Global Press

Russia

Global PressGlobal PressGlobal PressGlobal Press

USD
3.174
EUR
3.4295
RUR
0.0415
GBP
3.9037

საქართველოში კორონავირუსი 195 ადამიანს დაუდასტურდა, აქედან 39 უკვე გამოჯანმრთელდა. ინფორმაცია ამის შესახებ მთავრობის მიერ შექმნილ ვებგვერდზე stopcov.ge გამოქვეყნდა.

 

კარანტინის რეჟიმშია 4735 ადამიანი, სტაციონარში მეთვალყურეობის ქვეშ კი 383 მოქალაქე რჩება. გარდაცვლილია 2 ადამიანი. კორონავირუსით ინფიცირების პირველი შემთხვევა ქვეყანაში 2020 წლის 26 თებერვალს დადასტურდა. 21 მარტს საქართველოში საგანგებო მდგომარეობა ამოქმედდა, 31 მარტიდან კი - საყოველთაო კარანტინის რეჟიმი.

 

ჯანდაცვის მსოფლიო ორგანიზაციამ კორონავირუსთან დაკავშირებით პანდემია 2020 წლის 11 მარტს გამოაცხადა. მანამდე კი, 30 იანვარს ჯანმომ კორონავირუსი გლობალურ საფრთხედ გამოაცხადა. ჩინეთში პნევმონიის აფეთქება 2019 წლის დეკემბერში დაიწყო. ის გამოწვეულია კორონავირუსის აქამდე უცნობი შტამით.

აღდგომის დღესასწაულზე ისრაელიდან ცეცხლს ჩამოვიტანთ და დავაბრუნებთ იქ დარჩენილ საქართველოს მოქალაქეებსაც - ამის შესახებ imedinews-ს Georgian Airways-ის დირექტორიმა, რომან ბოკერიამ განუცხადა.

 

მისი თქმით, ხვალიდან თვითმფრინავი, რომელიც კორონავირუსის გამო ევროპაში ჩარჩენილ მგზავრებს ქვეყანაში დააბრუნებს, პატრიარქის ნაჩუქარი ხატით შეასრულებს რეისებს.

 

„დღეს პატრიარქმა Georgian Airways-ის სახელზე ნაკურთხი ხატი გვაჩუქა. ხვალ, 7 აპრილს ხატი უკვე აბრძანდება ჩვენს ბორტზე და იფრენს ყოველ იმ რეისთან ერთად, რომლითაც ჩამოგვყავს საქართველოს მოქალაქეები. 19 აპრილს, აღდგომის ცეცხლის ჩამოსატანად, ჩვენთან ერთად იქნება ორი საულიერო პირი, ჩამოვიტანთ ცეცხლს და ასევე დავაბრუნებთ ისრაელში დარჩენილ ჩვენს მოქალაქეებს“, - განაცხადა ბოკერიამ.

სასწრაფო დახმარების ბრიგადა, რომელმაც რუსთავში კორონავირუსით ინფიცირებული პირი საავადმყოფოში გადაიყვანა, თვითიზოლაციაში იმყოფება. ინფორმაცია ამის შესახებ imedinews-ს სასწრაფო სამედიცინო დახმარების ცენტრში დაუდასტურეს.

 

მათი განცხადებით, სასწრაფო დახმარების ბრიგადა გამოძახებაზე ეკიპირების წესების სრული დაცვით იმყოფებოდა, თუმცა იმის გამო, რომ პაციენტს კორონავირუსი დაუდასტურდა, ბრიგადის სამივე წევრი თვითიზოლაციაში იმყოფება. მათ ამ ეტაპზე დაავადებისთვის დამახასიათებელი სიმპტომები არ აღენიშნებათ.

 

საქართველოში კორონავირუსი 188 ადამიანს დაუდასტურდა, აქედან 36 ადამიანი უკვე გამოჯანმრთელდა, 2 კი გარდაიცვალა.

 

ვირუსით ინფიცირების პირველი შემთხვევა ქვეყანაში 2020 წლის 26 თებერვალს დადასტურდა. 21 მარტს საქართველოში საგანგებო მდგომარეობა ამოქმედდა, 31 მარტიდან კი - საყოველთაო კარანტინის რეჟიმი.

 

ჯანდაცვის მსოფლიო ორგანიზაციამ კორონავირუსთან დაკავშირებით პანდემია 2020 წლის 11 მარტს გამოაცხადა. მანამდე კი, 30 იანვარს ჯანმომ კორონავირუსი გლობალურ საფრთხედ გამოაცხადა. ჩინეთში პნევმონიის აფეთქება 2019 წლის დეკემბერში დაიწყო. ის გამოწვეულია კორონავირუსის აქამდე უცნობი შტამით.

 

21 იანვარს ჩინეთმა დაადასტურა, რომ კორონავირუსი გადამდებია. მომხდარის გამო ქვეყნის ორ ქალაქში კარანტინი გამოცხადდა.

ესპანეთის საფეხბურთო ლა ლიგის კლუბ „ესპანიოლში“ კორონავირუსის ეპიდემიაა. საშიში ვირუსით გუნდის რვა ფეხბურთელი და სამწვრთნელო შტაბის ორი წევრი დაინფიცირდა. ინფორმაციას ესპანური მედიას ავრცელებს.

 

ათივეს ჯანმრთელობის მდგომარეობა დამაკმაყოფილებელია და თითოეულ შემთხვევაში ვირუსი მსუბუქ ფორმებში მიმდინარეობს.

 

კორონავირუსის პრევენციის მიზნით, თვითიზოლაციაშია გუნდის მთავარი მწვრთნელი აბელარდო, რომელმაც განაცხადა, რისკის თავიდან აცილების მიზნით, მშობლები და 89 წლის ბაბუა უკვე რამდენიმე კვირაა, არ უნახავს.

საქართველოში კორონავირუსისგან 39 ადამიანია გამოჯანმრთელებული. ინფორმაცია ამის შესახებ მთავრობის მიერ შექმნილ ვებგვერდზე stopcov.ge გამოქვეყნდა.

 

კარანტინის რეჟიმშია 5 056 პირი, ხოლო სტაციონარში მეთვალყურეობის ქვეშ - 386.

 

საქართველოში კორონავირუსი 188 ადამიანს დაუდასტურდა, აქედან 39 ადამიანი უკვე გამოჯანმრთელდა, 2 კი გარდაიცვალა.

 

ვირუსით ინფიცირების პირველი შემთხვევა ქვეყანაში 2020 წლის 26 თებერვალს დადასტურდა. 21 მარტს საქართველოში საგანგებო მდგომარეობა ამოქმედდა, 31 მარტიდან კი - საყოველთაო კარანტინის რეჟიმი.

 

ჯანდაცვის მსოფლიო ორგანიზაციამ კორონავირუსთან დაკავშირებით პანდემია 2020 წლის 11 მარტს გამოაცხადა. მანამდე კი, 30 იანვარს ჯანმომ კორონავირუსი გლობალურ საფრთხედ გამოაცხადა.

 

ჩინეთში პნევმონიის აფეთქება 2019 წლის დეკემბერში დაიწყო. ის გამოწვეულია კორონავირუსის აქამდე უცნობი შტამით. 21 იანვარს ჩინეთმა დაადასტურა, რომ კორონავირუსი გადამდებია. მომხდარის გამო ქვეყნის ორ ქალაქში კარანტინი გამოცხადდა.

პრაქტიკულად ყველა ახალი შემთხვევა დაკავშირებულია უკვე ცნობილ კლასტერებთან და შეიძლება 2 კლასტერი ერთმანეთთან გადაიკვეთოს - ამის შესახებ დაავადებათა კონტროლის ცენტრის დირექტორის მოადგილემ საკოორდინაციო საბჭოს დასრულების შემდეგ გამართულ ბრიფინგზე განაცხადა.

 

პაატა იმნაძის თქმით, ახალი შემთხვევებიდან განსაკუთრებით ორია საყურადღებო, რომლის გაღრმავებული კვლევა მიმდინარეობს.

 

საქართველოში კორონავირუსი 188 ადამიანს დაუდასტურდა, აქედან 36 ადამიანი უკვე გამოჯანმრთელდა, 2 კი გარდაიცვალა. ვირუსით ინფიცირების პირველი შემთხვევა ქვეყანაში 2020 წლის 26 თებერვალს დადასტურდა.

 

21 მარტს საქართველოში საგანგებო მდგომარეობა ამოქმედდა, 31 მარტიდან კი - საყოველთაო კარანტინის რეჟიმი.

რა გაკვეთილი შეიძლება გამოიტანოს გაერთიანებულმა სამეფომ პატარა ქვეყნების მაგალითიდან სრული კარანტინის თავიდან ასაცილებლად, - ამ სათაურით მასალას ბრიტანული გამოცემა Daily Telegraph-ი აქვეყნებს. სტატიის ავტორი კამილა ტომინეი აღნიშნავს, რომ მასალის გამოქვეყნების მომენტისთვის საქართველოში კორონავირუსით გარდაცვალების არც ერთი შემთხვევა არ იყო დაფიქსირებული.

 

„კორონავირუსის ეპიდემიამდე საქართველოს არც თუ ისე მაღალი ადგილი ეკავა ჯანდაცვის გლობალურ ინდექსში, რომელშიც შეფასებულია ქვეყნების უნარი დაავადებებთან ბრძოლაში. მზადყოფნის კატეგორიაში საქართველოს შარშან 42-ე ადგილი ეკავა და ძალიან უმნიშვნელოდ გამოიყურებოდა უფრო მაღალი რეიტინგის მქონე ქვეყნებთან (ბრიტანეთი, საფრანგეთი, გერმანია, ჰოლანდია და შვედეთი) შედარებით, მაგრამ მაშინ, როცა COVID-19-ით დაინფიცირებულთა რიცხვმა გასულ კვირას მილიონს გადააჭარბა, საქართველოს მაგალითი განსაკუთრებით თვალშისაცემია სხვა ევროპულ ქვეყნებს შორის. გლობალური პანდემიის წინააღმდეგ ბრძოლა აქ მოულოდნელი წარმატებით მიმდინარეობს. იმდენად წარმატებით, რომ ამ სტატიის გამოქვეყნების მომენტისთვის საქართველოში არც ერთი გარდაცვალება არ დაფიქსირდა, ხოლო 148 დადგენილი შემთხვევიდან ყველა იმპორტირებულია ან უშუალო კავშირშია იმპორტირებულ შემთხვევებთან.

 

მსგავსი სიტუაციაა ლატვიაში, სადაც გარდაცვალების 1-ლი შემთხვევა დაფიქსირდა 2 აპრილს (90 წლის ქალი), ასევე მეზობელ სლოვაკეთში (1 გარდაცვლილი), ბელარუსში (4 გარდაცვალებული), ლიეტუვა (9 გარდაცვლილი), ესტონეთი (11 გარდაცვლილი) და უკრაინა (17 გარდაცვლილი). ამასობაში კი შედარებით შეძლებულ დასავლეთევროპულ ქვეყნებში (გაერთიანებული სამეფო, საფრანგეთი, ესპანეთი, იტალია) გარდაცვლილთა რაოდენობა კატასტროფულად იზრდება. რატომ?

 

მართალია, გასათვალისწინებელია ზოგიერთი აღმოსავლეთევროპული სახელმწიფოს მცირერიცხოვანი მოსახლეობა, მაგრამ, როგორც ჩანს, საგანგაშო მდგომარეობის გამოცდილების წყალობით ეს ქვეყნები უკეთ არიან მომზადებულნი, ვიდრე მათი უფრო კომფორტული ცხოვრებით განებივრებული მეზობლები.

 

როგორც საქართველოს პრემიერ-მინისტრმა, გიორგი გახარიამ (პარტია „ქართული ოცნება“) DailyTelegraph-ს განუცხადა, აქ გასათვალისწინებელია არა მხოლოდ „ადრეულ ეტაპზე გადამწყვეტი ზომების მიღება“, არამედ ის ფაქტიც, რომ „ისტორიულად ქართველები ყოველთვის ებრძოდნენ და ამარცხებდნენ გასაჭირსა და პრობლემებს“. „როგორც მთავრობამ, ისე ქართულმა საზოგადოებამ სწრაფად გააცნობიერეს ამ საფრთხის მასშტაბები. ადრეულ ეტაპზე მოქმედებას არსებითი მნიშვნელობა ჰქონდა ვირუსთან ბრძოლაში და ეკონომიკის დაცვის უზრუნველყოფაში“, - განაცხადა გახარიამ.

 

ალექსანდერ სკრივენერის (ევრაზიის დემოკრატიული უსაფრთხოების ქსელი) ნაშრომში, რომელიც ამ საკითხის შესწავლას ეძღვნება, ვკითხულობთ: „სიმდიდრე არ არის კრიზისის დროს ეფექტიანი სტრატეგიის გარანტია. ადრეულ ეტაპზე არსებობს მინიშნება, რომ უფრო შეძლებული ქვეყნები ნაკლებად ეფექტიანები არიან, ვიდრე შედარებით ღარიბი ქვეყნები - სულ მცირე, საწყის ეტაპზე“.

 

ნიდერლანდებისა და საქართველოს შედარებისას, სადაც პირველი შემთხვევა თითქმის ერთდროულად (თებერვლის ბოლო) დაფიქსირდა, ავტორი აცხადებს, რომ „ნიდერლანდებში რეალური მაჩვენებელი ათობით ათასს ითვლის მაშინ, როცა საქართველოში ეს მაჩვენებელი, დიდი ალბათობით, ჯერ კიდევ 100-ზე ნაკლებია“, რადგან საქართველომ დაკეტა საზღვრები, შემოიღო სოციალური დისტანცირების მკაცრი წესები და საერთოდ შეაჩერა ფრენები, ხოლო ნიდერლანდების რეაქცია „უკიდურესად თვითკმაყოფილი“ გახლდათ.

 

ნიდერლანდებში „ბიზნესი ჩვეულებისებრ ზეობდა, ხოლო „პანიკის“ (რომელიც საერთოდ არ შეიმჩნეოდა) პრევენცია იქცა პრიორიტეტად ვირუსის წინააღმდეგ რეალური ბრძოლის ხარჯზე“. „კოლექტიური იმუნიტეტის“ გეგმის წარდგენისას, რომელზეც ბრიტანეთის მთავრობამ უარი თქვა, ნიდერლანდების პრემიერ-მინისტრმა, მარკ რუტემ სიამაყით დაიკვეხნა, რომ ნიდერლანდელები „პრაგმატული ხალხია“. მთავრობამ დაიწყო მოქმედება და შემოიღო სოციალური დისტანცირება, ისიც ძირითადად ნებაყოფლობითი, მხოლოდ მას შემდეგ, რაც სიკვდილიანობის მაჩვენებელმა საგრძნობლად იმატა. ისევე, როგორც შვედეთს, ნიდერლანდებსაც უკვე აკრიტიკებენ არასათანადო მიდგომის გამოყენებაში.

 

ხსენებულ მიდგომებში არსებით განსხვავებებს სკრივენერი ხსნის იმ ფაქტით, რომ ქვეყნებმა, რომლებსაც ახსოვთ ახლო წარსულში მასშტაბური საზოგადოებრივი კრიზისები, ბევრად უფრო პროაქტიულად უპასუხეს ამ გამოწვევას, ვიდრე უფრო აუღელვებელი უახლესი ისტორიის მქონე ქვეყნებმა.

 

„სწორედ კრიზისების შესახებ მოგონებები აკავშირებთ ერთმანეთთან აზიის ქვეყნებს, რომლებმაც ასე ეფექტიანად შეაჩერეს ვირუსის გავრცელება, ისეთ პოსტ-კომუნისტურ ქვეყანას, როგორიც საქართველოა, და ეკონომიკური პრობლემებით დათრგუნულ სამხრეთ ევროპის ისეთ ქვეყნებს, როგორიცაა საბერძნეთი. და პირიქით, ქვეყნები, სადაც მეტ-ნაკლები სიმშვიდე და კეთილდღეობა სუფევდა (2008 წლის კრიზისის შემდეგაც კი): ჰოლანდია, გაერთიანებული სამეფო და აშშ - აშკარად აყოვნებდნენ ამ საფრთხის გაცნობიერებას“.

 

ამ მოსაზრებას იზიარებს რუსული, ევროპული და ევრაზიული კვლევების ცენტრის აღმოსავლეთევროპული პოლიტოლოგიის პროფესორი, კატარინა ვოლჩუკი.

 

„გარდა იმისა, რომ ამ პოსტსაბჭოთა ქვეყნებს წარსულში დაძლეული აქვთ სერიოზული კრიზისები, მათ ასევე იციან, რომ მათი ჯანდაცვის სისტემა [ამ კრიზისს] ვერ გაუძლებს. გაერთიანებულ სამეფოში კი ხალხმა იცის, რომ შეიძლება ჰქონდეს ეროვნული ჯანდაცვის სამსახურის იმედი - მაგრამ ეს მოლოდინები გადაჭარბებულია“.

 

ავტორი აღნიშნავს, რომ 3,7-მილიონიანი მოსახლეობის მქონე საქართველოში, რომელმაც დამოუკიდებლობა 1991 წელს აღიდგინა, მოსახლეობა იძულებული იყო, შეჩვეულიყო რეგულარულ „უშუქობას“ და ექიმებისთვის „ჯიბეში“ ფულის ჩადების აუცილებლობას. ვოლჩუკის თანახმად, „მათ ახსოვთ ის დრო, როცა მდგომარეობა უკიდურესად რთული იყო. მათ იციან, რომ აქ ლაპარაკია თვითგადარჩენაზე და მათ უმოქმედობის ფუფუნება არ აქვთ“.

 

დღეს საქართველოს პროფესიონალი მედიკოსები, პოლიცია და შეიარაღებული ძალები აღარ არიან კორუმპირებულნი და მოსახლეობა მათ ხელისგულზე ატარებს. „ექიმის სიტყვას ქართველი ხალხი უპირობოდ უსმენს და ასრულებს. ისინი შეჩვეულნი არიან ბრძანებების შესრულებას“.

 

ავტორი ხაზს უსვამს იმ ფაქტს, რომ საქართველოს მაგალითი მკვეთრად განსხვავდება ისეთ ქვეყნებისგან, როგორიცაა რუსეთი, თურქეთი, უნგრეთი, პოლონეთი და ბელარუსი, სადაც უფრო ავტორიტარული ხელისუფლება „წარმატების შედეგად უფრო „ქულების დაწერით“ არის დაკავებული, ვიდრე პრობლემის რეალურად აღმოფხვრით“. ხელისუფლების უნდობლობა კი ნიშნავს, რომ ხალხი ნაკლებად შეასრულებს მითითებებს. იგორ გრიაზინი (ესტონეთის დამოუკიდებლობისთვის მოძრაობის ერთო-ერთი ლიდერი და 1991 წელს საბჭოთა კავშირის უმაღლესი საბჭოს წევრი ბორის ელცინის პერიოდში) აღნიშნავს, რომ ისეთი მცირე ევროპული ქვეყნებისთვის, როგორიცაა ესტონეთი, კრიზისების დროს საზღვრების კონტროლის და უცხოური დახმარების გამოცდილება სასარგებლო აღმოჩნდა.

 

„ესტონეთი - ქვეყანა, რომელსაც მოუწია ბრძოლა დამოუკიდებლობისთვის, უკეთ იცავს თავის საზღვრებს, ვიდრე ბევრი სხვა სახელმწიფო. ჩვენ წლების განმავლობაში ვემზადებოდით რუსეთის მხრიდან შემოჭრისთვის, რაც უფრო რთულია, ვიდრე კორონავირუსი“, - აცხადებს გრიაზინი.

 

13 მარტს ესტონეთში გამოცხადდა საგანგებო მდგომარეობა - მას შემდეგ, რაც საარამაას კუნძულზე კორონავირუსი შეიტანა იტალიელი ფრენბურთელების გუნდმა PowerVolleyMilano, რომელიც მონაწილეობდა 2019-2020 წლების შეჯიბრში CEV ChallengeCup. ყველა სახის ღონისძიება გაუქმდა, მათ შორის სპორტული და კულტურული, შეწყდა სწავლა სკოლებსა და უნივერსიტეტებში, აღდგა სასაზღვრო კონტროლი და ქვეყნიდან გასვლისა და შემოსვლის წერტილებში შეიქმნა ჯანმრთელობის მდგომარეობის შემოწმების პუნქტები.

 

ესტონეთში დაავადებულთა და მომაკვდავთა მოვლის პასუხიმგებლობა დაევალა სამხედრო-სამედიცინო სამსახურს, რასაც გრიაზინი ასე ხსნის: „რადგან ჩვენ და სხვა პატარა ქვეყნები ნატოს ოპერაციებში ვერ ვაგზავნით იმდენ მებრძოლსა თუ ტანკს, როგორც, მაგალითად, გაერთიანებული სამეფო, საფრანგეთი და გერმანია, ჩვენი ფუნქციები უფრო კონცენტრირებულია სამედიცინო დახმარებაზე. ჩვენ გვყავს ძალიან ეფექტიანი სამედიცინო და საინჟინრო კორპუსები, რომლებსაც აქვთ შუა აღმოსავლეთსა და აფრიკაში სხვადასხვა დაავადებასთან ბრძოლის გამოცდილება. შესაბამისად, ჩვენი სამედიცინო სპეციალიზაცია ძალიან სასარგებლო აღმოჩნდა“.

საქართველოს ეროვნული ბანკის ინფორმაციით, COVID19-ით ინფიცირებული თანამშრომლების მდგომარეობა დამაკმაყოფილებელია.

 

სებ-ი ამ საკითხზე სპეციალურ განცხადებას ავრცელებს.

 

„როგორც ცნობილია, გასულ კვირას ეროვნული ბანკის 7 თანამშრომელს კოვიდ-19-ით ინფიცირება დაუდასტურდა, დაუყოვნებლივ მოხდა აღნიშნულ პირებთან კონტაქტში მყოფი სხვა თანამშრომლების სიმპტომების კვლევა და ტესტირება.

 

დღევანდელი მონაცემებით, ინფიცირებულთა რაოდენობა 16-ია. ამჟამად კოვიდ-19 ვირუსის მქონე თანამშრომელი შესაბამის სტაციონარში ექიმების მეთვალყურეობის ქვეშ გადის მკურნალობას. მათი მდგომარეობა ამ ეტაპზე დამაკმაყოფილებელია.

 

ის თანამშრომლები, ვისაც შემხებლობა ჰქონდათ დაინფიცირებულ კოლეგებთან, სრულ იზოლაციაში იმყოფებიან და მათზე დაკვირვება მიმდინარეობს. სასიხარულოა, რომ რამდენიმე მათგანს ტესტირების შედეგად კორონავირუსი არ დაუდასტურდა. კვლავ გრძელდება ეპიდემიოლოგიური კვლევა ინფიცირებული თანამშრომლების ყველა შესაძლო კონტაქტის დადგენა-გამოვლენის მიზნით. ამჟამად თანამშრომელთა 90% დისტანციურად მუშაობს.

 

ეროვნული ბანკის ყველა შენობაში რეგულარული სადეზინფექციო და დასუფთავების სამუშაოები მიმდინარეობს და ბანკის ოფისები ოპერირების საგანგებო რეჟიმზეა გადასული. მიუხედავად ამისა, ეროვნული ბანკი სრულყოფილად და შეუფერხებლად ასრულებს თავის ამოცანებს: ბანკებს მიეწოდებათ სათანადო რაოდენობის ფულის ნიშნები, საფინანსო სექტორი აგრძელებს გამართულ ფუნქციონირებას. გისურვებთ ჯანმრთელობას და სიმშვიდეს. ერთობლივი ქმედებებით, პროფესიონალთა რეკომენდაციების დაცვით, ჩვენ სწრაფად შევძლებთ ვირუსის დამარცხებას და საქმიანობის ჩვეულ რეჟიმში აღდგენას. #დარჩიშინ,“- ნათქვამია სებ-ის განცხადებაში.

 

2 აპრილს ეროვნული ბანკის შვიდ თანამშრომელს კორონავირუსი დაუდასტურდა.

 

საქართველოში ამ დროისთვის კორონავირუსის 188 შემთხვევა დადასტურდა, მათგან 27 ადამიანი უკვე განიკურნა. ვირუსით ინფიცირების პირველი შემთხვევა ქვეყანაში 2020 წლის 26 თებერვალს დადასტურდა. 21 მარტს საქართველოში საგანგებო მდგომარეობა ამოქმედდა, 31 მარტიდან კი - საყოველთაო კარანტინის რეჟიმი.

ნუ მიხვალთ ეკლესიაში სალოცავად, ილოცეთ სახლში, - ამის შესახებ დაავადებათა კონტროლისა და საზოგადოებრივი ჯანდაცვის ეროვნული ცენტრის დირექტორის მოადგილემ, უწყებათაშორისი საკოორდინაციო საბჭოს სხდომის დასრულების შემდეგ განაცხადა.

 

პაატა იმნაძემ მოსახლეობას სახლში დარჩენისკენ კიდევ ერთხელ მოუწოდა და განმარტა, რომ ყველა გაცემული რეკომენდაცია დროს უსწრებს და მათი ეფექტი დროთა განმავლობაში გამოჩნდება.

 

"ეკლესიის კარი არ დაიკეტება, იქ იქნებიან მამაოები, რომლებიც ილოცებენ ჩვენთვის, ჩვენ სახლში ვილოცოთ ერთმანეთისა და ჩვენი ქვეყნისთვის. მე ყოველთვის ვცდილობ, ნებისმიერი ჩვენი აკრძალვა და რჩევა იყოს საფრთხის ადეკვატური. ამავე დროს მინდა, კარგად გავითავისოთ ყველამ, რომ ორი კვირის წინ რა რჩევებსაც ვიძლეოდით ყველა, იმის დაცვა ან არდაცვა ჩნდება დღეს. დღეს ჩვენ რა რჩევებსაც ვიძლევით და რა აკრძალვებსაც ვამბობთ, ამის ეფექტი გამოჩნდება ორი კვირის შემდეგ. ჩვენ ყოველთვის დროს უნდა ვუსწრებდეთ ჩვენი აკრძალვებით თუ რჩევებით. აქედან გამომდინარე, მე მინდა მივმართო მორწმუნე ქრისტიანებს, დავიცვათ ჩვენი დედა ეკლესია, დავიცვათ მღვდელმთავრები ეკლესიაში არ მისვლით, სახლში ლოცვით. დავიცვათ არამხოლოდ ამ ვირუსისგან, არამედ სხვა ვირუსებისგანაც. დავიცვათ ჩვენი ეკლესია, ნუ მიხვალთ ეკლესიაში სალოცავად, ილოცეთ სახლში. ეკლესიის კარი არ დაიკეტება, იქ იქნებიან მამაოები, რომლებიც ილოცებენ ჩვენთვის, ჩვენ სახლში ვილოცოთ ერთმანეთისთვის და ჩვენი ქვეყნისთვის", - განაცხადა იმნაძემ.

 

საქართველოში კორონავირუსი 188 ადამიანს დაუდასტურდა, აქედან 36 ადამიანი უკვე გამოჯანმრთელდა, 2 კი გარდაიცვალა.

 

ვირუსით ინფიცირების პირველი შემთხვევა ქვეყანაში 2020 წლის 26 თებერვალს დადასტურდა. 21 მარტს საქართველოში საგანგებო მდგომარეობა ამოქმედდა, 31 მარტიდან კი - საყოველთაო კარანტინის რეჟიმი.

საქართველოს მთავრობა ნატოს „კატასტროფებზე რეაგირების ევროატლანტიკურ საკოორდინაციო ცენტრს“ (EADRCC) თავდაცვის ძალების 100 საკონტროლო პუნქტისთვის საჭირო აღჭურვილობას სთხოვს.

 

შესაბამისი დოკუმენტის შესავალში საქართველოს მთავრობის მიერ კორონავირუსის დაფიქსირების დღიდან გადადგმული ნაბიჯებია მიმოხილული. ჩამონათვალში კი შემდეგი აღჭურვილობებია მოცემული:

 

საველე ბანაკი - 100;

 

სამედიცინო ბანაკი - 100;

 

საველე სასადილო - 100;

 

საწოლი - 2 500; პირსაბანი - 100;

 

გენერატორი — 100;

 

გამათბობელი - 600;

 

ცეცხლმაქრი - 300;

 

მაცივარი შუშის კარით - 100;

 

ელექტროჩაიდანი - 200;

 

თერმომეტრი - 200;

 

სადეზინფექციო ხსნარის დისპენსერი - 500;

 

ელექტროთერმომეტრი - 200;

 

ლაზერული/ინფრაწითელი თერმომეტრი - 200;

 

გზის გადასაკეტი პლასტმასის ბარიერები - 1200;

 

ამკრძალავი ნიშანი - 200;

 

ხელში დასაჭერი ამკრძალავი ნიშანი - 200;

 

პროექტორი (150-ვოლტიანი) - 400;

 

მეგაფონი - 100;

 

მავთულხლართის კოჭი (20-მეტრიანი) - 100;

 

სამედიცინო პირბადე - 7 500;

 

ხელთათმანები - 7 500;

 

დოკუმენტში ასევე საუბარია სწრაფად მოხმარებადი ნივთების კატეგორიაზე, საქართველოს შინაგან საქმეთა სამინისტროსა და საგანგებო სიტუაციების სამსახურისთვის:

 

ერთჯერადი დამცავი ბიოკომბინიზონი - 20 500;

 

რესპირატორი - 26 000;

 

დამცავი ნიღაბი - 190 000;

 

სადეზინფექციო შხაპის კარავი - 4;

 

წყალგამძლე მასალა სადეზინფექციო შხაპის კარვისთვის, 5X5 - 4;

 

ბიოსაფრთხის სადეზინფექციო სპრეი პირადი მოხმარებისთვის - 1000;

 

გასაბერი კარავი გათბობის სისტემით - 40;

 

ინფრაწითელი თერმომეტრი - 290;

 

დამცავი ხელთათმანი - 23 000;

 

სადეზინფექციო საშუალება - 500 ლიტრი;

 

სათვალე/სახის დამცავი ფარი - 2 000;

 

ელექტროსპრეი - 50.

 

საქართველოში კორონავირუსი 188 ადამიანს დაუდასტურდა, აქედან 39 ადამიანი უკვე გამოჯანმრთელდა, 2 კი გარდაიცვალა. ვირუსით ინფიცირების პირველი შემთხვევა ქვეყანაში 2020 წლის 26 თებერვალს დადასტურდა.

 

21 მარტს საქართველოში საგანგებო მდგომარეობა ამოქმედდა, 31 მარტიდან კი - საყოველთაო კარანტინის რეჟიმი.

თუ ჩვენთანაც იქნება შემთხვევების ზრდა და ბევრი პაციენტი გვეყოლება, ეს ნიშნავს, რომ მსუბუქი პაციენტების მკურნალობა ბინაზე უნდა მოხდეს, - ამის შესახებ თბილისი ინფექციური საავადმყოფოს ინფექციონისტმა „ტვ პირველის“ ეთერში განაცხადა.

 

ალექსანდრე გოგინავას თქმით, ჩვენ გყავს ოჯახის ექიმები, პირველადი ჯანდაცვის რგოლის ექიმები, რომლებიც გადამზადებული არიან და ისინი მზად არიან, რომ ადეკვატური მკურნალობა დანიშნონ და სრულფასოვანი მონიტორინგი გაუწიონ იმ პაციენტებს, ვისი მდგომარეობაც მსუბუქი იქნება.

 

„მსუბუქი პაციენტების მონიტორინგი და მათთვის მკურნალობის დანიშნვა ონლაინ ან ოჯახის ექიმთან კონსულტაციის შემდეგ მოხდება. მსუბუქი პაციენტების ბინაზე მკურნალობის პრეცენდენტი გვაქვს განვითარებულ ქვეყნების მაგალითზეც. ასე რომ, შესაძლებელია, ინფიცირებული პაციენტების სრულფასოვანი მკურნალობა და მონიტორინგი განხორციელდეს ბინაზე, ისე რომ, მათ ჯანმრთელობას არანაირი საფრთხე არ დაემუქროს და მოხდეს პაციენტების სრულყოფილი, მაღალ პროფესიულ დონეზე მართვა“, - განაცხადა ალექსანდრე გოგინავამ.

 

საქართველოში კორონავირუსი 188 ადამიანს დაუდასტურდა, აქედან 36 ადამიანი უკვე გამოჯანმრთელდა, 2 კი გარდაიცვალა. ვირუსით ინფიცირების პირველი შემთხვევა ქვეყანაში 2020 წლის 26 თებერვალს დადასტურდა.

 

21 მარტს საქართველოში საგანგებო მდგომარეობა ამოქმედდა, 31 მარტიდან კი - საყოველთაო კარანტინის რეჟიმი.

 მოსკოვში, მართლმადიდებელი ეკლესიის 3 სასულიერო პირს კორონავირუსი დაუდასტურდა. ამის შესახებ ინფორმაციას ,,რია ნოვოსტი“ ავრცელებს.

 

გამოცემის ინფორმაციით, სასულიერო პირები მოსკევის ეპარქიის, ღვთიმშობლის ხატის სახელობის ეკლესიის მღვდელი პეტრე ნიკოლ რიჯკოვია, მეორე სასულიერო პირი კი პიტერ, ვიქტორ ვოლკოვია, ღვთისმშოვბლის შობის ეკლესიის მღვდელი, ხოლო მესამეა სასულიერო პირი ამაღლების სახელობის ეკლესიის მღვდელი გეორგი დეხტიაევია.

 

როგორც ადგილობრივი მედია წერს, კორონავირუსისთვის დამახასიათებელი სიმპტომები კიდევ 2 სასულიერო პირს აღენიშნება, მაგრამ მათი ანალიზის პასუხები ჯერ უცნობია.

 

სასულიერო პირები თვითიზოლაციში იმყოფებიან და მათი ჯანმრთელობის მდგომარეობა, ამ ეტაპისთვის დამაკმაყოფილებელია.

 

ბოლო მონაცემებით, რუსეთში COVID-19-ით 5 389 ადამიანი დაინფცირდა, 45 ადამიანი კი გარდაიცვალა.

ევროკავშირი

არქივი

« « » » Апрель 2019
Пн вт ср чт пт сб вс
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30

ამინდი

თბილისი

ბლოგერები

Global Press
ვალოდია ჯინჭარაძე
ბლოგერი
იხილეთ ბლოგი
Global Press
გიორგი გიორგაძე
ბლოგერი
იხილეთ ბლოგი
Global Press
მერაბ ცაავა
ბლოგერი
იხილეთ ბლოგი

ყველა ბლოგერი

ჟურნალისტური გამოძიება

გამოკითხვა

საქართველოში, პროსტიტუციის ლეგალიზაცია უნდა მოხდეს თუ არა?