ევროპარლამენტის 1200 თანამშრომლის პირადმა მონაცემებმა ინტერნეტში გაჟონა. ინფორმაციას ამის შესახებ გამოცემა Politico ავრცელებს.

 

მისი ცნობით, ინფორმაცია შეიცავს ევროპარლამენტის თანამდებობის პირებისა და თანამშრომლების ანგარიშებს და კოდირებულ პაროლებს. ღია წვდომაში ასევე აღმოჩნდა ევროკავშირის საკითხების 15 ათასი სპეციალისტის პირადი მონაცემები.

 

კიბერშეტევა შეეხო ევროპარლამენტის უმსხვილესი ფრაქციის, „ევროპის სახალხო პარტიის“ წევრებსაც. პარტიის წარმომადგენლის, პედრო ლოპეს დე პაბლოს განცხადებით, მონაცემთა ბაზა ელექტრონული ფოსტის მისამართებსა და პაროლებს შეიცავდა, თუმცა ის 2018 წლით თარიღდება. მისივე თქმით, მონაცემებზე ღია წვდომა უკვე შეიზღუდა.

 

მანამდე, 15 მაისს გერმანიის გენერალურმა პროკურატურამ ბუნდესტაგზე განხორციელებულ კიბერშეტევაზე პასუხისმგებელი რუსი ჰაკერის დაპატიმრებაზე ორდერი გასცა.

Email:Этот адрес электронной почты защищён от спам-ботов. У вас должен быть включен JavaScript для просмотра.