Global Press

Russia

Global PressGlobal PressGlobal PressGlobal Press

USD
2.9638
EUR
3.267
RUR
0.0456
GBP
3.6526

თბილისის საჯარო საბავშვო ბაგა-ბაღებში 2019-2020 სასწავლო-სააღმზრდელო წლისთვის აღსაზრდელთა მიღების მიზნით, ელექტრონული რეგისტრაცია 2019 წლის 12 ივნისს დაიწყება.

 

რეგისტრაცია ორ ეტაპად, თბილისის საბავშვო ბაგა-ბაღების მართვის სააგენტოს ვებგვერდზე www.kids.org.ge წარიმართება.

 

პირველი ეტაპის რეგისტრაცია 12 ივნისს, 12:00 საათზე დაიწყება და რეგისტრაციას შეძლებენ: სოციალურად დაუცველი ოჯახების შვილები; სსიპ „სახელმწიფო ზრუნვის სააგენტოს“ ფილიალის, ჩვილ ბავშვთა სახლის ბენეფიციარები, „სახელმწიფო ზრუნვის სააგენტოს“ (შესაბამისი უფლებამოსილების მქონე დაწესებულების) მოწერილობის საფუძველზე; სპეციალური საგანმანათლებლო საჭიროების მქონე ბავშვები; იმ ოჯახის ბავშვები, რომელთა შვილები სარგებლობენ იმავე სკოლამდელი აღზრდის დაწესებულების მომსახურებით;ქალაქ თბილისის მუნიციპალიტეტის ტერიტორიაზე 2015 წლის 13-14 ივნისს მომხდარი სტიქიის შედეგად დაზარალებული ოჯახების ბავშვები, ქალაქ თბილისის მუნიციპალიტეტის მერიის შესაბამისი სტრუქტურული ერთეულების ან/და საჯარო სამართლის იურიდიული პირების შუამდგომლობის საფუძველზე; მარტოხელა მშობლის სტატუსის მქონე პირთა შვილები.

 

აღსანიშნავია, რომ განსაკუთრებული საგანმანათლებლო საჭიროებისა და მარტოხელა მშობლის სტატუსის მქონე მშობლების ბავშვების რეგისტრაცია არ მოხდება ელექტრონულად და აუცილებელი იქნება შესაბამისი დოკუმენტების წარდგენა საბავშვო ბაგა-ბაღების მართვის სააგენტოში.

 

რეგისტრაციის მეორე ეტაპი კი 19 ივნისს, 12:00 საათზე დაიწყება და ელექტრონულად დარეგისტრირებას შეძლებს ყველა სხვა აპლიკანტი, რომელიც არ შედის პირველ ეტაპზე დასარეგიტრირებელთა კატეგორიებში. ამასთან, რეგისტრაცია შესაძლებელია მხოლოდ ერთ საჯარო ბაგა-ბაღში.

 

აღსანიშნავია, რომ რეგისტრაციის გავლას შეძლებს ყველა ის ბავშვი, რომელიც სასწავლო-სააღმზრდელო წლის დასაწყისში (და არა რეგისტრაციის მომენტში) იქნება 2 წლის.

 

წელს საბავშვო ბაღების ჩამონათვალს დაემატება 4 ახლად აშენებული საბავშვო ბაღი, რომელიც მიმდინარე წლის შემოდგომაზე გაიხსნება, შედეგად, თავისუფალი ადგილების რაოდენობა წელს 15 000 იქნება.

საკრებულოს ფრაქცია „ნაციონალური მოძრაობა“ თბილისის მერს მიმართავს და ბაღების კვებით მომსახურებისთვის შპს „ნილთან“ ხელშეკრულების გაუქმებას მოითხოვს.

 

საკრებულოს დეპუტატმა ლევან ხაბეიშვილმა დღეს თბილისის მერიაში განცხადება შეიტანა და აღნიშნა, რომ ამ ხელშეკრულებით 60 000 ბავშვს რისკის ქვეშ აყენებენ. მისივე თქმით, ოპოზიცია აღნიშნულ საკითხს საკრებულოს სხდომაზეც დააყენებს.

 

„მე თან მაქვს შიდა აუდიტისა და მონიტორინგის საქალაქო სამსახურის მიერ მომზადებული დასკვნა, სადაც წერია, რომ კომპანია არაჯეროვნად ასრულებდა მის მოვალეობას, რაც გულისხმობს იმას, რომ დედაქალაქში ერთი წლის განმავლობაში 60 000-ზე მეტ ბავშვს ემსახურებოდნენ უხარისხო საკვებით, რომელიც სტანდარტებს არ შეესაბამებოდა. ჩვენ დედაქალაქის მერისგან ვითხოვთ ამ ხელშეკრულების გაუქმებას და იმის გადამოწმებას თუ რა ზიანი მიადგა იმ 60 000 ბავშვს, რომელსაც ერთი წლის განმავლობაში უხარისხო საჭმელი აჭამეს. გარდა ამისა, ჩვენ ვამზადებთ სარჩელს, რომელსაც აუცილებლად შევიტანთ პროკურატურაში. მთავრობის სხდომაზე აუცილებლად დავაყენებთ კონკრეტულ საკითხს, თუ ვინ იღებს პასუხისმგებობას იმაზე, რომ 60 000 ბავშვს 2019 წელსაც რისკის ქვეშ აყენებენ, რადგან კომპანია, რომელიც 2018 წელს კვებავდა ბავშვეებს, ბაღებს წელსაც უნდა მემსახუროს. საკრებულოს სხდომაზეც დავაყენებთ ამ საკითხს. ოპოზიცია აუცილებლად იბრძოლებს იმისთვის, რომ 60 000 ბავშვის კვებასა და ჯანმრთელობას პრობლემა არ შექმნას“, - განაცხადა ლევან ხაბეიშვილმა.

გრიპის ვირუსის გავრცელების პრევენციის მიზნით, სააღმზრდელო პროცესის განახლება თბილისის საბავშვო ბაღებშიც გადაიდო. ამის შესახებ „გლობალპრესს“ თბილისის ბაგა-ბაღების მართვის სააგენტოში განუცხადეს.

 

„სკოლების მსგავსად, თბილისის საბავშვო ბაღებში ზამთრის არდადეგები 18 იანვრის ჩათვლით გაგრძელდება. შესაბამისად, სააღმზრდელო პროცესი საბავშვო ბაღებში 21 იანვრიდან განახლდება“, - აცხადებენ ბაგა-ბაღების მართვის სააგენტოში.

 

შეგახსენებთ, რომ განათლების, მეცნიერების, კულტურისა და სპორტის სამინისტრომ სკოლებს რეკომენდაციებით მიმართა, გრიპის ვირუსის გავრცელების პრევენციის მიზნით, ზოგადსაგანმანათლებლო დაწესებულებებში 2018-2019 სასწავლო წლის ზამთრის არდადეგები გახანგრძლივდეს 18 იანვრის ჩათვლით.

ექსკლუზიური

არქივი

« « » » Сентябрь 2019
Пн вт ср чт пт сб вс
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30

ამინდი

თბილისი

ბლოგერები

Global Press
ვალოდია ჯინჭარაძე
ბლოგერი
იხილეთ ბლოგი
Global Press
გიორგი გიორგაძე
ბლოგერი
იხილეთ ბლოგი
Global Press
მერაბ ცაავა
ბლოგერი
იხილეთ ბლოგი

ყველა ბლოგერი

ჟურნალისტური გამოძიება

გამოკითხვა

საქართველოში, პროსტიტუციის ლეგალიზაცია უნდა მოხდეს თუ არა?