Global Press

Russia

Global PressGlobal PressGlobal PressGlobal Press

USD
3.0463
EUR
3.4381
RUR
0.0433
GBP
3.8124

ბევრს არ აღსოვს, რომ საქართველოს ტერიტორიების 20% უკვე 12 წელია ოკუპირებულია, ამის შესახებ ევროპაში აშშ-ის შეიარაღებული ძალების ყოფილმა მთავარსარდალმა, გენერალმა ბენ ჰოჯესმა გამოცემა LB.UA-სთვის მიცემულ ინტევიუში განაცხადა.

 

მან, ასევე განაცხადა, რომ უკრაინამ უფრო აქტიურად უნდა იმუშავოს სადაზვერვო ინფორმაციის გაცვლაზე საქართველოსთან, რუმინეთან, მოლდოვასა და სხვა მეზობელ ქვეყნებთან

 

,,ბევრს არარ ასოვს, რომ საქართველოს ტერიტორიების 20% უკვე 12 წელია ოკუპირებულია. დნესტრისპირეთი ამდრომდე რუსეთის სრული კონტროლის ქვეშაა. რაც არ უნდა მოიმოქმედოს რუსეთმა უკრაინის, მოლოვისა და რუმინეთის წინააღმდეგ, ამაში დნესტრისპირეთში განლაგებული სამხედრო ძალები იქნება გამოყენებული“ -აცხადებს ბენ ჯონსი

 

მისივე თქმით, სექტემბერში, ამერიკაში წინასაარჩევნო კამპანია პიკს მიაღწევს და ამ რეგიონის შესახებ გავრცელებული ნებისმიერი ინფორმაციას ბევრი არადამაჯერებლად მიიჩნევს, ისევე როორც ეს 2008 წელის აგვისტოში მოხდა, მაშინაც აშშ-ში საპრეზიდენტო კამპანია მიმდინარეობდა.

 

ასევე ამერიკელი გენერალი აღნიშნავს, რომ არსებობს არაერთი იდიელური პირობა იმისათვის, რათა კრემლმა ჩათვალოს, რომ უკრაინის წინააღმდეგ ჩატარებულ იერიშზე დასავლეთი და აშშ სათანადო პასუხს ვერ გასცემს

 

,,უკრაინის სამხრეთში, განსაკუთრებით ხერსონის ოლქში მიმდინარეობს მასშტაბური საინფორმაციო კამპოანია, რომლის დროსაც პრორუსული ძალები ჰუმანიტარულ კრიზისზე საუბრობენ და ადგილობრივ მოსახლეობაში უკრანის მთავრობისადმი უნდობლობის გაჩენას ცდილობენ. ამ კამოანიის კიდევ ერთი ნაწილია სამხედრო სწავლება ,,კავკასია 2020“. ეს სწავლებები რუსეთმა შესაძლოა ყურადღების გადასატანად გამოიყენოს. სწავლებების დროს მათ დაქვემდებარებაში იქნება სამედიცინო ტრანსპორტი, მანერვირების შესაძლებლობები, შეიარაღებულუი ძალების მართვის ცენტრი, ამასთან ერთად, ევროპასა და აშშ-ს ამ დროს უკრაინისთვის არ ეცლება. 2020 წლის სექტემბერში აშშ-ში წინასაარჩევნო კამპანია პიკს მიაღწევს და ამ რეგიონის შესახებ გავცელებულ ნებისმიერ ინფორმაციას ბევრი არადამაჯერებლად მიიჩნევს, ისევე როგორც ეს 2008 წლის აგვისტოში მოხდა, მაშინაც აშშ-ში საპრეზიდენტო კამპანია მიმდინარეობდა. ას მსურს ტერმინ ,,იდეალური შტორმის“ გამოყენება, მაგრამ არსებობს არაერთი იდიალური პირობა იმისათვის, რათა კრემლმა ჩათვალოს, რომ უკრაინის წინააღმდეგ ჩატარებულ იერიშზე დასავლეთი და აშშ სათანადო პასუხს ვერ გასცემს“ - განაცხადა ამერიკელმა გენერალმა

ჩვენ უკვე ვლაპარაკობთ კონკრეტულ სახელმწიფოებთან იმისთვის, რომ პირდაპირი ფრენები აღდგეს. ამას სჭირდება გონივრული მიდგომა. ჩვენ უნდა ვიზრუნოთ როგორც ჩვენი მოქალაქეების, ისე - ჩვენი სტუმრების ჯანმრთელობაზე, - განაცხადა საქართველოს პრემიერ-მინისტრმა, გიორგი გახარიამ საერთაშორისო ფრენების აღდგენასა და ევროკავშირის ქვეყნების მიერ საქართველოსთვის საზღვრების გახსნის შესახებ საუბრისას.

 

„ევროკავშირმა მიიღო გადაწყვეტილება და თქვა, რომ თავის წევრ ქვეყნებს აძლევს რეკომენდაციას, საქართველოსა და 14 სხვა ქვეყანასთან, შეუძლიათ, გახსნან საზღვრები. ეს იყო რეკომენდაცია. აქ მთავარი არის ის, რომ ევროკავშირის დონეზე, საქართველოს მიღწევები, ვირუსის კონტროლის თვალსაზრისით, იყო აღიარებული და გასცა რეკომენდაცია, რომ საქართველოსთვის საზღვრების გახსნა რისკის შემცველი არ იქნებოდა. მშვენიერი. ეს პირველი მიღწევაა. ამის შემდეგ, რა თქმა უნდა, ევროკავშირის წევრმა ყველა სახელმწიფომ, თავისი შიდა ეპიდემიოლოგიური მდგომარეობიდან გამომდინარე, მიიღო სხვადასხვა გადაწყვეტილება. ზოგმა საზღვარი გაგვიხსნა უპირობოდ, ზოგმა - გარკვეული პირობებით და ეს პროცესი დღესაც გრძელდება. რა თქმა უნდა, ჩვენი პასუხი იქნება აბსოლუტურად ადეკვატური და გონივრული, რომ ეს მიღწევა, რომელიც ჩვენ დღეს გვაქვს, პირველი - არ უნდა დავკარგოთ და არ უნდა გადავდგათ ისეთი ნაბიჯები, რომლებიც ქვეყანაში შექმნის ვირუსის უკონტროლო გავრცელების მინიმალურ რისკსაც. ჩემი, როგორც მთავრობის ხელმძღვანელის, პირველი მოვალეობაა, ვიზრუნო ჩვენი მოქალაქეების ჯანმრთელობაზე. ის აღიარება, რომელიც ჩვენ მივიღეთ, რა თქმა უნდა, გონივრულად უნდა გადავთარგმნოთ რეალურ ეკონომიკურ მიღწევებში“, - განაცხადა გიორგი გახარიამ.

ამერიკელი სენატორები და კონგრესმენები საქართველოში ამერიკული კომპანიებისა და ბიზნესის შევიწროების გამო სახელმწიფო მდივანს, მაიკ პომპეოსა და ფინანსთა მინისტრს, სტივენ მნუჩინს წერილით მიმართავენ.

 

წერილის ავტორები არიან სენატორები ტედ კრუზი და ჯონ კორნინი, ასევე, კონგრესმენები ჯოდი არინგტონი და მარკვეინ მალინი.

 

,,ძვირფასო მდივნებო, პომპეო და მნუჩინ

 

გწერთ, რომ შეშფოთება გამოვხატოთ საქართველოში მმართველობის მოშლასა და პოტენციურად უკანონო ეკონომიკურ აქტივობებთან დაკავშირებით. კონკრეტულად კი გვაწუხებს საქართველოს კავშირები ამერიკის მტრებთან, რაც ჩვენს ბიზნეს და სტრატეგიულ ინტერესებს ეწინააღმდეგება.

 

გასული წლის განმავლობაში პირდაპირი უცხოური ინვესტიციები საქართველოში დაახლოებით 50%-ით შემცირდა, ხოლო გადასახადები და ბიუროკრატიული ბარიერები დასავლური ბიზნესებისთვის გაიზარდა.

 

ამან ამერიკულ კომპანიებს ოპერირება გაურთულა და ხელი შეუშალა ქართულ-ამერიკული ურთიერთობების გაღრმავებას. Frontera Resources ტეხასური კომპანიაა, რომელიც საქართველოს ნავთობისა და გაზის სექტორში უმსხვილესი ამერიკული ინვესტორია. მათ $500 მილიონზე მეტი აქვთ ინვესტირებული ნავთობისა და გაზის რესურსების აღმოსაჩენად. ცოტა ხნის წინ კი Frontera რეგულაციებისა და შეზღუდვების წინაშე აღმოჩნდა, მას საქართველოს მთავრობა პოტენციურად ქვეყნიდან გაძევებით ემუქრება.

 

2019 წელს კიდევ ერთი ამერიკული კომპანია, Conti Group ამავე პრობლემას წააწყდა ანაკლიის პორტთან დაკავშირებით, რამაც პროექტის შეფერხება გამოიწვია. ეს შეფერხებები და გართულებები პირდაპირ არის დაკავშირებული გეოპოლიტიკურ ინტერესებთან.

 

Frontera-ს საქმიანობა მიმართული იყო იმისკენ, რომ საქართველო ენერგოდამოუკიდებელი გამხდარიყო, ანაკლიის პორტი კი საქართველოს რუსეთზე დამოკიდებულებას შეამცირებდა.

 

მოკლედ რომ გითხრათ, კანონიერ ბიზნესს გაძევებისკენ უბიძგეს, მისი ადგილი კი უკანონო ვაჭრობამ დაიკავა.

 

ქართული ბიზნესები და ფინანსური სისტემა, უკვე წლებია (2013 წლიდან), გვერდს უვლის ამერიკულ სანქციებს ირანთან დაკავშირებით. ცოტა ხნის წინ ბათუმის პორტი კიდევ ერთხელ იქნა შემჩნეული ირანთან დაკავშირებულ უკანონო ვაჭრობაში.

 

ჩვენ ვაცხადებთ, რომ:

 

• საქართველოს ამჟამინდელი ხელისუფლება ქართული ოცნების სახით გარეულია ამერიკული ბიზნესების გაძევებაში, რომლებიც საქართველოს ეკონომიკასა და მომავალში ინვესტიციას დებენ;

 

• მსგავსი აქტივობები მოტივირებულია გეოპოლიტიკური მიზნებით და ბიძინა ივანიშვილის სავარაუდო კავშირებზე მიუთითებს რუსეთის მთავრობასთან;

 

• პორტის პროექტიდან ამერიკული კომპანიების გაძევება მიზნად ისახავს, რომ არ შემცირდეს რუსეთის გავლენა საქართველოში მიმდინარე პროცესებზე;

 

• არსებობს ხარვეზები ამერიკული სანქციების აღსრულებასთან დაკავშირებით, კონკრეტულად კი, პორტების კონტექსტში.

 

საქართველო ჩვენი სტრატეგიული პარტნიორია კავკასიაში და ნატოს მნიშვნელოვანი მოკავშირე. სამხედრო კუთხით, ქართველები გვეხმარებიან ავღანეთის მისიაში. გეოგრაფიულად ქვეყანა კრიტიკულად მნიშვნელოვან წერტილზეა განლაგებული კასპიის ზღვიდან აღმოსავლეთ ევროპისკენ ვაჭრობის კუთხით. ქართულ-ამერიკული ურთიერთობები უმნიშვნელოვანესია ამერიკისათვის, რაც საპასუხოდ საქართველოს თანამშრომლობას ავალდებულებს.

 

მსგავსი გადახლართული სტრატეგიული და ბიზნეს ინტერესები ფედერალური მთავრობისაგან პასუხს საჭიროებს და, როგორც ყოველთვის, ჩვენ მზად ვართ, რომ მოგაწოდოთ საჭირო რესურსები, რათა ამერიკის ეროვნული უსაფრთხოება დაცული იყოს.

 

წერილს ხელს აწერენ სენატორები ტედ კრუზი და ჯონ კორნინი და კონგრესმენები ჯოდი სი არინგტონი და მარკვეინ მალინი.

 

 

ნატოსა და ევროკავშირის შესახებ საინფორმაციო ცენტრში „ევროპის დღეები 2020“- ის შემაჯამება და პანელური დისკუსია გაიმართა. ციფრულ ფორმატში საქართველოს საგარეო საქმეთა მინისტრის პირველმა მოადგილემ ვახტანგ მახარობლიშვილმა, საქართველოში ევროკავშირის ელჩმა კარლ ჰარცელმა და საქართველოს პარლამენტის ევროპასთან ინტეგრაციის კომიტეტის თავმჯდომარემ დავით სონღულაშვილმა 2020 წლის ევროპის დღეები შეაჯამეს და ასოცირების შეთანხმების 6 წლის შედეგები შეაფასეს.

 

„მადლიერება მინდა გამოვხატო თამარ წულეისკირისა და ევროკავშირი/ნატოს საინფორმაციო ცენტრის მიმართ, ასოცირების შესახებ შეთანხმების გაფორმებიდან 6 წლის იუბილის აღსანიშნავად გამართული დისკუსიისთვის. ძალიან მოხარული ვარ, რომ მქონდა შესაძლებლობა დავსწრებოდი ამ მნიშვნელოვანი შეთანხმებისადმი მიძღვნილ პანელს ერთ-ერთი თანამონაწილის რანგში.

 

გარდა საუბრისა იმის შესახებ, თუ სად ვართ ახლა და რა მიმართულებით მიდის ჩვენი თანამშრომლობა, ჩვენ ასევე გვქონდა საშუალება გაგვეცვალა ინფორმაცია მიმდინარე სიტუაციისა და საქართველო-ევროკავშირის ერთობლივი საქმიანობის შესახებ ჯანდაცვისა და საციალურ-ეკონომიკურ სფეროებში, რომელიც გამომდინარეობს COVID-19-ის მიერ შექმნილი ვითარებიდან.

 

ჩემთვის ნათელია, რომ საქართველო-ევროკავშირის თანამშრომლობა ნამდვილად უნიკალურია და ასოცირების შესახებ შეთანხმება ამ უნიკალური პარტნიორობის საყრდენს წარმოადგენს. ჩვენ მუდმივად გვაქვს დისკუსიები იმასთან დაკავშირებით, თუ რა უნდა გაკეთდეს სამომავლოდ, და კიდევ ერთხელ, ძალიან მოხარული ვარ, რომ ვიღებდი მონაწილეობას ამ მნიშვნელოვან ღონისძიებაში“, - განაცხადა ჰარცელმა.

ამერიკელი კონგრესმენი, მარკუეინ მალინი ბიძინა ივანიშვილის შესახებ წერილს აქვეყნებს, სადაც მას "პუტინის მოკავშირეს" უწოდებს. კონგრესმენის ბლოგი გამოცემა The Hill-ზე გამოქვეყნდა.

 

წერილში საუბარია ბიძინა ივანიშვილის წარსულზე, რუსეთში დაგროვებულ ქონებასა და "პუტინთან მოკავშირეობაზე".

 

"ვლადიმერ პუტინი და მისი გავლენა დემოკრატიისთვის მთავარ საფრთხედ რჩება არა მხოლოდ აშშ-სთვის, არამედ დანარჩენი მსოფლიოსთვისაც. საქართველოში არსებული სიტუაციით ჩანს იმათზე გავლენა, ვინც თავისუფლებისთვის იბრძვის.

 

საქართველოს აკონტროლებს რუსეთში განათლებამიღებული ოლიგარქი, ბიძინა ივანიშვილი, რომელმაც მილიარდიანი ქონება დააგროვა საბჭოთა კავშირის დაშლის შემდეგ მიტოვებულ, კორუფციულ რუსულ ინდუსტრიაში.

 

იგი 2012 წლიდან მმართველ პარტიას კოალიცია ქართულ ოცნებას უძღვება რუსული და უკრაინული მეთოდებით, რათა ჩაშალოს დემოკრატიული პროგრესი. [...] ივანიშვილის ძალაუფლების კონსოლიდაცია მხოლოდ საქართველოს მთავრობით არ შემოიფარგლება. პუტინის მოკავშირე აქტიურად მუშაობს ქვეყანაში კანონიერად მომუშავე ამერიკული ბიზნესის განსადევნად", — წერს კონგრესმენი და ამ კონტექსტში მაგალითად მათ შორის, ფრონტერას საქმე მოჰყავს.

 

მის ბლოგში საუბარია იმაზეც, რომ 8 მარტის შეთანხმების ბოლომდე შესრულება კითხვის ნიშნის ქვეშ დგას. მისი თქმით, შეთანხმება პოლიტპატიმრების გათავისუფლებასაც ითვალისწინებდა:

 

"8 მარტს ქართულ ოცნებასა და ოპოზიციურ პარტიებს შორის შეთანხმება შედგა, რაც საარჩევნო რეფორმასა და სასამართლო სისტემაში პოლიტიკურ ჩაურევლობას მოიცავდა, მათ შორის, პოლიტპატიმრების გათავისუფლებასაც. მიუხედავად ამისა, შეთანხმების შესრულება ჯერ კიდევ კითხვის ნიშნის ქვეშ დგას".

 

კონგრესმენის თქმით, ქართველ ხალხს ნამდვილი დემოკრატია სურს და აშშ გააგრძელებს ამ მხრივ მხარდაჭერას:

 

"მსოფლიო ამერიკის შეერთებულ შტატებს უყურებს, როგორც მაგალითს და თუკი ჩვენ არ გავცემთ პასუხს რუსეთს, მაშინ სხვა ვინ უნდა გააკეთოს ეს?

 

ქართველ ხალხს სურს აყვავებული ეკონომიკა და ნამდვილი დემოკრატია. ყველა ქართველს აქვს ამის უფლება. ჩვენთვის, როგორც ამერიკელებისთვის, ეს ეროვნული უსაფრთხოების ინტერესში შედის, რათა მხარი დავუჭიროთ [საქართველოს] ამ ძალისხმევას, რუსული გავლენების თავიდან ასარიდებლად. ჩვენ ქართველ ხალხს მხარში უნდა დავუდგეთ, თავისუფლებისთვის ბრძოლაში". -  წერს მალინი

საქართველოს საგარეო საქმეთა სამინისტრო სოციალურ ქსელ TikTok-ზე ქვეყნის ოკუპირებული რეგიონების დამოუკიდებელ ერთეულებად მოხსენიებასთან დაკავშირებით განცხადებას ავრცელებს. უწყებაში აღნიშნავენ, რომ სამინისტროს მთავარი პრიორიტეტი ქვეყნის სუვერენიტეტის და ტერიტორიული მთლიანობის დაცვაა, ამიტომ TikTok-თან ხარვეზის გამოსწორებაზე აქტიურად მუშაობენ.

 

„საგარეო საქმეთა სამინისტრო ყოველთვის რეაგირებს ცალკეული სუბიექტების/ორგანიზაციების მხრიდან საქართველოს ოკუპირებული რეგიონების დამოუკიდებელ ერთეულებად მოხსენიების ფაქტებზე. არაერთი მაგალითი არსებობს, როდესაც საგარეო უწყების მუშაობის შედეგად, სხვადასხვა საიტზე ოკუპირებულ ტერიტორიებთან მიმართებით გამოყენებული არასწორი დეფინიცია შეიცვალა. ჩვენ ვმუშაობთ სოციალურ ქსელ TikTok-ის საკითხზე, როგორც სხვა წინა შემთხვევებში, აღნიშნულ საიტზე არსებული ხარვეზის გასწორების მიზნით“, - აღნიშნულია საგარეო უწყების განცხადებაში.

 

ვლადიმერ კონსტანტინიდის განცხადებით, შედგა კომუნიკაცია ჩინეთის მხარესთან, საქართველოს ელჩმა გამართა ჩინეთში შეხვედრები და ასევე გამოიკვეთა, რომ ეს უზუსტობა მხოლოდ ინგლისურენოვან ვერსიაში ფიქსირდება.

კონგრესში წარმომადგენლობითი პალატის წევრმა, პიტ ოლსონმა ტვიტერზე კონგრესმენი მარკვეინ მალინის წერილი გააზიარა, რომელიც ქართული ოცნების თავმჯდომარე ბიძინა ივანიშვილს ეხებოდა.

 

"საქართველოში დემოკრატიის მხარდაჭერის კარგი გზავნილია", — დაწერა კონგრესმენმა პიტ ოლსონმა.

 

 

ამერიკის შეერთებული შტატების სენატის საგარეო კომიტეტის თავმჯდომარემ, ჯიმ რიშმა 2021 საბიუჯეტო წლის თავდაცვის ბიუჯეტში, ეროვნული თავდაცვის აქტში შესატანი ცვლილება მოამზადა, რომელიც საქართველოს დემოკრატიას, საარჩევნო და სასამართლო რეფორმას ეხება.

 

ტექსტში საუბარია იმაზე, რომ სენატი ხელახლა ადასტურებს სურვილს აშშ-სა და საქართველოს შორის თანამშრომლობის გაგრძელებასთან დაკავშირებით, "თუ საქართველოს მთავრობა კვლავ გამოავლენს ამ რეფორმების გატარების გულწრფელ სურვილს".

 

ტექსტში, ასევე  საუბარია ბრალდებულ გიორგი რურუაზეც, რომლის გათავისუფლებასაც ოპოზიცია ითხოვს.

 

რიშის დოკუმენტში წერია, რომ 8 მარტის შეთანხმების მიუხედავად, რურუა კვლავ დაკავებულია.

 

"საქართველოში არსებული ოპოზიციური პარტიების განცხადებით, ყველა პოლიტიკური პატიმრის - მათ შორის, ბატონი რურუას - გათავისუფლება წარმოადგენს წინაპირობას იმისთვის, რომ მხარი დაუჭირონ საარჩევნო კანონის შეთანხმებულ ცვლილებებს.

 

საარჩევნო სისტემაში შეთანხმებული ცვლილებები კვლავ არასრულია, იმის მიუხედავად, რომ საპარლამენტო არჩევნები 2020 წლის ოქტომბრის ბოლოსაა დანიშნული", - წერია რიშის მიერ მომზადებულ დოკუმენტში.

 

რა წერია ცვლილების დოკუმენტის დასკვნაში?

 

ცვლილებების დოკუმენტში საუბარია საქართველოს დამოუკიდებლობის ისტორიაზე და ამერიკის შეერთებული შტატების მხარდაჭერაზე. ამის შემდეგ კი აღნიშნულია, რომ სენატი ხელახლა ადასტურებს თანამშრომლობის სურვილს იმ შემთხვევაში, თუ საქართველოს მთავრობა კვლავ გამოავლენს ამ რეფორმების გატარების გულწრფელ სურვილს. სენატი მოუწოდებს მთავრობას, არჩეულ თანამდებობის პირებს, პოლიტიკურ ლიდერებს საქართველოში, უარი თქვან ძალაუფლების მოპოვების ცდუნებაზე. კერძოდ, დოკუმენტში ვკითხულობთ:

 

1.  სენატი მიესალმება იმ წინსვლას, რომელსაც საქართველომ საბჭოთა კავშირისგან დამოუკიდებლობის მოპოვებიდან მოყოლებული მიაღწია მმართველობის, ეკონომიკური რეფორმების და კორუფციის აღმოფხვრის კუთხით;

 

2.  ხელახლა ადასტურებს სურვილს აშშ-სა და საქართველოს შორის თანამშრომლობის გაგრძელებასთან დაკავშირებით, რათა გაუმჯობესდეს ეს წინსვლა, მათ შორის საქართველოს დამოუკიდებლობისა და ტერიტორიული მთლიანობის დაცვის კუთხით;

 

3.  სენატი მიესალმება იმ ნაბიჯებს, რაც საქართველომ გადადგა მმართველობით სფეროში, ეკონომიკურ რეფორმებსა და კორუფციის წინააღმდეგ ბრძოლაში, მას შემდეგ, რაც საბჭოთა კავშირი დაინგრა;

 

4.  სენატი ხელახლა ადასტურებს სურვილს აშშ-სა და საქართველოს შორის თანამშრომლობის გაგრძელებასთან დაკავშირებით, რათა გაუმჯობესდეს ეს წინსვლა, მათ შორის, საქართველოს დამოუკიდებლობისა და ტერიტორიული მთლიანობის დაცვის კუთხით, იმ შემთხვევაში, თუ საქართველოს მთავრობა კვლავ გამოავლენს ამ რეფორმების გატარების გულწრფელ სურვილს;

 

5.  სენატი მოუწოდებს მთავრობას, არჩეულ თანამდებობის პირებს, პოლიტიკურ ლიდერებს საქართველოში, უარი თქვან ძალაუფლების მოპოვების ცდუნებაზე; სენატი მოუწოდებს საქართველოს მთავრობას, გააძლიეროს ქვეყნის დემოკრატია სასამართლოს დამოუკიდებლობის ხარისხის გაუმჯობესებით, რაც გამოიხატება სამივე ინსტანციაში მოსამართლეთა დანიშვნის გამჭვირვალე გზებით, ასევე, დასრულდეს იმ მოსამართლეების დანიშვნის პრაქტიკა, რომლებიც არასამართლიანად არიან მმართველი პარტიის გავლენის ქვეშ ან არიან მათდამი ლოიალურები;

 

6.  სენატი ამტკიცებს, რომ საარჩევნო და სასამართლო რეფორმების წარმატების იმპლემენტაცია კრიტიკულად მნიშვნელოვანია, რათა საქართველოს მთავრობამ ნდობა აღიდგინოს და გააგრძელოს დემოკრატიული განვითარება და შემდგომი ინტეგრაცია დასავლეთთან;

 

7.  სენატი მოუწოდებს საქართველოს მთავრობას, გაატაროს ისეთი პოლიტიკა, რაც გააძლიერებს საქართველოს დემოკრატიული პროცესების სულისკვეთებასა და შემდგომ გაამყარებს ევრო-ატლანტიკურ გზას;

 

8.  ვაღიარებთ მოახლოებული არჩევნების მნიშვნელობას და მოვუწოდებთ მთავრობას, უზრუნველყონ თავისუფალი, სამართლიანი, მშვიდობიანი არჩევნები, რაც 2020 წლის 8 მარტის შეთანხმების თანახმად ჩატარდება.

 

რიშის მიერ მომზადებულ დოკუმენტში, ასევე საუბარია გასული წლის 20 ივნისის მოვლენებზე, აქციის დაშლასა და პოლიტიკოსების დაკავებაზე;

 

"გავრილოვის ქმედებაზე და ქართულ პოლიტიკაში რუსეთის მზარდ ჩარევაზე საპასუხოდ, ათი ათასობით ქართველი პროტესტის მიზნით ქუჩაში გამოვიდა. ისინი, მათ შორის, დგამდნენ ბარიკადებს და ცდილობდნენ პარლამენტის შენობაში ძალადობრივად შესვლას.

 

ქართულმა სპეცდანიშნულების პოლიციამ ძალადობრივად ჩაახშო პროტესტი, მათ შორის გამოიყენა წყლის ჭავლი, რამაც რამდენიმე ადამიანის მძიმედ დაშავება გამოიწვია და რამდენიმე ათასი ადამიანი დააკავეს.

 

2019 წლის 25 ივლისს საქართველოს ყოფილი თავდაცვის მინისტრი და ოპოზიციის ლიდერი, ირაკლი ოქრუაშვილი დააკავეს 2019 წლის ივნისის პროტესტისას მთავრობის წინააღმდეგ ძალადობის წაქეზების ბრალდებით და ბრალად მიესაჯა 5-წლიანი პატიმრობა.

 

2019 წლის 18 ნოემბერს გიორგი რურუა, ბიზნესმენი და ტელევიზია მთავარი არხის დამფუძნებელი იარაღის უკანონოდ ფლობისთვის დააკავეს.

 

2002 წლის 10 თებერვალს გიორგი (გიგი) უგულავას, თბილისის ყოფილ მერსა და ოპოზიციის ლიდერს დამატებით 38-თვიანი პატიმრობა შეუფარდეს იმის მიუხედავად, რომ თბილისის მერობის პერიოდში თანხის გაფლანგვის გამო ის 16 თვე ციხეში ბრალს იხდიდა.

 

დამოუკიდებელი დამკვირვებლები და ქართული პოლიტიკური ოპოზიცია აცხადებს, რომ ეს დაკავებები პოლიტიკურად მოტივირებული იყო.

 

2020 წლის 8 მარტს აშშ-ს ევროკავშირის და გერმანიის საელჩოებმა, ევროპის საბჭოს წარმომადგენლობამ საქართველოში დახმარება გაუწია რამდენიმე პოლიტიკურ პარტიას, შეთანხმებას მიეღწიათ და პოლიტიკური ჩიხიდან გამოსულიყვნენ, ასევე, საარჩევნო რეფორმებთან დაკავშირებით ეუთოს რეკომენდაციები შეესრულებინათ და ქართული დემოკრატიისთვის ხელი შეეწყოთ".

 

დოკუმენტი იწყება ისტორიული ფაქტების გახსენებით, რომ საბჭოთა კავშირისგან დამოუკიდებლობის მოპოვების დღიდან აშშ მტკიცედ უჭერს მხარს საქართველოს ევროატლანტიკურ მისწრაფებას:

 

"კომუნისტური დიქტატურისგან გათავისუფლებიდან საქართველომ დიდი ნაბიჯები გადადგა დემოკრატიული მმართველობისკენ, თავისუფალი ბაზრისკენ, ეკონომიკური რეფორმებისა და კანონის უზენაესობისკენ.

 

1992 წლიდან აშშ-მ საქართველო სულ მცირე 4 200 000 00 დოლარით უზრუნველყო, მათ შორის 732 000 000 თავდაცვის სფეროში".

 

სენატორ ჯიმ რიშის ეს დოკუმენტი ამ დროისთვის ძალაში შესული არ არის, თუმცა ინიცირებულია და საჭიროებს სენატის მხარდაჭერას.

კვიპროსის პრეზიდენტმა, ნიკოს ანასტასიადისმა ევროპული საბჭოს პრეზიდენტს, შარლ მიშელსა და ევროკომისიის პრეზიდენტს, ურსულა ფონ დერ ლაიენს წერილით მიმართა და მათ საქართველოს გვერდში დგომისა და აღმოსავლეთ პარტნიორობის ქვეყნებისთვის ევროკავშირის მხარდაჭერის გაძლიერებისკენ მოუწოდა.

 

ეს გადაწყვეტილება კვიპროსის პრეზიდენტმა გასულ კვირას სალომე ზურაბიშვილთან საუბრის შემდეგ მიიღო და ამის შესახებ ნიკოს ანასტასიადესმა დღეს წერილით თავად აცნობა საქართველოს პრეზიდენტს.

 

„მიუხედავად იმისა, რომ საქართველოს ყველაზე მყისიერი საჭიროებებისთვის ევროკავშირმა მნიშვნელოვანი ფინანსური დახმარება უკვე გამოყო, სევე, საქართველოში ვირუსის გავრცელებით გამოწვეული შედეგების შემსუბუქების მიზნით, შესაძლებელი გახდა უკვე არსებული დახმარების ინსტრუმენტების სხვა დანიშნულებით მიმართვა, ევროკომისიის მიერ ევროპული სამეზობლო ინსტრუმენტის (ENI) კომიტეტისათვის წარსადგენად მომზადებულ შეთავაზებაზე დამატებით, ჩემი წერილის ადრესატებს ჩვენი უახლოესი მეზობლებისთვის, როგორიც არის საქართველო, მეტი შეთავაზებების გაკეთებისა და დადგენილი სექტორული შეზღუდვების შემსუბუქებისაკენ მოვუწოდე. მე ასევე ხაზი გავუსვი ამ მნიშვნელოვანი საკითხების განსახილველად ევროკავშირსა და აღმოსავლეთ პარტნიორობის ქვეყნებს შორის სამიტის მოწვევის მნიშვნელობას, თუნდაც ვიდეოკონფერენციის ფორმატით“, - აღნიშნულია ნიკოს ანასტასიადისის წერილში.

მაშინ, როცა მსოფლიოში უსაფრთხოების ვაკუუმები მეტ მნიშვნელობას იძენს, შავი ზღვის რეგიონი ძალაუფლებაზე კონკურენციის ცენტრალურ პლატფორმად იქცა - ეს ის ტენდენციაა, რომლის ინტენსივობაც მხოლოდ მოიმატებს. სტრატეგიული პარტნიორობა მნიშვნელოვან როლს ასრულებს შავ ზღვაზე კონკურენციის მხრივ. შავი ზღვის ქვეყნებს შორის საერთო საფრთხის არარსებობის პირობებში, ორმხრივი და მრავალმხრივი ალიანსების შექმნა აუცილებელი ხდება. სტრატეგიული პარტნიორობა შეერთებულ შტატებთან განსაკუთრებით მნიშვნელოვანია ამ რეგიონისთვის. თუმცა, რადგანაც აშშ უფრო და უფრო მეტ ყურადღებას უთმობს საშინაო დღის წესრიგს, შავი ზღვის ქვეყნები იძულებულნი არიან, ერთმანეთთან შექმნან ალიანსები. სამწუხაროდ, რეგიონალური პარტნიორობა არც თუ ისე წარმატებული იყო რეგიონალური უსაფრთხოების დამყარებაში, - გამოცემა EMERGING EUROPE სტატიას სახელწოდებით „სტრატეგიული პარტნიორობა და კონკურენცია დიდ ძალაუფლებაზე შავ ზღვაში“ აქვეყნებს.

 

სტატიის თანახმად, აშშ-თან სტრატეგიული პარტნიორობა სასიცოცხლო მნიშვნელობისაა იმ ქვეეყნებისთვის, რომლებიც დასავლეთის უსაფრთხოების გარანტიებზე არიან დამოკიდებული და რომლებიც გაზრდილ საფრთხეს გრძნობენ რუსეთის მხრიდან.

 

ავტორის თქმით, აშშ-თან ორმხრივი ალიანსები ჯერჯერობით არასაკმარისი გამოდგა შავი ზღვის უსაფრთხოების გაზრდისთვის - რუსეთის მიერ 2008 წელს საქართველოში შემოჭრა, 2014 წელს ყირიმის ანექსია და 2018 წელს აზოვის ზღვის ბლოკადა იმაზე მიანიშნებს, რომ რეგიონი ისეთივე დაუცველია, როგორც ეს იყო ცივი ომის ბოლოს.

 

შავი ზღვის უსაფრთხოების გარეშე, ზღვისპირა ქვეყნებმა უნდა შეიმუშაონ საკუთარი რეგიონალური უსაფრთხოებისა და თანამშრომლობის ჩარჩოები. რეგიონალური ალიანსები და ორმხრივი სტრატეგიული პარტნიორობა შავ ზღვაში აგებულია კომპლექსური არქიტექტურის საფუძველზე, რომელიც მოიცავს შეზღუდული რესურსებით რეგიონის დაცვის უამრავ მცდელობას. შავი ზღვის ქვეყნებს შორის ოფიციალური თანამშრომლობა მრავალმხრივ და რეგიონულ დონეზე არსებობს, მაგრამ ეს მეტწილად არააქტიურია. შავი ზღვის ეკონომიკური თანამშრომლობის ორგანიზაცია (BSEC), რომლის სათაო ოფისი სტამბოლში მდებარეობს, თავს უყრის შავი ზღვის გაფართოებული რეგიონის ყველა ქვეყანას.

 

შეხვედრები ხუთ წელიწადში ერთხელ ტარდება, ბოლო სამიტი კი 2017 წელს გაიმართა. BSEC მოიცავს მხოლოდ ეკონომიკურ თანამშრომლობას, და არა უსაფრთხოებისა და ენერგეტიკის მიმართულებით. 2012 წელს რუმინეთმა დაიწყო სამმხრივი ფორმატი პოლონეთთან და თურქეთთან, მაგრამ ჩართულობა შემოიფარგლა ყოველწლიური შეხვედრებით, შავი ზღვის უსაფრთხოებაზე რეალური გავლენის მოხდენის გარეშე. რუმინეთმა ასევე შეიმუშავა სტრატეგიული ორმხრივი პარტნიორობა პოლონეთთან აღმოსავლეთ ფლანგზე და თურქეთთან და აზერბაიჯანთან შავ ზღვაში.

 

რუმინეთის ურთიერთობები თურქეთთან და აზერბაიჯანთან ორიენტირებულია ეკონომიკურ განვითარებასა და ენერგეტიკულ უსაფრთხოებაზე (რუმინეთი არის შავი ზღვის ენერგიის დივერსიფიკაციის ძლიერი დამცველი). თურქეთთან თავდაცვის მიმართულებით თანამშრომლობა ნატოს ფარგლებში ხდება და საერთოდ არ არის დღის წესრიგში აზერბაიჯანთან.

 

იმავდროულად, მიუხედავად უკრაინისა და საქართველოს დასავლური ინტეგრაციისადმი მხურვალე მხარდაჭერისა, რუმინეთსა და ამ ორ ქვეყანას შორის სტრატეგიული ორმხრივი თანამშრომლობა არ არსებობს. უკრაინულ-ქართული უმაღლესი სტრატეგიული საბჭო, ახალი სტრატეგიული პარტნიორობა, რომლის ფარგელბშიც უკრაინამ და საქართველომ პირობა დადეს, რომ კოორდინირებას გასწევენ ევროატლანტიკური ინტეგრაციის საკითხებში, შავ ზღვაში თანამშრომლობის ახალი ინიციატივების იმედს იძლევა.

 

გასარკვევი რჩება, თუ რამდენად შეუძლია ამ ორმხრივ ფორმატს ხელი შეუწყოს დიდ ძალაუფლებაზე კონკურენციის დაბალანსებას და გაზარდოს უკრაინისა და საქართველოს უსაფრთხოება.

 

საქართველომ ასევე წამოაყენა სტრატეგიული თანამშრომლობა რუმინეთთან, 2019 წელს. (საქართველო არის აზერბაიჯანულ-თურქულ-ქართული სამმხრივი თანამშრომლობის ერთადერთი წევრი, რომელსაც არ აქვს რუმინეთთან სტრატეგიული ურთიერთობა).

 

ორმხრივ და სამმხრივ სტრატეგიულ პარტნიორობას, რა თქმა უნდა, შეუძლია რეალური მნიშვნელობა შემატოს თავდაცვის, ენერგეტიკისა და რბილი უსაფრთხოების მიმართულებით თანამშრომლობისთვის. მაგალითად, რუმინეთსა და აშშ-ს შორის ოცწლიანმა სტრატეგიულმა პარტნიორობამ შესაძლებელი გახადა დასავლეთის სამხედროს არსებობა შავ ზღვაზე. ეს გამოიხატება საჰაერო ძალების ბაზის არსებობით, რომელიც გადამწყვეტია ავღანეთში ოპერაციებისთვის და ბალისტიკური სარაკეტო თავდაცვის ბაზის არსებობით, რომელიც ევროპას ირანის მხრიდან თავდასხმებისგან დამცავ ქოლგას სთავაზობს”, - ნათქვამია "EMERGING EUROPE"-ის მიერ გამოქვეყნებულ სტატიაში.

 

როგორც სტატიის ავტორი აღნიშნავს, შავი ზღვის ენერგეტიკული უსაფრთხოებისთვის, მთავარია აზერბაიჯანისა და რუმინეთის ენერგორესურსები, ხოლო საქართველოში, თურქეთსა და უკრაინაში კი რეგიონალური ქსელის შესაქმნელად, სატრანზიტო და სამარაგო შესაძლებლობები უნდა განვითარდეს.

 

ამ პარტნიორობის წარმატების საფუძველზე, რუმინეთმა ასევე უზრუნველყო სტრატეგიული პარტნიორობა პოლონეთთან, თურქეთთან და აზერბაიჯანთან - სამივე მათგანი აგებულია საერთო რეგიონალური ინტერესების გარშემო. პოლონეთის შემთხვევაში, ეს არის ეკონომიკური ურთიერთკავშირი და განვითარება, რომელიც ახლა შედის აშშ-ის მიერ მხარდაჭერილ სამი ზღვის ინიციატივაში, რომელშიც პოლონეთმა და რუმინეთმა 500 მილიონი ევრო და 100 მილიონი ევრო ჩადეს.

 

თურქეთისა და აზერბაიჯანის შემთხვევაში, რუმინეთთან ორმხრივი თანამშრომლობა აგებულია ბაქოს ენერგორესურსებისა და თურქეთის მხრიდან კასპიის გაზის ევროპაში ტრანზიტის შესაძლებლობის გარეშემო, აგრეთვე საერთო ეკონომიკური ინტერესების გათვალისწინებით. თუმცა, ინიციატივები შავი ზღვის ურთიერთკავშირის გაზრდისთვის ეკონომიკური, ენერგეტიკული და უსაფრთხოების თანამშრომლობის გზით ბოლო წლებში შეჩერდა.

 

იმავდროულად, ენერგეტიკა და რეგიონალური სატრანსპორტო თანამშრომლობა უმთავრესია აზერბაიჯანი-საქართველო-თურქეთის სამმხრივი პარტნიორობისთვის. 2012 წლიდან, სამი ქვეყნის მინისტრები რეგულარულად იკრიბებოდნენ საერთო ენერგეტიკული პროექტების განსახორციელებლად, მაგალითად, ტრანს-ანატოლიური გაზსადენი, რომელიც ამჟამად ერთადერთია, რომელიც ევროპას ამარაგებს კასპიის ზღვიდან რუსეთის მიერ არაკონტროლირებადი ენერგორესურსებით და აკავშირებს რკინიგზებს. ეს სამმხრივი პარტნიორობა სავარაუდოდ გაგრძელდება, სამივე ქვეყნის მხრიდან მომავალი წლების სამოქმედო გეგმაზე ხელმოწერის საფუძველზე. შავი ზღვის უსაფრთხოების თანამშრომლობას წარმატების შერეული ისტორია აქვს. რუსეთის „დაყავი და დაიპყარი“ სტრატეგიამ ჯერჯერობით შეზღუდა უსაფრთხოების თანამშრომლობა აშშ-ს ორმხრივ და მრავალმხრივ პლატფორმებზე, მაგრამ აშშ-ის გასვლამ კიდევ უფრო შეაფერხა პროგრესი.

 

რეგიონალურ დონეზე კიდევ ბევრი რამ არის გასაკეთებელი. საქართველოსა და უკრაინას შორის მორიდებული მცდელობები იმედის მომცემია, მაგრამ უსაფრთხოების ვაკუუმის დიდი ნაწილი კვლავ შესავსებია. რუმინეთის ლიდერობა შავი ზღვის უსაფრთხოებასთან დაკავშირებით უნდა გამყარდეს საქართველოსა და უკრაინასთან სტრატეგიული პარტნიორობის მეშვეობით. შავი ზღვის ენერგეტიკული უსაფრთხოებისთვის, მთავარია აზერბაიჯანისა და რუმინეთის ენერგორესურსები, ხოლო საქართველოში, თურქეთსა და უკრაინაში სატრანზიტო და სამარაგო შესაძლებლობები უნდა განვითარდეს რეგიონალური ქსელის შესაქმნელად. გარდა ამისა, ბულგარეთის ენერგო პოლიტიკას ტრანზიტის შეთავაზება შეუძლია დივერსიფიკაციის სანაცვლოდ”, - წერს გამოცმება ,,EMERGING EUROPE“.

საქართველოში იაპონიის საელჩო ოკუპირებულ ტერიტორიებთან დაკავშირებით განცხადებას ავრცელებს.

 

მისი მიხედვით, იაპონია კვლავ ადასტურებს მის თანმიმდევრულ პოზიციას, რომ საქართველოს ოკუპირებულ ტერიტორიების - აფხაზეთისა და ცხინვალის რეგიონის საკითხი მშვიდობიანი გზით გადაიჭრას.

 

ეს კი დიპლომატიური წარმომადგენლობის შეფასებით, უნდა განხორციელდეს საქართველოს სუვერენიტეტისა და ტერიტორიული მთლიანობის პრინციპების სრული დაცვით და საერთაშორისო საზოგადოების მიერ აღიარებული სახელმწიფო საზღვრების პატივისცემით, რაც უმნიშვნელოვანესია საქართველოსა და სრულიად სამხრეთ კავკასიაში მშვიდობისა და სტაბილურობისათვის.

 

„იაპონია ეწინააღმდეგება საქართველოს საერთაშორისოდ აღიარებული საზღვრების ცვლილების ნებისმიერ მცდელობას“, - აღნიშნულია განცხადებაში.

 

საქართველოს პარლამენტის თავმჯდომარე არჩილ თალაკვაძე ევრონესტის საპარლამენტო ასამბლეის თანათავმჯდომარეს, ევროპარლამენტარ ანდრიუს კუბილიუსს წერილს უგზავნის.

 

კუბილიუსისთვის გაგზავნილ წერილში არჩილ თალაკვაძე შეშფოთებას გამოხატავს ცალკეულ სისხლის სამართლის საქმეებზე ევრონესტის საპარლამენტო ასამბლეის თანათავმჯდომარის მიერ გაკეთებულ განცხადებებთან დაკავშირებით და აღნიშნავს, რომ მისი წერილი საქართველოს მხარის მიერ აღიქმება, როგორც მოწოდება, რომ პარლამენტი და მმართველი პარტია პოლიტიკურად ჩაერიოს მართლმსაჯულებაში.

 

პარლამენტის თავმჯდომარე მის მიერ გაგზავნილ წერილში ირწმუნება, რომ ნებისმიერ სისხლის სამართლის საქმეზე გადაწყვეტილება მიიღება მხოლოდ შესაბამისი ინსტიტუტების მიერ და ასევე, ხაზს უსვამს, რომ პოლიტიკური პარტიები ვერ მართავენ საქართველოს სასამართლოებს.

 

„ძვირფასო ბატონო კუბილიუს, უპირველეს ყოვლისა, გაცნობებთ, რომ საქართველო წარმატებით უმკლავდება COVID-19 ვირუსით გამოწვეულ პანდემიას. მთავრობა, ჯანდაცვის სფეროს თანამშრომლები და წინა ხაზზე მყოფი სხვა პროფესიონალები მთელი ქვეყნის მასშტაბით გაერთიანებული არიან და მუხლჩაუხრელად შრომობენ საქართველოს მოსახლეობის დასაცავად. ჩვენ გამოვხატავთ სოლიდარობას პანდემიით დაზარალებული ერების მიმართ.

 

მადლობელი ვართ თქვენი განსაკუთრებული ინტერესისთვის საქართველოში მიმდინარე იმ პოლიტიკური მოვლენების მიმართ, რომლებიც აღნიშნულია თქვენს 2020 წლის 6 მაისის წერილში.

 

8 მარტის პოლიტიკური შეთანხმება მართლაც მნიშვნელოვანია ჯანსაღი და დინამიური პოლიტიკური გარემოს საფუძვლების კიდევ უფრო გამყარებისთვის, განსაკუთრებით მიმდინარე წელს დაგეგმილ საპარლამენტო არჩევნებამდე პერიოდის განმავლობაში. აღნიშნულ შეთანხმებას „ქართულმა ოცნებამ“ გულწრფელად მოაწერა ხელი იმ მიზნით, რომ ხელი შეეწყო თავისუფალი, სამართლიანი და კონკურენტული არჩევნებისთვის. ხელმოწერიდან მალევე, ჩვენ დავაინიცირეთ შესაბამისი საკონსტიტუციო ცვლილებები, რომლებიც ასახავდა ოპოზიციასთან შეთანხმებულ საარჩევნო მოდელს. ამას გარდა, დაინტერესებული მხარეების ფართო ჩართულობით და ეუთოს დემოკრატიული ინსტიტუტებისა და ადამიანის უფლებების ოფისის რეკომენდაციების საფუძველზე, ჩვენ მოვამზადეთ საარჩევნო კოდექსში შესატანი ცვლილებების პაკეტიც. საქართველოს პარლამენტი მას განიხილავს და მიიღებს მიმდინარე სესიის განმავლობაში. სწორედ ეს ნაბიჯები გამოხატავს ჩვენს მტკიცე ნებას, რომ პოლიტიკური შეთანხმება განხორციელდეს მისი ტექსტის შესაბამისად.

 

შეშფოთებული ვარ თქვენი წერილის იმ ნაწილით, რომელიც ეხება ცალკეულ სისხლის სამართლის საქმეებს. ჩვენი მხრივ ეს გაგებულია, როგორც თქვენი მოწოდება, რომ პარლამენტი და მმართველი პარტია პოლიტიკურად ჩაერიოს მართლმსაჯულებაში. ეს კი ეწინააღმდეგება კანონის უზენაესობის ძირითად პრინციპებს. პოლიტიკური პარტიები ვერ უბრძანებენ და ვერ მართავენ საქართველოს სასამართლოებს. ვითარების ამგვარი ხედვა მოულოდნელია ევრონესტის საპარლამენტო ასამბლეის თანათავმჯდომარის მხრიდან. დარწმუნებული ბრძანდებოდეთ, რომ ნებისმიერ სისხლის სამართლის საქმეზე გადაწყვეტილება მიიღება მხოლოდ შესაბამისი ინსტიტუტების მიერ.

 

არცერთი სისხლის სამართლის საქმე არ არის და არ შეიძლება იყოს 2020 წლის 8 მარტის პოლიტიკური შეთანხმების ნაწილი (გთხოვთ, დანართის სახით იხილოთ ურთიერთგაგების მემორანდუმი და ერთობლივი განცხადება). როგორც ერთობლივ განცხადებაშია აღნიშნული, ჩვენ ვრჩებით საქართველოს მართლმსაჯულების სისტემაში უმაღლესი სტანდარტების დაცვისა და დახვეწის, აგრეთვე, მომავალში ჩვენი მართლმსაჯულებისა და საარჩევნო პროცესების არასათანადო პოლიტიზების თავიდან არიდების ერთგულნი.

 

მსურს, ვისარგებლო ამ შესაძლებლობით და კიდევ ერთხელ გამოვხატო მზადყოფნა ჩვენი მჭიდრო თანამშრომლობისა და ევროპაში დემოკრატიისა და საპარლამენტო განზომილების გასაძლიერებლად ერთობლივი ძალისხმევისთვის. ჩვენ დიდად ვაფასებთ თქვენს ჩართულობასა და მხარდაჭერას.

 

ბატონო თანათავმჯდომარევ, კიდევ ერთხელ გიდასტურებთ ჩემს ღრმა პატივისცემას.

 

პატივისცემით, არჩილ თალაკვაძე,“ - ნათქვამია წერილში, რომელიც პარლამენტის პრესსამსახურის ინფორმაციით, თალაკვაძემ კუბილიუსს გუშინ გაუგზავნა.

 

შეგახსენებთ, ევროპარლამენტის წევრმა, ანდრიუს კუბილიუსმა საქართველოს პრეზიდენტს, სალომე ზურაბიშვილს, პრემიერ-მინისტრს, გიორგი გახარიას და პარლამენტის თავმჯდომარეს, არჩილ თალაკვაძეს ღია წერილით მიმართა და მოუწოდა, ხელისუფლებამ შეასრულოს ოპოზიციასთან 8 მარტს მიღწეული შეთანხმება. წერილში აღნიშნულია, რომ სამწუხაროდ, გიგი უგულავას, ირაკლი ოქრუაშვილის და გიორგი რურუას საქმეები სათანადოდ არ იყო გადაჭრილი.

ექსკლუზიური

არქივი

« « » » Июль 2019
Пн вт ср чт пт сб вс
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31

ამინდი

Tbilisi

ბლოგერები

Global Press
ვალოდია ჯინჭარაძე
ბლოგერი
იხილეთ ბლოგი
Global Press
გიორგი გიორგაძე
ბლოგერი
იხილეთ ბლოგი
Global Press
მერაბ ცაავა
ბლოგერი
იხილეთ ბლოგი

ყველა ბლოგერი

ჟურნალისტური გამოძიება

გამოკითხვა

საქართველოში, პროსტიტუციის ლეგალიზაცია უნდა მოხდეს თუ არა?