პარლამენტთან მიმდინარე საპროტესტო აქციის მონაწილეებმა საქართველოს ეროვნული ჰიმნი შეასრულეს. მათ თან ჰქონდათ წითელი ბარათები, რომლებიც აქციის ორგანიზატორებმა დაურიგეს.

 

აქციის ორგანიზატორებმა მოუწოდეს აქციის მონაწილეებს, ბარათები შეევსოთ. მათი განცხადებით, ეს არის ბარათები, რომლის შევსების შემდეგაც, თითოეულ მოქალაქეს უნდა ახსოვდეს, რომ ისინი არიან ქვეყნის სამსახურში და ამავდროულად, ის იქნება "წითელი ბარათი" ბიძინა ივანიშვილისთვის.

 

აქცია "სირცხვილია" პარლამენტის წინ დღეს, 19:00 საათზე განახლდა,რომელსაც ოპოზიციური პარტიები შეურთდნენ. რუსთაველზე ამ დრომდე გადაკეტილია საავტომობილო მოძრაობა. აქციაზე ასევე სიტყვით გამოვიდა საზოგადოებრივი მოძრაობა "ლელოს" დამფუძნებელი მამუკა ხაზარაძე.

Email:Этот адрес электронной почты защищён от спам-ботов. У вас должен быть включен JavaScript для просмотра.