Global Press

Russia

Global PressGlobal PressGlobal PressGlobal Press

USD
2.9638
EUR
3.267
RUR
0.0456
GBP
3.6526

ნატო-ს სამხედრო პოტენციალის გაზრდა არღვევს მსოფლიოში არსებულ უსაფრთხოების სისტემას და რუსეთს აიძულებს საპასუხო ზომები მიიღოს. ამის შესახებ რუსეთის თავდაცვის მინისტრმა სერგეი შოიგუმ განაცხადა.

 

„ორჯერ გაიზარდა ნატო-ს სწავლების მასშტაბები და ინტენსიურობა, რომელშიც უფრო აქტიურად მონაწილეობენ ნატო-ს არაწევრი ქვეყნები უკრაინა და საქართველო. ამგვარი ქმედება არღვევს მსოფლიოში არსებულ უსაფრთხოების სისტემას“, - განაცხადა რუსეთის თავდაცვის უწყების ხელმძღვანელმა.

 

სერგეი შოიგუს თქმით, გრძელდება ბალტიისპირეთის, აღმოსავლეთ და სამხრეთ ევროპის ქვეყნებში ნატო-ს ბაზირების სისტემის განვითარება.

 

„ამგვარ ვითარებაში ჩვენ იძულებულნი ვართ ადეკვატური რეაგირება მოვახდინოთ“, - დასძინა მან.

საქართველოს საგარეო საქმეთა მინისტრის დავით ზალკალიანის შეფასებით, საქართველოს პემიერ-მინისტრმა მიუნხენის კონფერენციის ფარგლებში აღმოსავლეთ ევროპის უსაფრთხოებისადმი მიძღვნილ სესიაზე მრავალმხრივ წარმოადგინა საქართველო და მონაწილეებს მიაწოდა სრული სურათი, როგორც ქვეყნის მიღწევების, ისე საქართველოს წინაშე არსებული გამოწვევების შესახებ.

 

მისი განცხადებით, პრემიერ-მინისტრი შეეხო ყველა ძირითად საკითხს, აქცენტები გააკეთა როგორც ქვეყნის უსაფრთხოებაზე, ოკუპირებულ ტერიტორიებზე შექმნილ მდგომარეობასა და რუსეთის აგრესიაზე, ისე საქართველოს სამშვიდობო ინიციატივაზე და საერთაშორისო თანამეგობრობის კონსოლიდაციის აუცილებლობაზე კონფლიქტის მშვიდობიანი მოგვარების კუთხით.

 

„პრემიერმა ყურადღება გაამახვილა იმ პროგრესზე და ხელშესახებ შედეგებზე, რაც საქართველოს გააჩნია ევროპული და ევრო-ატლანტიკური ინტეგრაციის გზაზე, ისაუბრა ასევე ეკონომიკურ განზომილებაზე, მათ შორის საქართველოს როლზე არსებულ გეოპოლიტიკურ გარემოში და იმ მნიშვნელოვან ეკონომკიურ პოტენციალზე, რომელიც ქვეყნას აძლევს საშუალებას, მიუხედავად რთული გარემოსი, დააფიქსიროს ეკონომიკური ზრდა. აქცენტი ასევე გაკეთდა ნატო-ში ინტეგრაციის პროგრესზე, იმაზე, რომ საქართველო არის წინ წასული ინტეგრაციული ნაბიჯებით ყველა სხვა ასპირანტ ქვეყანასთან შედარებით და ამას სჭირდება ადეკვატური ნაბიჯები ნატო-ს მხრიდან“,- განაცხადა მინისტრმა.

 

მისი თქმით, უაღრესად მნიშვნელოვანია, რომ საქართველო ფართოდ იყო წარმოდგენილი მიუნხენის უსაფრთხოების კონფერენციის, ყველა ძირითად პანელზე და მნიშვნელოვანია, რომ საქართველო მოხსენიებულია, არა მხოლოდ მისდამი მიძღვნილ დისკუსიებზე, არამედ ბევრი ლიდერის და ექსპერტის მხრიდან კონფერენციის ფარგლებში.

 

„მიუხედავად უმწვავესი გეოპოლიტიკური გამოწვევებისა საქართველო მუდმივად დგას დღის წესრიგში. მიუნხენის კონფერენციაზე საქართველოს დაეთმო სამი დამოუკიდებელი ღონისძიება, მათ შორის ორი პარალელური სესია, რომლიდანაც ერთი საქართველოს მიერ იყო ორგანიზებული. ხოლო მეორეზე, რომელიც თავად კონფერენციის და გერმანიის ატლანტიკური საბჭოს მიერ გაკეთდა, საქართველო მიწვეული იყო მთავარ მომხსენებლად. საქართველოს ასევე დაეთმო ერთ-ერთი მთავარი სესია, რომელიც მიეძღვნა აღმოსავლეთ ევროპის უსაფრთხოებას, ეს ყველაფერი მიუთითებს, რომ მთლიანობაში საქართველოს მონაწილეობა მიუნხენის კონფერეციაში იყო წარმატებული“- განაცხადა საქართველოს საგარეო საქმეთა მინისტრმა დავით ზალკალიანმა.

 

ინფორმაციას ვიზიტის შესახებ საგარეო საქმეთა სამინისტრო ავრცელებს.

რუსეთის შეჭრა საქართველოსა და უკრაინაში ჩვენი უსაფრთხოებისა და ცხოვრების წესისთვის უშუალო გამოწვევას წარმოადგენს, - ამის შესახებ პოლონეთში ვიზიტის ფარგლებში აშშ-ის სახელმწიფო მდივანმა მაიკ პომპეომ განაცხადა.

 

“რუსეთის შეჭრა საქართველოსა და უკრაინაში, გასული წლის ნოემბერში უკრაინულ გემებზე უმიზეზოდ თავდასხმა და მიმდინარე ჰიბრიდული ომები ჩვენს და ჩვენი მოკავშირეების წინააღმდეგ უშუალო გამოწვევას წარმოადგენს ჩვენი უსაფრთხოებისა და ცხოვრების წესისთვის”, - განაცხადა აშშ-ს სახელმწიფო მდივანმა.

 

მაიკ პომპეომ ასევე ხაზგასმით აღნიშნა, რომ “რუსეთს ევროპაში დომინირების დიდი გეგმები აქვს”.

 

“რუსეთს ევროპაში დომინირების დიდი გეგმები აქვს და სურს თავისი გავლენა განამტკიცოს მსოფლიო არენაზე. ვლადიმერ პუტინი ცდილობს განხეთქილება შეიტანოს ნატო-ში, დაასუსტოს აშშ და ძირი გამოუთხაროს დასავლურ დემოკრატიებს”, - დასძინა მან.

გერმანიის საელჩოს ეკონომიკისა და სამართლის განყოფილების უფროსი იან ბითნერი განმარტავს, რატომ ჭიანურდება საქართველოს უსაფრთხო ქვეყნების სიაში შეყვანის თაობაზე ბუნდესრატის მიერ გადაწყვეტილების მიღება.

 

იან ბითნერმას განცხადებით, იმ საკანონმდებლო პაკეტთან დაკავშირებით, რომლის თანახმად, საქართველოს უსაფრთხო ქვეყნად აღიარება მაროკოსთან, ალჟირთან და ტუნისთან ერთად უნდა მოხდეს, აზრთა სხვადასხვაობაა.

 

„რაც შეეხება საქართველოს უსაფრთხო ქვეყნად გამოცხადებას, გერმანიის პარლამენტის პირველმა პალატამ, ბუნდესტაგმა გადაწყვიტა, საქართველო, მაროკოსთან, ალჟირთან და ტუნისთან ერთად უსაფრთხო ქვეყნად გამოეცხადებინა, მაგრამ საჭიროა საკანონმდებლო ორგანოს მეორე პალატის - ბუნდესრატის თანხმობა. ბუნდესრატის თანხმობა გარანტირებული არ არის და ამიტომ შეუძლებელია, კონკრეტულ თარიღზე ვისაუბროთ. აღსანიშნავია, რომ განსაკუთრებით მწვანეთა პარტიაში არსებობს აღნიშნული კანონის მიმართ კრიტიკა.

 

საქმე ეხება მაროკოში, ალჟირსა და ტუნისში მდგომარეობის განსხვავებულ შეფასებას. საქართველოს უსაფრთხო ქვეყნის სტატუსი პარტიებს შორის არ არის საკამათო საკითხი. გერმანიაში საქართველო ითვლება სტაბილურ ქვეყანად, სადაც დაცულია ადამიანის უფლებები. მაგრამ რადგან ამ კანონის პაკეტში ოთხი ქვეყანაა გაერთიანებული, არ არსებობს იმის გარანტია, რომ საქართველო მალე გამოცხადდება უსაფრთხო ქვეყნად და ამიტომ არ არის ეს კანონი საბოლოოდ მიღებული. თუ საერთო შეთანხმება არ მოხდა, საქართველოსთვის ეს სტატუსი ისეთი სახით დარჩება, როგორც ახლა არის.

 

მიუხედავად ამისა, ის საკითხი, გამოცხადდება თუ არა საქართველო უსაფრთხო ქვეყანად, საქართველოს მოქალაქეებისთვის თითქმის არ გამოიწვევს ცვლილებებს. დღესაც, საქართველოდან თავშესაფრის მოთხოვნათა დაკმაყოფილება თითქმის ნულის ტოლია. ეს ნიშნავს იმას, რომ საქართველოს მოქალაქეებისთვის დღესაც არ არსებობს გერმანიაში თავშესაფრის მიღების შანსი.

 

გერმანიის ფედერალურმა მთავრობამ გასულ წელს მიიღო გადაწყვეტილება, რომ საქართველო უსაფრთხო ქვეყნების სიაში შეეყვანა. მან შეიმუშავა ეს კანონპროექტი, რომელსაც შემდეგ ბუნტესტაგმა დაუჭირა მხარი“, - განაცხადა გერმანიის საელჩოს ეკონომიკისა და სამართლის განყოფილების უფროსმა იან ბითნერმა.

2008 წელს საქართველოს და შემდეგ უკრაინის წინააღმდეგ განხორციელებულმა აგრესიამ სრულიად გამოუთხარა ძირი უსაფრთხოებას და მშვიდობას, - ამის შესახებ საქართველოს პრემიერ-მინისტრმა მამუკა ბახტაძემ მიუნხენის უსაფრთხოების 55-ე კონფერენციის ფარგლებში აღმოსავლეთ ევროპაში უსაფრთხოებისადმი მიძღვნილ თემატურ დისკუსიაზე გამოსვლისას განაცხადა.

 

მთავრობის მეთაურის შეფასებით, ის, რომ შავი ზღვის რეგიონი ევროპისა და ნატოსთვის სულ უფრო პრიორიტეტული ხდება, მნიშვნელოვანი წინგადადგმული ნაბიჯია.

 

“2008 წელს საქართველოს და შემდეგ უკრაინის წინააღმდეგ განხორციელებულმა აგრესიამ სრულიად გამოუთხარა ძირი უსაფრთხოებას და მშვიდობას. დღეს ზოგიერთი ექსპერტი აცხადებდა, რომ ეს არის აღმოსავლეთ ევროპისკენ მიმართული საფრთხე. ნება მომეცით, არ დავეთანხმო ამ მოსაზრებას. ეს საფრთხე ემუქრება მთელს ევროატლანტიკურ სამყაროს. ეს დიდი საშიშროებაა. ჩემი პოზიცია ასეთია - ვიდრე არ გვექნება ხელშესახები და ძლიერი უსაფრთხოება შავი ზღვის რეგიონში, ის მდგრადი ვერც ევროპაში იქნება. ჩვენი ძალისხმევა უნდა გავაერთიანოთ. უნდა მოვახდინოთ კონსოლიდაცია იმ ერების ინიციატივებისა, რომლებსაც თავისუფლების და დემოკრატიის სწამთ”, - განაცხადა პრემიერ-მინისტრმა.

 

მთავრობის მეთაურმა ქვეყნის წინაშე მდგარ მტკივნეულ გამოწვევებზე ისაუბრა და აღნიშნა, რომ ამის მიუხედავად საქართველოს აქვს დიდი წარმატების ისტორია.

 

“რუსეთი აგრძელებს ჩვენი ტერიტორიების 20 პროცენტის ოკუპაციას, მაგრამ გამძლე ერი ვართ. ყოველთვის ვცდილობ, ხაზი გავუსვა, რომ ევროკავშირსა და ნატოში ჩვენი გაწევრიანება არ არის მხოლოდ პოლიტიკური არჩევანი. ეს ცივილიზაციური, ღირებულებებზე დაფუძნებული არჩევანია. ბოლოდროინდელი სოციალური აზრის კვლევის თანახმად, მოსახლეობის 80% მხარს უჭერს ევროკავშირსა და ნატოში გაწევრიანების იდეას. ჩვენ ძალიან დიდი მხარდაჭერა გვაქვს ჩვენი მოსახლეობის მხრიდან. რატომ? იმიტომ რომ ეს არ არის მხოლოდ პოლიტიკური არჩევანი. ეს ერის ცივილიზაციური არჩევანია და ამ გზავნილის მიტანას ვცდილობთ ჩვენს კარგ მეგობრებთან დასავლეთში”, - აღნიშნა მამუკა ბახტაძემ.

 

თემატურ დისკუსიაში, რომელსაც ევრაზიის ჯგუფის პრეზიდენტი იან ბრემერი მოდერატორობდა, საქართველოს პრემიერ-მინისტრთან ერთად უკრაინის პრეზიდენტი პეტრო პოროშენკო, ხორვატიის პრემიერ-მინისტრი ანდრეი პლენკოვიჩი და ეუთოს გენერალური მდივანი ტომას გრემინგერი მონაწილეობდნენ.

 

ინფორმაციას მთავრობის ადმინისტრაციის პრესსამსახური ავრცელებს

ლიეტუვის სახელმწიფო უშიშროების დეპარტამენტი ყოველწლიურ ანგარიშში რუსეთს ერთ-ერთ უმთავრეს საფრთხედ ასახელებს.

 

ანგარიშის თანახმად, რუსული სპეცსამსახურები ცდილობენ ლიეტუვის მოქალაქეების გადაბირებას, ხოლო ადგილობრივი პოლიტიკოსები და საზოგადოებრივი მოღვაწეები, რომლებსაც კონტაქტები აქვთ რუსეთსა და ბელარუსში ან ნათესავები ჰყავთ, ხშირად კრემლის დაინტერსების ობიექტები ხდებიან.

 

ლიეტუვის დაზვერვის წარმომადგენლების განცხადებით, „რუსული სპეცსამსახურები მანიპულირებას ახდენენ საბჭოთა წარსულისა და მისი ნოსტალგიის თემით და ლიეტუვის სახელმწიფოებრიობის წინააღმდეგ პროპაგანდას ავრცელებენ“.

 

კიბერუსაფრთხოების სფეროში მთავარ საფრთხედ ასევეა დასახელებული რუსული სპეცსამსახურები, რომლებიც, ინფორმაციას აგროვებენ, IT-სისტემების მუშაობას აფერხებენ და გავლენის ოპერაციებში ერთვებიან.

 

ლიეტუვას სახელმწიფო უშიშროების დეპარტამენტში და სამხედრო დაზვერვაში ხაზგასმით აღნიშნავენ, რომ რუსეთი ლიეტუვას წინააღმდეგ ტექნოლოგიურად დახვეწილ კიბერინსტრუმენტებს იყენებს, რომელთა გამოვლენა უსაფრთხოების ჩვეულებრივი სისტემების მეშვეობით შეუძლებელია.

 

რუსეთის სპეცსამსახურების ერთ-ერთ მთავარ სამიზნედ დასახელებულია არჩევნები, რომელიც ლიეტუვაში წელს უნდა გაიმართოს. საუბარია ადგილობრივ, საპრეზიდენტო და ევროპარლამენტის არჩევნებზე.

რუსეთი და აშშ ევროპისთვის ყველაზე დიდი საფრთხეა. ამას მოწმობს გერმანული ფრიდრიხ ებერტის ფონდის მიერ ევროპის შვიდ ქვეყანაში ჩატარებული გამოკითხვა. ამის შესახებ იუწყება „Onet.pl“.

 

ამ ქვეყნებში გამოკითხული რესპონდენტების უმეტესობა დარწმუნებულია, რომ ევროპაში უსაფრთხოებასთან დაკავშირებული სიტუაცია მნიშვნელოვნად გაუარესდა და ახალი ომის საფრთხეს ხედავს. პოლონეთში რესპონდენტების 77 %, უკრაინაში კი 67 % მიიჩნევს, რომ საფრთხის მთავარი წყარო რუსეთია. გამოკითხული გერმანელების ნახევარი ფიქრობს, რომ საფრთხეს, უპირველესად, აშშ ქმნის. ანალოგიურად ფიქრობს ოთხიდან ერთი ფრანგი.

 

რესპონდენტები, ძირითადად, შეშფოთებულები არიან შეიარაღებული კონფლიქტებით, ტერორიზმით და კლიმატის ცვლილებით. ომის საფრთხეს, უმეტესად, ხედავენ უკრაინაში, პოლონეთსა და რუსეთში. პოლონელები მიიჩნევენ, რომ მათმა ქვეყანამ თავდაცვის ხარჯები უნდა გაზარდოს.

 

რესპონდენტების უმეტესობა გერმანიაში, საფრანგეთსა და პოლონეთში და სერბების 80 % მიიჩნევენ, რომ მათი ქვეყანა უფრო მეტად უნდა თანამშრომლობდეს რუსეთთან, ვიდრე მანამდე თანამშრომლობდა.

საქართველოს პრემიერ-მინისტრი მიუნხენის უსაფრთხოების კონფერენციის 55-ე ფარგლებში ხვალ მონაწილეობას მიიღებს თემატურ დისკუსიაში, რომელიც აღმოსავლეთ ევროპაში უსაფრთხოების საკითხებს ეძღვნება. ამის შესახებ „გლობალპრესს“ პრემიერ-მინისტრის პრესსამსახურიდან აცნობეს.

 

მათივე ცნობით, მამუკა ბახტაძესთან ერთად, დისკუსიაში რამდენიმე სახელმწიფოსა და მთავრობის მეთაური ჩაერთვება.

 

“საუბარი იქნება ძალიან საინტერესო და მნიშვნელოვან თემებზე, რათა განისაზღვროს სამომავლო პერსპექტივები აღმოსავლეთ ევროპაში უსაფრთხოების უზრუნველსაყოფად”, - განაცხადა საქართველოს პრემიერ-მინისტრის მრჩეველმა ირაკლი ჩიქოვანმა.

 

ხვალვე, მიუნხენის უსაფრთხოების კონფერენციის ფარგლებში, საქართველოს მთავრობის მეთაური საქართველოს ნატოში ინტეგრაციასთან დაკავშირებულ საკითხებზე მრგვალ მაგიდას უმასპინძლებს. ღონისძიებაზე მოწვეული მაღალი დონის სტუმრები ევროატლანტიკური ინტეგრაციის გზაზე საქართველოს მიღწევებსა და სამომავლო პერსპექტივებზე იმსჯელებენ.

აშშ-ს პრეზიდენტმა დონალდ ტრამპმა სირიიდან ჯარების სრული გაყვანის განკარგულება გასცა, აღნიშნულ ინფორმაციას ჯერ ამერიკულმა მედიამ, თავდაცვის უწყების წარმომადგენლებზე დაყრდნობით გაავრცელა, ასევე ტრამპმა ,,ტვიტერის“ საკუთარ გვერდზე დაწერა, რომ „ისლამური სახელმწიფოს“ სრული დამარცხებულია, რაც მიზეზი გახდა, სირიიდან ამერიკული ჯარის გაყვანის.

 

შემდგომ   აღნიშნული ინფორმაცია თეთრი სახლის პრესმდივანმა სარა სანადერსმა ,,REUTERS”- თან დაადასტურა,,ისლამური სახელმწიფოს“ წინააღმდეგ ბრძოლაში მიღწეული გამარჯვება არ ნიშნავს გლობალურ კოალიციის მისიის, ან კამპანიის დასრულებას. ამერიკელი სამხედროების სახლში დაბრუნება დავიწყეთ, პარალელურად კამპანია ახალ ფაზაში გადადის“ - აღნიშნა სარა სანადერსმა

 

სენატორების აზრით, ამ ეტაპზე სირიიდან ჯარის გაყვანა ნაადრევია, რაც აშშ უსაფრთხოებას საფრთხეს უქმნის.

 

,,ჩვენ მივიჩნევთ, რომ ასეთი ქმედებები ამჟამად ნაადრევია და შეცდომაა, ეს არა მხოლოდ საფრთხეს უქმინის აშშ-ს უსაფრხოებას და დაცვას, არამედ ,,ისლამურ სახელმწიფოს“, ბაშარ ასადს, ირანს და რუსეთს ხელს უწყობს. სირიაში 2 000 -მდე ამერიკელი ჯარისკაცის ყოფნა ,,დაეშის“ ქვედანაყოფებთან ბრძოლაში სასიცოცხლოდ მნიშვნელოვანი ფარია“ - ნათქვამია წერილში, რომელსაც ხელს აწერენ სენატორები: ლინდსი გრემი, ჯონ ერნსტი, ანგუს კინგი, ტომ კოტონი და მარკო რუბიო

 

სენატორები აღნიშნავენ, რომ ამერიკული შეიარაღებული კონტიგენტის გაყვანის შემდგომ, სიარიაში შესაძლოა ,,ისლამური სახელმწიფო“ გააქტიურდეს, რაც რეგიონში ირანსა და რუსეთს უფრო თამამს გახდის, რომელიც მოკავშირეებში გამოიწვევს ნდობის შემცირებას.

 

დონალდ ტრამპის გადაწყვეტილება ევროიპელმა ლიდერებმაც გააკრიტიკა. შემდგომ ამერიკის თავდაცვის მდივანის ჯეიმს მატისის გადადგომაც მოყვა. ის პრეზიდენტისთის გაგზავნილ წერილში საუბრობს, რომ მთავრი მიზეზუ, რის გამოც თანამდებობას ტოვებს,არის პრეზიდენტთან შეხედულების შეუთავსებლობა ხაზს უსვამს ამერიკის სამხედრო ძალის განსაკუთრებულ როლს მსოფლიოში და მის მოკავშირეებთან მიმართებაში. .

 

ბოლოს გავრცელებული ინფორმაციით ამერიკას ჯარი ავღანეთიდნაც გაყავს.

 

როგორც ამერიკული მედია იტყობინება სირიიდან ჯარის გაყვანას 60 დან 100 დღემდე დაჭირდება, რომელიც ამ დროისთვის სირიის ჩრდილო-აღმოსავლეთით აშშ-ის 2 ათასამდე, ხოლო ავღანეთში 7000-მდე ამერიკელი ჯარისკაცი იმყოფება.

 

აღნიშნულ საკითხთან დაკავშირებით ,,გლობალპრესსი"  ,,რონდელის ფონდის“ მკვლევარს ზურაბ ბატიაშვილს ესაუბრა. მისი შეფასებით, რადიკალურად ცვლის სამხედრო-პოლიტიკურ სიტუაცუას არა მხოლოდ სირიაში, არამედ მთელ ახლო აღმოსავლეთში, ასევე მან აღნიშნა რომ მიმდინარე პროცესები გამოიწვევს რეგიონში რუსეთის, ირანის და ასადის რეჟიმის პოზიციების გაძლიერებას.

 

ბატონო ზურაბ, როგორ შეაფასებდით სირიიდან ამერიკული ჯარის გაყვანას?

 

ტრამპის ერთპიროვნული გადაწყვეტილება, სასწრაფო წესით გაიყვანოს ამერიკული სამხედრო ნაწილები ჩრდილოეთ სირიიდან (პროქურთული ნაწილები ,,YPG“ აკონტროლებს), ბევრისთვის მოულოდნელი იყო, თვითონ ამერიკის ხელსიუფლებაშიც, ასევე მისივე მრჩევლებისთვისაც. ეს გადაწყვეტილება რადიკალურად ცვლის სამხედრო-პოლიტიკურ სიტუაციას არა მხოლოდ სირიაში, არამედ მთელ ახლო აღმოსავლეთში.

 

ტრამპმა ამ გადაწყვეტილების მიზეზად დაასახელა "დაეშის" (ISIS) დამარცხება. თუმცა, რეალურად, როგორც ჩანს, მოხდა გარკვეული გარიგება ანკარასთან.

 

რეალურად, სირიიდან ამერიკელი ჯარის გასვლა ნიშნავს:

 

-იცვლება სიტუაცია სირიაში და ზოგადად ახლო აღმოსავლეთში

 

-რეგიონში გაიზრდება რუსეთის პოზიციები, რუსეთან ერთად ძლიერდება ასადის რეჟიმის და ირანის პოზიციები, რაც თავის მხრივ, ამ ბალანსის ცვლილება მტკივნეული შეიძლება იყოს ზოგიერთი ქვეყნისთვის. მაგ: ისრაელისთვის, რომლისთვისაც ირანი წარმოადგენს ეგზისტენციულ საფრთხეს. თუ მანამდე ამ ტერიტორიების კონტროლი ისრაელისთვის გარკვეულ წილად იყო გარანტი იმის, რომ ამერიკელები იქყვე იყვნენ და საჭიროების შემთხვევაში დაეხმარებოდენ, ახლა გასვლის შემდეგ ეს სიცარიელე იქმნება.

 

-სიტუაცია იცვლება თურქეთისთვისაც, რადგან ,,ქურთ ხალხთა თავდაცვის ნაწილებს“(YPG) ეგზისტენციულ საფრხედ მოიაზრებს, რომელიც თურქეთი მიიჩნევს ტერორისტრული ორგანიზაციად ,,ქურთისტანის მუშათა პარტიის“ გაგრძელებად სირიაში და აპირებს მის წინააღმდეგ სამხედრო ოპერაციის ჩატარებას. ბევრი რამე იქნება დამოკიდებული იმაზე, თუ რაზე მოილაპარაკებენ რუსეთი, თურქეთი და ირანი, როგორც იცით ირანის პრეზიდენტი იმყოფებოდა თურქეთში, სადაც სავარაუდოდ იქნებოდა სირიის საკითხის განხილვა.

 

ტრამპმა განაცხადა, რომ ,,ისლამური სახელმწიფო“ დაამარცხა, რომლის გამოც სირიიდან ჯარი გაყვს. როგორ ფიქრობთ, დღეს, სირიაში  ,,ისლამური სახელმწიფო“ დამარცხებულია?

 

ISIS არ დამარცხებულა. ბოლო კვლევა, რაც არის სირიასა და ერაყში, ისევ ნარჩუნდება ,,დაეში“, რომელსაც დაახლოებით 14 000 მებრძოლი ყავს. რაც ეს ძალა ისევ წამოყოფს თავს. ამიტომ ჯერ არაფერი არ არის დასრულებული. ტერიტორიები რომელსაც ISIS აკონტროლებდა შემცირებულია, მაგრამ ეს არ ნიშნავს, რომ მათ მებრძოლები არ ყავთ, ან რესურსები არ აქვთ, პირიქით ესენი ახლა ერთად არიან თავმოყრილი.

 

ცვლილებეი დიდი იქნება ახლო ღმოსავლეთში, მათ შორის შეიძლება ერაყზეც აისახოს პირდაპირ, ზოგადად ეს სიტუაცია ჩვენზეც აისახება.

 

ტრამპის გადაწვეტილებას ამერიკაში როგორ შეხვდენ?

 

პენტაგონი, პრეზიდენტის ამ პოზიციას არ ეთანხმება. ტრამპი პრეზიდენტია მაგრამ პენტანგონს თავისი პოზიცია აქვს, არ ეთახმებიან იგივე რესპუბლიკელი კანონმდებლები, მათ ღიად დააფიქსირეს, რომ ეს არის მოკავშირეების მიტოვება და ეს არ არის ის ნაბიჯი, რომელსაც ელოდება მსოფლიო შეერთებული შტატებისგან.

 

ბევრი კომპონენტია, რაც ამ ერთ ნაბიჯს ახლავს. იგივე ბრიტანელების პოზიცია, რომელთაც ძალიან ობიექტური პოზიცია აქვთ. ისინი ამბობენ, რომ არაფერი არ არის დამთავრებული ანუ ,,დაეში“ არ არის დამარცხებული. ამიტომ ბრიტანელები ტრამპის ამ გადაწვეტილებას არ უჭერენ მხარს. თავიდან საფრანგეთმაც გამოაცხადა რომ აპირებს გასვლას, მაგრამ მერე თქვეს: ,,ჩვენ აქ ვრჩებით, რადგან ,,დაეში“ პრობლემაა“ . სახეზე გვაქვს დიდი ცვილებები და აქედან გამოწვეული ზიგზაგები.

 

თქვენ ახსენეთ, რომ შესაძლოა მოხდა გარკვეული სახის გარიგება ტრამპსა და ანკარას შორის, რა სახის შეთანხმება შეიძლება ყოფილიყო?

 

რამდენიმე დღის განმავლობაში სატელეფონო დიპლომატია მიმდინარეობდა ერდოღანსა და ტრამპს შორის, რათქმაუნდა ღიად ბევრი რამ არ არის ნათქვამი, მაგრამ განხილვის თემა იყო სირია და სიარიაში შექმნილი სიტუაცია. სწორედ ამას მოყვა ამერიკული ჯარის გაყვანა.

 

აშშ-ს გასვლის მიზეზი შესაძლოა იყოს ის, რომ მოსალოდნელი თურქული სამხედრო ოპერაციისას არ მოხდეს თურქულ-ამერიკული პირდაპირი დაპირისპირება ჩრდილოეთ სირიაში.

 

ქურთები, რეგიონში ამერიკის ერთერთი მოკავშირეა, რომლებსაც შტატებისგან ჰქონდათ უსაფრხოების კუთხით გარანტიები. როგორ ფიქრობთ, ტრამპის გადაწვეტილება ქურთებზე როგორ აისახება და როგორ დაიცავენ თავს?

 

თურქეთის ორი სამხედრო ოპერაცია მიმართული იყო, როგორც თურქები ამბობენ ტერორიზმის წინააღმდეგ, ერთი იყო ,,ეფრატის ფარი“, რომელიც 2016-2017 წწ განხორციელდა, მეორე კი 2018 წელს ,,ზეთისხილის რტო“ განხორციელა. ისინი ტერორისტებად განიხილავენ არა მხოლოდ ,,დაეშს“, არამედ ქურთულ ნაწილებსაც, რომლებიც მიაჩნია, რომ არის ქურთისტანის მუშათა პარტიის(PKK) გაგრძელება სირიაში. რათქმაუნდა შესაძლებელია მოყვეს დაბომბევბი, რომელიც თურქეთს რამოდენიმეჯერ აქვს განხორციელებული, თუმცა ის იყო ერთეული დაბომბვა, ახლა კი შეიძლება მივიღოთ უფრო მაშტაბიანი სამხედრო მოქმედებები. ამის მოსამზადებელი ნიშნები არსებობს, როდესაც ჩრდილოეთ სირიის საზღვართან, გარკვეულ წერტილებში მიიყვანა მძიმე ტექნიკა და სპეცნაწილები.

 

თურქეთი, ასევე შეეცდება ჩრდილოეთ სირიის ტერიტორიაზე შევიდეს ოპოზიციური ნაწილების საშუალებით, რომლებიც პროთურქული ორინეტაციის არიან. ,,ქურთისტანის მუშათა პარტიას“ ,,ISIS” დაახლოებით 3 200 მებრძოლები ყავს დატყვევებული და არავინ იცის რას იზამენ, შეიძ₾ება გაუშვან კიდეც და ამით შეეცადონ თავდაცვას.

 

შესაძლებელია თუ არა დონალდ ტრამპი იძულებული გახდეს, გადაწვეტილება შეცვალოს და სირიაში დაბრუნდეს?

 

შესაძლებელია უკან დაბრუნების გადაწვეტილება მიიღოს, პოლიტიკაში ყველაფერი შესაძლებელია, რადგან აშშ-მ სირიაში შესვლის გადაწყვეტილებით დიდი რესურსი დახარჯა, იმისთვის რომ დასაყრდენი მოეპოვებინა, ახლა ამის ფაქტიურად ჩაბარებამ, შემდეგში შესაძლოა უფრო ძვირი დაუჯდეს, თუნდაც ისრაელთან მიმართებაში, რადგან აშშ-ს აქვს ვალდებულება დაიცვას ისარაელი. აქედან გასვლის შემხვევაში შეიძლება მოხდეს მოლაპარაკება და თურქეთს, რუსეთსა და ასადის რეჟიმს შორის ტერიტორიების გადაინაწილებასთან დაკავშირებით.

 

იმ ნაწილს, რომელსაც ირანი შემდეგში დაიკავებს, მოყვება სამხედრო ბაზების განთავსება, რომელიც გამოყენებული იქნება ისრაელის წინააღმდეგ. ამ შემთხვევაში ამერიკას მოუწევს არა იმ რაოდენობის ჯარების გადაყვანა, რაც დღეს ყავს, არამედ უფრო მეტი ჯარის შეყვანა, რაც თავის მხრივ უფრო მეტად მტკივნეული შეიძლება იყოს, რაც დროში კიდევ უფრო გაწელილი იქნება, ფინანსურადაც კი უფრო მეტი დაჯდება. ამ ყველაფერს არაერთი სირთულე შეიძლება მოყვეს.

 

აშშ ყოველთვის ჭირდება ყოფნა ადგილზე, საიდანაც ადვილი იქნება სიტუაციის გაკონტროლება საკუთარი მოკავშირეების დასაცავად ჩარევვა. ამის საშუალებას კი ტრამპის ეს გადაწვეტილება ართმევს.

 

მედიაში ექსპერტების ნაწილის მიერ გავრცელდა ინფორმაცია, რომ შესაძლოა ამერიკული ჯარი ნატომ, გაერომ ან ევროკავშირის სამშვიდობო მისიებმა ჩაანაცვლეოს, როგორ ფიქრობთ არის შესაძლებელი?

 

ეს არ არის რეალური იქიდან გამომდინარე, რომ ამას ასადის რეჟიმი და რუსეთი არ დაუშვებს, ისეთი კონტინგენტის განთავსებას, სადაც თვითონ არიან, რომელიც ხელს შეუშლის საკუთარი მიზნების განხორციელბაში, არავინ არ მისცემს ამის საშუალებას.

 

ნაკლებად წარმოასდგენია გაეროსი, რადგან რუსეთს ვეტოს გამოყენების უფლება აქვს. არც ნატოს მისცეს უფლება იმ ტერიტორიაზე შესვლის, რომელსაც საკუთარი გავლენის სფეროდ განიხილავს. ასეთი მზაობა არც ნატოს მხრიდან შეიმჩნევა, მითუმეტეს ნატოს წამყვანი ქვეყანა არის აშშ. თუ ამერიკას შესვლა უნდოდა, აღარ გავიდოდა ან მინიმუმ ჩაანაცვლებდა, ეს არ ხდება სამწუხაროდ.

 

აქედან გამომდინარე კარგ განვითარებას არ უნდა ველოდოთ. იქნება რეაქციები, იქნება რეაქციები ისრაელიდანაც.

 

როგორი იქნება ისრაელის პოზიცია?

 

ისრაელის პრემიერ-მინისტრმა განაცხადა, რომ ისრაელი თავად დაიცვას საკუთარ უსაფროებას ანუ გააგრძელებს ბრძოლას სირიის ტერიტორიაზე, ირანის წინააღმდეგ, რაც შეიძ₾ება გამოიწვიოს დიდი სამხედრო დაპირისპირება, იმიტომ რომ პირველად მოხდა ირანი მიუახლოვდა მის მთავარ მოწინააღმდეგეს ისრაელს საგარეო პოლიტიკაში, რომელსაც მთავრ მტრად განიხილავს. ირანი არც აღიარებს ისრაელის არსებობას, მას ყოველთვის მოიხსენიებს, როგორც სიონისტურ რეჟიმს და მისი მიზანია გაანადგუროს სირაელი.

 

ის რომ ახლოს მივიდა სამხედრო ბაზებითაც, ისრაელისთვის წითელი ხაზებია, ეს კი ისრაელის მთავარი გამაღიზიანებელი ფაქტორია, სწორედ აქედან გამომდინარეობს, ის რომ არის დაბომბვები და დაბომბვიდან გამომდინარე გართულებები სირიაში.

 

თქვენ ასევე ახსენეთ, რომ სირიაში მიმდინარე პროცესები შესაძლოა საქართველოზეც აისახოს, როგორ ფიქრობთ, რა ფორმით შეიძლება შეეხოს საქართველოს?

 

დაეშის პრობლემა, რომელიც არსებობს, საქართველოსთვის მეორე ხარისხოვანი პრობლემა არ არის.

 

სირიაში მიმდინარე პროცესები პირდაპირ აისახება მეზობელ რეგიონებზე. რაც უფრო ახლოსაა ქვეყანა, მით უფრო მეტად აისახება, ეს კი ვიცით ისტორიიდან და დღევანდელობიდანაც.

 

გამომდინარე იქიდან, რომ სირია ესაზღვრება თურქეთს. ბევრი ცდილობს ტერორისტულ საქმიანობაში შემჩნეული პირები გადავიდნენ თურქეთში, შემდეგ თურქეთის გავლით სხვა შედარებით ადვილად შესაღწევ რეგიონებში, იგვე ჩატაევის რაზმაც აჩვენა, რომ ეს ერთერთი მიმართულება, მათი თურქეთიდან შემდეგში გაშლის, (მაგ:იმკურანლონა, დაისვენონ ან ახლობლები მოინახულონ ) სწორედ ეს არის საქართველო.

 

შარშან, როდესაც იყო ჩატაევის შემოღწევა, გვიჩვენებს, რომ ეს პრობლემა არ არის გამოგონილი, შორს არ არის, აქვეა, ახლოს არის და ნებისმიერ დროს შეიძლება გააქტიურდეს.

 

ამას ორი მიმართულება აქვს, ერთია რუსეთის პოზიციების გაძლიერება, იგივე დაეშის გაძლიერება, მეორე ეს არის რუსეთის გავლენის შესაძლო გაძლიერება თურქეთზე, რადგან თურქეთი, როდესაც ჩრდილოეთ სირიაში დაიწყებს ოპერაციის განხორციელებას, დამოკიდებული იქნება რუსეთის კეთილგანწყობაზე, თუნდაც იქიდან გამომდინარე, რომ რუსები აკონტროლებენ სირიის საჰაერო სივრცეს, რომლის გამოყენებაც დასჭირდება თურქეთს იმისთვის, რომ მის მიერ დაწყებული სამხედრო ოპერაცია იყოს წარმატებული.

 

რა უნდა გააკეთის ხელისუფლებამ, რომ აიცილოს საქართველოში ტერორისტული დაჯგუფებების გადაადგილება?

 

ჩვენ არ ვართ იმ დონის ქვეყანა, რომ შევძლოთ პირდაპირი გავლენა მოვახდინოთ რეგიონზე და იქ რამე სამხედრო მოქმედებებში მივიღოთ მონაწილეობა, რომელიც რეგიონის ბედს განსაზღვრავს, ჩვენ ეს არ შეგვიძლია. ჩვენ რაც შეგვიძლია არის, ჩვენი რესურსებიდან გამომდინარე, რაც ქვეყანას გააჩნია ახლოდან ვადევნოთ თვალი ახლო აღმოსავლეთში მიმდინარე პროცესებს, ამ შემთხვევაში განსაკუთრებით სირიაში. თუ იქნა გამოძახილი ერაყში ან თურქეთში ანუ ტერორისტების მოძრაობა შეინიშნა და იქნება ინფორმაცია, რომ ტერორისტები ფიქრობენ სზღვრების გადაკვეთას უნდა ვიყოთ ყურადღებით. ამ შემთხვევაში მაქსიმალურად უნდა გავაძლიეროთ ჩვენი სასაზღვრო ნაწილების შესაძლებლობები, იმისთვის რომ ჩატაევის რაზმის მსგავსად არ მოხდეს შემოღწევა საქართველოს ტერიტორიაზე იმ უკანონო შეიარაღებული ფორმირებების, იმ ტერორისტული დაჯგუფებების, რომლებიც ვნახეთ შარშან თბილისში, ქალაქის ცენტრში

 

უკვე ყველა თანხმდება იმაზე, რომ შავი ზღვის რეგიონში უსაფრთხოების გარანტიების გარეშე შეუძლებელია, ევროპას ჰქონდეს უსაფრთხოების გარანტიები და ეს ძალიან ძლიერი გზავნილია, - ამის შესახებ საქართველოს პრემიერ-მინისტრმა მამუკა ბახტაძემ მიუნხენის უსაფრთხოების კონფერენციაზე ვიზიტის შეჯამებისას განაცხადა.

 

მთავრობის მეთაურმა აღნიშნა, რომ საქართველომ საერთაშორისო პარტნიორებისგან მოისმინა მნიშვნელოვანი მხარდაჭერა ევროკავშირსა და ნატოში ინტეგრაციასთან დაკავშირებით.

 

“შავ ზღვას საქართველოში აქვს ძალიან მნიშვნელოვანი როლი, რაც იმას ნიშნავს, რომ ჩვენი მეგობრები კიდევ უფრო დაგვეხმარებიან, რომ სწორედ საქართველოში გავაძლიეროთ უსაფრთხოების სისტემები, შევიტანოთ ჩვენი წვლილი იმაში, რომ შავი ზღვა იყოს დაცული უსაფრთხო და შესაბამისად - ევროკავშირი და ნატოს წევრი ქვეყნები. ჩვენ მოვისმინეთ რამდენიმე ექსპერტის მოსაზრება, რომ რუსეთის აგრესია საქართველოსა და უკრაინის მიმართ არის რისკის შემცველი მხოლოდ აღმოსავლეთ ევროპისთვის, რაც სიმართლეს არ შეესაბამება. ეს არის გამოწვევა მთელი თავისუფალი სამყაროსთვის, ნატოს და ევროკავშირის წევრი ქვეყნებისთვის. ჩვენ გვაქვს სრული მხარდაჭერა ჩვენს საერთაშორისო მისწრაფებებში, რომ საქართველო აუცილებლად გახდეს ნატოსა და ევროკავშირის წევრი. საქართველო წელს მიუნხენის უსაფრთხოების კონფერენციაზე უპრეცედენტოდ მაღალ დონეზე იყო წარმოდგენილი და გადაუჭარბებლად შეიძლება ითქვას, რომ ეს იყო ყველაზე წარმატებული კონფერენცია საქართველოსთვის, ჩვენი დელეგაციისთვის”, - აღნიშნა მამუკა ბახტაძემ.

ჩრდილოატლანტიკური ალიანსი მზად უნდა იყოს ახალ რეალობაში ქმედებებისთის, რომლის პირობებშიც რუსეთი მნიშვნელოვან ბირთვულ სამხედრო სიმძლავრეებს თავის ევროპულ საზღვრებთან განათავსებს. ამის შესახებ ნატოს გენერალურმა მდივანმა იენს სტოლტენბერგმა მიუნხენის უსაფრთხოების კონფერენციაზე გამოსვლისას განაცხადა.

 

მან ხაზგასმით აღნიშნა, რომ ნატო რუსეთისთვის ტოვებს „ფანჯარას“ 6 თვის განმავლობაში აღადგინოს მცირე და საშუალო სიშორის ბირთვული რაკეტების ლიკვიდაციის შესახებ შეთანხმება. სტოლტენბერგის განცხადებით, ალიანსი ისე, რომ არ დაელოდოს ამ პერიოდს, უნდა მოემზადოს არსებული შეთანხმების მოქმედების შეწყვეტისთვის.

შს მინისტმა გიორგი გახარიამ, შესაძლოა, ეროვნული უსაფრთხოების საბჭოს მდივნის თანამდებობაც შეითავსოს. “გლობალ პრესის“ ინფორმაციით, ეს არის ერთ-ერთი ვარიანტი, რომელსაც ეროვნული უსაფრთხოების საბჭოს მდივანთან დაკავშირებით მთავრობაში განიხილავენ.

 

აღსანიშნავია, რომ სააგენტოს ინფორმაციით, პარლამენტში ინიცირებისათვის წარდგენილი კანონის პროექტის თანახმად, ეროვნული უსაფრთხოების საბჭოს მდივნის ფუნქციას სწორედ საბჭოს ერთ-ერთი წევრი ასრულებს.

 

პარლამენტში ინიცირებისთვის მზად არის საკანონმდებლო პაკეტი, რომელიც ეროვნული უსაფრთხოების საბჭოს ფორმირებას ითვალისწინებს.

 

“ეროვნული უსაფრთხოების პოლიტიკის დაგეგმვისა და კოორდინაციის წესის“ შესახებ კანონში დაგეგმილი ცვლილებები და მისგან გამომდინარე საკანონმდებლო ინიციატივები პარლამენტს ბიუროს დღევანდელ სხდომაზე წარედგინება.

 

ეროვნული უსაფრთხოების საბჭო პრემიერ-მინისტრთან არსებული უსაფრთხოების საკითხების მაკოორდინირებელი სათათბირო ორგანო იქნება.

 

უსაფრთხოების საბჭოს მუდმივმოქმედი წევრები იქნებიან: თავდაცვის მინისტრი, შს მინისტრი, საგარეო საქმეთა მინისტრი, ფინანსთა მინისტრი, სახელმწიფო უსაფრთხოების სამსახურის ხელმძღვანელი, დაზვერვის სამსახურის უფროსი.

ექსკლუზიური

არქივი

« « » » Сентябрь 2019
Пн вт ср чт пт сб вс
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30

ამინდი

თბილისი

ბლოგერები

Global Press
ვალოდია ჯინჭარაძე
ბლოგერი
იხილეთ ბლოგი
Global Press
გიორგი გიორგაძე
ბლოგერი
იხილეთ ბლოგი
Global Press
მერაბ ცაავა
ბლოგერი
იხილეთ ბლოგი

ყველა ბლოგერი

ჟურნალისტური გამოძიება

გამოკითხვა

საქართველოში, პროსტიტუციის ლეგალიზაცია უნდა მოხდეს თუ არა?