Global Press

Georgia

Global PressGlobal PressGlobal PressGlobal Press

USD
3.2242
EUR
3.8094
RUR
0.0421
GBP
4.1992

დასავლეთ თურქეთში, დენიზლის პროვინციის ქალაქ ბულდანში აღმოჩენილი უძველესი საპირფარეშოს ნანგრევებს აღადგენენ და ტურისტულ ობიექტად აქცევენ, - ამის შესახებ თურქული მედია წერს.

 

დაახლოებით 2 000-წლის წინ აშენებული რომაული საპირფარეშო 40-მდე ადამიანს დაიტევს.

 

როგორც იდეის ავტორები აცხადებენ, ობიექტის აღდგენა, გარდა იმისა, რომ ტურისტებს მიიზიდავს, მნიშვნელოვანია ვირუსების გავრცელების თავიდან ასაცილებლად.

 

რომაულ ხანაში საპირფარეშოები ქალაქების ცენტრებში იყო განლაგებული და დიდ როლს ასრულებდა სოციალური ჰიგიენის უზრუნველყოფაში. „ისინი სასიცოცხლოდ მნიშვნელოვანი იყო პანდემიის თავიდან ასაცილებლად“ - აცხადებენ ისტორიკოსები.

ევროკავშირმა, შვედეთმა და ავსტრიამ პროექტ GRETA-ს ფარგლებში (მწვანე ეკონომიკა: მდგრადი სამთო ტურიზმი და ორგანული სოფლის მეურნეობა), სამთო ტურიზმის სექტორში, მესტიის, ლენტეხის, ცაგერის, ონის, ამბროლაურის, საჩხერის, ჭიათურისა და ტყიბულის მუნიციპალიტეტებში, საბაზრო მოთხოვნებზე მორგებული ბიზნეს გარემოს შექმნის მიზნით, ადგილობრივი განვითარების ინიციატივების საგრანტო კონკურსი გამოაცხადეს.

 

ტურიზმის განვითარების ინიციატივის ფარგლებში, მხარდაჭერის მოცულობის დიაპაზონია 5 000-დან 50 000 ევროს ჩათვლით. აპლიკანტის მხრიდან თანადაფინანსება მთლიანი ბიუჯეტის მინიმუმ 10%-ს უნდა შეადგენდეს. წარდგენილი პროექტის ხანგრძლივობა განსაზღვრულია მინიმუმ 6 თვით და არ უნდა აჭარბებდეს 24 თვეს. ყველა დაგეგმილი აქტივობები დასრულებული უნდა იყოს 2022 წლის 30 სექტემბრამდე.

 

განაცხადების შემოტანის ბოლო ვადაა 03.08.2020 (18:00 სთ თბილისის დროით).

 

მხარდაჭერაში ჩართვა შეუძლიათ ამ მუნიციპალიტეტებში რეგისტრირებულ კომერციულ და არაკომერციულ კომპანიებს ან პიროვნებებს, რომლებიც დარეგისტრირებულნი არიან აღნიშნულ სამიზნე რეგიონებში ან რომლის საქმიანობის ძირითად ნაწილს პროექტით დაფარულ არეალებში წარმართავენ / უნდა წარმართონ.

 

„ტურიზმი საუკეთესო შესაძლებლობაა საქართველოს მთიანი რეგიონების განვითარებისათვის. პროექტ GRETA-ს ფარგლებში, ევროკავშირი, შვედეთთან და ავსტრიასთან ერთად აცხადებს საგრანტო კონკურსს ეკონომიკის გაჯანსაღების და ტურიზმის სფეროს წარმომადგენლების საქმიანობის გაფართოვების ხელის შეწყობის მიზნით. ჩვენი ყურადღება გამახვილდება ეკომეგობრულ და საზოგადოებრივ საჭიროებებზე დაფუძნებულ ინიციატივებზე“, - განაცხადა ევროკავშირის ელჩმა საქართველოში კარლ ჰარცელმა.

 

საქართველოში შვედეთის ელჩის, ულრიკ ტიდესტრომის განცხადებით, ერთობლივი ევროპული ძალისხმევით, შვედეთი ამაყობს, რომ მხარს უჭერს ტურიზმის მდგრად განვითარებას საქართველოში.

 

„ტურიზმს ნიშვნელოვანი წვლილი მიუძღვის საქართველოს ეკონომიკის განვითარებაში და ქმნის სამუშაო ადგილებს. COVID-19 კრიზისმა მძიმე დარტყმა მიაყენა ამ სექტორს, რაც კიდევ უფრო ზრდის ჩვენი მხარდაჭერის აქტუალობას. ტურიზმის განვითარების ინიციატივით, არჩეულ მუნიციპალიტეტებში, ჩვენ მიზნად ვისახავთ შევუქმნათ მეტი შესაძლებლობა მდგრადი სამთო ტურიზმის სფეროში“, - აღნიშნა ულრიკ ტიდესტრომმა.

 

ავსტრიის ელჩმა საქართველოში არად ბენკომ ყურადღება გაამახვილა იმაზე, რომ მდგრადი სამთო ტურისმის სფეროში საქართველოსთან კოლაბორაცია ავსტრიისთვის პრიორიტეტულ სექტორს წარმოადგენს

 

„კრიზისის პერიოდში, ნათლათ დავინახეთ, რომ აღნიშნულ სფეროში მხარდაჭერა არსებითად მნიშვნელოვანია. ტურიზმის განვითარების ინიციატივის მიზანია ხელი შეუწყოს ბიზნესგარემოს გაუმჯობესებას და აღნიშნულ სფეროში შემოსავლების გამომუშავებას შემდეგ რეგიონებში: სვანეთი, რაჭა-ლეჩხუმი და ზემო იმერეთი. მიგვაჩნია, რომ რეგისტრირებული კომერციული და არაკომერციული ორგანიზაციებისთვის / ფიზიკური პირებისთვის შესაძლებლობების გაზრდა და გამოცდილების გაზიარება ყველაზე მნიშვნელოვანი მხარდაჭერაა ეკონომიკური სიტუაციის გასაჯანსაღებლად“, - განაცხადა არად ბენკომ.

 

განაცხადის პირველადი სააპლიკაციო (ინტერესის გამოხატვის) ფორმა განთავსებულია ბმულზე. დეტალური ინფორმაცია ასევე შეგიძლიათ იხილოთ ამ ბმულზე.

მაღალრეიტინგული სამოგზაურო გამოცემა Lonely Planet-ის ობიექტში საქართველო კიდევ ერთხელ მოექცა. გავლენიანი გამოცემა Lonely Planet მკითხველებს საქართველოში მოგზაურობას ურჩევს. 

 

საქართველოსთან ერთად უსაფრთხო ტურისტული მიმართულებების სიაში: საბერძნეთი, პორტუგალია, ხორვატია და რუმინეთი შევიდნენ. Lonely Planet-ის ინფორმაციით ჩამოთვლილ ქვეყნებში ვირუსის გავრცელების წინააღმდეგ სპეციფიკური პროტოკოლები მომზადდა, რაც განთავსების ობიექტების, რესტორნებისა და მაღაზიების ტიპის შენობებში ჰიგიენის წესებს ეხება.

 

„კორონავირუსის შემთხვევების მიხედვით საქართველო მსოფლიოს მასშტაბით სხვა ქვეყნებთან შედარებით ერთ-ერთ ყველაზე კარგ პოზიციას იკავებს. საქართველომ ვირუსის გავრცელების შესაკავებლად სწრაფი ზომები მიიღო. მონაცემების მიხედვით საქართველოში პანდემიის შედეგად ევროპის ყველაზე დაზარალებულ ქვეყნებთან შედარებით დაახლოებით 260-ჯერ ნაკლები შემთხვევა დაფიქსირდა. საქართველო 1-ლი ივლისიდან კონკრეტული ქვეყნებისთვის საზღვრის გახსნას გეგმავს. საკუთარი მოსახლეობისა და ტურისტების უსაფრთხოების მიზნით ჯანდაცვის სპეციალურ ზომებს ნერგავს“, - წერს Lonely Planet-ის ჟურნალისტი ჯეიმს გაბრიელ მარტინი.

 

Lonely Planet-ს მსოფლიოში ყოველთვიურად 13 მილიონი მკითხველი ჰყავს, ხოლო სოციალურ ქსელებში სამოგზაურო ჟურნალის გამომწერთა რაოდენობა 12.5 მილიონზე მეტია. 

მსოფლიო ტურიზმის ორგანიზაციის მონაცემებით, იანვრიდან მაისის ჩათვლით კორონავირუსის პანდემიის გამო, მსოფლიო ტურიზმმა 320 მილიარდი დოლარის ზარალი განიცადა

 

. როგორც ორგანიზაციაში აღნიშნეს, მსოფლიო ტურიზმის მიმდინარე წლის დანაკარგები სამჯერ აღემატება იმ დანაკარგებს, რომელიც აღნიშნულმა ინდუსტრიამ 2009 წლის ფინანსური კრიზისის დროს განიცადა.

 

იანვრიდან მაისის ჩათვლით მსოფლიოში საერთაშორისო ტურისტების რაოდენობა 56%-ით შემცირდა 2019 წლის იმავე პერიოდთან შედარებით, რაც დაახლოებით 300 მილიონ ვიზიტორს შეადგენს.

სამთვიანი პაუზის შემდეგ, საფრანგეთის დედაქალაქის მთავარი ღირსშესანიშნაობა, ეიფელის კოშკი ვიზიტორებისთვის გაიხსნა. ამის შესახებ BBC წერს.

 

გამოცემის ინფორმაციით, ​კოშკზე ასაასვლელად 11 წელზე უფროსებისთვის პირბადის ტარება აუცილებელია. ამასთან, სტუმრები მხოლოდ პირველი 2 სართულის დათვალიერებას შეძლებენ. ლიფტების მუშაობა კი კოშკზე 1-ლი ივლისიდან აღდგება.

 

კორონავირუსის გავრცელების პრევენციის მიზნით, ეიფელის კოშკი 13 მარტს დაიხურა.

საქართველოში შიდა ტურისტული სეზონი დღეიდან იხსნება. შიდა ტურიზმის წახალისების მიზნით, ვიზიტორები შემცირებული ტარიფებითა და სპეციალური შეღავათებით შეძლებენ სარგებლობას, თუმცა მათ შესაბამისი, სავალდებულო წესების დაცვა მოუწევთ. სავალდებულო რეკომენდაციები უნდა გაითვალისწინონ იმ ობიექტებმაც, რომლებიც სტუმრებს მიიღებენ.

 

ტურიზმის ადმინისტრაციის ინფორმაციით, დღეიდან ადგილობრივ მოგზაურებს საშუალება ექნებათ, ესტუმრონ საქართველოს სხვადასხვა მხარეს, კურორტს, ისარგებლონ სასტუმროებისა და კვების ობიექტების მომსახურებით.

 

დღესვე ქვეყნის ყველა დაცული ტერიტორია ვიზიტორების მიღებას იწყებს. ყველა ვიზიტორს, ტერიტორიაზე შესვლამდე, ჩაუტარდება უკონტაქტო თერმოსკრინინგი. დახურულ შენობებსა და ვიზიტორთა ცენტრებში, მათ შორის მღვიმეებში, სავალდებულოა პირბადის ტარება და დისტანციის დაცვა.

„6 შესანიშნავი და ხელმისაწვდომი ადგილი, საიდანაც მთელ მსოფლიოში დისტანციურად მუშაობას შეძლებთ“ - New York Post-ი ამ სათაურით სტატიას აქვეყნებს და 6 ქვეყანას ასახელებს, სადაც პოსტ კოვიდურ პერიოდში უცხოელებს დისტანციურ მუშაობას სთავაზობენ.

 

„ევროპისა და აზიის გზაჯვარედინზე მდებარე საქართველო საცხოვრებლად დაბალი ფასებით გამოირჩევა, ეს ქვეყანა კერძების სამოთხეა, საქართველო მსოფლიო ბანკის რეიტინგში ბიზნესის წარმოების სიმარტივის მიხედვით მე-6 პოზიციას იკავებს.“- წერს New York Post-ის ჟურნალისტი და მკითხველს თბილისის ისტორიულ უბნებში უძრავი ქონების ყიდვისა და დაქირავების ფასების შესახებ ინფორმაციას აწვდის.

 

საქართველოსთან ერთად, ჩამონათვალში შემდგენი ქვეყნებიცაა: გერმანია, ესტონეთი, ჩილე, ბარბადოსი და კოსტა-რიკა.

 

საქართველოს მთავრობა ახალი პროექტის ფარგლებში, დისტანციურად მუშაობის მსურველ საერთაშორისო ვიზიტორებს ქვეყანაში 6 თვეზე მეტი ხნით ცხოვრების უფლებას სთავაზობს.

ბათუმის დელფინარიუმი მუშაობას სამშაბათს, 30 ივნისიდან განაახლებს. ბათუმის მერიის ინფორმაციით, შოუს დროს ჯანდაცვის სამინისტროს მიერ გაცემული ყველა რეკომენდაცია იქნება გათვალისწინებული.

 

ბილეთები ადგილების გამოტოვებით გაიყიდება. ადმინისტრაცია მოუწოდებს ვიზიტორებს დელფინარიუმსა და აკვარიუმში განთავსებული საინფორმაციო დაფებით იხელმძღვანელონ.

 

შოუ ნებისმიერ ამინდში გაიმართება. დამატებითი ონფორმაციის ნახვა შესაძლებელია დელფინარიუმის ვებგვერდზე.

საკურორტო სოფელ მუხურში კომპანია ,Mukhuri Resort-ი ევროპული სტილის, ორ, 30-30 ნომრიან სასტუმროს აშენებს.

 

სამეგრელო-ზემო სვანეთის სახელმწიფო რწმუნებულის ადმინისტრაციის ინფორმაციით, პირველი სასტუმროს კარკასის მშენებლობა უკვე დასრულებულია, სასტუმრო, რომელსაც მდინარე ხობზე ჩასასვლელი გვირაბი აქვს, არქიტექტურულად ევროპულ და კოლხურ სტილს მოიცავს, სასტუმროს დიზაინში ნოქალაქევის არქიტექტურული ფრაგმენტებიც ფიგურირებს.

 

სამშენებლო სამუშაოების მიმდინარეობას დღეს სამეგრელო-ზემო სვანეთის სახელმწიფო რწმუნებული ალექსანდრე მოწერელია მოადგილეებთან, ადგილობრივი ხელისუფლების წარმომადგენლებთან და პარლამენტის წევრ ჯუმბერ იზორიასთან ერთად გაეცნო. სამუშაოებს „ლაკადა გრუპი“ ასრულებს.

 

ორივე სასტუმროს მშენებლობის ინვესტიცია 11 მილიონ ლარამდეა, სამშენებლო სამუშაოებში ადგილობრივი მოსახლეობაა დასაქმებული.

გერმანულ-ქართული ურთიერთობები ურთიერთპატივისცემით ხასიათდება და ის კიდევ უფრო გაძლიერდა. ამის შესახებ გერმანიის ელჩმა, ჰუბერტ ქნირშმა ჟურნალ დიპლომატთან ინტერვიუში განაცხადა.

 

„ქართველები კრიზისს განსაკუთრებულად გაუმკლავდნენ. ახლა ველი პირველი გერმანელი ვიზიტორების დაბრუნებას საქართველოში, თუნდაც ეს რიცხვი თავიდან მცირე იყოს.

 

ძალიან მარტივი იყო ჩემი და ჩემი ოჯახის დარწმუნება იმაში, რომ მხოლოდ ერთი შვებულება არ გაგვეტარებინა საქართველოში. შაბათის მოგზაურობისთვის გვიყვარს გომბორის უღელტეხილი კახეთში, ან ბორჯომი-ხარაგაულის ეროვნული პარკი. ახლა ვგეგმავთ რამდენიმე სერიოზულ ლაშქრობას ხევსურეთში. შემდეგი იქნება დასავლეთ საქართველო შავი ზღვის ლამაზი სასტუმროებითა და გურია-აჭარის გასაოცარი მთიანი რეგიონებით. ჩემს აღფრთოვანებას ისევ იწვევს ადრეული შუა საუკუნეების ეკლესია-მონასტრები“, - აღნიშნა გერმანელმა დიპლომატმა.

კორონავირუსის გავრცელების თავიდან აცილების მიზნით საქართველოს ტურიზმის ინდუსტრიისთვის სავალდებულო რეგულაციების შემოღება გახდა საჭირო, მათ შორის განთავსების ობიექტებისთვის. ახალი რეგულაციები სოციალური დისტანციის დაცვას, დეზინფექციას, ოთახების დალაგების ახალ წესებს და სხვა მოთხოვნებს მოიცავს. ინფორმაციას ტურიზმის ეროვნული ადმინისტრაცია ავრცელებს.

 

ყველა სასტუმრო, რომელსაც ოპერირების გაგრძელება სურს, ვალდებულია გაითვალისწინოს დამტკიცებული რეკომენდაციები და ჯანდაცვის სამინისტროს ოფიციალურ ვებგვერდზე სპეციალურად შექმნილ ელექტრონულ სისტემაში დარეგისტრირდეს, რის შედეგადაც შრომის ინსპექცია განახორციელებს შემოწმებას, რომლის დადებითი დასკვნის საფუძველეზე განთავსების საშუალებები შეძლებენ საქმიანობის აღდგენას.

 

24 ივნისის მონაცემებით, ეკონომიკური საქმიანობის აღდგენის მოთხოვნით, ჯანდაცვის სამინისტროში დარეგისტრირებულია 1 675 სასტუმრო. შემოწმება დაიგეგმა 1 331 სასტუმროში, საიდანაც სავალდებულო მოთხოვნები 459-მა სასტუმრომ დააკმაყოფილა. 291-მა სასტუმრომ მოთხოვნები ვერ დააკმაყოფილა, 581-მა კი განაცხადა, რომ მზად არ არის შემოწმებისთვის და დრო სჭირდება.

 

ინსპექტირების გავლის შემდეგ სასტუმროების შესახებ ინფორმაციის განახლება ტურიზმის ეროვნული ადმინისტრაციის მონაცემთა ბაზაში ხდება. სასტუმროების სია შეგიძლიათ ამ ბმულზე ნახოთ.

ჩვენ ერთმანეთზე ვართ დამოკიდებული - მე ვარ თქვენზე, ამ წესებს როგორ დაიცავთ და თქვენ მთავრობაზე, ჩვენ რა რაოდენობით და როგორ სუფთა (კოვიდის თვალსაზრისით) ქვეყნებიდან ჩამოვიყვანთ ტურისტებს, - ამის შესახებ საქართველოს პრემიერ-მინისტრმა, გიორგი გახარიამ იმერეთის რეგიონის ტურიზმის წარმომადგენლებთან შეხვედრისას განაცხადა.

 

„მოგახსენებთ საიდანაც ვიწყებთ და გვაქს რეალური შანსი პირველი ტურისტები მივიღოთ: ეს არის ისრაელი, ბალტიისპირეთის ქვეყნები, ჩეხეთი, უნგრეთი, საბერძნეთი, ავსტრია. ჩვენი ძირითადი ამოცანაა ინფექციის და ეპიდემიის გავრცელების მართვაში ეს ნელ-ნელა გადავთარგმნოთ კონკრეტულ ეკონომიკურ შედეგში და ეს შედეგი არის ჩამოსული ტურისტის რაოდენობა. აქ ერთმანეთზე ვართ დამოკიდებული - მე ვარ თქვენზე დამოკიდებული ამ წესებს როგორ დაიცავთ, და თქვენ ხართ მთავრობაზე დამოკიდებული, ჩვენ რა რაოდენობით და როგორ სუფთა (კოვიდის თვალსაზრისით) ქვეყნებიდან ჩამოვიყვანთ ტურისტებს“, - აღნიშნა პრემიერ-მინისტრმა.

ექსკლუზიური

არქივი

« « » » ოქტომბერი 2019
ორშ სამ ოთხ ხუთ პარ შაბ კვი
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31

ამინდი

Tbilisi

ბლოგერები

Global Press
ვალოდია ჯინჭარაძე
ბლოგერი
იხილეთ ბლოგი
Global Press
გიორგი გიორგაძე
ბლოგერი
იხილეთ ბლოგი
Global Press
მერაბ ცაავა
ბლოგერი
იხილეთ ბლოგი

ყველა ბლოგერი

ჟურნალისტური გამოძიება

გამოკითხვა

საქართველოში, პროსტიტუციის ლეგალიზაცია უნდა მოხდეს თუ არა?