმებით ნაკისრი ყველა ვალდებულება. მათ შორისაა, მისი ძალების გაყვანა კონფლიქტამდე არსებულ პოზიციებზე, საქართველოს რეგიონების: აფხაზეთისა და სამხრეთ ოსეთის დამოუკიდებლობის აღიარების გაუქმება და ამ რეგიონებში ჰუმანიტარული დახმარების თავისუფლად გადაადგილების უზრუნველყოფა”,- ნათქვამია განცხადებაში.

ევროკავშირი არ აღიარებს იმ კონსტიტუციურ და საკანონმდებლო ჩარჩოს, რომლის ფარგლებშიც ე.წ. არჩევნები უნდა ჩატარდეს, - ამის შესახებ საგარეო პოლიტიკისა და უსაფრთხოების საკითხებში ევროკავშირის უმაღლესი წარმომადგენლის, ფედერიკა მოგერინის პრესსპიკერმა, მაია კოჟიანჩიჩმა ოკუპირებულ ცხინვალის რეგიონში მიმდინარე ე.წ. საპარლამენტო არჩევნებთან დაკავშირებით განაცხადა.

 

როგორც  ,,გლობალპრესს" ევროკავშირის სადამკვირვებლო მისიიდან აცნობეს, ევროკავშირი აღიარებს საქართველოს ტერიტორიულ მთლიანობასა და სუვერენიტეტს.

 

„ევროკავშირი აღიარებს საქართველოს ტერიტორიულ მთლიანობასა და სუვერენიტეტს საერთაშორისოდ აღიარებულ საზღვრებში. რაც შეეხება ინფორმაციას, რომ 9 ივნისს საქართველოს თვითაღიარებულ რეგიონში, სამხრეთ ოსეთში ტარდება ე.წ. არჩევნები, კიდევ ერთხელ ვაცხადებ, რომ ევროკავშირი არ აღიარებს იმ კონსიტუციურ და საკანონმდებლო ჩარჩოს, რომლის ფარგლებშიც ეს ე.წ.არჩევნები უნდა ჩატარდეს“, - განაცხადა მაია კოჟიანჩიჩმა.

 

შეგახსენებთ, რომ ოკუპირებული ცხინვალის რეგიონში ე.წ. საპარლამენტო არჩევნები მიმდინარეობს. ადგილობრივი მედიის ინფორმაციით, ე.წ. არჩევნები 77 უბანზე მიმდინარეობს, აქედან ერთი უბანი მოსკოვში, ერთი კი ოკუპირებულ აფხაზეთში, კერძოდ, სოხუმშია გახსნილი.

ექსკლუზიური

არქივი

« « » » ოქტომბერი 2019
ორშ სამ ოთხ ხუთ პარ შაბ კვი
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31

ამინდი

Tbilisi

ბლოგერები

Global Press
ვალოდია ჯინჭარაძე
ბლოგერი
იხილეთ ბლოგი
Global Press
გიორგი გიორგაძე
ბლოგერი
იხილეთ ბლოგი
Global Press
მერაბ ცაავა
ბლოგერი
იხილეთ ბლოგი

ყველა ბლოგერი

ჟურნალისტური გამოძიება

გამოკითხვა

საქართველოში, პროსტიტუციის ლეგალიზაცია უნდა მოხდეს თუ არა?