Global Press

Russia

Global PressGlobal PressGlobal PressGlobal Press

USD
3.174
EUR
3.4295
RUR
0.0415
GBP
3.9037

ვენესუელის დროებითი პრეზიდენტი ხუან გუაიდო ტვიტერის ოფიციალურ გვერდზე საქართველოს საგარეო საქმეთა მინისტრის განცხადებას ეხმაურება და მადლობას უხდის საქართველოს მტკიცე მხარდაჭერისათვის.

 

„ჩვენ შევქმენით თავისუფალი მსოფლიოს მიერ აღიარებული ალტერნატივა, რათა უზრუნველვყოთ ქვეყნის გარდაქმნა და შევებრძოლოთ პანდემიას ვენესუელაში. მადლობას ვუხდით საქართველოს, ეროვნული საგანგებო მთავრობის შექმნის იდეის მხარდაჭერისათვის. ჩვენ მარტო არ ვართ!“, - აცხადებს გუაიდო.

 

პირველ აპრილს საქართველოს საგარეო საქმეთა მინისტრი დავით ზალკალიანი მიესალმა ვენესუელის კრიზისიდან გამოსასვლელად აშშ-ის მხარის მიერ შემუშავებულ ახალ ინიციატივას.

 

„საქართველო მიესალმება ვენესუელის დემოკრატიული გარდაქმნისათვის აშშ-ის მიერ შემოთავაზებულ წინადადებას, რომელიც ითვალისწინებს თავისუფალი და სამართლიანი საპრეზიდენტო და საპარლამენტო არჩევნების ჩატარებას. საქართველო თანადგომას უცხადებს ვენესუელელ ხალხს და მტკიცედ უჭერს მხარს მის სწრაფვას დემოკრატიისაკენ", - წერს დავით ზალკალიანი ტვიტერის გვერდზე.

 

ვენესუელაში ჩატარებული საპრეზიდენტო არჩევნების შედეგების არაღიარების კვალდაკვალ, საქართველომ ვენესუელის პარლამენტის თავმჯდომარე და ოპოზიციის ლიდერი ხუან გუაიდო ქვეყნის დროებით პრეზიდენტად 2019 წლის 24 იანვარს აღიარა.

სირიის პარლამენტმა ერთხმად მიიღო რეზოლუცია ოსმალეთის იმპერიის მიერ სომეხთა გენოციდის აღიარების შესახებ. ინფორმაცია  France 24  ავრცელებს

 

სირიის ელჩის სომხეთში, მუჰამედ ნაჯ იბრაჰიმის თქმით, ეს ძალიან მნიშვნელოვანი გადაწყვეტილებაა.

 

„აღიარება მნიშვნელოვანია, რადგან არაბული სახელმწიფოებიდან მხოლოდ ლიბანმა აღიარა სომეხთა გენოციდი“, - აცხადებს ელჩი.

 

შეგახსენეთ, ბოლო დროს თურქეთსა და სირიას შორის ურთიერთობები განსაკუთრებით დაიძაბა და სამხედრო შეტაკებებში გადაიზარდა. რუსეთისა და ირანის მოკავშირე ბაშარ ალ-ასადის ძალებს ოპოზიციურად განწყობილი ჯგუფები უპირისპირდებიან, რომელთაც ნაწილსაც თურქეთი სამხედრო და ეკონომიკურ მხარდაჭერას უწევს.

თურქეთის პრეზიდენტი რეჯეფ თაიფ ერდოღანი აშშ-ის ვიცეპრეზიდენტ მაიკ პენსთან შეხვედრაზე უარს აცხადებს. ინფორმაციას ამის შესახებ NBCNews-ი ავრცელებს.

 

„არ ვაპირებ მათთან საუბარს. შეხვდნენ თავისი რანგის მაღალჩინოსნებს. თუ ტრამპი ჩამოვა, მე მას დაველაპარაკები“, - განაცხადა ერდოღანმა ჟურნალისტების კითხვაზე, შეხვდება თუ არა ის აშშ-ის დელეგაციას, რომლის შემადგენლობაშიც თურქეთში ვიცეპრეზიდენტი მაიკ პენსი, სახელმწიფო მდივანი მაიკ პომპეო, ეროვნული უსაფრთხოების მრჩეველი რობერტ ო'ბრაიენი და სირიის საკითხებში სპეცწარმომადგენელი ჯეიმს ჯეფრი მიემგზავრებიან.

 

„ისინი ამბობენ, რომ ზავი უნდა გამოვაცხადოთ. ამას არასოდეს ვიზამთ. ზეწოლის გზით სურთ, რომ ოპერაცია შევწყვიტოთ, აანონსებენ სანქციებს. ჩვენი მიზანი ნათელია და სანქციები ვერ შეგვაჩერებს. ზოგიერთი ლიდერი მოლაპარაკებებში შუამავლობას ცდილობს. თურქეთის რესპუბლიკის ისტორიაში არ ყოფილა შემთხვევა, რომ სახელმწიფო ტერორისტულ ორგანიზაციასთან მოლაპარაკების მაგიდასთან დამჯდარიყო“, - აღნიშნა ერდოღანმა.

 

თურქეთმა სირიაში ოპერაცია „მშვიდობის წყარო“ 9 ოქტომბერს დაიწყო. სამხედრო მოქმედებების მსვლელობისას ათობით მშვიდობიანი მოქალაქე დაიღუპა. გაეროს ინფორმაციით, საკუთარი სახლების დატოვება, სულ ცოტა, 160 000 ადამიანს მოუწია.

 

მომხდარის გამო, თურქეთში შეიარაღების ექსპორტი გერმანიამ, საფრანგეთმა, ესპანეთმა და დიდმა ბრიტანეთმა შეზღუდეს, ვაშინგტონმა კი ანკარას სანქციები დაუწესა.

ირანის პრეზიდენტმა, ჰასან რუჰანიმ რუსეთის პრეზიდენტი, ვლადიმერ პუტინი ირანში, ასტანის სამეულის სამიტზე დაპატიჟა, რომელიც ირანში გაიმართება. ამის შესახებ ინფორმაციას რუსული სამთავრობო გამოცემა TASS ავრცელებს.

 

გამოცემის ინფორმაციით, აღნიშნული შეთავაზების შესახებ რუსეთში ირანის ელჩმა, კაზემ ჯალამიმ რუსეთის ფედერაციის საბჭოს საგარეო საქმეთა კომიტეტის თავმჯდომარის, ვლადიმერ კოსაჩევთან შეხვედრისას განაცხადა.

 

ირანის ელჩის ინფორმაციით, სამიტის ირანში გამართვასთან დაკავშირებით სატელეფონო საუბარი შედგა პუტინსა და ირანის პრეზიდენტს შორისაც.

 

"რამდენიმე დღის წინ სატელეფონო საუბარი გაიმართა პრეზიდენტებს, რუჰანსა და პუტინს შორის. სატელეფონო საუბრისას პრეზიდენტმა რუჰანიმ მოიწვია პრეზიდენტი პუტინი ირანში, რომ ასტანას ფორმატის ფარგლებში შემდეგი სამიტი უახლოეს მომავალში ირანში გაიმართოს",- განაცხადა ირანის ელჩმა.

 

ირანელმა დიპლომატმა, ასევე, აღნიშნა, რომ ერთადერთი კოალიცია, რომელიც წარმატებული იყო და რეალურად ებრძოდა ტერორიზმს, იყო ირანისა და რუსეთის კოალიცია.

 

„არაერთი კოალიცია შეიქმნა ტერორიზმის წინააღმდეგ საბრძოლველად, მაგრამ ერთადერთი კოალიცია, რომელიც წარმატებული იყო და რეალურად ებრძოდა ტერორიზმს, იყო ირანისა და რუსეთის კოალიცია“, - აღნიშნა ჯალალიმ.

 

სამიტის განხილვის მთავარი საკითხია, სირიაში არსებული მდგომარეობა. სამმხრივი მოლაპარაკებები, რომლებშიც ირანის, თურქეთის და სირიის წარმომადგენლები მონაწილეობენ 2017 წლიდან იმართება. კონფლიქტი სირიაში 2011 წლიდან გრძელდება. რუსეთი ქვეყნის პრეზიდენტ ბაშარ ასადს უჭერს მხარს, მეამბოხეებს კი თურქეთი.

 

აღსანიშნავია, რომ ირანში კორონავირუსი მძვინვარებს, აქედან გამომდინარე უცნობია ვლადიმერ პუტინი ჩავა თუ არა ირანში, სამიტზე დასასწრებად.

 

ბოლო მონაცემებით, ქვეყანაში ვირუსს 77 ადამიანი ემსხვერპლა. დღეს კი ცნობილი გახდა, რომ კორონავირუსით ირანის პარლამენტის 23 დეპუტატია ინფიცირებული.

ევროპარლამენტის სპიკერმა დავიდ სასოლიმ ევროკავშირს მოუწოდა, ანკარასთან ევროკავშირში თურქეთის გაწევრიანების შესახებ მოლაპარაკებები შეაჩეროს, რაც სირიაში თურქეთის საომარ ოპერაციას უკავშირდება. ამის შესახებ მან ევროკავშირის ლიდერების წინაშე ბრიუსელში სიტყვით გამოსვლისას განაცხადა.

 

„ყველანაირი ძალისხმევა უნდა გამოვიყენოთ, რათა აგრესიის ეს აქტი შევაჩეროთ და წამოვწიოთ ინიციატივა, რომელიც შემუშავებული იქნებოდა ნატოს ფარგლებში და წარედგინება გაეროს უშიშროების საბჭოს. ამ ფონზე, ევროპარლამენტი იმეორებს თავის მოწოდებას, შეჩერდეს მოლაპარაკებები თურქეთის ევროკავშირში გაწევრიანებასთან დაკავშირებით“ , - განაცხადა სასოლიმ.

 

მანვე აღნიშნა, რომ ევროპარლამენტი გადაწყვეტით უარყოფს თურქეთის ხელისუფლების მცდელობას, დააკავშიროს მისი სამხედრო მოქმედებები სირიის ჩრდილო-აღმოსავლეთით თურქეთის ტერიტორიაზე მყოფ სირიელი დევნილების ბედთან.

თურქეთმა სირიაში ტერორისტული ორგანიზაციების წინააღმდეგ სამხედრო ოპერაცია დაიწყო, მაგრამ აღნიშნულმა ნაბიჯმა მსოფლიო ქვეყნების მიერ კრიტიკა გამოიწვია.

 

The Aljazeera-ს ცნობით, მსოფლიო ლიდერები შიშობენ, რომ თურქეთის მიერ სამხედრო შეტევის წამოწყება რეგიონალურ უსაფრთხოებას საფრთხეს შეუქმნის და „ისლამურ სახელმწიფოს“ აღორძინების საშუალებას მისცემს.

 

ამერიკის შეერთებული შტატების პრეზიდენტი, დონალდ ტრამპმა კი სირიიდან ჯარის გაყვანის შესახებ გასცა ბრძანება, მაგრამ თურქეთს საჭიროების შემთხვევაში ეკონომიკის განადგურებით ემუქრება.

 

რაც შეეხება „ისლამური სახელმწიფოს“ წინააღმდეგ შეერთებული შტატების მოკავშირე ქურთების მიტოვებას, ტრამპი იმით ხსნის, რომ ისინი ამერიკის შეერთებულ შტატებს მეორე მსოფლიო ომის დროს არ დაეხმარნენ.

 

ამერიკის შეერთებული შტატების პრეზიდენტი „ტვიტერზე“ გამოქვეყნებულ სტატუსში ასევე ამბობს, რომ სირიაში ომი, რომელიც წლებია გრძელდება უნდა დასრულდეს და ომის დასასრულებლად ხელშეწყობას მოლაპარაკებებით გეგმავს.

 

The Guardian-ის ინფორმაციით, თურქეთის პრეზიდენტი, რეჯეფ თაიფ ერდოღანი მსოფლიო ქვეყნების ლიდერების კრიტიკას მუქარით პასუხობს.

 

ერდოღანი აცხადებს, რომ თუ მის მიერ გადადგმული სამხედრო ნაბიჯების კრიტიკას არ შეწყვეტენ, გახსნის გასასვლელს, რისი საშუალებითაც ევროპაში 3 მილიონზე მეტი სირიელი ლტოლვილი ჩავა.

 

ამ დროისთვის მედიაში არსებული ინფორმაციით, სირიაში თურქეთის მიერ გახორციელებული სამხედრო ქმედებების შედეგად არიან დაღუპულებიც და დაჭრილებიც.

 

თურქეთის ჯარმა სირიის საზღვარი თელ- აბიადთან გუშინ გადაკვეთა და მიზნად ისახავს ტერიტორიაზე არსებული ტერორისტული დაჯგუფებების განადგურებას. როგორც თურქეთის პრეზიდენტმა დღეს განაცხადა, სამხედრო ოპერაციის დაწყების შემდეგ 109 ტერორისტია განეიტრალებული.

ბერლინის კედლის დაცემიდან 30 წლის შემდეგ, რუსეთს დაკავებული აქვს ყირიმი, აღმოსავლეთ უკრაინა და საქართველოს ნაწილები, - ამის შესახებ აშშ-ის სახელმწიფო მდივანმა მაიკ პომპეომ მიუნხენის კონფერენციაზე სიტყვით გამოსვლის დროს განაცხადა.

 

მისი თქმით, მიუხედავად იმისა, რომ დასავლეთი იმარჯვებს, ბერლინის კედლის დაცემიდან 30 წლის შემდეგაც რიგი ქვეყნების სუვერენიტეტი კვლავ საფრთხის ქვეშაა.

 

პომპეომ ასევე განაცხადა, რომ აშშ-ის კონგრესი ცენტრალური და აღმოსავლეთ ევროპის ქვეყნების დასახმარებლად 1 მილიარდ აშშ დოლარს გამოყოფს.

 

„ჩვენი ევროპელი მეგობრების სუვერენიტეტისა და დამოუკიდებლობის მხარდასაჭერად მინდა განვაცხადო, რომ აშშ-ის კონგრესი 1 მილიარდ აშშ დოლარს გამოყოფს. ეს თანხა ქვეყნების თავისუფლებისა და დემოკრატიის განვითარებას, ასევე ენერგიის სფეროს მოხმარდება“, - განაცხადა პომპეომ.

თურქეთის პრეზიდენტმა რეჯეფ თაიფ ერდოღანმა სირიაში სამხედრო ოპერაციამდე დონალდ ტრამპისგან მიღებული გამაფრთხილებელი წერილი ნაგვის ურნაში მოისროლა. ამის შესახებ ინფორმაციას BBC ავრცელებს.

 

9 ოქტომბრით დათარიღებულ წერილში ტრამპი ერდოღანს მოუწოდებს რომ თავი შეიკავოს სირიაში სამხედრო ოპერაციისგან. "ნუ იქნები ხისტი. ნუ ჩაიდენ სისულელეს", - მიმართავს ტრამპი ერდოღანს:

 

"შენ არ გსურს გახდე პასუხისმგებელი ათასობით ადამიანის სისხლის ღვრაზე და მე არ მსურს გავხდე პასუხისმგებელი თურქული ეკონომიკის განადგურებაზე, და მე ამას გავაკეთებ", - აღნიშნულია ტრამპის წერილში.

 

თურქმა წყაროებმა კი BBC-ს განუცხადეს, რომ ერდოღანმა სრულად უგულებელყო და არ დაეთახნმა წერილის შინაარს.

 

თურქეთში აშშ-ის სახელმწიფო მდივანი მაიკ პომპეო და აშშ-ის ვიცეპრეზიდენტი მაიკ პენსი ჩავიდნენ. ისინი ერდოღანს შეხვდებიან.

 

ერდოღანმა მანამდე Sky New-ს განუცხადა, რომ ის აშშ-ის ოფიციალურ დელეგაციას მხოლოდ იმ შემთხვევაში შეხვდებოდა, თუ პრეზიდენტი ტრამპი ჩავიდოდა თურქეთში, სხვა შემთხვევაში კი დელეგაციის წარმომადგენლებს თურქეთში შესაბამისი რანგის პოლიტიკოსები უმასპინძლებდნენ.

 

„არ ვაპირებ მათთან საუბარს. შეხვდნენ თავისი რანგის მაღალჩინოსნებს. თუ ტრამპი ჩამოვა, მე მას დაველაპარაკები“, - განაცხადა ერდოღანმა.

 

აშშ-ის დელეგაციაში, რომელიც უკვე თურქეთშია, არიან: ვიცეპრეზიდენტი მაიკ პენსი, სახელმწიფო მდივანი მაიკ პომპეო, ეროვნული უსაფრთხოების მრჩეველი რობერტ ო'ბრაიენი და სირიის საკითხებში სპეცწარმომადგენელი ჯეიმს ჯეფრი.

 

თურქეთმა სირიაში ოპერაცია „მშვიდობის წყარო“ 9 ოქტომბერს დაიწყო. სამხედრო მოქმედებების მსვლელობისას ათობით მშვიდობიანი მოქალაქე დაიღუპა. თურქეთის შეიარაღებული ძალების ცნობით, ოპერაციის დაწყებიდან 653 ქურთი მებრძოლია ნეიტრალიზებული. თავის მხრივ, ქურთების ინფორმაციით, 75 თურქი ჯარისკაცი მოკლულია, კიდევ 19 კი დაიჭრა. გაეროს ინფორმაციით, საკუთარი სახლების დატოვება, სულ ცოტა, 160 000 ადამიანს მოუწია. მომხდარის გამო, თურქეთში შეიარაღების ექსპორტი გერმანიამ, საფრანგეთმა, ესპანეთმა და დიდმა ბრიტანეთმა შეზღუდეს, ვაშინგტონმა კი ანკარას სანქციები დაუწესა.

რუსეთის, თურქეთისა და ირანის პრეზიდენტებმა ანკარაში გამართულ სამმხრივ შეხვედრაზე სირიის საკონსტიტუციო კომიტეტის შექმნის საკითხთან დაკავშირებით შეთანხმებას მიაღწიეს, - ამის შესახებ ინფორმაციას სააგენტო “TASS”-ი ავრცელებს.

 

როგორც ვლადიმერ პუტინმა შეხვედრის შემდეგ ჟურნალისტებს განუცხადა, კომიტეტის წევრების სრული სია შეთანხმებულია.

 

„ახლა კი საჭიროა, რომ საკონსტიტუციო კომიტეტმა ჟენევაში მუშაობა რაც შეიძლება მალე დაიწყოს,“ - განაცხადა პუტინმა

 

სამი ქვეყნის პრეზიდენტებმა შეხვედრაზე ხაზი გაუსვეს სირიის ტერიტორიაზე ტერორისტულ დაჯგუფებებთან ბრძოლის გაგრძელების მნიშვნელობას, თუმცა აღნიშნეს, რომ სირიის კონფლიქტის პოლიტიკურ და დიპლომატიურ გადაჭრას ალტერნატივა არ გააჩნია.

 

„სირიაში მშვიდობის დამყარებაზე მეტი პასუხისმგებლობა უნდა ავიღოთ,“ - განაცხადა თურქეთის პრეზიდენტმა რეჯეფ ტაიფ ერდოღანმა.

 

სააგენტო „როიტერსის“ ინფორმაციით, შეხვედრის შემდეგ მხარეებმა ერთობლივი განცხადება გაავრცელეს, სადაც მათ იდლიბის რეგიონსა და მის შემოგარენში ჰუმანიტარული სიტუაციის მოსალოდნელი გაუარესების გამო შეშფოთება გამოხატეს და შეთანხმდნენ, რომ სამ ქვეყანას შორის მანამდე მიღწეული შეთანხმებების შესასრულებლად „კონკრეტულ ნაბიჯებს“ გადადგამენ.

 

ეს რუსეთის, თურქეთისა და ირანის პრეზიდენტებს შორის გამართული მეხუთე სამმხრივი სამიტია. პირველი სამიტი პრეზიდენტებს შორის 2017 წლის ნოემბერში სოჭში გაიმართა. სამი ქვეყნის ლიდერები შეთანხმდნენ, რომ მომავალ შეხვედრას იგივე ფორმატში თეირანში გამართავენ.

თურქეთის საგარეო საქმეთა სამინისტრომ დაგმო სირიის გადაწყვეტილება ოსმალეთის იმპერიის მიერ სომეხთა გენოციდის აღიარების შესახებ. შესაბამისი განცხადება უწყების ოფიციალურ ვებგვერდზე გამოქვეყნდა.

 

„სირიის რეჟიმის პარლამენტის მიერ დღეს მიღებული გადაწყვეტილება, რომელიც 1915 წლის მოვლენებს ე.წ. გენოციდად აღიარებს, ყურადსაღები მაგალითია. ეს ფარისევლობის გამოვლინებაა იმ რეჟიმის მხრიდან, რომელიც წლების განმავლობაში სასაკლაოს აწყობდა, მილიონობით ადამიანი გაყარა საკუთარი სახლებიდან და ქიმიური იარაღი გამოიყენა“, - ნათქვამია განცხადებაში.

 

სირიის პარლამენტმა ოსმალეთის იმპერიის მიერ სომეხთა გენოციდი აღიარა. რეზოლუცია სირიელმა კანონმდებლებმა თურქეთთან გართულებული ურთიერთობის ფონზე მიიღეს.

აშშ-ის პრეზიდენტი დონალდ ტრამპი 9 ოქტომბერს რეჯეფ თაიფ ერდოღანისადმი მიწერილ წერილში, თურქეთს სირიაში სამხედრო ოპერაციის შესაძლო შედეგებზე აფრთხილებდა.

 

„ნუ იქნები უხეში, ნუ იქნები სულელი,“ – სწერდა დონალდ ტრამპი ერდოღანს.

 

9 ოქტომბრით დათარიღებული წერილი თეთრმა სახლმა გამოაქვეყნა. აღსანიშნავია, რომ ანკარამ სირიის ჩრდილო-აღმოსავლეთ ნაწილში ქურთების წინააღმდეგ სამხედრო ოპერაცია სწორედ 9 ოქტომბერს დაიწყო. წერილში აშშ-ის პრეზიდენტი ცდილობდა, გადაერწმუნებინა რეჯეფ თაიფ ერდოღანი სირიაში შეჭრისგან.

 

ოპერაციის დაწყების გეგმის შესახებ ერდოღანმა დონალდ ტრამპს 6 ოქტომბრის სატელეფონო საუბრის დროს აცნობა.

 

„მოდი, გამოვიმუშავოთ კარგი შეთანხმება! თქვენ არ გსურთ, იყოთ პასუხისმგებელი ათასობით ადამიანის განადგურებაზე და მეც არ მსურს, ვიყო პასუხისმგებელი თურქეთის ეკონომიკის განადგურებაზე, თუმცა მე ვიქნები! მე უკვე გაჩვენე მცირე მაგალითი, როგორც ეს პასტორ ბრენსონის შემთხვევაში მოხდა“, – წერს ტრამპი წერილში.

 

გზავნილში აშშ-ის პრეზიდენტი ასევე ეუბნება ერდოღანს, რომ ქურთთა დაჯგუფების „სირიის დემოკრატიული ძალების“ მეთაური გენერალი მაზლუმ ქობანი აბდი მზად არის მოლაპარაკებებისთვის და გარკვეული დათმობისთვის.

 

„ისტორია მოწყალე იქნება შენ მიმართ, თუ ამას სწორად და ჰუმანურად გააკეთებ. მისთვის შენ მუდმივად დარჩები ეშმაკად, თუ კარგი ამბები არ მოხდება. ნუ იქნები უხეში, ნუ იქნები სულელი!“ – მიმართავს დონალდ ტრაპი ერდოღანს.

 

აშშ-ის ხელისუფლების მტკიცებით, ვაშინგტონს თურქეთისთვის სირიაში ოპერაციის დასაწყებად „მწვანე შუქი“ არ აუნთია.

 

გერმანიის კანცლერი ანგელა მერკელი, რომელიც 65 წლისაა, უკრაინის პრეზიდენტთან ვლადიმერ ზელენსკისთან შეხვედრის დროს, როდესაც ისინი სამხედრო ორკესტრის მიერ შესრულებულ ეროვნულ ჰიმნებს უსმენდნენ, თავს ცუდად გრძნობდა. გავრცელებულ ვიდეო კადრებში ჩანს, რომ მერკელი შესამჩნევად კანკალებდა.

 

მედიასაშუალებების ცნობით, მერკელმა თავი უკეთ იგრძნო ჰიმნების დასრულების შემდეგ, რომელიც სტუმარს წითელი ხალიჩით შენობისკენ გაუძღვა და სამხედრო ორკესტრსაც მიესალმა.

 

მომხდართან დაკავშირებით, ანგელა მერკელმა ზელენსკისთან შეხვედრის შემდეგ პრესკონფერენციაზე განაცხადა, რომ თავს უკვე კარგად გრძნობს.

 

„ამის შემდეგ, სამი ჭიქა წყალი დავლიე. როგორც ჩანს, ძალიან მჭირდებოდა წყლის დალევა. ამიტომ, ახლა კარგად ვგრძნობ თავს“ - განაცხადა გერმანიის კანცლერმა.

 

კომენტარი უკრაინის პრეზიდენტმა ვლადიმერ ზელენსკიმაც გააკეთა:

 

„მე მის გვერდით ვიდექი. დამიჯერეთ, ის უსაფრთხოდ იყო“ , - განაცხადა ზელენსკიმ. მის ამ განცხადებაზე ანგელა მერკელს გაეცინა.

ევროკავშირი

არქივი

« « » » Апрель 2019
Пн вт ср чт пт сб вс
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30

ამინდი

თბილისი

ბლოგერები

Global Press
ვალოდია ჯინჭარაძე
ბლოგერი
იხილეთ ბლოგი
Global Press
გიორგი გიორგაძე
ბლოგერი
იხილეთ ბლოგი
Global Press
მერაბ ცაავა
ბლოგერი
იხილეთ ბლოგი

ყველა ბლოგერი

ჟურნალისტური გამოძიება

გამოკითხვა

საქართველოში, პროსტიტუციის ლეგალიზაცია უნდა მოხდეს თუ არა?