Global Press

Russia

Global PressGlobal PressGlobal PressGlobal Press

USD
3.0463
EUR
3.4381
RUR
0.0433
GBP
3.8124

ტურინის იუვენტუსის ვარსკვლავი კრიშტიანუ რონალდუ პირველი ფეხბურთელი მილიარდერი გახდა, - ამის შესახებ ინფორმაციას ამერიკული გამოცემა Forbes ავრცელებს.

 

35 წლის პორტუგალიელი სპორტის ისტორიაში მესამე მილიარდერი გახდა. მანამდე ამ სიაში ამერიკელი მოკრივე, ფლოიდ მეივეზერი და მისი თანამემამულე გოლფის მოთამაშე, ტაიგერ ვუდსი მოხვდნენ.

 

რონალდუს 17-წლიანი კარიერის განმავლობაში ხელფასის სახით 650 მილიონი დოლარი აქვს გამომუშავებული, დანარჩენი თანხა კი სხვადასხვა სპონსორული შეთანხმების შედეგად მიიღო.

 

მხოლოდ გასულ სეზონში კრიშტიანუმ 105 მილიონი ევრო გამოიმუშავა.

 

რეიტინგის შედგენისას, „ფორბსი“ ითვალისწინებს სპორტსმენის მიერ კარიერის განმავლობაში სხვადასხვა ხერხით გამომუშავებულ თანხას - ხელფასი, სპონსორობა, სარეკლამო კონტრაქტები და სხვა.

ესპანეთის საფეხბურთო გრანდები სეზონის განახლებისთვის ემზადებიან.

 

sport24-ის ინფორმაციით, „ბარსელონას“ საწვრთნელ ბაზა „სიუდად ესპორტივაზე“, გუნდის კაპიტანი ლიონელ მესი და მისი თანაგუნდელები დამცავი ნიღბებით გამოცხადდნენ და სამედიცინო შემოწმება გაიარეს.

 

სრულად შეიკრიბა ლა ლიგის კიდევ ერთი გრანდი მადრიდის „რეალი“, რომლის მთავარმა მწვრთნელმა ზინედინ ზიდანმა განაცხადა, რომ უახლოეს დღეებში რეგულაციების დაცვის გათვალისწინებით ვარჯიშს შეუდგებიან.

 

27 ტურის შემდეგ ესპანეთის ჩემპიონატს 58 ქულით „ბარსელონა“ ლიდერობს და მეორე ადგილზე მყოფ „რეალს“ 2 ქულით უსწრებს.

 

ლა ლიგის განახლების სავარაუდო თარიღად ივნისი სახელდება.

მიუნხენის „ბაიერნმა“ 24 საათში კლუბის სიმბოლიკის გამოსახულებიანი 100 ათასი პირბადე გაყიდა. ინფორმაციას ამის შესახებ საფეხბურთო კლუბის პრესსამსახური ავრცელებს.

 

თითოეული პირბადე დამზადებულია შარფებისგან, რომლებიც „ბაიერნის“ საშინაო არენაზე, ლონდონის „ჩელსის“ წინააღმდეგ მატჩამდე უნდა დარიგებულიყო. შარფები მიუნხენური კლუბის 120 წლის იუბილესთან დაკავშირებით დამზადდა.

 

პირბადეების გაყიდვიდან შემოსული თანხა ჩაირიცხება ინიციატივა We Kick Corona-ს ანგარიშზე, რომელიც გერმანიის ნაკრებისა და „ბაიერნის“ ორმა ფეხბურთელმა - იოზუა კიმიხმა და ლეონ გორეცკამ წამოიწყეს. ინიციატივა We Kick Corona კორონავირუსთან მებრძოლ საქველმოქმედო, სოციალურ და სამედიცინო დაწესებულებებს ეხმარება.

 

ჯანდაცვის მსოფლიო ორგანიზაციამ კორონავირუსთან დაკავშირებით პანდემია 2020 წლის 11 მარტს გამოაცხადა.

Football Benchmark-მა პლანეტის ყველაზე ძვირადღირებული კლუბების განახლებული რეიტინგი წარადგინა. ანგარიშში მოცემულია 32 ყველაზე ცნობილი ევროპული საფეხბურთო კლუბის შეფასება.

 

მადრიდის „რეალი“ კვლავ ყველაზე ძვირადღირებული კლუბია, რომლის ღირებულება 3.478 მილიარდი ევროა; მეორე ადგილზე „მანჩესტერ იუნაიტედია“, რომლის ფასი 3.342 მილიარდია; ხოლო კატალონიის „ბარსელონა“ ბრინჯაოს 3.319 მილიარდი ევროთი დასჯერდა.

 

აღსანიშნავია, რომ ტურინის „იუვენტუსი“ ათეულს მიღმა მოხვდა.

 

1. მადრიდის "რეალი" - 3.478 მილიარდი

 

2. "მანჩესტერ იუნაიტედი" - 3.342 მილიარდი

 

3. კატალონიის "ბარსელონა" - 3.319 მილიარდი

 

4. მიუნხენის "ბავარია" - 2.878 მილიარდი

 

5. "ლივერპული" - 2.658 მილიარდი

 

6. "მანჩესტერ სიტი" - 2. 606 მილიარდი

 

7. ლონდონის "ჩელსი" - 2.218 მილიარდი

 

8. "ტოტენჰემ ჰოთსპური" - 2.067 მილიარდი

 

9. პსჟ - 1.911

 

10. ლონდონის "არსენალი" - 1.852 მილიარდი

 

11. ტურინის "იუვენტუსი" - 1.735 მილიარდი

 

12. დორტმუნდის "ბორუსია" - 1.281 მილიარდი

კორონავირუსის პანდემიის გამო, საქართველოს კრისტალბეთ ეროვნულმა ლიგამ საფეხბურთო მოედნიდან ვირტუალურ სივრცეში გადაინაცვლა, - ამის შესახებ ინფორმაციას „ეროვნული ლიგა“ facebook გვერდზე ავრცელებს.

 

ჩემპიონატის მონაწილე ფეხბურთელები საქართველოს ფეხბურთის ფედერაციისა და კიბერსპორტის ფედერაციის პროექტში ერთმანეთს ფიფა 20-ში დაუპირისპირდნენ.

 

თითოეულ გუნდს ერთი წარმომადგენელი ჰყავდა. ფინალში „სამტრედიის“ წარმომადგენელმა ზურაბ ღირდალაძემ „ტორპედოს“ თავდამსხმელს, გიორგი ფანცულაიას 2:1 მოუგო.

 

მესამე ადგილისთვის შეხვედრაში კი, „თელაველმა“ ირაკლი რუხაძემ, „საბურთალოელი“ გიორგი ალთუნაშვილი 3:2 დაამარცხა.

ყველა იმ კლუბსა და ფეხბურთელს, რომელიც ესპანეთის ჩემპიონატის განახლების შემთხვევაში თამაშზე უარს იტყვის, სერიოზული სანქციები დაეკისრება. ამის შესახებ სპეციალურად გამართულ პრეს-კონფერენციაზე ლა ლიგის პრეზიდენტმა, ხავიერ ტებასმა განაცხადა, - ინფრომაციას dailymail აცრელებს.

 

პრიმერადივიზიონის განახლება ივნისისთვის იგეგმება, თუმცა საბოლოო გადაწყვეტილებას ქვეყნის მთავრობასთან კონსულტაციების გავლის შემდეგ მიიღებენ. სეზონის ნაადრევად დასრულების შემთხვევაში, ლა ლიგის ორგანიზატორები მილიარდ ევროს, დარჩენილი მატჩების მაყურებლის გარეშე გამართვის შემთხვევაში კი, 350 მილიონ ევროს იზარალებენ.

 

27 ტურის შემდეგ პრიმერას 58 ქულით „ბარსელონა“ ლიდერობს და მეორე ადგილზე მყოფ „რეალს“ 2 ქულით უსწრებს.

იტალიის საფეხბურთო ჩემპიონატის განახლების ზუსტი თარიღი ცნობილია. ქვეყნის მთავრობისა და სამედიცინო სფეროს წარმომადგენლებთან კონსულტაციების გავლის შემდეგ, გადაწყდა, რომ კორონავირუსის პანდემიის გამო მარტში შეწყვეტილი სერია-A 13 ივნისს დაიწყება.

 

იმ შემთხვევაში თუ რომელიმე კლუბის ფეხბურთელს, ან პერსონალის წარმომადგენელს ვირუსი აღმოაჩნდება, მთელი გუნდი 14-დღიან კარანტინში გადავა და ამ კლუბის თამაში ავტომატურად გადაიდება.

 

იტალიის ჩემპიონატის წლევანდელი გათამაშების დასრულებამდე 12 ტურია დარჩენილი და ლიდერი “იუვენტუსი” მეორე ადგილზე მყოფ რომის “ლაციოს” 1 ქულით უსწრებს.

გერმანიის საფეხბურთო ჩემპიონატის განახლების თარიღი საბოლოოდ დადგინდა. skysports-ის ინფორმაციით, კლუბების წარმომადგენლებთან გამართული ვიდეო-კონფერენციის შემდეგ, ქვეყნის საფეხბურთო კავშირმა ბუნდესლიგის დაწყება მომდევნო კვირის შაბათს, 16 მაისს, გადაწყვიტა.

 

თბილისის დროით, 17:30 საათზე, ორთვიანი პაუზის შემდეგ გათამაშება ხუთი შეხვედრით დაბრუნდება, რომელთა შორისაც ყველაზე საინტერესო „დორტმუნდი“ - „შალკეს“ რურის დერბია.

 

გასაგები მიზეზების გამო, გუნდებს თამაში შემჭიდროებული გრაფიკით მოუწევთ და ტური ყოველ ოთხ დღეში ერთხელ გაიმართება.

 

გერმანიის საფეხბურთო კავშირმა კორონავირუსის პანდემიის გამო, მარტში შეწყვეტილი ბუნდესლიგის დაწყება ქვეყნის კანცლერის, ანგელა მერკელისა და 16 რეგიონის პრემიერ-მინისტრის მიერ გაცემული ნებართვის შემდეგ გადაწყვიტა.

ნიდერლანდების საფეხბურთო ჩემპიონატის 2019/2020 წლების სეზონი აღარ განახლდება. BBC-ის ცნობით, ასეთი გადაწყვეტილება ქვეყნის საფეხბურთო კავშირმა კლუბებთან კონსულტაციების შემდეგ მიიღო.

 

შესაბამისად, 1945 წლის შემდეგ პირველად, ნიდერლანდების საფეხბურთო ჩემპიონატს გამარჯვებული არ ეყოლება და ქვედა ლიგაშიც არავინ დაქვეითდება. ევროსაგზურები კი გადანაწილდება იმ სატურნირო ცხრილის გათვალისწინებით, რა პოზიციებსაც გუნდები ჩემპიონატის შეწყვეტის დროს იკავებდბნენ.

 

მომდევნო სეზონში „აიაქსი” ჩემპიონთა ლიგას ჯგუფური, „ალკმაარი“ კი საკვალიფიკაციო ეტაპიდან დაიწყებს. „ევროპა ლიგაზე“ კი ნიდერლანდებს „ფეიენოორდი”, პსვ და „ტილბურგი” წარადგენენ.

 

ჯანდაცვის მსოფლიო ორგანიზაციამ კორონავირუსთან დაკავშირებით პანდემია 2020 წლის 11 მარტს გამოაცხადა

იმ საფეხბურთო ტურნირებში, რომლებიც მიმდინარე წელს განახლდება და დასრულდება, გუნდებს მატჩში 5 შეცვლის განხორციელების უფლება. შესაბამისი გადაწყვეტილება მსოფლიო ფეხბურთის მმართველმა ორგანომ (FIFA) მიიღო.

 

ამ გადაწყვეტილების მიზეზი შემჭიდროვებულ ვადებში დიდი რაოდენობის მატჩების გამართვის აუცილებლობა გახდა, რის გამოც ფეხბურთელებზე დატვირთვა გაიზრდება.

 

შეცვლების განხორციელებას გუნდები ტაიმებს შორის შესვენებაში და მატჩის განმავლობაში გამოყოფილ სამ სპეციალურ მონაკვეთში შეძლებენ. გარდა ამისა, თუ მატჩში დამატებითი დრო დაინიშნა, გუნდები კიდევ თითო ფეხბურთელის შეცვლას შეძლებენ.

ინგლისის პრემიერლიგის დარჩენილი ტურების მატჩები შესაძლოა ავსტრალიაში გაიმართოს. ამის შესახებ ბრიტანული გამოცემა The Sun-ი წერს.

 

პრემიერლიგის მატჩები 13 მარტს შეწყდა, დარჩენილი 92 მატჩი კი გაურკვეველი ვადით გადაიდო. 1-ელ მაისს კლუბებმა თათბირი გამართეს, რომელზეც ჩემპიონატის განახლებაზე შეთანხმდნენ, თუ შესაბამის ნებართვას ქვეყნის მთავრობა გასცემს.

 

The Sun-ის ცნობით, საფეხბურთო აგენტმა, გერი უილიამსმა პრემიერლიგის ხელმძღვანელობას მატჩების ავსტრალიის ქალაქ პერტში გადატანა შესთავაზა. უილიამსის აზრით, ეს ფეხბურთელებს კომფორტულ პირობებს შეუქმნის, ტელემაუწყებლები კი ადვილად გადაეწყობიან ინგლისურ გრაფიკზე. პრემიერლიგის რამდენიმე კლუბმა ამ წინადადებას მხარი უკვე დაუჭირა.

მადრიდის „რეალის“ ფეხბურთელები კლუბის ბაზაზე ვარჯიშს სავარაუდოდ 4 მაისიდან განაახლებენ. ამის შესახებ გამოცემა Marca იტყობინება.

 

გავრცელებული ინფორმაციით, კლუბი უსაფრთხოების ყველა ნორმას ზედმიწევნით დაიცავს. ფეხბურთელებს ვარჯიშის დაწყებამდე კორონავირუსზე ტესტირებას ჩაუტარებენ, ვარჯიშის დასრულების შემდეგ კი მათ ბაზის დაუყოვნებლივ დატოვება მოეთხოვებათ, რათა კოლეგებთან და კლუბის თანამშრომლებთან მაქსიმალურად ნაკლები კონტაქტი ჰქონდეთ. „რეალის“ საწვრთნელი ბაზა კორონავირუსის გამო 12 მარტს დაიხურა.

ექსკლუზიური

არქივი

« « » » Июль 2019
Пн вт ср чт пт сб вс
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31

ამინდი

Tbilisi

ბლოგერები

Global Press
ვალოდია ჯინჭარაძე
ბლოგერი
იხილეთ ბლოგი
Global Press
გიორგი გიორგაძე
ბლოგერი
იხილეთ ბლოგი
Global Press
მერაბ ცაავა
ბლოგერი
იხილეთ ბლოგი

ყველა ბლოგერი

ჟურნალისტური გამოძიება

გამოკითხვა

საქართველოში, პროსტიტუციის ლეგალიზაცია უნდა მოხდეს თუ არა?