Global Press

Russia

Global PressGlobal PressGlobal PressGlobal Press

USD
3.1813
EUR
3.4778
RUR
0.0406
GBP
3.9629

კორონავირუსის პანდემიის პერიოდში, ფეხბურთელები და ზოგადად, სპორტსმენები, სოციალურ ქსელებში კიდევ უფრო აქტიურები გახდნენ.

 

ნორვიჩის მცველმა, ტიმო კლოზემ Instagram-ზე პოსტი დადო, სადაც ის გულშემატკივრებს აჩვენებდა, თუ როგორ გაჰყავდა Netflix-ის ერთ-ერთი ანიმაციის ყურებით მას დრო. ამის შესახებ GIBET.COM - სოციალურ ქსელში ,,Twitter" წერს _ გერმანელი ფეხბურთელი უნებურად დაცინვის ობიექტი გახდა. კომპიუტერში გახსნილ მეორე ფანჯარაში, მას პორნოგრაფიული საიტი ჰქონდა ჩართული, რაც გულშემატკივართათვის შეუმჩნეველი არ დარჩენილა.

საქართველოსა და ბელარუსს შორის გასამართი ერთა ლიგის "D" დივიზიონის პლეი-ოფის მატჩი გადაიდო. ამის შესახებ ინფორმაციას საქართველოს ფეხბურთის ფედერაცია ავრცელებს.

 

აღნიშნული შეხვედრა 26 მარტს თბილისში, "დინამო არენაზე" უნდა გამართულიყო, თუმცა კორონავირუსის გამო თამაშის გამართვა შეუძლებელი გახდა.

 

მატჩის ჩატარების ახალი თარიღი ჯერჯერობით უცნობია.

საქართველოს ეროვნულმა ნაკრებმა ევროპის 2020 წლის ჩემპიონატის შესარჩევ ციკლში პირველი სამი ქულა მოიპოვა. ქართველმა ფეხბურთელებმა „დინამო არენაზე“ გიბრალტარის ნაკრები დიდი ანგარიშით 3:0 დაამარცხეს.

 

პირველ ნახევარში საქართველოს ნაკრების მხრიდან თავი ვაკო გვილიამ გამოიჩნია და 30-ე წუთზე ანგარიში გახსნა. შესვენების შემდეგ კი ჯერ გიორგი პაპუნაშვილმა ნაკრების უპირატესობა ორბურთიანი გახადა, შემდეგ კი ვატო არველაძემ თერთმეტმეტრიანი დარტყმით ანგარიში 3:0 გახადა.

 

სამი თამაშის შემდეგ საქართველოს ნაკრები ევროპის 2020 წლის ჩემპიონატის შესარჩევ ციკლში, D ჯგუფში სამი ქულით მესამე ადგილს იკავებს. მომდევნო შეხვედრას საქართველოს ნაკრები 10 ივნისს დანიის წინააღმდეგ კოპენჰაგენში გამართავს.

ევროპული ფეხბურთის მმართველმა ორგანომ (UEFA) ივნისში გასამართი სანაკრებო მატჩები, მათ შორის ერთა ლიგის პლეიოფის მატჩები გაურკვეველი ვადით გადადო. ამის შესახებ UEFA-ს განცხადებაშია ნათქვამი.

 

„2020 წლის ივნისს გასამართი ეროვნული ნაკრებების თამაშები გაურკვეველი ვადით გადაიდო“, - ნათქვამია განცხადებაში.

 

ასევე გადადებულია ყველა ამხანაგური სანაკრებო შეხვედრა და ასაკობრივი ნაკრებებისთვის კონტინენტის პირველობები.

 

17 მარტს ცნობილი გახდა, რომ ევროპის ჩემპიონატი ფეხბურთში 2020 წლის ნაცვლად 2021 წელს გაიმართება, ხოლო უეფას რეკომენდაციების მიხედვით, ერთა ლიგის პლეიოფის მატჩები, მათ შორის, საქართველო-ბელარუსის თამაში, რომელიც 26 მარტს უნდა გამართულიყო, კორონავირუსის გამო გადაიდო.

23 თებერვალს, საქართველოს სუპერთასზე თასის მფლობელმა "საბურთალომ" ჩემპიონი თბილისის "დინამო" 1:0 დაამარცხა.

 

მატჩი დიდად სანახაობრივი ნამდვილად არ იყო. პირველ ტაიმში ორივე გუნდს ჰქონდა მომენტები, გოლი კი "საბურთალომ" გაიტანა. მე-14 წუთზე ლოჩოშვილმა საკუთარ საჯარიმოში გაბედავასთან ბრძოლაში თამაშის წესი დაარღვია და პენალტი კოხრეიძემ გამოიყენა.

 

 

ფოტოგრაფი: მალხაზ სვანიძე

 

მეორე ტაიმში "დინამოს" თამაშის გადასარჩენად აქტიურობა მართებდა, მაგრამ იერიშების ორგანიზებას ვერ ახერხებდა. ტემპიც დაეცა, რაც "საბურთალოს" აძლევდა ხელს. "დინამოს" მწვრთნელმა კახა ჩხეტიანმა ცვლილებებით სცადა ვითარების შეცვლა, თუმცა ამანაც არ გამოიღო შედეგი.

 

"საბურთალომ" დამსახურებული გამარჯვება მოიპოვა და პირველად დაეუფლა სუპერთასს.

 

თბილისი. "მიხეილ მესხი 2"

 

დინამო (თბ) - საბურთალო 1:0

 

გოლი: კოხრეიძე (14, პენ)

 

დინამო (თბ): კვასხვაძე, ტრუბოჩკინი (იაშვილი 46), ბენიო, ლოჩოშვილი, კობოური, პაპავა, ბუღრიძე (ახვლედიანი 66), ქარდავა, ნინუა (კუცია 74), კუხიანიძე, ორშულა

 

საბურთალო: ლ. კუპატაძე, ლაკვეხელიანი, კაკუბავა, მარგველაშვილი, ტაბატაძე, ალთუნაშვილი (ცნობილაძე 82), ტერა, გოშთელიანი (ყენია 70), კოხრეიძე (ჭიჭინაძე 90+4), ლუმუ, გაბედავა

 

ფოტოგრაფი: მალხაზ სვანიძე

 

23 მარტს ევროპის ჩემპიონატის საკვალიფიკაციო ეტაპის პირველ მატჩში შვეიცარიასთან მარცხის (0:2) შემდეგ საქართველოს ნაკრების მთავარმა მწვრთნელმა ვლადიმერ ვაისმა ჟურნალისტების კითხვებს უპასუხა.

 

"საბა კვირკველიამ იმიტომ არ ითამაშა, რომ გადავწყვიტე, კაშია-ხოჭოლავას წყვილს ეთამაშა. ხოჭოლავა არ იყო ცუდი, საბამ თვითონ იცის, რატომ არ იყო სასტარტო შემადგენლობაში.

 

რაც მე საქართველოს ნაკრების მწვრთნელი ვარ, ყველაზე რთული მეტოქე გვყავდა, პირველ ტაიმში ჩვენი მაქსიმუმი გავაკეთეთ. სამწუხაროდ, ამ დონეზე თამაში 90 წუთი არ შეგვიძლია, მეტოქემ მეორე ტაიმში შესანიშნავად ითამაშა. ასეთი დონის თამაშებს, როგორიც დღეს გვქონდა, ისინი ყოველ კვირა თამაშობენ, ჩვენ კი წელიწადში 4-5-ჯერ გვიწევს მსგავსი შეხვედრების ჩატარება.

 

როგორ უნდა გვეთამაშა შვეიცარიასთან შემტევი ფეხბურთი, ხედავთ რა გუნდებში თამაშობენ მათი ფეხბურთელები?

 

ჯანო ანანიძემ ითამაშა კარგი პირველი ტაიმი, მეორე ტაიმში შვეიცარიამ სამი ცენტრალური მცველი დააყენა და ასეთ დროს ძნელია ითამაშო.

 

შვეიცარიასთან შემტევი თამაში თვითმკვლელობის ტოლფასი იქნებოდა. მოთამაშეები ვინც დღეს მოედანზე იყვნენ, ქვილითაია, ჯანო ანანიძე და ოთარ კაკაბაძე ხანგრძლივი ტრავმის შემდეგ დაბრუნდნენ.

 

თორნიკე ოქრიაშვილი სამი თვეა უკლუბოდაა, ის ფიზიკურად არ იყო მზად. 24 ფეხბურთელიდან 22 უნდა გვყოლოდა განაცხადში.

 

ერთა ლიგისგან განსხვავდება ეს ტურნირი. შვეიცარია ჯგუფის ფავორიტი და გამორჩეული გუნდია, მიუხედავად იმისა, რომ ლიდრების გარეშე იყო, ასეთი მეტოქის წინააღმდეგ ორივე ტაიმის თანაბრად თამაში რთულია.

 

მომავალ მატჩში იძულებული და ტაქტიკური ცვლილებაც იქნება, ტრავმის გამო ჯიმი ტაბიძე ვერ გამოგვყება ირლანდიასთან და 2-3 ცვლილება აუცილებლად იქნება. ირლანდიასთან ქულების აღებას შევცდები, მათთან თამაში იოლი არასდროს არ არის. მაღალი დონის ნაკრებია და მიუხედავად იმისა, რომ მათთან ცუდი სტატისტიკა გვაქვს, მათთან ბოლო მატჩში ქულის აღება მოვახერხეთ და იგივეს გაკეთებას ვეცდებით", - განაცხადა ვლადიმერ ვაისმა.

 

საქართველოს ეროვნული ნაკრები შემდეგ შეხვედრას 26 მარტს დუბლინში ირლანდიის წინააღმდეგ გამართავს.

ბირმინგემის საფეხბურთო კლუბის „ასტონ ვილას“ კაპიტანმა ჯეკ გრილიშმა იზოლაციის წესები დაარღვია და სახლიდან გასვლის შემდეგ ავარიაში მოყვა. ამის შესახებ Sun-ი წერს.

 

გრილიშმა მთელი ღამე სტუმრად, თავის ნაცნობთან წვეულებაზე გაატარა, ავტოსაგზაო შემთხვევა კი დილის 8 საათზე მოხდა. ფეხბურთელის ავტომობილი „რენჯ როვერი“, რომლის ღირებულებაც 89 ათასი ევროა, პარკირებულ სამ მანქანას დაეჯახა. გრილიში დაზიანებული ავტომობილების მფლობელებს დაჰპირდა, რომ ზარალს სრულად აუნაზღაურებს.

 

აღსანიშნავია, რომ ამ ინციდენტამდე რამდენიმე საათით ადრე, ჯეკ გრილიშმა ვიდეომიმართვა ჩაწერა, სადაც ყველას სახლში დარჩენისკენ მოუწოდებდა.

2020 წლის ევროპის ჩემპიონატის შესარჩევ ეტაპზე, საქართველოს ფეხბურთელთა ეროვნული ნაკრებისა და ირლანდიის მატჩი ფრედ, 0:0 დასრულდა. შეხვედრა თბილისში, „დინამო არენაზე“ გაიმართა.

 

შესარჩევი ციკლის მეექვსე ტურის შემდეგ, საქართველოს, ჯგუფში 5 ქულა დაუგროვდა და ევროპის ჩემპიონატზე ამ ჯგუფიდან მოხვედრის თეორიულ შანსს ჯერ კიდევ ინარჩუნებს.

 ფოტოგრაფი მალხაზ სვანიძე

 

 

შეგახსენებთ, რომ საქართველოს ეროვნულმა ნაკრებმა, ჯგუფში ირლანდიის წინააღმდეგ მეორე მატჩი ჩაატარა. პირველ შეხვედრაში, ჩვენი ქვეყნის ეროვნული გუნდი ირლანდიაში 0:1 დამარცხდა.

 

 ფოტოგრაფი მალხაზ სვანიძე

 მომდევნო შეხვედრას კი საქართველოს ნაკრები 15 ოქტომბერს გიბრალტარში, გიბრალტარის ეროვნულ გუნდის წინააღმდეგ გამართავს. 

23 მარტს ევროპის ჩემპიონატის საკვალიფიკაციო ეტაპის პირველ მატჩში საქართველოსთან გამარჯვების (2:0) შემდეგ შვეიცარიის ნაკრების მთავარმა მწვრთნელმა ვლადიმირ პეტკოვიჩმა ჟურნალისტების კითხვებს უპასუხა.

 

"ჩვენი თამაშით კმაყოფილი ვარ. თავიდანვე ვუთხარი მოთამაშეებს, რომ მეტოქე საკმაოდ ძლიერი გვყავდა. თავიდან გაგვიჭირდა რიტმის პოვნა. მეორე ტაიმში თავდაჯერებულობა ვიპოვეთ, მეტი გოლი უნდა შეგვეგდო და სამომავალოდ ამაზე უნდა ვიმუშავოთ.

 

ჩვენ ყველა მეტოქეს სერიოზულად ვუდგებით და პატივს ვცემთ. კარგი მომზადებაა გამარჯვებისთვის საჭირო. ბევრი ახალი მოთამაშე გვყავს, თავდაჯერებულობას იმატებენ და ეს მეორე ტაიმშიც გამოჩნდა.

 

რა თქმა უნდა, პირველი შეხვედრის მოგებით მოგვეხსნება  წნეხი, დანიასთან სათამაშოდ მშვიდად მოვემზადებით.

 

მჯერა, რომ საქართვეელოს ნაკრებს ამ ჯგუფში შეუძლია რამდენიმე სიურპრიზის გაკეთება და იმედი მაქვს ეს ჩვენთან თამაშში არ მოხდება. ადრე აღვნიშნე, რომ საქართველოს ნებისმიერ მეტოქესთან შეუძლია კონკურენციის გაწევა და ეს პატიოსნად ვთქვი", - განაცხადა ვლადიმერ პეტკოვიჩმა.

 

26 მარტს შვეიცარიის მეტოქე დანიის ნაკრები იქნება, საქართველო კი სტუმრად ირლანდიას დაუპირისპირდება.

უეფას გადაწყვეტილებით, ევროპის 2020 წლის ჩემპიონატი ფეხბურთში, რომელიც 12 ივნისიდან 12 ივლისის ჩათვლით, ევროპის 12 ქალაქში უნდა ჩატარებულიყო, წელს კორონა ვირუსის გამო არ გაიმართება. ამის შესახებ ინფორმაციას უეფას ოფიციალური ვებგვერდი იუწყება.

 

ევროპის საფეხბურთო კავშირმა შესაბამისი გადაწყვეტილება, დღეს გამართულ ვიდეოკონფერენციაზე მიიღო, რომელზეც მიწვეული იყვნენ უეფას წევრი 55 ეროვნული ასოციაციის წარმომადგენლები, ასევე - ევროპული კლუბების ასოციაციის ხელმძღვანელები და ევროპული ლიგებისა და ფეხბურთელთა პროფკავშირის (FIFPro) წარმომადგენლები. ვიდეოკონფერენციის მიზანი სწორედ კორონავირუსის გავრცელებით გამოწვეული ვითარების განხილვა იყო.

 

როგორც უეფაში აცხადებენ, ევროპის საფეხბურთო ჩემპიონატი 2021 წლის 11 ივნისიდან 11 ივლისამდე ჩატარდება.

 

რაც შეეხება მსოფლიო საკლუბო ჩემპიონატს, რომელიც 2021 წლის ზაფხულში უნდა გამართულიყო, 2022 წლის ზაფხულისთვის გადაიდება. ის ხელს არ შეუშლის მსოფლიოს 2022 წლის ჩემპიონატს, რადგან მუნდიალი ყატარში, ზამთარში უნდა ჩატარდეს.

 

ასევე გადაიდო უეფას ჭაბუკთა ლიგის ¼-ფინალის შეხვედრები, რომლებიც 17 და 18 მარტს უნდა ჩატარებულიყო.

 

„ადამიანების ჯანმრთელობა ჩვენთვის მთავარი პრიორიტეტია. ეს სვლა დაეხმარება ყველა ეროვნულ ჩემპიონატს სეზონის დასრულებაში. უეფას ყველა მატჩი, მათ შორის ამხნააგურები, საკლუბო და სანაკრებო, შეჩერებულია მანამ, სანამ ახალი მითითება არ იქნება“, - ნათქვამია უეფას ოფიციალურ განცხადებაში.

 

უეფამ ევროპაში COVID-19-ის გავრცელების გამო, ჯერ კიდევ 13 მარტს შეაჩერა მისი ეგიდით მიმდინარე ყველა საკლუბო ტურნირი. გაურკვეველი დროით გადაიდო 18 და 19 მარტს დაგეგმილი უეფას ჩემპიონთა ლიგის ⅛-ფინალის საპასუხო მატჩები და 20 მარტს გასამართი ყველა საპასუხო ⅛-ფინალური შეხვედრა ევროპალიგაში

ევროპის ჩემპიონატის საკვალიფიკაციო მატჩი საქართველოსა და დანიის ნაკრებებს შორის 0:0 დასრულდა.

 

ძნელი გასახსენებელია, როდის დააყენა "ჯვაროსანთა" მწვრთნელმა ვლადიმირ ვაისმა მსგავსი შემტევი სასტარტო შემადგენლობა და საინტერესო იყო, ასეთი რისკი ესოდენ ძლიერ გუნდთან რა შედეგს გამოიღებდა.

 

ჩვენი გუნდის ტურნირზე ცუდი სტარტის გამო სტადიონი სანახევროდაც არ გაივსო, რაც გასაკვირი არ გახლდათ და ეს მიუხედავად იმისა, რომ დანიის კარგი ნაკრები გვსტუმრობდა.

 

საქართველოს ნაკრებმა მეტოქის პირველი იერიშები მოიგერია და იქით შეუტია. უხიფათოდ. სადღაც შუა პირველ ტაიმში მოწინაღმდეგე უპირატესობას დაეუფლა და პირველი საგოლე მომენტიც შექმნა, მაგრამ ბრაიტვაიტის დარტყმული ბურთი ლორიამ მოიგერია. შემდეგ ისევ ბრაიტვაიტი გასცდა ჩვენს მცველებს და ისევ ლორიამ გვიხსნა.

 

ჩვენს გუნდს უჭირდა ბურთის დაჭერა, თუმცა დაცვა ყურადღებით ირჯებოდა, ხოლო შეტევა საერთოდ არ გამოსდიოდა.

 

ფოტო: მალხაზ სვანიძე

 

 

შესვენების შემდეგ თამაშის სურათი არ შეცვლილა. აქტიური ბრაიტვაიტი მარჯვენა ფლანგზე გაიჭრა, დოლბერგს უპასა და კვლავ ლორია იდგა მოწოდების სიმაღლეზე. აქედან მოყოლებული, დანიელთა იერიშები მინავლდა და საქართველოს ნაკრებმა მეტოქის კარზე შეტევების მიტანა დაიწყო. სტუმართა მწვრთნელმა ტომასონმა თავდასხმის გაძლიერება შეცვლებით სცადა, თუმცა ამით ვერაფერი შეცვალა.

 

76-ე წუთზე კი ყაზაიშვილის დარტყმული ბურთი მიზანს ოდნავ ასცდა. მერე ქვილითაიამ ბურთი ხარიხას გაარტყა და მსაჯმა თამაშგარე დააფიქსირა, საპასუხო შეტევისას კი უკვე გიტკიაერმა გაარტყა ბურთი ხარიხას. ბოლოს ოქრიაშვილის მიერ შესრულებული საჯარიმო შმეიხელმა აიღო და მსაჯის საფინალო სასტვენიც გაისმა.

 

ფოტო: მალხაზ სვანიძე

 

 

 თბილისი. "დინამო არენა"

 

საქართველო - დანია 0:0

 

საქართველო: ლორია, კაკაბაძე, ტაბიძე, კაშია, გრიგალავა, აბურჯანია (გვილია 86), ანანიძე, კიტეიშვილი, ოქრიაშვილი, ყაზაიშვილი, ქვილითაია (დაუშვილი 90)

 

დანია: შმეიხელი, კიაერი, კრისტენსენი, დელანი, ერიკსენი, ბრაიტვაიტი, დოლბერგი (გიტკიაერი 67), დალსგორი, ლარსენი, პოულსენი, ჰოიბერგი (შონე 73)

ევროპის პირველობის შესარჩევ ეტაპზე საქართველოს ნაკრები შვეიცარიასთან 0:2 დამარცხდა.

 

კარგა ხანია საქართველოში ასეთი მაღალი კლასის გუნდი არ ჩამოსულა, ტურნირის სტარტზე და მით უმეტეს ერთა ლიგაზე ჯგუფში ჩვენი ნაკრების გამარჯვების შემდეგ კი, შეხვედრისადმი ინტერესი საოცრად დიდი გახლდათ.

 

სტადიონი თითქმის ბოლომდე გაივსო და ჰიმნის ემოციურად შესრულების შემდეგ, მატჩიც დაიწყო.

 

"ჯვაროსნების" მწვრთნელმა ვლადიმირ ვაისმა სასტარტო შემადგენლობაში მოულოდნელად კვირკველიას ნაცვლად ხოჭოლავა დააყენა, ტაქტიკა კი 4-2-3-1 აირჩია.

 

მატჩი სტუმართა შეტევებით დაიწყო და მე-5 წუთზე ლორიას მახვილი კუთხიდან როდრიგესის დარტყმული ბურთის მოგერიება მოუხდა. ამის შემდეგ თამაში გათანაბრდა და ჩვენმა გუნდმა მეტოქის ნახევარზე აიწია.

 

მოედანზე თავადაუზოგავი ბრძოლა მიმდინარეობდა, 24-ე წუთზე ტაბიძემ და შერმა ერთმანეთთან შეჯახებისას ტრავმა მიიღეს და რამდენიმე წუთით თამაში გაჩერდა.

 

30-ე წუთზე ჯაკას მიერ დარტყმული ბურთი კანკავას მოხვდა და რიკოშეტით ოდნავ ასცდა ლორიას კარს.

 

44-ე წუთზე გვილიას კარგი პასი ვერ გამოიყენა ყაზაიშვილმა - მისი დარტყმული ბურთი მეკარემ აიღო. ეს მომენტი ალბათ, ამ შეხვედრაში საკვანძო გამოდგა. გოლის გატანის შემთხვევაში "ჯვაროსნები" შესვენებაზე დაწინაურებულნი გავიდოდნენ და მეორე ტაიმში სულ სხვა თამაში შეიძლებოდა ყოფილიყო.

 

მეორე ტაიმი სტუმრებმა აქტიურად დაიწყეს და რაც ვერ მოახერხა ყაზაიშვილმა, მოახერხა ზუბერმა - ანგარიში გახსნა. შემდეგ მეტოქემ ორი მომენტი ვერ გამოიყენა, მე-80 წუთზე კი ზაკარიამ მეორე გოლი გაიტანა და ყველაფერი დასრულდა.

 

საქართველოს ნაკრებმა ვერაფრით ვერ მოახერხა შეტევების ორგანიზება, არ ჰყავდა ლიდერი, რომელიც ბურთს დაიჭერდა, იერიშებს წამოიწყებდა, რაღაც არასტანდარტულს გააკეთებდა და შეხვედრა ლოგიკური ანგარიშით დასრულდა.

 

სამწუხაროდ, უნდა ვაღიაროთ, რომ მოწინააღმდეგეს უფრო უკეთესი გუნდი ჰყავს და დამსახურებულად გაიმარჯვა.

 

ფოტოგრაფი მალხაზ სვანიძე

 

თბილისი. "დინამო არენა"

 

საქართველო -შვეიცარია 0:2

 

გოლები: 0:1 ცუბერი (56), 0:2 ზაკარია (80)

 

საქართველო: ლორია, კაკაბაძე, ხოჭოლავა, კაშია, ტაბიძე (კვირკველია 62), კვეკვესკირი, კანკავა, ყაზაიშვილი, ანანიძე (კაჭარავა 84), გვილია, ქვილითაია (ლობჟანიძე 73)

 

შვეიცარია: სომერი, ლიხტშტაინერი, აკანჯი, შერი, ფროილერი (სოუ 90+2), ჯაკა, როდრიგესი, ცუბერი, ზაკარია, გავრანოვიჩი (აჯეტი 61), ემბოლო (სტეფენი 84)

ექსკლუზიური

ევროკავშირი

არქივი

« « » » Апрель 2019
Пн вт ср чт пт сб вс
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30

ამინდი

თბილისი

ბლოგერები

Global Press
ვალოდია ჯინჭარაძე
ბლოგერი
იხილეთ ბლოგი
Global Press
გიორგი გიორგაძე
ბლოგერი
იხილეთ ბლოგი
Global Press
მერაბ ცაავა
ბლოგერი
იხილეთ ბლოგი

ყველა ბლოგერი

ჟურნალისტური გამოძიება

გამოკითხვა

საქართველოში, პროსტიტუციის ლეგალიზაცია უნდა მოხდეს თუ არა?